الاثنين، 31 ديسمبر 2007

صوتى ياللى منتش غرمانه

فاكرين فيلم خلى الدماغ صاحى بتاع سامى العدل و مصطفى شعبان لما سامى العدل كان عامل فيها جن و ابن ملك الجان ؟
فاكرين لما كان بيحاول بينظف المنطقه بتاع مصطفى شعبان و كان عاوز برصف الشارع ؟ و كل اما يجى يرصف الشارع الحكومه تكسر الرصف بحجه دخول الكهربا او التليفون او الصرف ؟ يعنى هو بينظف و الحكومه متعمده تبوظ
ده يا جماعه بيحصل عندنا و اكيد عند كتير منكم
بس من غير ما يطلع لى لا جن و لا عفريت و لا اى حاجه
كل ما فى الامر احنا تعبنا من عدم النظافه و قلنا ننطف
و لمينا من كل شقه مبلغ و قدره و قلنا هنرصف الشارع نظافه يعنى
و بعد اما لمينا من كل شقه الفلوس و رصفنا الشارع
و قلنا هننطف و نطفنا الحمد لله لكن هيهات هيهات
مين اللى بنطف ؟ الحكومه رافضه نظافه الشعب
الان و بكل بجاحه يتم تكسر الرصف فى مدن كتير بحجه دخول الغاز الطبيعى
اهلا بيك يا عمو الغاز بس هو على شان حضرتك تدخل لازم تبوظ لنا الدنيا ؟ ربنا يسمحك
يا ريت يا حكومه تبئى تصلحى الشوارع تانى
مع انى متاكد ان ده عمره ما هيحصل و مش هيحصل ربنا يسامحكم بئه

هناك 19 تعليقًا:

عصفور المدينة يقول...

هو انت ساكن جارنا ولا حاجة

only spot يقول...

ههههههههههه
مارو هابى نيو يير وقول بقى ايه امنياتك فى السنه الجديده؟؟؟؟؟؟؟؟؟
ده مشهد من فيلم هنيدى يوه نسيت اسمه بس بما اننا فى مصر بقى كل شئ غريب هو العادى عليه العوض فى الفلوس الى ادفعت فى الشارع
تحياتى

بنوتة من وسط البلد يقول...

بس يا عم احمد ربنا ان الناس معاك عايزة تنظف

مرة حاولنا نعمل نفس العاملة وقلنا نبيض العمارة من بره ... قام جه شوية ناس ولاد حلال .. قالوا بقى تنضفوا من بره وسايبين جوا من غير تنظيف

جوا ده بقى الى هى المواسير والسباكة والصرف والكهربا والضغط والسكر والمرارة

ووحياتك لا اتنظف من جوا ولا من بره وعزلنا الحمد لله وسبنا العمارة بالزبالة الى فيها :)

كل سنة وانت طيب وهابي نيو يير يا راجل يا طيب

وادى اخره الى ما يسمعش كلمه ماما سوزان تقولها

:)

mohammed alsha3r يقول...

كل سنه وانت طيب يامرو

احنا فى اول السنه ياعمونا

وعادى اللى بتقوله دا كله

ويما يامرو

هتعيش

وربنا يرزقك طول العمر وبركته

وهتشوف

بس شويه خليك متفأل

لسه فى خير

سلام عليكم يامرو ياجميل

بنت الاسلام يقول...

والله يامارو الموضوع عندنا العن وادل

برج فخم جداااا

وقدامه منطقة العن من مقلب الزبالة

مسكن غالي جدااا للفيران

وطبعا نفس رالقصة

الغاز الطبيعي

علي ما الغاز يدخل

هنكون موتنا من التلوث الي حصل بسبب الحفر

ربنا يرحمنا ياجدع

تحياتي

hekaytna يقول...

ياسلام انا لسه شايف الفيلم علي ميلودي افلام !!بس بجد يا ريت يا مان الغاز يجي وانا اللي هكسر الشارع كمان ده لانه مش مسفلت اصلا
تحياتي

جمعاوى روش طحن يقول...

ايه هو إنت ناسى إنك ف مصر


إبتسم يا مارو


انت مصراوى يا جدع

المصرى الجديد يقول...

للاسف كل مشاكل المصريين عايزة عفاريت خصوصا بعد عجز الحكومة الواضح

walaa يقول...

كل سنه وانت طيب بمناسبة السنه الجديده اما بقى الحكومه بتاعتنا هى حكومه للخراب وليست حكومه للعمار

تحياتى لك ولاء

osama يقول...

ياه اصلك منتاش واخد بالك الغلط عليكم مش كان لازم يكون عندك بعد نظر تستنى لما يدخلوا الغاز وبعد كده ينقبوا عن البترول ...
ملكش حق خالص ....

بذمتك هتستفيد ايه وتقولي نحضر الجن شفت بقى انك ملكش حق هههههههههههه

هذا هو الفساد الذي يزكم الانوف يا صديقي ....

دمت بكل ود..
خالص تحياتي

amany يقول...

وانا بقرا البوست حسا كانه بتتكلم فيه عن المنطقه بتاعتنا تمااام

تقريبا نفس المشكله ويمكن اكتر
بس المشكله الاكبر بئا انه بقيت بحس ان الناس اتعودوا عى التشوه فى كل حاجه حواليهم
اتعودوا يعيشوا تعبانين من كل حاجه
الخوف بئا يجى يوم منحسش بيه باى حاجه حلوه حوالينا

غير معرف يقول...

صباحك منور يا مارو يا حبيبي و كل حبايبنا في مصـر
لسه فيه عفاريت الغاز.. ما يكفينا عفاريت الحكومة الي يطلعوا لنا في كل حتة، و على قولتك يا مارو الحكومة هي اللي مبوزة الدنيا
اقول لك نصيحة: احذر توقع في حفر الحكومة، و كل من يحفر حفرة لأخيه يسقط فيها، و لكن مازلت محتار ، اي حفرة راح توسع الحكومة؟؟؟؟
جبيبك أرسلان من الجزائـر

حسن توفيق يقول...

اخى الفاضل
محمد مارو
كل عام وانت والجميع بخير
واتمن من الله ان يكون العام القادم احسن من السابق
وان تتحقق امنياتنا جميعا

ابو مفراح يقول...

ههههههههههههه
لو كنت زعلان خد من الحكومه تعويض
كل عام و انتم الى الله اقرب و على طاعه ادوم
تحياتى ابو مفراح

غير معرف يقول...

واد يا ماروا والله اللي حصل في بلدكم شيء إيجابي بس للأسف أحنا عايشيين في بلد مش إيجابية ... طيب أنت وماشاء الله علشان القر يعني هايدخلوا عندكم الغاز الطبيعي أحنا بقي في العزيزة ملوي مفيش صرف صحي , يعني أنت بتقول صوتي , عندنا أحنا ممكن تقول ألطمي وعلى موضوع الرصيف لازم تشوف ملوى علشان تحمد ربنا .
أوعى تفتكرني بقر بس بقلك بس علشان اللي يشوف بلوة غيره تهون عليه بلوته
سورى
هابي نيو يير
أخوك
حمادة زيدان

الشريف / جمال طة يقول...

فضيحــــــــــــــــــــــــــــــة بالسعـــــــودية


مــــــــن المجتمــــــــــــــع الدولــــــــــــــــــــى



الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه

وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه

أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى

أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه

أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم


برجاء الاطــــلاع وشكرا

http://gamal51.blogspot.com/

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

أحمد سعيد يقول...

أزيك يا مارو

يعنى مستنى ايه من حكومه عقيمة

غير تصرفات عقيمة

يارب يريحنا منها

ومن تصرفاتها العقيمة

تمنياتى بالتوفيق

اخوك نيجــر

تلميحاتى - يوسف الشافعى يقول...

انت هايل ومواضيعك هايله ولديك ثراء لم يمنح الا لقله
ربنا يوفقك
ارجو الزياره

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘