الجمعة، 7 ديسمبر، 2007

ما تم الاتفاق عليه فى رابطه مدونى الدلتا

بسم الله الرحمن الرحيم
الاخوه الافاضل الاعضاء فى رابطه مدونتى الدلتا
2007/ تم اليوم الخميس الموافق 4 / 12
الموافق 26 من ذى القعده سنه1428 هجريا
عقد الاجتماع السادس لرابطه مدونى الدلتا
برئاسه العضو
محمد مارو
و حضور مجموعه من الاعضاء و الاخوه الافاضل
و قد تم الاتفاق على ما يلى
اولا / الاستمرار فى حملة التضامن مع اهل غزه ماديا و معنويا
ثانيا / الاستمرار فى حمله مقاطعه بجيب ساويرس و قد تم اختيار يوم 9/12 لوقف استقبال او ارسال اى مكالمات من موبينيل اى الى موبينيل و نشر و تعميم هذه الحمله و تعريف باقى الناس بهذا اليوم
ثالثا / الاتفاق على اعاده وتنظيم و هيكله الرابطه
و قد قدم العضو محمد مارو الاقتراحات التاليه و تم التصويت و الموافقه عليها
اولا / الاعضاء السابق ذكرهم هم الاعضاء الاساسيين ان شاء الله
لاستمرار الرابطه على ان يتم الاتصال بكل من الاخوه الاستاذ عادل نجم و الاستاذ معتز و الاستاذ الششتاوى و الاستاذ اسلام و باقى الاخوه و الاخوات لمعرفه مدى استمرارهم معنا و طبعا نامل و نتمنى ان يكونوا معانا دايما
ثانيا / الاتفاق على عقد لقاء فى اول خميس من بدايه كل شهر الساعه الثالثه عصرا
ثالثا تم الاتفاق على ان يكون المنسق العام يتغير بصفه دوريه مع بدايه كل دوره و يتم اختياره ابجديا
رابعا الاتفاق على حقوق وواجبات المنسق العام
من حقوقه
له الحق المطلق فى اختيار موضوع النقاش و جدول اعمال دورته
تكون الجلسه برئاسته لتنظيم الكلام بين الاعضاء و لابداء الاراء
اذا كان هناك اى مؤتمر او اى ملتقى يكون هو المحدث الرسمى للمجموعه
اما واجباته
التنسيق بين الاعضاء لمعرفه وتاكيد من سيحضر من عدمه
الاتصال بجميع الاخوه الاعضاء لمعرفه اخبارهم و ابلاغ باقى الاعضاء فى حالات ( الفرح / النجاح / اعياد الميلاد / المرض / الاحزان ) لتقديم الواجب المطلوب
و ايضا ابلاغ الاعضاء لتقديم الواجب كل واحد باسمه
ملاحظات
اولا تم الاتفاق ع ان يكون رئيس الدورة القادمه الاستاذ تامر بدلا من الاستاذ البوسطجى نظرا لظروف امتحاناته
على ان راس هو الدورة اللى بعدها
ثانيا البنود السابقه تم الموافقه عليها و غير مطرروحه للنقاش او الحذف لكن يمكن الاضافه عليها
و يتم ابلاغ رئيس الدورة فى حاله الاضافه حتى يدرجها فى جدوله
ثالثا / فى حاله وجود اى طوارى تمنع من الحضور فى الميعاد المتفق عليه امطار مثلا او تقلبات جويه يكون اللقاء الخميس اللى بعده و يكون هذا بناء على راى رئيس الدورة وقتها و هو الذى يحدد هل يتم التاجيل ام لا
مع تحياتى لكم
محمد مارو

هناك 23 تعليقًا:

إسلام يقول...

مارو
في الاول اسمحلي انول شرف اول تعليق
وياريت كل اللي تم لاتفاق عليه جميع الناس تنفذه دون تردد
وبلاخص حكايه عدم التكلم من خطوط موبينيل
وده نسبه قليله جدا اللي مش هتتصل
وياريت كل الناس كده تتضامن مع جميع الدول العربيه المحتله مثل فلسطين والعراق وغيرها
ويارب يوفقو لعمل كل ذللك
تحياتي

محمد جمعه يقول...

يا سلام يا مارو
انتا فعلا جسدت الاجتماع
زى متكون مصورة فديوا

ربنا يبارك فيكى يا حبيبى
ويجزيك خير
وجزيت الجنة

محمود الششتاوي يقول...

كويس يا حاج بس مكنش له لازمة تذكر من حضرو فرد فرد علناً كدة
ياريت تشيلهم
بي بعد ايه بقى ما اتوعزو على الدنيا كلها وياريت تبقى تخلي ما تم الإتفاق عليه الأول بين الأعضاء مش لنشر العلني كدة

محمد مارو يقول...

اسلام
والله احنا عملنا الحمله و نتمنى نشرها بين كل الاعضاء و عليك و عليه و على كل الاعضاء على الاقل التبليغ

محمد مارو يقول...

محمد جمعه
ربنا يخليك
و ندخل الجنه سويا ان شاء الله

محمد مارو يقول...

ششتاوى
مين قال ان ملوش لزمه ؟
انت شايف كده ؟

ثانيا
لما مش هكتب اللى حصل
انت و غيرك هتعرفوا ازاى ؟
هو لما ما مش نكتب اللى حصل تقولوا محدش عرفنا
و لما نكتب تقولوا مكنش له لزمه ؟
على العموم انا كتبت اللى حصل و ده يعتبر وثيقه رسميه بقوانين الرابطه

صانعة الحرية يقول...

لالالالالالالالا
انا زعلانه
طيب ما انا دلتا برضه مش تعرفونى يا بشر
يمكن كان ربنا يسر وحضرت معاكم
يلا خيييييييييير
الجايات اكتر

امام الجيل يقول...

السلام عليكم
ربنا يوفقكم فى عملكم
ويكون مثمر وناجح ان شاء الله
هو انت كنت موجود يوم المدون خانة
ولا شفت عصفور المدينة فين
انا كنت موجود يومها

انا مسلمه يقول...

جزاكم الله خيرا على التقرير الخاص بالإجتماع

انا مسلمه يقول...

أنا مع رأى الأستاذ محمود الششتاوي إن النشر مش يكون علنى
ويكفى الجروب لتبليغ الناس

محمد مارو يقول...

صانعه الحريه
اهلا بكى معنا
و انتى عرفتى الاجتماع بيعقد فين و امتى و نتمنى ان نراكى معنا

محمد مارو يقول...

امام الجيل
انا كنت فى اجتماع المدون خانه و شفته هناك

محمد مارو يقول...

الاخت المسلمه
ده اللى المفروض يتعمل بعد كل جلسه
نحدد التاريخ و المكان و الرئيس و الاعضاء اللى حضروا
و رقم الدورة
و ما تم الاتفاق عليه
و يكون فى شكل تقرير نهائى
يقوم به رئيس كل دوره
و النشر على شان اللى محضرش يعرف بما حصل
احنا مش هنخبى اسرار عسكريه

بنت الاسلام يقول...

اجتماع موفق ان شاء الله

وواضح ان في تنظيم مكثف

وربنا يوفقكم ان شاء الله

وربنا ييسر وننفذ كل الاتفاق

تحياتي

د محمد يوسف يقول...

لقد أثبت أنك فعلا على قدر المسئولية
ويبدوا أننا نتعلم منك هذه الجهوزيه العالية
جزاكم الله خيرا

محمد مارو يقول...

بطه
مستنينك بئه ان شاءالله

محمد مارو يقول...

دكتور محمد
ربنا يخليك و شكرا على كلامك الحلو
و انا و الله اللى بتعلم و بستفيد منكم
انت استاذى

ابو مفراح يقول...

السلام عليكم
ليه كده يا جماعه مش برده تبلغونا بالحاجات دى
تحياتى ابو مفراح

osama يقول...

الاخ محمد
السلام عليكم
امنياتى لكم بالتوفيق
ادعوك وكل الحاضرين للمشاركة والدعم فى ذكرى مذبحة اللاجئين السودانيين فى ميدان مصطفى محمود بالمهندسين فى 29/12/2005
ضيوف مصر الذين قتلوا بلا ذنب
ولكم خالص الشكر

محمد مارو يقول...

الاستاذ ابو مفراح
تحب تشارك معنا ؟
نتمنى حضورك و تشريفك لنا

محمد مارو يقول...

الاخ اسامه
السلام عليكم و رحمه الله و بركاته
اخى الفاضل
ذكرى ايه اللى انت بتحييها ؟
هل قامت الحكومه المصريه بسلبهم حقوقهم ؟
هل تعاملتمعهم بوحشيه من بدايه الامر ؟
انا كنت متابع و الحكومه فضلت تنذرهم ع مدار اسبوعين تقريبا
و كمان المنظر اللى كانوا عاملينه كان فى غايه السوءو الراحه اللى كانت منبعثه من المكان كانت مقززه
كمان هما اللى بداوا بالعنف
اخى العزيز هو احنا لائين شغل او اى حاجه لما نتحمل شغل ناس تانيه
اخى العزيز مصر ديما بيت العرب
بس العرب اللى بيقدروها مش ع شان ما حكومتنا ساكته تبرطعوا فيها
اخى العزيز لو ربع المنظر ده كان حصضل فى السعوديه او اى دوله عربيه كانوا اخدوا حادجه اسمها ممانعه يعنى عدوم دخول السعوديه تانى
الوقفات و الاحتجاجات مع المظلومين و ليس الظالمين و المفسدين
السودانين دول كاتوا مبوظين رقعه جميله و هى منطقه المهندسين
ااااااااااااااااااااسف
انا ضد الوقفه دى

سارة يقول...

مارو

ربنا معاكم ويوفقكم

بس مشاخبى عليك

كل حاجة فى مصر
اول ماتدخل اطار التنظيم والمنسق والعضو بيحصل حاجات غريبة

يلا ربنا يوفقكم

تلميحاتى - يوسف الشافعى يقول...

بجد خساره انا معرفش موضوع الرابطه ده من الاول
ارجو اخطارى دايما بالمواعيد حتى اكون عنصر فعال فى الرابطه
طبعا انا عارف الاجتماع كل اول خميس من كل شهر بس فين والمكان هنعرفه ازاى انا منتظر الرد
وياريت متنسانيش