الأربعاء، 25 أبريل، 2007

نكت سياسيه

بعد الغم و التعذيب و الفقر و التوريث و الاوضاع السياسيه المؤرفه تعالوا معى نضحك شويه
نـــــــــبـــــــــــــدأ
موظف راح يدى صوته فى الانتخابات فاختار لا وهو مروح قابل واحد صاحبه فسألو عملت ايه ؟ قاله علمت على لا لطم صاحبه وقاله روحت فى شربة ميه فسأله الموظف ايه الحل ؟ قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :-جيت اعلم على نعم غصب عنى علمت على لا مسكه رئيس اللجنة من ودنه وقالهاحنا صلحناه لك اوعى تعمل كده تانى ههههههههههههههههههه
من الرئيس المصري هيثم جمال مبارك ابن الرئيس السابق جمال مبارك وحفيد الأسبق حسني مبارك.. أهنئكم بشهر رمضان المبارك
وأطمئنكم أن السلطة في مصر لم ولن تورث.. وكل عام وأنتم بخير".
انة فى مؤتمر صحفى فى مصر قام احد الصحفيين ووجة سؤال الى الرئيس مبارك وسألة هل يا سيادة الرئيس انتهيت من خطبة الوداع للشعب المصرى ام لا ؟ فقال الرئيس مبارك وداع ؟ ليه هوة الشعب المصرى رايح فين
اقر الرئيس تعديل وزارى و عزل بعض الوزراء و جاب ناس تانين فسـأله واحد من المعزولين انت ليه شلتنى قاله يا حبيبى التغير سنه الحياة قاله و ليه شلت وزير المواصلات قال له التغير سنه الحياة قال له "طيب ممكن أسالك سؤال؟ ليه انت الوحيد اللي ما بتتغيرش؟" قال له "ياحبيبي تغييركم انتم سُنة لكن أنا وجودي فرض ....!!!؟
أن تعطى أبنك موبايل فأنت لطيفوان تعطى أبنك سياره أنت كريم وان تعطى ابنك بلد وشعبا ليلعب بها هوا وأصحابه فأنت مبارك
دكتور عربى و دكتور ياباني و دكتور أمريكي ف مؤتمر عن زراعة الأعضاء الأمريكي قال "احنا كان عندنا ف أمريكا واحد ما بيشوفش جبنا قطة و دبحناها و خدنا عنيها و زرعناهم للراجل". اللي واقفين قالوله: "ياااه؟ و بيشوف كويس؟" قال لهم "يوووه ده بيشوف اللي ورا الشمس دلوقت!" قام الياباني قال "احنا كان عندنا واحد كبده تعبان فجبنا قطة و دبحناها و خدنا كبده و زرعناهاله" قالوله "يا سلام؟ و بيشتغل كويس؟" قال لهم "أمال..ده بيهضم الزلط دلوقت" العربى قال "إحنا بقى كان عندنا واحد مخه بايظ رحنا شيلنا مخه و حطينا بداله جزمة" قالوله "إيه؟؟ مش ! و لسة عايش؟" قال لهم" ده رئيس وزرا عندنا دلوقت

ماهى موصفات الحاكم العربى ؟

-طول النفس (لا أنه هيقعد فى الحكم 898989سنه

البرود ( عشان يطلع للشعب كل شويه بتصريحات ورديه

العته (عشان يصدق قراراته التاريخيه الحكيمه

الخشوع (لزوم التصوير ساعة صلاة العيد



هناك 6 تعليقات:

amoooos يقول...

شوف يا عم مارو
بيقولك واحد صعيدى راح رحلة الى الاهرامات قول ما شفها قال يا بووووووى كل دى جبنة نستو!!!!!

حلوة مش كده
عندى استقصاء على مدونتى على بلوجر ارجوك روح واختار الاجابة التى تناسبك

ايمن مصطفى

hapasa يقول...

جمالى قوى النكت ده
بس للأفس تحبس
وليك تاج عندى يا أبو حميد
طل عليا وخده وقولى تمام

david santos يقول...

Thanks for you work and have a good weekend

lenin يقول...

عزيزى مارو احييك على شجاعتك لان فى كتير من الشباب بيخافوا يتكلموا فى السياسة مدونتك جميلو وياريت تهتم بيها اكتر

تحياتى

حسام مراد يقول...

هههههههههههه ليه كده كده غلط

fares يقول...

قال الشاعر الكبير احمد مطر واصفلا حال بعضهم
( قالوا مات الفتي قلت : اي فتي ؟ قالوا ذاك الذي كان يعيش صامتا ..... وكان ياأمر صمته أن يصمتا .... وكان صمت صمته يصمت صمتا خافتا ....
قلت ذاك افتي م يمت ... لأنه عاش ومات ميتا ...
وعجبي علسي شعب معايش ميت بيخاف من الخوف