الخميس، 27 سبتمبر، 2007

اعلان الحداد

تضامنا مع كل الصحف الشريفه و النزيهه
و مع حريه الصحافه
-و مع رؤساء التحرير المحكوم عليهم ظلم
و مع حمله المقاطعه
حيث فى يوم السابع من الشهر المقبل سوف تحجب الصحافه اليوميه
انا بعمل زيهم وبتضامن معاهم و فكرت طيب انا ايه فى ايدى اعمله ؟
اولا كتبت بوست تضامنا معاهم
ثانيا فكرت انى اخلى المدونه بتاعى سوداء بدل اللون البنك القديم مع انى بحب اللون ده
بس لاجل حريتنا خلتها سوداء و لو كان ينفع انى اخلى الخط اسود كنت عملته
ده طبعا مؤقت لحد اما نشوف ايه اللى هيحصل
و عاوز افكرتكم بعضو الكونجرس الامريكى من الديمقراطين اللى قال انا مش هحلق ذقنى الا لو حزبنا فاز فى الانتخابات و لما فضلوا كده 10سنين تقريبا فضل بذقنه حداد يعنى و لسه حالقها قريب لما كسبوا
انا هعمل زيهم و يا رب اقدر استحمل اللون الغم ده
سلام

هناك 19 تعليقًا:

عصفور اسكندرية ( المواطن المطحون ) يقول...

حداد
لازم كانا نعلن الحداد عان دول عالم - اللهم اني صايم- معندهمش دم ومابيعرفوش حريه ولا في صحافه ولا في غيرها

بنت الاسلام يقول...

طب ياعم اللون وغيرته للاسود

طب صغرت الخط ليه انت مش عارف الي فيها

ماعلينا

فعلا الموضوع خطير جداا وابعاده اخطر

انا مش ضد الي يخطا لازم يتعاقب مهما كان صحفي ولاحتي رئيس وزرا طالما انه اخطا في حق حد بسب اوبقذف او تشهير او او

لكن في الموضوع ده بالذات

الخوف كل الخوف

لاتكون دي بداية قمع وكتم وقهر الاصوات اكتر واكتر

طب ديه اصوات شرعية وصحف معترف بيها ومعاها تصاريح تتكلم وتقول

لما يعملوا فيها كدة

اومال هيعملوا فينا ايه

حقيقي ربنا يستر

وماتكون نهاية عهد

وبداية عهد الابن

الي بيقولنا انا جاي اناجاي
والي عاوز يتكلم

ولا نفسه يعترض

يتلم احسنله

احسن والله


هحبسه

تحياااتي

مالناش غيرك ياااارب

حمادة زيدان يقول...

والله يا ماروا النهاردة من أسود أيام حياتي , ويوم أسود ومش هايكفيه يوم حداد , الصحافة الحرة في البلد إنضربت . وحسبي الله ونعم الوةكيل
حمادة زيدان

Monzer يقول...

والله يا مارو
عندك حق
لقد جاوز الظالمون المدى
الهى تسود فى وشهم

Sharm يقول...

فكرة حلوة

مواطن زهقان يقول...

بس المهم ننفذ
مش نتكلم وبس ياباشا

shams يقول...

و انا كمان متضامن معاكوا
و عايزك كمان تبص هنا
http://kalam3eal.blogspot.com/2007/09/blog-post_7911.html

مينا زكري يقول...

معاك وأعلنت الحداد على مدونتي
بس يا خوفي أحسن نفضل مقضينها سواد على طول

hekaytna يقول...

يا عم مارو لو كلنا اعلنا الحداد يبقا خلاص هما وصلو للي هما عاوزينه وهو ان احنا نعلن الياس والحداد لكن انا عن نفسي عامل مدونتي خضراء واعتقد المفروض تقول هتفضل خضراء لو سودوها بردو وانا بحييك على فكرتك دي وده مجرد رايي

شيماء يقول...

ربنا يخليك للصحفين الغلابه ياعم مارو
بس يابنى ايه الغم ده
ياعنى انت وهما
مشكفاية هما خالوها دنك
ها تسودها انت كمان
لو أعلنا الحداد بيقى مافيش لزوم بقى نعمل حاجة
ونروح ندفن نفسنا بالحى أحسن
سلام
مصرية

مدونه انا بحبك يا مصر يقول...

ممكن تغير اللون الاسود دة وافردة كدة علشان ربنا يفرجه فى وشك
وسبه على الله
احمد الجيزاوى

مدونه انا بحبك يا مصر يقول...

اعلان الحداد
البقاء الله نسيت اعذيك
احمد الجيزاوى

حمادة زيدان يقول...

ماروا حبيبي
انا كتبت قصة جديدة
يارب تعجبك
حمادة زيدان

فى القلب يقول...

فعلاً أنت أشرت لموضوع غايه فى الأهميه
و شكراً ليك على أعتراضك بطريقه حضاريه
و فى حدود المستطاع

el_assel يقول...

أعتقد انك حتتعود علي اللون ده
لآني اعتقد انك حتفضل حاطه فترة طويلة
خلاص
ما بقاش في حاجة اسمها حرية في البلد دي
ربنا يقدرنا ونستحمل

صاحب البوابــة يقول...

خبر عــــاجل

ألف ألف مبروك

تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً

ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً

بعد إصابته بجلطة قلبية مفاجئة وهو قيد الإعتقال في محبسه

جعله الله في ميزان حسناتك يا شيخي العزيز

------------

جاري التحديث

سارة يقول...

الاخ العزيز مارو

تعرف ان الفكرة حلوة اوى

بس ياخوفى لتعجبك الحكاية

اصل بصراحة اللى بيحصل عايز حداد على طول

خليها ليوم 7 بعدين رجع اللون بقى

الحداد 3 ايام بس اصلا !!!!

عصفور اسكندرية ( المواطن المطحون ) يقول...

لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين

فرصه حقيقيه ليجتمع المدونين مع بعضهم البعض

ويعلنوا تضامنهم مع حرية الصحافه والكلمه في مصر

موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية

اعلن عنا في مدونتك

مؤمنه يقول...

السلام عليكم ورحمة الله وبركاته
ربنا يكثر من أمثالك ودايما يكون لينا موقف
والسلام عليكم ورحمة الله وبركاته