تضامنا مع كل الصحف الشريفه و النزيهه
و مع حريه الصحافه
-و مع رؤساء التحرير المحكوم عليهم ظلم
و مع حمله المقاطعه
حيث فى يوم السابع من الشهر المقبل سوف تحجب الصحافه اليوميه
انا بعمل زيهم وبتضامن معاهم و فكرت طيب انا ايه فى ايدى اعمله ؟
اولا كتبت بوست تضامنا معاهم
ثانيا فكرت انى اخلى المدونه بتاعى سوداء بدل اللون البنك القديم مع انى بحب اللون ده
بس لاجل حريتنا خلتها سوداء و لو كان ينفع انى اخلى الخط اسود كنت عملته
ده طبعا مؤقت لحد اما نشوف ايه اللى هيحصل
و عاوز افكرتكم بعضو الكونجرس الامريكى من الديمقراطين اللى قال انا مش هحلق ذقنى الا لو حزبنا فاز فى الانتخابات و لما فضلوا كده 10سنين تقريبا فضل بذقنه حداد يعنى و لسه حالقها قريب لما كسبوا
انا هعمل زيهم و يا رب اقدر استحمل اللون الغم ده
سلام
هناك ١٩ تعليقًا:
حداد
لازم كانا نعلن الحداد عان دول عالم - اللهم اني صايم- معندهمش دم ومابيعرفوش حريه ولا في صحافه ولا في غيرها
طب ياعم اللون وغيرته للاسود
طب صغرت الخط ليه انت مش عارف الي فيها
ماعلينا
فعلا الموضوع خطير جداا وابعاده اخطر
انا مش ضد الي يخطا لازم يتعاقب مهما كان صحفي ولاحتي رئيس وزرا طالما انه اخطا في حق حد بسب اوبقذف او تشهير او او
لكن في الموضوع ده بالذات
الخوف كل الخوف
لاتكون دي بداية قمع وكتم وقهر الاصوات اكتر واكتر
طب ديه اصوات شرعية وصحف معترف بيها ومعاها تصاريح تتكلم وتقول
لما يعملوا فيها كدة
اومال هيعملوا فينا ايه
حقيقي ربنا يستر
وماتكون نهاية عهد
وبداية عهد الابن
الي بيقولنا انا جاي اناجاي
والي عاوز يتكلم
ولا نفسه يعترض
يتلم احسنله
احسن والله
هحبسه
تحياااتي
مالناش غيرك ياااارب
والله يا ماروا النهاردة من أسود أيام حياتي , ويوم أسود ومش هايكفيه يوم حداد , الصحافة الحرة في البلد إنضربت . وحسبي الله ونعم الوةكيل
حمادة زيدان
والله يا مارو
عندك حق
لقد جاوز الظالمون المدى
الهى تسود فى وشهم
فكرة حلوة
بس المهم ننفذ
مش نتكلم وبس ياباشا
و انا كمان متضامن معاكوا
و عايزك كمان تبص هنا
http://kalam3eal.blogspot.com/2007/09/blog-post_7911.html
معاك وأعلنت الحداد على مدونتي
بس يا خوفي أحسن نفضل مقضينها سواد على طول
يا عم مارو لو كلنا اعلنا الحداد يبقا خلاص هما وصلو للي هما عاوزينه وهو ان احنا نعلن الياس والحداد لكن انا عن نفسي عامل مدونتي خضراء واعتقد المفروض تقول هتفضل خضراء لو سودوها بردو وانا بحييك على فكرتك دي وده مجرد رايي
ربنا يخليك للصحفين الغلابه ياعم مارو
بس يابنى ايه الغم ده
ياعنى انت وهما
مشكفاية هما خالوها دنك
ها تسودها انت كمان
لو أعلنا الحداد بيقى مافيش لزوم بقى نعمل حاجة
ونروح ندفن نفسنا بالحى أحسن
سلام
مصرية
ممكن تغير اللون الاسود دة وافردة كدة علشان ربنا يفرجه فى وشك
وسبه على الله
احمد الجيزاوى
اعلان الحداد
البقاء الله نسيت اعذيك
احمد الجيزاوى
ماروا حبيبي
انا كتبت قصة جديدة
يارب تعجبك
حمادة زيدان
فعلاً أنت أشرت لموضوع غايه فى الأهميه
و شكراً ليك على أعتراضك بطريقه حضاريه
و فى حدود المستطاع
أعتقد انك حتتعود علي اللون ده
لآني اعتقد انك حتفضل حاطه فترة طويلة
خلاص
ما بقاش في حاجة اسمها حرية في البلد دي
ربنا يقدرنا ونستحمل
خبر عــــاجل
ألف ألف مبروك
تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً
ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً
بعد إصابته بجلطة قلبية مفاجئة وهو قيد الإعتقال في محبسه
جعله الله في ميزان حسناتك يا شيخي العزيز
------------
جاري التحديث
الاخ العزيز مارو
تعرف ان الفكرة حلوة اوى
بس ياخوفى لتعجبك الحكاية
اصل بصراحة اللى بيحصل عايز حداد على طول
خليها ليوم 7 بعدين رجع اللون بقى
الحداد 3 ايام بس اصلا !!!!
لاول مرة بالاسكندرية : دعوة لكل مواطن ولكل مدون حر: لحضور .............
ملتقي الدفاع عن سجناء الراي وحقوق الانسان بالإشتراك مع ....
تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الخميس 18/ 10 الساعه 5
بنادي المحامين بجليم كورنيش البحر الاسكندرية
اعلن عنا في مدونتك
السلام عليكم ورحمة الله وبركاته
ربنا يكثر من أمثالك ودايما يكون لينا موقف
والسلام عليكم ورحمة الله وبركاته
إرسال تعليق