الاثنين، ٣١ ديسمبر ٢٠٠٧

صوتى ياللى منتش غرمانه

فاكرين فيلم خلى الدماغ صاحى بتاع سامى العدل و مصطفى شعبان لما سامى العدل كان عامل فيها جن و ابن ملك الجان ؟
فاكرين لما كان بيحاول بينظف المنطقه بتاع مصطفى شعبان و كان عاوز برصف الشارع ؟ و كل اما يجى يرصف الشارع الحكومه تكسر الرصف بحجه دخول الكهربا او التليفون او الصرف ؟ يعنى هو بينظف و الحكومه متعمده تبوظ
ده يا جماعه بيحصل عندنا و اكيد عند كتير منكم
بس من غير ما يطلع لى لا جن و لا عفريت و لا اى حاجه
كل ما فى الامر احنا تعبنا من عدم النظافه و قلنا ننطف
و لمينا من كل شقه مبلغ و قدره و قلنا هنرصف الشارع نظافه يعنى
و بعد اما لمينا من كل شقه الفلوس و رصفنا الشارع
و قلنا هننطف و نطفنا الحمد لله لكن هيهات هيهات
مين اللى بنطف ؟ الحكومه رافضه نظافه الشعب
الان و بكل بجاحه يتم تكسر الرصف فى مدن كتير بحجه دخول الغاز الطبيعى
اهلا بيك يا عمو الغاز بس هو على شان حضرتك تدخل لازم تبوظ لنا الدنيا ؟ ربنا يسمحك
يا ريت يا حكومه تبئى تصلحى الشوارع تانى
مع انى متاكد ان ده عمره ما هيحصل و مش هيحصل ربنا يسامحكم بئه

الجمعة، ٢١ ديسمبر ٢٠٠٧

الحياة منتهى اللذه

فعلا الحياة منتهى اللذه لما القاهرة و مصر كلها تغرق فى شبر ميه من شوية مطره فعلا الحياة منتهى اللذه لما تيجى تروح مشوار سواء بالعربيه او ع رجليك متعرفش بسسب شوية مطره

فعلا الحياة منتهى اللذه لما اقل امين شرطه او مخبر يديك ع افاك و متقدرش تقول ليه عمل كده

فعلا الحياة منتهى اللذه لما تتخرج بعد سنين طويله من المذاكرة ووجع الدماغ و اهلك يصرفوا عليك دم البهم و فى الاخر يقولوا لك

شكرا مش عوزينك
فعلا الحياة منتهى اللذه لما كل حاجه عماله تغلى و الحكومه عماله تخنق فينا و احنا مش قادرين نقول كفايه

فعلا الحياة منتهى اللذه لما كل حاجه يعوزها الحزب الوطنى هى اللى تمشى سواء كانت صح او غلط و الدليل ع كده نكسه 76 انا

اقصد 76 مش 67 لما مبارك حب يعدل الماده 76 و المعارضه طلعت و قالت لا و الشعب طلع و قال لا بس الحزب الوطنى قال نعم و

فعلا تمت زى ما سيادة الحزب عاوز و لما حسوا انها مش نفعه رجع مبارك تانى و قال نعدلها من جديد ده اعتراف صريح بفشل حزبه

فعلا الحياة منتهى اللذه لما كل يوم و التانى تظهر شكوة تعذيب زى بتاع عماد الكبير اوعوا تنسوه

فعلا الحياة منتهى اللذه لما يجى جمال مبارك رئيس لمصر شئنا ام ابينا

و لسه الحياة منتهى اللذه و لسه و لسه
البوست ده قديم من السنه الماضيه لكن بتذكره مع كل مطره

الثلاثاء، ١١ ديسمبر ٢٠٠٧

اسف ! ده اسمه لعب عيال

اااااااااااسف الللى حصل ده اقل ما يمكن ان يقال عنه انه لعب عيال
طبعا كلكم عارفين اقصد ايه
اقصد التصرفات الصبيانيه بتاع الحكومه السعوديه
دى تصرفات عيال بتلعب فى الحاره
مش تصرفات حكومه رشيده المفروض انها تكون زعيمه العالم الاسلامى
انا بقلولهم انتم كده اثبتم انكم
مش تقدروا على تحمل زمام اشرف امه على الارض
مش تقدروا تتحملوا زمام اكبر امه على الارض
الى الحكومه السعوديه
طظ فيكم كلكم
ياللى مش عارفين تحددوا هو الهلال ظهر و لا لاء
و ال ايه عاوزين نتقدم و نتفوق على امريكا و ننتصر على اسرائيل
هنتقدم ازاى و انتم مش عارفين تشوفو االهلال
طظ فيكم واحد واحد
و من غير اعتذار للالفاظ
و تالت مره طظ فيكم
انتم ضيعتوا علينا صيام يوم من الايام العشر اللى رب الكون اقسم بيهم
طظ فيكم ياللى كل همكم الخلافات بس و جمع الاموال اللى ان شاء الله
ربنا هياخدها منكم قريبا زى ما وهبها لكم
طظ فيكم و من كل قلبى
و بقولها بكل غل و من كل قلبى
طظ طظ طظ طظ فيكم الى الابد
معلش انا بكتب البوست ده و انا كلى مراره و اسى و حزن
لان دى مش اول مره الحكومه السعوديه تعملها معنا
ثم الان الامر مش مستاهل انه يحصل فيه اللخبطه دى
ده هلال و بشوفه يا عالم
مش بخترع الذره
او بعمل نووى

الجمعة، ٧ ديسمبر ٢٠٠٧

ما تم الاتفاق عليه فى رابطه مدونى الدلتا

بسم الله الرحمن الرحيم
الاخوه الافاضل الاعضاء فى رابطه مدونتى الدلتا
2007/ تم اليوم الخميس الموافق 4 / 12
الموافق 26 من ذى القعده سنه1428 هجريا
عقد الاجتماع السادس لرابطه مدونى الدلتا
برئاسه العضو
محمد مارو
و حضور مجموعه من الاعضاء و الاخوه الافاضل
و قد تم الاتفاق على ما يلى
اولا / الاستمرار فى حملة التضامن مع اهل غزه ماديا و معنويا
ثانيا / الاستمرار فى حمله مقاطعه بجيب ساويرس و قد تم اختيار يوم 9/12 لوقف استقبال او ارسال اى مكالمات من موبينيل اى الى موبينيل و نشر و تعميم هذه الحمله و تعريف باقى الناس بهذا اليوم
ثالثا / الاتفاق على اعاده وتنظيم و هيكله الرابطه
و قد قدم العضو محمد مارو الاقتراحات التاليه و تم التصويت و الموافقه عليها
اولا / الاعضاء السابق ذكرهم هم الاعضاء الاساسيين ان شاء الله
لاستمرار الرابطه على ان يتم الاتصال بكل من الاخوه الاستاذ عادل نجم و الاستاذ معتز و الاستاذ الششتاوى و الاستاذ اسلام و باقى الاخوه و الاخوات لمعرفه مدى استمرارهم معنا و طبعا نامل و نتمنى ان يكونوا معانا دايما
ثانيا / الاتفاق على عقد لقاء فى اول خميس من بدايه كل شهر الساعه الثالثه عصرا
ثالثا تم الاتفاق على ان يكون المنسق العام يتغير بصفه دوريه مع بدايه كل دوره و يتم اختياره ابجديا
رابعا الاتفاق على حقوق وواجبات المنسق العام
من حقوقه
له الحق المطلق فى اختيار موضوع النقاش و جدول اعمال دورته
تكون الجلسه برئاسته لتنظيم الكلام بين الاعضاء و لابداء الاراء
اذا كان هناك اى مؤتمر او اى ملتقى يكون هو المحدث الرسمى للمجموعه
اما واجباته
التنسيق بين الاعضاء لمعرفه وتاكيد من سيحضر من عدمه
الاتصال بجميع الاخوه الاعضاء لمعرفه اخبارهم و ابلاغ باقى الاعضاء فى حالات ( الفرح / النجاح / اعياد الميلاد / المرض / الاحزان ) لتقديم الواجب المطلوب
و ايضا ابلاغ الاعضاء لتقديم الواجب كل واحد باسمه
ملاحظات
اولا تم الاتفاق ع ان يكون رئيس الدورة القادمه الاستاذ تامر بدلا من الاستاذ البوسطجى نظرا لظروف امتحاناته
على ان راس هو الدورة اللى بعدها
ثانيا البنود السابقه تم الموافقه عليها و غير مطرروحه للنقاش او الحذف لكن يمكن الاضافه عليها
و يتم ابلاغ رئيس الدورة فى حاله الاضافه حتى يدرجها فى جدوله
ثالثا / فى حاله وجود اى طوارى تمنع من الحضور فى الميعاد المتفق عليه امطار مثلا او تقلبات جويه يكون اللقاء الخميس اللى بعده و يكون هذا بناء على راى رئيس الدورة وقتها و هو الذى يحدد هل يتم التاجيل ام لا
مع تحياتى لكم
محمد مارو

الأحد، ٢ ديسمبر ٢٠٠٧

عمال غزل المحله .....منى ليكم الف تحيه

عمال غزل المحله منى ليكم الف مليون تحيه ياللى علمتوا المتعلمين ايه معنى الحريه و الاضراب و الاعتصام  
 
عمال غزل المحله الشرفاء ياللى عرفتوا ازاى  تركعوا الحكومه فى اقل من اسبوع

عمال غزل المحله  الف شكر  ليكم  كلكم

بسببكم الشعب فاق

بسببكم الشعب عرف ان له حقوق و له مطالب

بسببكم  الاضرابات و الاعتصامات ملت البلد

سواء اضراب و اعتصام  موظفى الضراب  او عمال غزل شبين او غيرها و غيرها

بس الاهم  و المهم انكم ياللى ممكن اوى كتير منكم يكون يادوب بيفك الخط

انتم علمتوا اساتذة الجامعات ازاى يعملوا اضراب

و ها هم الان بيطالبوا بحقوقهم و عملين اضراب
و بيهددوا بالاعتصام زى ما عملتم

الاثنين، ٢٦ نوفمبر ٢٠٠٧

هديه للحكام العرب قبل انابولس


يلا يا مبارك لم اصحابك و اشتروا بدله جديده ع شان هتروحوا ام الدنيا
و ست الكل
امريكا
كل واحد منكم بئه يروح يشترى له بدله حلوه كده و شيك
و اللى بيلبس الجلباب يروح السعوديه دى فيها شويه جلاليب حلوه اوى
او اقول لكم ابعتوا هاتوها من امريكا احسن ما هى امريكا اللى بتلبسنا و بتحمينا و بتصرف علينا و بتحللنا مشاكلنا
بس عاوز يا عرب افكركم بحجتين مهمين اوى
الاولى
ان كل مره لما سيد البيت الابيض يجى يخرج منه يعمل مؤتمر بدعوى البحث عن حل للقضيه الفلسطينيه
زى كلنتون كده
سيد البيت الابيت يفضل يدمر فينا طول 10 سنين و يجى فى اخر شهر له و عاوز يحلها
و انت فين طول العشر سنين ؟
عمال تدمر فى افغانستان و العراق و بمساعدتك كانت لبنان
و كنت عاوز تدمر سوريا بس العراق اداك درس
بالرغم ده كله مبارك بيقول انه متفائل من المؤتمر
انا مستغرب من الحكام دول
هما بيضحكوا عنفسهم و لا بيضحكوا علينا
و على رأى محمد صبحى
والله ما بتفرق معانا الاسماء
لا انابولس و لا ون ريفير و لا كامب ديفيد و لا اسلو

و لا اى مؤتمر من المؤتمرات
اصحوا بئه
الحاجه التانيه اللى عاوز افكر العرب بيها و افكر نفسى و افكركم معايه
صور الحرب ع لبنان

دى عباره عن شويه اطفال اسرائلين بيهدوا و بيكتبوا اهداء ع الصواريخ اللى راحه لاطفال لبنان











ايها العرب الافاضل
دى شويه صور بفكركم بيها مع انى عارف انها صعبه اوى
بس بفكركم انت راحين تحطوا اديكم فى ايد مين
و الناس دى عملت فينا و بتعمل فينا ايه
مع انى عارف ان المؤتمر ده ضحك ع الدقون و كلهم زى بمض
و تانى
و الله ما بتفرق معانا الاسماء
يلا بئه روحوا امريكا و شوف الموزز و عيشوا لكم يومين هناك
و تعالوا ائرفونا تانى

الجمعة، ٢٣ نوفمبر ٢٠٠٧

السبب فى تخلفنا

كثير منا بيحاول يفهم او عاوز يعرف ايه السبب فى تخلفنا كمصريين بصفه خاصه( حضارة 7000 سنه )
و كعرب بصفه عامه رغم كل امكانياتنا الماديه و ثرواتنا الطبيعيه


عشان كده هحاول انى اقول سبب تخلفنا من وجهة نظرى الشخصيه

ع شان نعرف سبب تخلفنا تعالوا نشوف من اول يوم الطفل بيتولد فيه


اول ما يتولد الطفل عندنا فى العرب ننزل فيه هاتك يا بوس
فرحانين بيه بئه و نفضل نقوله ايهالحلاوه دى ايه الجمال ده


يا كميله و نفضل ع الحال ده لحد ما يروح المدرسه
و يمكن كمان لحد اما يخلص الابتدائيه

واحد يقولى وايه الوحش فى كده

انا اقوله من هنا بنربى الطفل ع الجنس و بنغرس فيه حب الجنس

هيقولى ازاى برضه مش فاهم

هقوله لما نفضل نتكلم ادامه ع انه جميل اما يكبر لازم يسعى
ع شان يفضل جميل و اللى يشغل باله لا الشغل و لا اى حاجه
غير انه ازاى يكون جميل و امور ع شان الجنس المختلف يحس بيه

عالعموم نشوف نقطه تانيه

الطفل كبر وراح المدرسه
دخل سنه اولى و الحمد لله نحج فى الفلاحين
و الارياف من و هو طفل بيروح مع ابوه الغيط و بيساعه ابوه

لكن تعالى بئه فى المدينه الواد خلص هيعملوا ايه ؟
اما يودوه النادى لو مستواهم المادى كويس
او يسبوه يلعب فى الشارع لو مستواهم عادى

و يفضل كده كل سنه و سنه ورا سنه
يخلص الابتدائى و هو متعود
انه يذاكر شويه و بعدين يلعب و يهيص طول الصيف

لكن بتاع الارياف واخد انه طول السنه
بيذاكر و برضه بيروح الغيط يعنى واخد ع الشغل من صغره

شغل يتناسب مع سنه
الاتنين يخلصوا الابتدائى و يطلعوا ع الاعدادى
بتاع المدينه يذاكر و يتعلم شويه فى الشتا و يهيص و يلعب فى الصيف
لكن الارياف يبدا يهتم اكتر بالارض و يقل الاهتمام بالتعليم
و يخلصوا الاعدادى
بتاع المدينه شحت و زى التنيل بياكل و بيشرب و متعلم و بتاع
الريف للاسف امى لا بيعرف يقرا و لا يكتب بس عنده ارضه و شغله و زراعته

هنا بتاع الريف يبطل مدرسه او ع الاقل يدخل دبلوم
و بتاع المدينه يكمل ثانوى و يكمل دراسته
بس للاسف بيجى الصيف كل سنه يلعب و يهيص بحجه
ال ايه انه تعبان طول السنه فى المذاكره

و لازم يريح
المهم بتاع الريف يخلص دبلوم او حتى لو ربنا وفقه و راح كليه بس
تلاقيه بيقول كلمه واحده بس انا ممكن اشتغل اى شغلانه

بتاع المدينه بئه بيه و باشا خلص ثانوى و كمان كليه و هو مش بيعرف حاجه غير انه بيعرف يقرا و يكتب حتى كليته مش اتعلم منها حاجه اصلا
و يخلص كليه و يصبح عااااااااااااااااااااااااطل
لا وراه شغله و لا مشغله لانه عاوز مكتب يقعد عليه متعلم بئه
لكن بتاع الريف اللى اتعلم و يشتغل من صغره بيروح يشتغل و يكسب

بس للاسف المحصله فى الاخر صفر
لان لا اللمتعلم الدوله فى حاجه له لانها
عاوزه واحد حرفى صنيعى لاننا مجتمع متاخر و تالت

و لا عوزه الحرفى الصنيعى الجاهل الامى احنا عوزين
شباب متعلمين و حرفيين مع بعض فى كل المجالات

احنا عوزين نتقدم بالعلم و معاه الصنعه و الحرفه
مش عوزين شباب ع مكاتب
ع شان كده لازم من الصغر نعلم ابنائنا ازاى
يشتغل و ازاى يصنع و ينتج

مش نعلمه انه يطلع تنيل من تنابله السلطان

السبت، ١٧ نوفمبر ٢٠٠٧

زياره اخ مريض محتاج لكم

اخوانى المدونين و المدونات
انطلاقا من كوننا اسره واحده وفى مجتمع واحد و يجب ان نكون كلنا ايد واحده ليس فقط فى مواجهة النظام بل فى الحياة العامه و الاجتماعيه ايضا
من هذا المنطلق و من هذا المبدا
يوجد اخ لنا مدون وحيد ليس له الا الله و احنا
احنا اخوته و اخواته هذا المدون هو عمر الشرقاوى تعرض منذو يومين لحادث سير اثناء ذهابه الى القاهره و انكسرت قدمه اليمنى و اصيب ببعض الجروح و الكدمات الى جانب تأثره النفسي من أثر الحادث
و هو الان وحيد ليس له اخوه و لا اخوات و محتجنا و محتاجكم جانبه من هنا فقد اتفقنا ان نذهب له يوم الخميس القادم ان شاء الله
وندعوكم لمشاركتنا في عمل زيارة جماعية له
انطلاقا من حديث رسول الله صلى الله عليه و سلم ما من مسلم يعود مسلماً مريضاً غدوة إلا صلى عليه سبعون ألف ملك حتى يمسي، وإن عاد عشية إلا صلى عليه سبعون ألف ملك حتى يصبح، وكان له خريف في الجنة) الترمذي (969).
ملحوظه
سواء اتفقنا معه فى الرأى او اختلافا المهم كلنا شعب واحد و ليس من الضرورى ان تكون متفق معاه فى اراءه
فهذة الزيارة من الجانب الإنساني انطلاقاً ان الإنسان يقف بجوار اخيه الإنسان في الظروف الصعبة
و انت هتزوره كا اخ مسلم محتاجلكم جميعا
اتمنى ان تلبوا الدعوة و اعتبروها وقفه احتجاجيه او لقاء تلفزيونى او مؤتمر من اللى بنجرى وراهم دول
و الله الزياره دى هى الباقيه ليك فى الاخره لان ثوابها كبير جدا و هترفع من معنوياته جدا
اخوكم
محمد مارو و محمود الششتاوى

للاستفسار عن كيفيه الوصول و التنسيق
نرجى الاتصال بالرقم ده 0182491025

اتطبخت يا معلم

كده بالهنا و الشفا عليكم يا مصريين
و اقول لكم كده قضيه الشاب المصرى اللى مات من التعذيب كده اتطبخت و ماتت خلاص
ايه الحكايه انتم هتعيشوا فى الدور و هتاخدوا عليها و لا ايه ؟
انتم هتخدوا على ان كل يوم و التانى الحكومه تحبس لكم ظابط شرطه و ترفده ع شان سواد عيونكم
هتجيب ظباط منين بعد كده بئه ؟
دى صرفت عليهم دم قلبها
كفايه اوى واحد و كان طالع من عيون الحكومه انها ترفده بس يالله زكى رمضان
فوقوا بئه و اصحوا بئه
و اللى مش مصدق انها اتطبخت لحد ما شاططت و رحتها طلعت كمان
اللى حصل يوم الخميس الماضى
لما مجموعه من الشباب نظمت نفسها ع شان تعمل وقفه احتجاجيه سلميه جدا و متحضره جدا و بالشموع
فى الاخر يجى الامن و يفركش الوقفه
و كمان يعتقل الناس امثال الجيزاوى
السؤال بئه ليه عملتم كده يا داخليه ؟
هو انتم مش هتحكموا الظابط ده و لا ايه ؟
و الله اللى انا حاسه ان مدام فركشوا الوقفه يبئه كل سنه و احنا طيبيبن و هما متهناين
مدام مش حبوا الناس تتكلم و تتظاهر مظاهره سلميه متحضره يبئه كده بيكتموا ع الخبر
و اتطبخت
و كلوها يا مصريين بالهنا زى ما اكلتم قبل كده العباره و قطار الصعيد و فلوس الريان و غيره و غيره
كلوا و اشربوا
ان كنتم لائين تاكلوا اصلا
ما دى الوكسه
يالله يا بخت مبارك بيكم
شعب مهما يتعمل فيه
ساكت مؤدب مش بيتكلم
يالله معانا الله ده كفايه اوى و كفيل بيهم ان شاء الله

الأربعاء، ١٤ نوفمبر ٢٠٠٧

صباح الخير يا نواره نجم صباح الخير يا شمس صباح الخير يا بطه

فى موضوع بجد هو فعلا خطييييييييييير جدا و اللى تبنته الاخت نواره نجم
و انضم ليها كل من شمس و بطه
لو مش تعرفوا الموضوع
الموضوع
بخصوص الاقصر لاس فيجاس
مدينه الاقصر الغاليه و العزيزه ع كل مصرى و ما فيها من حضاره و عراقه و ريحه و عرق المصريين
الاخت نواره و كل من الاخ شمس و الاخت بطه بيقولوا ان الاقصر اتسرقت منا و فين حقوق الملكيه الفكريه ؟
انا بقول لهم صباااااااااااااااااااااااااااااح الخير
صباااااااااااااااااااااااااااااااح الخير يا نواره صبااااااااااااااااااااااااااااح الخير يا شمس صبااااااااااح الخير يا بطه
انتم زعلانين ان الاسم اتسرق منا و مش زعلانين ان مصر كلها اتسرقت منا
مصر كلها امريكانى
فين مصر ؟
حد يجاوبنى
فين مصر يا جماعه
نظام الحكم امريكى
مش يعرف ياخد اى قرار الا بمواقفه الامريكان
الشعب متامرك
سواء فى نظام اللبس اللى تلاقى البنت تبين سرتها ووسطها و الشباب اللى بتلبس وسط ساقط
او فى اللغه حتى
كل واحد بيتباهى انه امريكى و بيعرف يتكلم زيهم و انه عارف له كلمتين انجليزى و امريكى حلاوه كده يعنى
اسماء المحلات و المصانع امريكى
اسماء العيال الصغيره امريكى
اقتصادنا نفسه و لقمه عيشنا فى ايد الامريكان
فين مصرنا بئه ؟
الامريكان فى كل حته و ايديهم فى كل حته فى مصر
لما تعرفوا ترجعوا لنا مصرنا ابئوا ازعلوا ع الاقصر
و الله انا مستغرب من الشعب المصرى ده اللى ينتفض و يثور عشان مدينه و سايب بلد بحالها
ده مش معناه انى موافق ع سرقت الامريكان لينا بس الله يكرمكم انتفضوا كمان من اجل مصر بالمره
و لا مصر مش تهمكم و اللى تهمكم الاقصر بس؟

الأحد، ١١ نوفمبر ٢٠٠٧

غطينى و صوتى عليه يامه

غطينى و صوتى عليه يامه و ياريت الكل يصوت معاها
ما خلاص الحكومه موتتنا خلاص و هتموتنا اكتر و اكتر
لاء لاء انا مش بتكلم ع المواطن اللى الحكومه عذبته فى العمرانيه و لا مواطن المنصورةو
لا بنت الفيوم اللى الحكومه داستها بالعربيه ادام اهلها
لاء لاء
دول ارتاحوا خلاص و المفروض نشكر الحكومه انها ريحتهم بدرى
انا عوزكم تصوتوا عليه لان الحمكومه المصريه خلاص هتجوعنا اكتر و اكتر و اكتر
من ما نحن جاعنين الان
ازاى يا ولاد ؟
بكل بساطه و بعمليه مش يعملها غير شويه ابلسه و شياطين
و فى اجتماع الشياطين و الابلسه السنوى
اللى بيسموه مؤتمر الحزب الوطنى السنوى
( بالظبط زى الاجتماع اللى عمله ابو لهب للتخلص من رسول الله صلى الله عليه و سلم )
لما اتفقوا و خرجوا بفكره شيطانيه ازاى يتخلصوا من رسول الله و فى نفس الوقت قبيله بنى
هاشم مش تقدر تتكلم و اتفقوا انهم يضربوه ضربه رجل واحد
نفس الفكره بس طبعا لله المثل الاعلى و لرسوله
و لهم هما المثل الاوطى و لحزبهم
الناس دى اتفقت ع الشعب المصرى الجعان الغلبان المعدوم انهم يتخلصوامنه بفكره عبقريه
عن طريق رفع الدعم عن اى شىء ( طبعا ان كان فى دعم اصلا ) و قال ايه هيدوا للناس
فلوس و ده هيكون دعم مادى بدل المعنوى
يا خراااااااااااااااااااااااااااااااااااابهم
يعنى كده يا ولاد ممكن رغيف العيش يوصل لربع جنيه او نصف جنيه و يدولك هما شلن
زياده
هما طبعا اول سنه هيدولك الشلن ده و بعدين هيكبروا دماغهم سنه ورا سنه زى ما عملوا
فى التموين اللى كنا نسمع عنه
او فى البطاله اللى كل يوم بيكبروا دماغهم بيها
اه طبعا الراجل الكبير ماشى بئه و عوزين يلموا فلوس اكتر و اكتر اصله فاكر انه هياخدها
معاه
او فاكر انه ممكن يدخلها بفلوسه او يشترى له حته فردوس كده ع النيل تحفه
يا عم راعى ربنا بئه
الناس غلابه
و الله و الله و الله مش عارفين يشتروا الرغيف ابو شلن
هيشتروا ابو ربع او نصف جنيه
حررررررررررررررررررررام
انا عن نفسى باصص للموضوع ده بصه تشاؤوميه جدا
ربنا يستر بئه
اه بالحق نسيت اسال الابلسه دول
انتم هتوصلوا ازاى الدعم المادى ده للناس ؟
يعنى هتدوا لكل واحد الشلن الزياده ده ازاى ؟
عن طريق التموين ؟
انا مليش بطاقه تموين زى ما كل الناس عارفه
لان زى ما الكل عارف انا بطاقتى التمونيه ع بطاقه الاسره لكن لما اتجوز بعد عمر طويل و اجيب ربع عيل ده ملوش تموين
امال عن طريق الرقم القومى ؟
بجد مش عارف بس تانى ربنا يستر
امتى بئه يارب نخلص من البلد دى ع خير
ادعوا لى اخلص بئه

الأحد، ٤ نوفمبر ٢٠٠٧

دعوه بالشفاء


اخوانى المدونين و اخواتى المدونات

انطلاقا من انى بشوف ان كلنا اخوه مع بعض سواء اتفقنا او اختلفنا فى الاراء او الموضوعات او التوجهات


و من منطلق الاخوه دى


انا بسألكم دعاء صافى من القلب لوالد اخت لينا


اخت فاضله و محترمه لا ازكيها ع الله بس والدها مريض


و محتاج دعائكم بالشفاء


و كما قال رسول الله صلى الله عليه و سلم


من دعا لأخيه بظهر الغيب، قال المَلَكُ المُوَكَّلُ به: آمين ، ولك بمثل





اسئلكم الدعاء و الشفاء العاجل له و لكل مرضى المسلمين و المسلمات

الخميس، ١ نوفمبر ٢٠٠٧

حراااااااااااااااااااميه

مش عارف ايه بلد الحراميه دى ؟

البلد اللى لا بيحكمها قانون و لا دستور و لا اى حاجه

المفروض فى اى بلد محترمه بيكون فى قانون بينظم تعامل الافراد مع الحكومه و
مع الموسسات الحكوميه

عشان لا المواطن يسرق الحكومه و ده طبعا صعب و لا ع شان الحكومه تسرق المواطن بس للاسف ده اللى بيحصل
عندنا فى مصر مثلا

انا اتخرجت و الحمد لله و روحت اشوف موقفى من التجنيد
اخت تاجيل لمده ثلاث سنوات

بس طبعا مختوش ببلاش

انا كان لازم ادفع ما علينا دفعنا و كعينا

و بعد التلت سنوات ما خلصوا روحت اخد بئه المعافاه

قالوا ادفع كام يا عم قالى 15 جنيه

قلت له اوكى خد الفلوس اهه احسن من وشكم و
مش عاوز اروح الجيش ده

مش تهرب منه بس ع شان التحكم اللى فيه ده و الذل و المهانه

دفعت قالى تعالى بعدها ب 15 يوم خد الشهاده روحت اخدها قالوا

ادفع تانى قلت اوكى كام يا عم قالى 5 جنيه قلت ماشى
خد اهوه و خت الشهاده و مشيت

اخويه بئه اصغر منى شويه

هو معاده ياخد شهاده المعافاه بعدى راح ياخد الشهاده
بعد ما اختها بشهر بس

انا واخدها فى رمضان

هو واخدا اليوم

بس طبعا ده شهر و لازم الفلوس تغلى

انا كنت دافع 15 جنيه فى الاول

هو دفع 25 جنيه

انا فى المره التانيه دفعت 5 هو دفع 15 جنيه

انا بئه عندى سؤالين

هو ليه الفلوس دى مش ثابته و اضمن منين ان الفلوس دى
مش اللى فى الادراه اللى بيخدوها مدام كل يوم بتغلى كده ؟
كمان
الفلوس دى بتروح فين ؟

انا يوم ما كنت رايح كان فيه حوالى 1000 شاب
او اكتر كنا كتير اوى فعلا
و ده من منطقه واحده

و كل يوم هنقول فى 1000 بيخدوا منهم 25 جنيه يعنى 25000
جنيه كل يوم من منطقه واحده
ده من تاجيل الجيش بس

تعالوا كده نشوف استخراج البطاقه

ع شان تستخرج بطاقه لازم تدفع 15 جنيه استماره لو قلنا
كل يوم فى مليون واحد بيستخرج بطاقات يبئه فى 15 مليون جنيه

و شهادات الميلاد بئه ب 27 جنيه

و زى ما بيقولوا كل دقيقه فى 4 مواليد شوفوا بئه فى
اليوم كام مليون ع شان شهاده الميلاد
عاوز اعرف كل الفلوس دى بتروح فين

و لما يجوا يبنوا مدرسه او مستشفى بيشحتوا عليها
زى مستشفى 57357
اللى شحتوا عليها من طوب الارض

لكن لما يبنوا مدينه انتاج اعلامى تلاقى الفلوس طلعت هوا
حسبى الله و نعم الوكيل

الثلاثاء، ٣٠ أكتوبر ٢٠٠٧

يوم ضد المذابح الامريكيه

اخوانى المدونين و المدونات
اولا اهلا بكم
ثانيا انا جالى التعليق التالى

نظرا لتميز مدونتك تمت أضافتها لدليل الصباغ للمدونات

===================

شاركنا الشعب الأمريكى أحزانه على ضحاياه
فى ذكريات سبتمبر/أيلول الأليمة

لكن دعونا نُذّكر العالم بالجرائم الأمريكية التى أرتكبتها
الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية
..............................................

كده التعليق خلص
طبعا انا لى الشرف انى انضم فى المجموعه دى
و ع طول روحت عند صاحب التعليق و شوفت البوست ده
بوست اكتر من رائع عن الجرائم الامريكيه ضد شعوب العالم
البوست اهوه
ملحوطه مهمه البوست مش بتاعى انا نقله بالكامل و
الكلام مش كلامى انا نقله من اللينك ده
http://ahmedelsabbagh.blogspot.com/
شاركنا الشعب الأمريكى أحزانه على ضحاياه
فى ذكريات سبتمبر/أيلول الأليمة
لكن دعونا نذكر العالم بالجرائم الأمريكية التى
أرتكبتها الولايات المتحدة الامريكية ضد أبرياء وأطفال ومدنين
شارك وأدعم فكرة تخصيص يوم 30 أكتوبر يوما للجرائم الأمريكية

هيروشيما ونجازاكى
فيتنام
أفغانستان
العراق
أبو غريب
جوانتانامو


فكرة البوست دى جاتنى وانا بتفرج على الصور البشعة فى
معرض الصور الفوتوغرافية
للهجمات الذرية على هيروشيما ونجازاكى
اللى اقامتة مكتبة مبارك
وشوفت اد ايه مناظر الدمار والهلاك والرعب
وكمية القتلى والمحروقين من الاطفال والشباب والنساء والرجال كمان
وقررت طرح فكرة تخصيص يوم 30 أكتوبر من كل عام
للتذكير بالجرائم الأمريكية
وما تسألوش اشمعنى 30 اكتوبر
لأن لما تقرا فى تاريخ امريكا هتلاقى فى كل يوم جريمة جديدة
وأى يوم يصلح يكون ذكرى
وعلى طول افتكرت اللى عملوه الامريكان فى الاماكن المنكوبة
رغم ان الامريكان مش فقرا
ومش ناقصهم اكل ولا شرب عشان يعملو كدة فى خلق الله الغلابة
اللى عايشين بيحلمو بلقمة عيش ومتوى

محارق جماعية

ادوات وغرف تعذيب

انتهاك اعراض

اطفال بأجسام محروقة ومتشوهة

اسر فقد عائلها واتشردت واتشتت بلا مأوى

تلوث بيئى ومبانى متدمرة ورعب

هى خلاصة جولتى فى عالم الجرائم الامريكية
"لرؤية الصور واضحة برجاء الضغط عليها"


هيروشــــيما ونجـــــازاكى


فى صباح اليوم السادس من اغسطس 1945 م
وكنهاية للحرب العالمية الثانية
اللى مات فيها 60 مليون نفس بشرية
القت امريكا القنبلة الذرية الاولى فى التاريخ
وتزن 4500 كيلو جرام
وبعد 60 ثانية من التفجير
كان 66000 بنى ادم قد قتلوا
و69000بنى ادم قد جرحوا
بواسطة التفجير المتكون من 10 كيلو طن
ورغم اصلا ان الخبراء
بيقولوا ان اليابان كانت مستسلمة
الا ان بعدها بتلات ايام وفى يوم 9 اغسطس
رمت امريكا القنبلة التانية على ناكاساكى
وفى خلال ثوانى كان 39000 نفس بشرية كانت ازهقت
وكمية الدمار والهلاك الناتجة والخسائر البشرية الفادحة انهت الحرب
وكانت دى بداية الجرائم الامريكية الكبرى


سحابة مشروم بإرتفاع 18 كم ناتجة عن الانفجار النووى على مدينة ناكاساكى باليابان
بتاريخ 9 أغسطس 1945م عن ويكيبيديا

الطائرة بعد ألقاء القنبلة ويبدو أسفل المنظر الرهيب للأنفجار



وده البنى ادم الباقى بعد القاء القنبلة
حرب فيتنام
وهى احدى الحروب التى توضح حب امريكا للسيطرة
والتدخل فى شئون البلاد والعباد مخلفة الدمار والهلاك والرعب وحرق للزرع والنسل
وكانت فيتنام الجنوبية متحالفة مع امريكا ضد فيتنام الشمالية


ومن اشهرها مجزرة ماى لاى اللى الامريكان حرقوها بساكنها ومبانيها




اعدام الأطفال ممارسة أمريكية قديمة

حسبى الله و نعم الوكيل
عدد القتلى: أكثر من 1250000 (من فيتنام الجنوبية)، 58226 (من الولايات المتحدة) عدد الجرحى: 153303 (من الولايات المتحدة) عدد القتلى: 1100000 (من فيتنام) عدد الجرحى: 600000 مجموع عدد الضحايا: حوالي 2 إلى 4 مليون


أفغانستان
وطبعا كلنا عارفين الفيلم قصدى القصة كلها
من احداث حداشر سبتمبر لغاية الحرب على تنظيم القاعدة

أفغانيون يدفنون أقاربهم الذين قتلوا أثناء الهجوم الأميركي"خاص بالجزيرة
حرب العـــــراق

وللحرب دى أثر خاص فى نفوسنا
حيث ان العــــــــراق عربيـــــــــــــــــة وإســـــــــــــلامية
والعراق احد رموز العروبة
ويعز علينا نشوف اهلها بيتقتلو
وبيموتو فى انفجارات مالهاش اخر

واكتر حاجة تضحك هى التبريرات اللى قالوها سبب الغزو
البترول العراقى ؟؟؟ ماهو تحت السيطرة اصلا
اسقاط نظام صدام ؟؟ ما هو كل اللى عملو كان تحت عينك يا امريك
اسلحة الدمار الشامل ؟؟؟ هى فين دى ؟؟ وما اكثرها عند امريكا وما اكثر ما اذت العالم بها
السبب الحقيقى
هو تقسيم العراق وتدمير البنية التحتية له

ابو غريب

ومين منا ما شافش اهرامات الجثث
ومين ما شفش السحل والضرب والكهربة
والله ده خزى وعار على امريكا



للاطلاع عالموضوع بالكامل ع اللينك ده
http://ahmedelsabbagh.blogspot.com/
انا بس لى تعليق صغير انا مش مع الاحتجاب
بس ممكن نخليها تذكره سنويه زى ما صاحب البوست كاتب
شكرا لدعوه صاحب البوست للانضام لهم

الجمعة، ٢٦ أكتوبر ٢٠٠٧

يا ريت تشارك

اخوانى المدونين والمدونات

السلام عليكم ورحمه الله و بركاته

كتير منا معارض للنظام وبرضه كتير موافق ع النظام

( الاختلاف فى الراى لا يفسد للود قضيه )ا

ع شان كده اتمنى انى اعرف من كل واحد  معارض للنظام هو عاوز ايه من النظام

يعنى تتمنى ايه من  مبارك و الحكومه و الحكومات

و لو موافق عليه عاوز اعرف انت موافق عليه ليه ؟  

ممكن واحد يقول و هى ده حاجه عوزه كلام ما البلد  باينه و فيها كل حاجه اهه

انا عاوز اعرف كل واحد بيفكر ازاى و كل واحد عاوز ايه

احتياجاتى غير احتياجاتك  غير احتياجات ناس كتير

ع شان  كده عاوز اجمع  المطالب   

و طبعا ع شان  محدش يتاثر برأى حد انا هخلى البوست ده التعليقات فيه غير مرئيه الا لما ينتهى الموضوع
ادخل و اكتب مش هتخسر حاجه  

بس   يا ريت تكتب فى الاول  انت موافق  ع النظام و لا معارض له  
(  متخفش امن الدوله مش بيدخل عندى )  خد  راحتك

و يا ريت   تاخد راحتك ع الاخر  و خد وقتك فى التفكير

اتمنى ان  تكون الاراء بدون  تجريح او  اساءة لاى راى

الجمعة، ١٩ أكتوبر ٢٠٠٧

GAME OVER


اليوم كان عندى لقاء فى الاسكندريه مع مدونه يالله نفضحهم

مش هخبى عليكم انا مكنتش متحمس اوى انى اروح هناك

قلت لسه هسافر كل ده و تعب و ارهاق ع الفاضى

و هتخرج زى باقى اللقاءات

بس قلت لنفسى انا وعدت محمد عصفور وهانى جابر انى
اروح و لازم اوفى بوعدى

و الحمد لله انى قررت انى اروح

و الحمد لله انى روحت فعلا

و كنت هزعل جدا لو مكنتش روحت

و الاسباب كالتالى

1 / الجو كان اكتر من رائع ( اسكندريه بئه و هواها ) كمان اللقاء كان على البحر مباشره

2 / قابلت ناس فى غايه الروعه و الجمال زى الدكتور ابراهيم الزعفرانى ( امين عام نقابه اطباء الاسكندريه ) و

و الاستاذ هيثم ابو خليل (صاحب مدونه متر الوطن بكام ) مع الناس دى

حسيت انهم اهلى و اخواتى و عاوزين خير للبلد بجد

3 / قابلت مجموعه رائعه من الشباب سواء اللى اعرفهم او اللى لسه متعرف عليهم

من اللى اتعرفت عليه لاول مره لسه عايش واد عسول وحبوب اوى

و كمان اتنين اصحابه بس مش فاكر اسميهم

و شابين مش عندهم مدوانات طلبوا منى اساعدهم فى عمل مدونات وحصل بالفعل

وطبعا من اللى اعرفهم الحاج جيزاوى حبيبى و الشاعر و معتز و اسلام و نوسه

4 / حسيت انه معدش ينفع نتكلم و بس
و ع راى بطه و شمس
لازم نعمل حاجه

اول حاجه عملتها انى غيرت اسم

مدونتى و اصبحت جيم اوفر

اللى شفته النهارده حسسنى ان لسه البلد بخير

عشان كده و بعد اللى شفته بقول لمبارك جيم اوفر

بقول لجمال جيم اوفر

بقول للعادلى جيم اوفر

بقول لكل ظالم مستبد حرامى جيم اوفر

مش هنسكت

مش هنتكلم ع الفاضى معدش ينفع اسمى مدونتى كلام و فش غليل

اتفقنا نفضحهم

اتفقنا نكشفهم

اتفقنا ع خير للبلد

هما فاكرين انهم اللى بيفكروا و هما الصح و احنا ملناش لزمه

لاء جيم اوفر

و معدناش هنسكت
و اسيب حضراتكم مع بعض الصور

طبعا المنور ده الدكتور ابراهيم الزعفرانى و ع يمينه معتز
و ع شماله اسلام و بعدين انا

برده اللى فى النصف الاستاذ هيثم ابو خليل
صاحب مدونه متر الوطن بكام
و ع يمينه معتز و بعديه لسه عايش
(ولد عسول اووووى)و ع شماله الاستاذ ابراهيم
انا و بعدين اسلام

طبعا باين ان انا ده
تصوير معتز
و لو خدكم بالكم اللى قاعد و لابس جلباب و طاقيه بيضاء و بذقن ده الامام المصرى
اللى كان مخطوف فى ايطاليا

الأحد، ١٤ أكتوبر ٢٠٠٧

حكاية ورقه

قصه قصيره
البدايه : تبدأ حكايتنا من أكبر مصانع الورق فى العالم حيث تم الانتهاء من اعداد و تجهيز و تصنيع الورق
و كان من بين هذه الاوراق التى تم الانتهاء منها و سوف يتم استغلالها اما محليا او دوليا ورقه
تحمل بين سطورها الكثير و الكثير من الامانى و ايضا الكثير من المخاوف
فقد كانت تخاف من ان يتم استغلالها فى اى شىء يضر به الانسان اخاه الانسان
كانت تخاف ايضا ان يتم استغلالها فى مجله تعرض الصور الجنسيه و صور العرايا و كثير و كثير من المخاوف
و كانت ايضا تتمنى ان تكون جزء من كراسه طالب علم تساعده ان يستذكر دروسه و تفعه و ينفع بها غيره
و بينما هى تحلم و تتمنى و تخاف اذ بها تسمع صوت ان خذوها هى و مجموعه كبيره جدا من الاوراق و ضعوهم فى هذا الصندوق
و حملوهم ع هذا المركب
هنا بدأت تفكر الى اين سوف ياخذونى و ماذا سيفعلون بى
و لكنها لم يكن لديها شىء تفعله فانتظرت حتى تعلم الى اين سوف ياخذونها
و بينما هى فى الطريق سمعت احدهم يقول لقد وصلنا المملكه العربيه السعوديه
هنا كادت سطورها تتمزق من الفرحه و سعدت جدا انها سوف تخدم فى مدينه رسول الله و بالقرب من المسجد الحرام
لم تكن تعلم ماذا يرتب لها القدر
لم تكن تعلم انها ذاهبه لمطابع الملك فهد لطباعه المصحف الشريف
عندما علمت بهذا الامر لم تستطع الكلام او التعبير
فكانت فرحتها اكبر من اى فرحه
و تقول لنفسها معقول سوف احمل بين سطورى كلام الله عز وجل ؟
ما كل هذا الشرف التى تناليه يا ورقتى العزيزه ؟
ما اسعدك ما افرحك فسوف تخلدين مع خلود كلام الله عز و جل
و فعلا تم اخذها الى مطابع الملك فهد و تم استخدامها فى كتابه المصحف الشريف
و تم الانتهاء من كتابه و طباعه المصحف
و هنا استقر قلبها و هنئت بما تحمله بين سطورها و قالت سوف اخلد او ع الاقل سوف امكث اكبر وقت لان المسلمون يحافظون ع كلام الله و يقدسون المصحف و يقدسون كلامه
و دخلت مرحله جديده و هى التوزيع فكان نصيبها ان تذهب الى افغانستان
و تم و ضعها فى احد المساجد هناك
لم تكن تعلم بما سوف يحدث لها
فقد دخل جنود التحالف الى المسجد هنا نظرت الورقه و قالت ماذا اتى بهؤلاء الى هنا الا يعلمون ان هذا بيت من بيوت الله ؟
و بينما هى تتسال اذ باحد الجنود يحمل المصحف و يسير به وهى بين اوراقه
وبعد ذلك مزقه و قطعه قالت ياويلتى اين المسلمون ؟
اين المسلمون؟
اين المسلون ؟
هل تم ابادتهم ؟
او الم يعد هناك مسلمون كى يفعلوا بكلام الله هكذا ؟
اين انتم يا مسلمون ؟
ان كلام الله يتم تمزيقه و تقطيعه اربا و انتم تشاهدون المسلسلات و الراقصات و العرايا
اين انتم يا مسلمون ؟
من يحافظ ع كلام الله ؟
و بينما هى تصرخ و تستغيت لم يجيبها احد
و تم تقطيعها و تزيقها
و هنا ادركت ان المسلمون فى هذا الزمان منشغلون باشياء فى نظرهم اهم من المحافظه ع كلام الله
لى و لكى الله يا ورقتى العزيزه
ملحوظه الكلام ده بناء على خبر حقيقى فى قناة الجزيره
بيقول
شهدت مدينه كورنر الافغانيه مظاهرات احتجاجا على تمزيق و تقطيع المصحف الكريم على يد قوات التحالف

الأربعاء، ١٠ أكتوبر ٢٠٠٧

الذكرى السنويه الاولى للتحرش الجنسى

كل عام و انتم طيببين و عن التحرش الجنس مبعودين
ايام قليله جدا و ينقضى شهر رمضان المبارك و تنتهى فرصه الاغتنام بالحسنات و النفحات العطره
و برضه ايام قليله و يحل علينا شوال بفرحته و بهجته و عيده و لبس الجديد و انطلاق و بهجه الاطفال
ومعاه و تحل علينا الذكرى السنويه الاولى لفضيحه التحرش الجنس فى وسط البلد بالقاهره
و الان انا ببعت دعوه
دعوه لكل فاسق
دعوه لكل منافق
دعوه لكل منحل
و برضه دعوه لكل فتاه مستفزه
مستهتره سواء فى لبسها او فى حركاتها او فى كلامها
يالله دعوه ليكم كلكم
الوقت بتاعكم اهو جه اهوه
و لا الافضل ان كل شاب و كل فتاه تتصرف بطريقه افضل مما نراها فى الشوارع
يا شباب
بدل ما نتحرش ببناتنا و نساعد ع انشار التحرش تعالوا نحافظ عليهم
البنت دى اختى و بنتى و بنت اخى وبنت اختى
عارف ان كتير هيقولوا ياعم مارو هى دى مناسبه تفكرنا بيها اقول لازم نفتكرها ع شان نتعلم من اللى حصل
مع انى واثق ان التحرش ده بيحصل كل يوم لاء كل ساعه لاء كل دقيقه لاء ده بيحصل كل لحظه فى كل مكان و فى كل وقت
و كمان بيحصل فى نهار و ليل رمضان الكريم
بس الضجه اللى حصلت كانت ع شان اللى حصل وسط البلد
ع العموم كل سنه و انتم طيبيبن و عن التحرش مبعودين

الأربعاء، ٣ أكتوبر ٢٠٠٧

مهزله فى الازهر

تماشيا مع مسلسل المهازل اليوميه و اللى تقريبا هنتعود عليها فى مصر
فى مهزله بتحصل و من راى دى مش ينفع السكات عليها
اخر مهازل الازهر الشريف
اللى عاوز يمحو الهويه الدينيه لمصرنا
الازهر اللى المفروض انه من اكبر المؤسسات الدينيه فى العالم العربى و الاسلامى كمان و اللى بيخرج سنويا مئات بل الاف من الدعاه ومن المسلمين
طلع النهارده بقرار غريب جدا
انا عن نفسى مستغربه
القرار بيقول
انه هيلغى مادة الفقه ( المذاهب الاربعه ) و هينزل فقه اسمه الفقه الميسر
بتاع محمد سيد طنطاوى
انا عن نفسى معرفش حد بالاسم ده
او مين الراجل ده اللى يشيلوا اهم علماء الاسلام و يحطوا الفقه بتاعه
بيقولوا ال ايه ده شيخ الازهر
هههههههههههههههه
شيخ الازهر اللى والله ما بقتنع باى كلمه بيقولها لا هو و لا مفتى الجمهوريه اللى اسمه على جمعه
و فى الاخر اقول احنا السبب
و حسابنا عسير
لاننا سكتنا ع حاجات كتيييييييييييييييييييييييييييير
ودى النتيجه
من اللى سكتنا عليه
اولا لما خلوا الدين خارج المجموع
( ثانيا لما تم ألغاء ماده الدين و نزل بدالها الاخلاق الحميده ( هههههه اخلاق حميده ومنع الختان مش فاهم ازاى الاتنين مع بعض )
والخاتمه اهوه بيمنعوا فقهاء الاسلام و بيجيبوا واحد من النظام
يالله انا حاسس انهم هيقولوا بعد كده الصلاة كفايه مرة واحده فى اليوم و هيجيبوا 100 دليل ع صحة كلامهم مدام احنا ساكتين

الخميس، ٢٧ سبتمبر ٢٠٠٧

اعلان الحداد

تضامنا مع كل الصحف الشريفه و النزيهه
و مع حريه الصحافه
-و مع رؤساء التحرير المحكوم عليهم ظلم
و مع حمله المقاطعه
حيث فى يوم السابع من الشهر المقبل سوف تحجب الصحافه اليوميه
انا بعمل زيهم وبتضامن معاهم و فكرت طيب انا ايه فى ايدى اعمله ؟
اولا كتبت بوست تضامنا معاهم
ثانيا فكرت انى اخلى المدونه بتاعى سوداء بدل اللون البنك القديم مع انى بحب اللون ده
بس لاجل حريتنا خلتها سوداء و لو كان ينفع انى اخلى الخط اسود كنت عملته
ده طبعا مؤقت لحد اما نشوف ايه اللى هيحصل
و عاوز افكرتكم بعضو الكونجرس الامريكى من الديمقراطين اللى قال انا مش هحلق ذقنى الا لو حزبنا فاز فى الانتخابات و لما فضلوا كده 10سنين تقريبا فضل بذقنه حداد يعنى و لسه حالقها قريب لما كسبوا
انا هعمل زيهم و يا رب اقدر استحمل اللون الغم ده
سلام

الثلاثاء، ٢٥ سبتمبر ٢٠٠٧

فين وعودك يا ريس ؟

فين وعودك يا ريس
متهيأ لى انك ظهرت فى التلفزيون من سنتين او تلاته واصدرت تصريحات رنانه و حلوه اوى و قلت فيها و شددت ع ضرورة عدم حبس الصحفيين
و مش كده و بس ده انت أمرت بعمل قانون لحمايه الصحافه
انا متهيألى و الله اعلم ان التصريحات دى كان ليها وقتها
لما ست الكل ( ربنا يخليها لنا ) ماما امريكا امرت بنشر الديمقراطيه فى الشرق الاوسط
كان لازم انك تسمع الكلام و تنشر زى ما قالت
لكن بعد اما امريكا تراجعت عن طلبها لانها شافت ان الديمقراطيه جابت حماس للسلطه و الاخوان فى مجلس الشعب
و قالت الاستقرار اهم من الديمقراطيه
كان لازم و وواجب عليك انك تسحب الوعد بحريه الصحفيين و اهوه النتيجه ظهرت
بحبس خمس رؤساء للتحرير
و اهم خمس رؤساء فى مصر
اللى اخد سنه و اللى اتنين
و الله اعلم هيحصل ايه بعد كده
يا ريس لما تحبس دول اللى الدنيا كلها عارفاهم و شيفاهم امال هتعمل فينا احنا ايه المدونين الغلابه ؟
اعدام ؟
انا متهيالى ده اقل واجب فى حقنا
بس برضه مش هنخاف و مش هنسكت
و لو الصحافه المكتوبه و الورقيه صادرت حريتها
الصحافه الاكترونيه و المدونين مش ساكتين
واهوه الشباب عامله شغل كويس جدا عشان يفضحوا امركم و مش هنخليكم تبرطعوا فى الارض فساد ليل ونهار
الحمد لله فى شباب حر وواعى مش بيخاف
الشباب دول امثال منذر و الجيزاوى و نواره و معتز و الششتاوى اللى عاميلن اهم حامله للقضاء ع التعذيب
وفى شباب غيرهم حر وواعى مش هنخاف و مش هنسكت هتعمل ايه يعنى ؟
هتعتلقنا ؟ مااحنا معتقلين كده كده فى وطنا
هتموتنا ؟ يكون ارحم لنا
ايه اخرتك و ايه اللى ناوى عليه ؟
زمن الخوف ولى
لازم الفجر يطلع بئه
منتظرينه
باهم اعلان رسمى فى التلفزيون و طبعا الكل عارف ايه هو الاعلان ده
انا منتظره
منتظره
منتظره