الاثنين، 30 أبريل، 2007

امير المخبرين

قرأت احدى الخواطر السياسيه للشاعر العظيم الشاعر الساخر احمد مطر
بيحاول يوصف فيها اد ايه بلادنا اتملت بالمخبرين
بس للاسف بدل ما بيحرسونا دول بيعذبونا و كمان بيسرقونا
على شان مش اطول عليكم اسبكم مع الخواطر
و اللى بعنوان
أمير المخبرين

تهت عن بيت صديقي، فسألت العابرين ،

قيل لي امش يسارا، سترى خلفك بعض المخبرين ،

حدد لى أولهم ،و قال سوف تلاقي مخبرا يعمل في نصب كمين،

اتجه للمخبر الاول، أمام المخبر الكامن،

واحسب سبعة ، ثم توقف،

تجد البيت وراء المخبر الثامن في أقصى اليمين ؛

سلم الله أمير المخبرين ،

فلقد أتخم بالأمن بلاد المسلمين ،

أيها الناس اطمئنو، هذه أبوابكم محروسة في كل حين ،

.فادخلوها بسلام آمنين

السبت، 28 أبريل، 2007

عندى كلمتين

عندى كلمتين عاوز اقولهم بخصوص موضوعين
الموضوع الاول بخصوص رئيس الجمهموريه السيد محمد حسنى مبارك
و الموضوع التانى بخصوص التوريث للسيد جمال مبارك

نخش فى اول موضوع
عن السيد حسنى مبارك
اولا مبارك واحد من اهم قاده الحرب اللى كان له الفضل الكبير ( بعد ربنا طبعا ) فى نجاح اول طلعه جويه فى حرب اكتوبر 73 و اللى من خلال الحرب دى قدرنا نستعيد عزتنا و كرامتنا و كمان ارضنا و محدش ينكر الدور اللى كان سلاح الطيران بيلعبه فى تامين الجنود و عبورهم بسلام لاهم مانع الا و هو قناة السويس
ثانيا تولى مبارك حكم مصر
و زى ما انا بقول و فى رائى ان مبارك كان مستلم مصر خربايه لا كان فيها طرق و لا تليفونات و لا كهرباء
مش كده و بس ده حتى كانت العلاقات الدوليه بايظه خالص لا كان فيه علاقات عربيه و لا حتى بعض الدول الاوربيه زى روسيا
و بضل الله و مجهودات مبارك تم استعادت هذه العلاقات مرة اخرى
و مصر بئت عروسه
و بئت شويه حلوه و التليفونات دخلت حتى فى العزب و كمان الكهربا و الطرق و الكبارى كل ده انجازات لا نستطيع ننكرها
بس ع الجانب الاخر فيه مجموعه كبيرة من الاخفاقات
و من اهمها
اولا و قبل كل شىء الفقر و الفقر و الفقر و الفقر
ثانيا الفساد اللى كان فى عهد السادات و ناصر مش زى الان ابدا الان الفساد استفحل و بئت الرشاوى عينى عينك و كمان بتنطلب بالبق ( الفم )
و مش كده و بس دى كمان المحسوبيه انتشرت اوى و كمان وصلت العدوه للدول العربيه ( صدرناها ) يعنى
يعنى زى ما فيه انجازات فيه اخفاقات
و انا عندى بعض الطلبات للسيد مبارك اتمنى انه يخدها فى الحسبان
اولا و قبل كل شىء الاهتمام بالوضع الاقتصادى للبلد و تحسين مستوى الدخل هتقولى ازاى احنا معندناش موادر هقول لك لاء احنا عندنا بس لو قضينا على الفساد و السرقه بتاع الكبار هنكون دوله بموادر
ثانيا نفسى نكون كلنا ادام القانون واحد و نلغى كلمه انت متعرفش انت بتكلم مين ؟
يعنى لو وزير او خفير يكونوا ادام القانون واحد هتقولى ما ده موجود هقول لك ده ع الورق بس
الاقسام بتاع الشرطه مش بتقدر غير على الغلابه بس نفسى بجد نكون زى بريطانيا تونى بلير زيه زى اى واحد امام القانون و فى اقسام الشرطه
اخيرا اللى بتمناه نبطل التعذيب اللى فى اقسام الشرطه و نعامل المواطن باحترام فى القسم
ده بخصوص السيد محمد حسنى مبارك
اما بخصوص جمال مبارك
فانا بقول انه مش وحش و كمان مش كويس احنا لسه مش شفنى منه حاجه رسميه بس بالرغم من كده انا واحد من الناس اللى برفض فكرة التوريث لجمال مبارك لان مصر مش ملكيه مصر جمهوريه يعنى مينفعش انى جمال يجى بالتوريث
هو لو عاوز يجى يجى يالانتخابات ( اللى غالبا ما هتتزور ) و للاسف
انا عاوز تكون الفرص ادام جمال متساويه مع غيره من الشباب و المواطنين
و مش عوزين نعيد تجربه سوريا
اصل لو جمال هو اللى جه كده هيكون هيثم ابن جمال هو اللى هيمسك بعده
و تتحول مصر لملكيه
ع العموم انا ببعت برقيه تهنئه لجمال بمناسبه عقد قرانه اليوم
و شكرا
ملحوظه لو فى اى اخفاقات انا نستها او اننجازات نستها برضه او زدتها ممكن تقولى و تشرفنى بتعليقك

الأربعاء، 25 أبريل، 2007

نكت سياسيه

بعد الغم و التعذيب و الفقر و التوريث و الاوضاع السياسيه المؤرفه تعالوا معى نضحك شويه
نـــــــــبـــــــــــــدأ
موظف راح يدى صوته فى الانتخابات فاختار لا وهو مروح قابل واحد صاحبه فسألو عملت ايه ؟ قاله علمت على لا لطم صاحبه وقاله روحت فى شربة ميه فسأله الموظف ايه الحل ؟ قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :-جيت اعلم على نعم غصب عنى علمت على لا مسكه رئيس اللجنة من ودنه وقالهاحنا صلحناه لك اوعى تعمل كده تانى ههههههههههههههههههه
من الرئيس المصري هيثم جمال مبارك ابن الرئيس السابق جمال مبارك وحفيد الأسبق حسني مبارك.. أهنئكم بشهر رمضان المبارك
وأطمئنكم أن السلطة في مصر لم ولن تورث.. وكل عام وأنتم بخير".
انة فى مؤتمر صحفى فى مصر قام احد الصحفيين ووجة سؤال الى الرئيس مبارك وسألة هل يا سيادة الرئيس انتهيت من خطبة الوداع للشعب المصرى ام لا ؟ فقال الرئيس مبارك وداع ؟ ليه هوة الشعب المصرى رايح فين
اقر الرئيس تعديل وزارى و عزل بعض الوزراء و جاب ناس تانين فسـأله واحد من المعزولين انت ليه شلتنى قاله يا حبيبى التغير سنه الحياة قاله و ليه شلت وزير المواصلات قال له التغير سنه الحياة قال له "طيب ممكن أسالك سؤال؟ ليه انت الوحيد اللي ما بتتغيرش؟" قال له "ياحبيبي تغييركم انتم سُنة لكن أنا وجودي فرض ....!!!؟
أن تعطى أبنك موبايل فأنت لطيفوان تعطى أبنك سياره أنت كريم وان تعطى ابنك بلد وشعبا ليلعب بها هوا وأصحابه فأنت مبارك
دكتور عربى و دكتور ياباني و دكتور أمريكي ف مؤتمر عن زراعة الأعضاء الأمريكي قال "احنا كان عندنا ف أمريكا واحد ما بيشوفش جبنا قطة و دبحناها و خدنا عنيها و زرعناهم للراجل". اللي واقفين قالوله: "ياااه؟ و بيشوف كويس؟" قال لهم "يوووه ده بيشوف اللي ورا الشمس دلوقت!" قام الياباني قال "احنا كان عندنا واحد كبده تعبان فجبنا قطة و دبحناها و خدنا كبده و زرعناهاله" قالوله "يا سلام؟ و بيشتغل كويس؟" قال لهم "أمال..ده بيهضم الزلط دلوقت" العربى قال "إحنا بقى كان عندنا واحد مخه بايظ رحنا شيلنا مخه و حطينا بداله جزمة" قالوله "إيه؟؟ مش ! و لسة عايش؟" قال لهم" ده رئيس وزرا عندنا دلوقت

ماهى موصفات الحاكم العربى ؟

-طول النفس (لا أنه هيقعد فى الحكم 898989سنه

البرود ( عشان يطلع للشعب كل شويه بتصريحات ورديه

العته (عشان يصدق قراراته التاريخيه الحكيمه

الخشوع (لزوم التصوير ساعة صلاة العيد



الثلاثاء، 24 أبريل، 2007

كلمات اغنية مسلسل الوسيه







كنت بكلم صديق عزيز عليه ع النت و تعرفت عليه من خلال المدونات و بصراحه ادانى هديه جميله و الهديه كانت عباره عن اغنيه الوسيه ( طبعا فكرين المسلسل الكئيب ده ) بس بالرغم انه كئيب جدا بس كان بيصور فترة من افظع فترات مصر من الزل و الفقر و الاهانه ( زى الايام دى شويه )
انا حبيت انقلها لكم و للحكام و يا ريت يعرفوا ان الناس فعلا سواسيه
و يعاملونا بادميه اكتر من كده شويه
الاغنيه كلمات الشاعر سيد حجاب
تلحين ياسر عبد الرحمن غناء محمد الحلو
اسيبكم بئه مع كلمات الاغنيه الرائعه

المقدمه:
مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

جاينا الحياه زي النبات أبرياء
لا رضعنا كذب و لا أتفطمنا برياء

جاينا الحياه زي النبات أبرياء
لا رضعنا كذب و لا أتفطمنا برياء

طب ليه رمانا السيف علي الدين
و كيف نوجهوه غير بالصدق و الكبرياء

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

عيش يا ابن ادم بكر زي الشجر
موت و انت واقف زيوه مطرحك

عيش يا ابن ادم بكر زي الشجر
موت و انت واقف زيوه مطرحك

و لا تنحني لمخلوق بشر او حجر
و شب فوق مهما الزمان جرحك

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد


النهايه:

و تستمر الحياة بين ابتسامه و آه
فيها اللي جهله هداه و اللي ضميره هاداه
و تستمر الحال بين ابتسامه و آه
فيها اللي جهله هداه و اللي ضميره هاداه

و كل ضيقه بعدها وسعه
و اهي ديه الحقيقه بس منسيه
و كلنا ولاد تسعه و بنسعي
و ديه مش وسيه الناس سواسيه

و كل ضيقه بعدها وسعه
و اهي ديه الحقيقه بس منسيه
و كلنا ولاد تسعه و بنسعي
و ديه مش وسيه الناس سواسيه

و تستمر الحال بين ابتسامه و آه
فيها اللي جهله هداه و اللي ضميره هاداه
و تستمر الحال بين ابتسامه و آه
فيها اللي جهله هداه و اللي ضميره هاداه

لملم جروحك يا حزين و أمشي خطوه كمان و تخف الآمك
و أحلم بعين صاحيه و لا تنامشي غير لما تقطف زهر أحلامك

الاثنين، 23 أبريل، 2007

تعالوا نضحك شويه

بعد الغم و التعذيب و الفقر و التوريث و الاوضاع السياسيه المورفه تعالوا معى نضحك شويه انا عارف ان كتير منكم ممكن يكون شاف الفديو ده قبل كده بس اهو تذكره و اللى مش شافه يجى يشوفه معايه

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
ههههههههههههههههههه


السبت، 21 أبريل، 2007

مش قلت لكم ان قانون الوظيفه الجديد مصيبه سودا ؟

ظهرت مصايب القاون الجديد اهه زى ما انا توقعت من اول يوم سمعت فيه سياده الوزير بيتكلم فيها عن القانون ده
و اول ملامح مصايب القانون ده ظهرت مع المدرسين اللى شغالين يالتعاقد
فقد اخذ محافظ الغربيه قرار بيقول فيه ما يلى
على كل المدرسين المتعاقدين انهم يعلموا خمسه ممن لا يعرفوا القراءه و الكتابه ( خمسه من الاميين ) و اللى مش هيعمل كده بالسلامه و
يفسخ معاه التعاقد
طبعا الزعل مش من انهم يزيلوا اميه حد و انما الزعل من التهديد اللى بيقوله سياده المحافظ
ما هو خلاص كل ما يعوز حاجه هيعمل كده و اما ان المتعاقدين ينفذوا اوامر سيادته او انه يفسخ التعاقد
بالزمه ده اسمه كلام
اللى متعرفوش يا سيادة الوزير انت و سيادة المحافظ ان فيه شباب الان فتحين بيوت اعتمادا عاى الله و على الدخل اللى بيخش لهم من
التعاقد ده
فى حاجه اسمها الثواب و العقاب ممكن اوى قرار زى ده يطبق ع كل الموظفين و اللى هيستجيب يكون له حافز و اللى مش هيستجيب يكون
له عقاب
و انا بقول عقاب مش طرد من العمل
و كل ده بفضل قانون الوظيفه الجديد اللى سيادة الوزير عاوز يطبقه
بفعل القانون ده
حتلاقى كتير من البلاوى و الرشاوى و الفساد
ما هو ع شان احافظ ع العقد بتاعى لازم اصبح كل يوم ع المدير بهديه حلوه ع شان يرضى عنى لانى لو مش وافقت هيقطع عيشى
مش كده و بس دا انا خايف ان فى مره من المرات المدير يطاع عينه زيغه و يطلب حاجه مش اخلاقيه من البنات المتعاقدات او حتى من
الرجاله المتعاقدين انهم يظبطوا له قعده حلوه مع اى حد
انا بقول اى حد حتى لو كانت من حريم المتعاقد نفسه
و لو مش رضى هيقوله بالسلامه
يعنى من الاخر هنكون زى حمدى احمد فى فيلم القاهره 30
ارجوكم يا شباب و يا مصرين فوقوا و قفوا فى وجه هذا الوزير و هذا القانون

الأربعاء، 18 أبريل، 2007

الف مليون مبروك للمصرين 126 مليون دولار

الف مبروك للشعب المصرى
عثرت الحكومه المصريه فى ميناء القاهرة ع شنطه فيها 126 مليون دولار
و الشنطه لم يكن لها صاحب و الفلوس مش مزوره
و امرت الحكومه المصريه بايداع الفلوس فى خزينة الدوله
السؤال الان
يا ترى ما هو مصير هذه الفلوس ؟
هل سوف تقسم على الكبار ( كالعاده ) و لا هيكون للشعب الغلبان نصيب ؟
كده او كده برضه الف مبروك للمصريين
ابسط يا عم بطرس
فلوس جات للدوله اهه من غير ما تبيع شركه و لا ترخص لشركه محمول و لا حاجه
يالله قسموها بئه
لو جينا نحسبها كده و نشوف
هنلاقى ما يلى / 126000000 دولار ( 126مليون دورلار ) فى خمسه جنيه مصرى يكون الناتج 630 مليون جنيه مصرى
و احنا عددنا 75مليون واحد لو الحكومه تدى لكل واحد مليون جنيه بس
و هما يخدوا الباقى نكون شاكرين لهم اوى
بس مين اللى يعمل كده ؟

مصر و موريتانيا فى النهائى

بالصدفه البحته كان القدر مرتب اغرب و اعجب تنافس
التنافس كان بين مصر و موريتانيا سواء فى الرياضه او فى السياسه
الرياضه كان فى كرة القدم تنافس لبطولة الامم الافريقيه
و حصل اللى كان متوقع يحصل و مصر كسيت 3 / صفر و الحمد لله
و كمان كان فيه تنافس من نوع تانى بس فى السياسه
تنافس كان على الانتخابات الحرة و النزيهه
موريتانيا كان عندها انتخابات رئاسه و مصر كان عندها تعديل الدستور
و طبعا حصل اللى كان متوقع انه يحصل
فى موريتانيا كان فيه انتخابات حره و نزيهه و طلعت النتيجه زى ما الشعب عاوز
اما فى مصر حصل برضه اللى هو متوقع بس اللى متوقع عندنا غريب شويه
ان الانتخابات مش حرة و لا نزيهه
و النتيجه عمرها ما كانت و لا هتكون زى ما الشعب عاوز
هتكون بس زى ما الحزب الوطنى عاوز
حتى لو المعارضه كلها قالت لاء و الشعب قاطع و الشعب رفض
لكن اللى الحزب عوزه هو اللى هيكون
للاسف الحكومه بتاعنا فكرين ان احنا مش بنفهم و انهم بس اللى بيفهموا ع شان كده فكرين انهم بيعملوا لمصلحتنا
الموقف ده فكرين بموقف الحكومه الفرنسيه من قانون العمل عندما اراد ساركوزى تطبيق القانون و كان شيراك موافق و بيدافع عنه
و لكن بما ان الشعب رفض كان على شيراك انه يتخلى عن موقفه
و الغى القانون
عقبال مبارك يا رب
اما يثق فى الشعب و فى رئيه حتى لو مرة
مش يكون فاكره انه و حزبه هما الصح ديما
تم كتابتها يوم 26 مارس 2007

اسلق اسلق طلسق طلسق بوظ بوظ

اسلق اسلق طلسق طلسق يوظ بوظ
ضربوا الاعور على عنيه قال ما هيه بيظه بيظه
تم تلسقت موضوع التعديلات الدستوريه ( زى ما فى كتير عندنا فى البلد بتتلسق
و البرطمان اسف البرلمان وافق ع التعديلات الدستوريه لان الحزب الوطنى وافق و مدام سيادة الحزب عاوز حاجه لازم تتم
بغض النظر المعارضه عوزين ايه
و ال ايه عوزين الحكم يكون الشعب
و هيعملوا حاجه اسمها استفتاء ع شان يخدوا رئى الشعب
اللى طبعا النتيجه هتكون بالموافقه لان التزوير شغال ع ودنه
هيكون الاستفتاء اتمنى ان يكون حر و نزيه و يطلع زى ما الشعب عاوز مش زى ما المعارضه عوزه

الف تحيه للشرطى الهمام

فى استمرار مسلسل المهازل المصريه تم الحكم على شرطى مصرى ستة اشهر تعرفوا ليه ؟
مش على شان سرق فلوسنا و هرب و لا على شان نزل فى السوق اكياس دم ملوثه و لا حتى على شان غرق العبارة
لكن اتحكم عليه على شان رفض حراسة سفارة اسرائي فى القاهرة
شفتوا بئه حكومتنا عندها مين اهم
طبعا اسرائيل و مصالح اسرائيل لكن الشعب الغلبان طظ فيه ده منطق الحكومه المبجله
تم كتابتها يوم 25 فبراير 2007
ع شان كده لازم نصفق كلنا لهذا الشرطى ونقف معاه

اثبات فشل الحكومه المصريه

زى ما فيه حاجات كتير فاشله فى مصر و بايظه كمان البوظان و الفشل وصل لوزارة الداخليه المصريه و اللى مش مصدق الدليل اهوه
اين عمو السفاح ؟
هل ادرت وزارة الداخليه المبجله انها تمسكه او على الاقل تعرف بيانات عنه
مازال عمو السفاح طليق حر ( بيريح له يومين ) و هيرجع تانى يخوف اهل المعادى و يمكن يكون زى انفلونزا الطيور هينتشر فى كل مكان
ما هى برضه وزارة الصحه فاشله
هى كمان و الدليل اكياس الدم الملوثه و عدم القدرة على السيطرة على انفلونزا الطيور و مش بس كده ده اصبح اكثر شراسه يبئه لازم نتعلم الاول ازاى نسيطر عليه
و هنتعلم ازاى اذا كانت وزارة التربيه و التعليم هى كمان فاشله
مفيش حقوق للمدرسين و الة ادب من الطلبه و مفيش تعليم يبئه الحل فى وزارة الاعلام بس كان نفسى اقول
وزارة الاعلام بس افتكرت هاله سرحان و كدبها على المصريين و كمان الخلاعه و الة الادب اللى بتيجى فى التليفزبون كده تكون هى كمان فاشله
معدش ادامى غير وزارة الاوقاف بس سيادة الوزير مش بيعترف بالنقاب و بيقول عليه مش اسلامى يمكن السرة اللى باينه هى اللى اسلاميه كده
انا تعبت من كتر فشل الوزارات كده يبئه مفيش غير ان الحكومه تمشى و تستقيل و ترحمنا و يجيبوا ناس بيفهموا

تهنئه

تهنئه من القلب منى للسيد جمال مبارك رئيس مصر القادم بمناسبه حفل زفافه
تم كتابتها يوم 2 ابريل 2007

حكاية سيد مع الامير ترك

حكاية سيد عبد العاطى
سيد ده شاب مصرى كان موجود فى فندق موفامبيك و هو من مجموعه الشباب اللى بيعملوا فى احدى شركات الموبايل
و اثناء تواجده كان موجود كمان الامير ترك بكامل حاشيته
انتم تعرفوا ايه هى الحاشيه بتاع اللى اسمه ترك ده
عباره عن مجموعه كلاب كلهم كلاب
سواء كانت كلاب فعلا او كلاب ادميه ( اللى بنسميهم بودى جارد ) و طبعا كان موجود ترك و بنته
امر اللى اسمه ترك ده بتسييب الكلاب على المواطن سيد
و قامت الكلاب بتقطيع سيد و بعد ما سيد قدر انه يتخلص منهم امر ترك بنقله للمستشفى للعلاج ( رحيم اوى الراجل ) لما راح المستشفى وجد كل الاطباء و الممرضين بيقولوا له تانى ؟
كلاب ترك تانى ؟ احنا كل يوم يجى لنا حاله كده
و بعدين الاهالى و المصرين تجمهروا للمطالبه بحق سيد
و سيد قدم بلاغ للحكومه و طبعا اللى اسمه ترك فاكر انه بفلوسه هيقدر انه يغرى سيد على شان يتنازل و قاله من الاخر تاخد كام و تتنازل
سيد طبعا رفض
و اصر ع البلاغ و اصر على انه يتعمل محضر و فضل اللى شغالين مع اللى اسمه ترك يفاوضوا سيد على شان مش يبلغ
سيد عمل اللى عليه و بلغ
و المفروض ان الحكومه تعمل اللى عليها و تبلغ هى كمان
تبلغ اللى اسمه ترك بطرده من مصر
لكن بالله عليكم الحكومه بتاعنا تقدر تعمل حاجه زى دى
ع فكرة حاله سيد سبقها حالى طفلة من شهرين كانت الكلاب هتاكلها لولا الاهالى و الناس
انا عاوز حد يقولى هل حكومتنا لها القدرة انها تاخد موقف بطرد اللى اسمه ترك
انا لا اعتقد ذلك انتم ايه رئيكم
تم كتابتها يوم الاربعاء 28مارس 2007

الحياة منتهى اللذه

فعلا الحياة منتهى اللذه لما القاهرة و مصر كلها تغرق فى شبر ميه من شوية مطره

فعلا الحياة منتهى اللذه لما تيجى تروح مشوار سواء بالعربيه او ع رجليك متعرفش بسسب شوية مطره


فعلا الحياة منتهى اللذه لما اقل امين شرطه او مخبر يديك ع افاك و متقدرش تقول ليه عمل كده


فعلا الحياة منتهى اللذه لما تتخرج بعد سنين طويله من المذاكرة ووجع الدماغ و اهلك يصرفوا عليك دم البهم و فى الاخر يقولوا لك
شكرا مش عوزينك


فعلا الحياة منتهى اللذه لما كل حاجه عماله تغلى و الحكومه عماله تخنق فينا و احنا مش قادرين نقول كفايه


فعلا الحياة منتهى اللذه لما كل حاجه يعوزها الحزب الوطنى هى اللى تمشى سواء كانت صح او غلط و الدليل ع كده نكسه 76 انا
اقصد 76 مش 67 لما مبارك حب يعدل الماده 76 و المعارضه طلعت و قالت لا و الشعب طلع و قال لا بس الحزب الوطنى قال نعم و
فعلا تمت زى ما سيادة الحزب عاوز و لما حسوا انها مش نفعه رجع مبارك تانى و قال نعدلها من جديد ده اعتراف صريح بفشل حزبه


فعلا الحياة منتهى اللذه لما كل يوم و التانى تظهر شكوة تعذيب زى بتاع عماد الكبير اوعوا تنسوه


فعلا الحياة منتهى اللذه لما يجى جمال مبارك رئيس لمصر شئنا ام ابينا


و لسه الحياة منتهى اللذه و لسه و لسه

تم كتابتها يوم الثلاثاء 6 فبراير 2007

السفاح و الجاسوس و مين السبب

من يومين او من اسبوعين او حتى شهر ظهر علينا مصيبه اسمها السفاح
اللى بيهدد بنات و حريم المعادى
و النهارده او امبارح ظهر علينا مصيبه تانيه اسمها الجاسوس
و الملاحظ فى الامر ان الاتنين شباب بالرغم ان السفاح ممكن
يكونوا مجموعه شباب تلاته ع الاقل
و الحكومه مستغربه و بتستنكر
و بتقول ازاى يظهر حاجه زى دى سواء السفاح او الجاسوس المصرى اللى بيعمل لحساب اسرائيل
ارد ع الحكومه و اقول لها انتم مستغربين ليه ؟ ما ده امر طبيعى للذل اللى عيشين فيه
و انا اكاد اجزم ان السفاح ده مش هدفه خالص التخلص من الحريم و لا هو مختل زى ما الداخليه هتقول لناده ممكن اوى يكون شاب او مجموعه شباب مش لائيه شغل خرجين يعنى و عاطلين عن العمل لا شغل و لا جواز و لا حتى حياة كريمه من غير جوازده ممكن يكون نوع جديد من الاحتجاجكمان الجاسوس المصرى شاب متخرج و محبط عوزين منه ايهانا اكاد اجزم ان ملاين من الشباب عندهم نفس الاستعداد اللى عمله الجاسوس دهبس هما يلاقوا الفرصهاصل مصر معدتش لنا مصر للى عوزين يورثوها يبئه نحافظ لهم عليها ليهيا حكومه و يا ساسه و يا رجال المال و الاعمال وظفوا الشباب و رخصوا الحياة و انتم تشوفوا شباب مشرف

تم كتابتها يوم السبت 3 فبراير 2007
فى مصرنا الحبيبه
و معظم الدول العربيه للاسف يوجد ما يسمى القانون و لكن هذا القانون عند تطبيقه نجد
ان هناك ثلاث فئات
الفئه الاولى
وهى فئه واضعى القانون و طبعا الفئه دى لا يمكن تطبيق القاون عليها مطلقا
و الفئه الثانيه
فئه الكبار و صغار المسئولين و رجال الاعمال و برضه لا يمكن ان يمسهم القانون بشىء
الفئه الثالثه
فئه الغلابه و المطحونين و هما دول بئه اللى القانون بيشفى غليله فيهم لانه مش عارف يعمل حاجه مع الفئتين السابقتين فيطحن و بيعذب و بيعتقل و بيسجن الفئه الغلبانه و الدليل ع كده اشهر مقوله فى الدول اللعربيه و اللى بتقول انت مش عارف بتكلم مين ده دليل ع مدى تخبط القانون امتى يجى اليوم اللى يتساوى فيه مبارك مه اقل مواطن امام القانون زى ما بيحصل فى بريطانيا بلير بيقف امام اصغر مواطن امام القانون كانهما واحد
تم كتابتها يوم الجمعه 2 فبراير 2007

انتصار جديد للعرب و المسلمين

لاول مر ة فى تاريخ الدوله العبريه حدث شىء ع الاقل من وجهة نظرى انتصار للعرب و المسلمين
هذا الحدث يكمن فى تعين اول وزير عربى مسلم فى الحكومه الاسرائيليه
و بالرغم انه وزير بدون حقيبه وزاريه الا انه انتصار برضه
وطبعا تباينت ردود الافعال فور هذا الاعلان انقل بعض منها لسيادتكم
قالت استرينا تارتمان،
السكرتير العام لحزب “إسرائيل بيتنا” إن تعيين مجادلة يمثل “ضربة قاضية للصهيونية”، حسبما نقل عنها موقع هآرتس الاخباري
ودفعت هذه التصريحات بعض النواب إلى الدعوة لطرد الحزب اليميني من الائتلاف الحكومي بزعامة رئيس الوزراء إيهود أولمرت
ودعا يورام مارسيانو،
زعيم كتلة حزب العمل بالكنيست، اولمرت إلى طرد “إسرائيل بيتنا”، كما دعا حزب العمل إلى مراجعة موقفه لتحديد ما إذا كان بإمكانه “البقاء في الحكومة جنبا إلى جنب مع هذا الحزب العنصري”.
وقال مايكل إيتان من حزب الليكود المعارض “لا يمكن أن يقبل أي مؤمن بالمساواة والديمقراطية وجود هؤلاء على الاجندة”.
و ان شاء الله ده اول وزير عربى مسلم فى اسرايئل ثم تاتى حكومه كامله عربيه مسلمه
ثم تاتى الدوله العربيه المسلمه
ادعوا معايه قولوا امين
تم كتابتها يوم الاحد 28يناير 2007

زيارة الرئيس

زار الرئيس المؤتمن بعض ولايات الوطنو عندما زارنا حينا
و قال لنا
هاتوا بصدق شكواكوا فى العلن لا تخافوا من احد فقد مضى ذاك الزمن

فقال صديقى حسن
معذرة يا سيدى اين الرغيف؟ و اللبن و اين تامين السكن؟ و اين توفير المهن ؟ و اين من يوفر الدواء بغير ثمن؟
فقال الرئيس فى حزن

اكل هذا حادث فى بلدى ؟ احرق الله جسدى شكرا لك على تنبيهك لى يا ولدى سترى الخير غدا
و مر عام و بعد عام زارنا الريس مرة اخرى

و قال لنا
هاتوا بصدق شكواكم فى العلن لا تخافوا من احد فقد مضى ذاك الزمن فسكت الناس و لم يشتكى احد
فقمت معلنا اين الرغيف و اللبن؟ و اين تأمين السكن؟ و اين توفير المهن؟ و اين من يوفر الدواء بغير ثمن ؟
معذرة يا سيدى و اين صديقى حسن ؟

منقول من شعر خواطر سياسيه
تم كتابتها
الاحد 28 يناير 2007

ال ايه مبارك متمسك بمجانية التعليم

فى اخر حديت للريس مبارك م هو بيطلب تعديل 34 ماده من الدستور
ضمن الخطاب قال الرييس لا مساس بمجانيه التعليم هههههههههههههههههههه و دى كانت احلى نكته سمعتها يومها
مجانيه ايه اللى جاى تقول عليها انت عارف ابله معنى المجانيه ايه
المجانيه انى مدفعش و لا مليم من اول ما اخرج من بيتى لحد اما اروح الكليه او المدرسه ده المعنى الحقيقى للمجانيه اللى الامريكان بيقولوا عناه for free
تعالى بئه نشوف ازاى مجانيه مع ان اهم مشكله تواجه ولى الامر هى تعليم ابنه او بنته و جاى تقولى مجانيه
اولا / كل ولى امر فى القطر المصرى كله بيكره موت شهر 9 لان الشهر ده بينطلب منه زى مدرسى و مصاريف مدرسيه و كتب و شنط و كراريس و اقلام و بلاوى زرقه و ع العموم ما علينا من النقطه دى تعالى نشوف اللى بعدها
ثانيا المواصلات ( اللى بئت ناااااار ) / لو فرضت ان طالب بيروح الكليه من مركز الى محافظه ( مش من محافظه الى محافظه ) الطالب ده هيدفع كام ع شان يركب هنقول مثلا جبيه و نصف و ده اقل تقدير الان و كمان هيركب مواصلات داخليه نقول بجنيه كده وصلت الحسبه2 جنيه و نصف و نقول كمان زيهم و هو مروح يعنى هيدفع 5 جبيه رايح جاى ( خدوا بالكم الطالب ياحبة عينى ع لحم بطنه لحد اما روح ) يعنى دفع 5 جنيه مواصلات بس لو هنقول خمسه فى 6 ايام يعنى 24 يوم فى الشهر يعنى 120 جبيه للطالب الواحد نتخيل لو هو محدد النسل زى ما مبارك بيطلب و عنده كمان واحد بس يعنى كده هيدفع مواصلات بس 240 جنيه
نلاحظ انه لسه مدفعش لا دروس خصوصيه و لا اى حاجه اللى هى من اساسيات التعليم فى مصر الان دفع بس 240 جنيه للمواصلات
لو واحد من خارج مصر بيقرا اللى بكتبه هيفتكر ان ولى الامر بياخد مرتي 1000 جبيه اقوله لا اصحى ولى الامر مرتبه باكتير مش بيعدى 300 جنيه
بيدفع منهم 240 جنيه للمواصلات و بيكلوا و بيشربوا و بيخدوا دروس و بيلبسوا ب 60 جنيه بس شوفتوا المجانيه
مجانية ايه اللى انت جاي تقول عليها انت عارف ابله معنى المجانيه ايه لما عليها مجانيه ايه ايه مجانيه ايه ايه مجانيه ايه اللى انت جاى تقول عليها
تم كتابتها
يوم 23 يناير 2007
اهلا بكم فى اولى مدوناتى ع الانتر نت و كنت حابب ان ابدا بموضوع مختلف عن اللى انا بعرضه و لكن الصدفه هى اللى حطتنى ادام الموضوع ده
و هو موضوع العلقه السخنه اللى اخدها الفريق المصرى للكرة الخماسيه
و اولا للى ميعرفش ايه اللى حصل الموضوع باختصار ان القريق المصرى للكرة الخماسيه وصل للنهائى فى ليبيا و كان يكفينا التعادل للفوز باللقب
و انتهى الشوط الاول بالتعادل و بمجرد انتهاء الشوط الاول قام القريق الليبى و ما معه من جمهور بضرب فريقنا بالشوم و العصيان لدرجه ان 2 من اللعيبه جالهم ارتجاج فى المخ
و نحن الان بانتظار رد النخبه فى مصر
سواء النخبه الرياضيه و انا واثق انهم سوف يكون لهم موقف ممتاز و هناخد حقنا
او النخبه السياسيه و طبعا انا واثق هيكون لهم موقف متخاذل كالعاده و فى الاخر يكون هناك سؤال بيطرح نفسه
لماذا دول شمال افريقيا بيعملوا معانه كده سواء ليبيا او الجزائر و قليل من المغربه
فى الاخر معنديش غير انى اقول الله يرحمك يا سادات ياللى كنت مربيهم و جايب لنا حقنا
تم كتابتها
يوم 22 يناير 2007

قانون الوظيفه الجديد مصيبه سودا

قالول لنا زمااااااااااااااااااااااااااااان ان فاتك الميرى اتمرمغ فى ترابه
بس خلاص معدش للميرى تراب الحكومه الان سفلتت الميرى و عملته سيراميك بالقانون الجديد ده او بالاحرى بالمصيبه الجديده دى اللى ميعرفش حاجه عن القانون الجديد انا اقوله عليه سيادة وزير التنميه الاداريه اقترح قانون ( بس للحق هو قانون ممتاز و فعلا ممكن يكشف الفساد ) بس للاسف القانون فيه ماده كارثه ع الشعب و هو الماده الخاصه بالتعينات طبقا لهذه الماده معدش فيه حاجه اسمها تعينات و لكن تعاقدات بس التعاقد لمده خمس سنين و خلال الخمس سنين من حق الادارة انها تفصل الشاب فى اى وقت و ملوش اى حقوق و كمان مرتبه يفضل طول الخمس سنين 277 جنيه بسو لما تنتهى المده من حق الادارة برضه متجددش للمتعاقد و يرموك بره فى الشارع يا سياده الوزير القطاع الخاص مش بيعمل كده تيجى انت كا حكومه و تعمل كده ايه بتقول لهم اتعلموا ؟يا شعب يا شباب امتى هنكون زى شباب و شعب فرنسا
الللى اسقطوا الحكومه مرتين بفعل قانون زى ده
تم كتابتها يوم الاتنين 26 مارس 2007

طلب لخصخصة الشعب

زى ما الحكومه كل يوم عماله تبيع فى شركه من شركاتنا و الله اعلم الفلوس دى بتروح فين
انا عندى اقتراح ع الساده الافاضل اللى عمالين يبيعوا ممتلكاتنا
اقترح عليهم انهم ينزلوا مناقصه يعرضوا فيها بيع الشعب و طبعا زى ما بيحصل مع الشركات لما بيجوا يبعوها انهم بيطلبوا شروط معينه
احنا كمان هنطلب شروط للى هيشترينا
سواء كانت دوله او شركه
اولا / لازم الدوله اللى هتشترينا تكون بتهتم بالمواطن بتاعها و بتعرف ازاى تجيب له حقوقه سواء فى البلد او بره يعنى منكنش ملطشه لكل من هب و دب يعنى منروحش ليبيا ع شان نلعب كورة ننضرب هناك و حكومتنا تقف تتفرج و لا واحد سعودى اسمه الامير ترك يجى بلدنا و معاه كلابه و يسيبهم ع الشعب الغلبان و برضه الحكومه تسكت عوزين حكومه تجيب لنا حقنا
ثانيا / وزارة البلطجيه اللى عندها اسف اقصد الداخليه تكون محترمه مش بيغتصبوا الرجاله قبل الحريم فى اقسام الشرطه و يكونوا منصفين لما واحد يروح يشتكى بلطجى منهم يجيبوا له حقه مش يعملوا تسليه لانه اتجراء و راح يشتكى
الشرطين دول هما بس المطلوبين او بالاصح هم اهم شرطين
مع العلم
ليس من الضرورى انها تكون دوله غنيه او ذات موارد
احنا شعب اخد ع الشغل و الشقى و بنتلذذ بالشغل و الشقى بس اللى عوزينه حقنا و كرامتنا مش اكتر
دى الشروط المطلوبه
مين قال هات ؟

ترحيب

بسم الله الرحمن الرحيم
اهلا و مرحبا بكم اخوانى و اخواتى الاعزاء فى مدونتى و اللى هى بعنوان كلام و فش غليل
هى مجرد كلام بحاول انفس عن اللى انا حاسس بيه لا انا ثورجى و لا شيوعى و لا حتى اخوان ( مع انى مؤمن بيهم ) ما علينا
نرجع للمدونه هنا هنتكلم و نفضفض عن كل اللى حوالينا و ع شان نكون منصفين مش هنمسك الامور الوحشه بس لا انا هتكلم فى الحلو و الوحش للبلد مش معنى كده انى تبع الحزب الوطنى فانا غير مؤمن بيه مطلقا
اتمنى تشريفكم و تعليقكم و ارئكم و شكرا
اخوكم مارو