تهنئه و تعزيه من القلب

اولا احب ان اقدم التهنئه

تهنئه بمناسبه حلول عيدين من اشد الاعياد

حبا الى قلبى

انهما المولد النبوى الشريف

و عيد الام ست الحبايب

و فى المولد النبوى الشريف

احب ان اقدم خالص اعتذار و اسفى لحبيبى و حبيب الرحمن خير الانام

محمد بن عبد الله

اولا اعتذر عما صدر منى و من تقصيرى فى سنته

و اعتذر عما قام به بعض البنى ادمين

و مش هحول لا كلاب و لا خنازير كما يقول البعض

لانهم فى الاول و فى الاخر بنى ادمين

اعتذر عما صدر منهم فى حق رسول الله

و لو يعرفوا من هو الرسول صلى الله عليه و سلم ما كان صدر منهم شىء

لكن احنا المقصرييييييين و العيب منا مش منهم

لازم نهتم بسنته اكتر و نعمل بدينا صح

ثانيا العيد التانى

عيد ست الحبايب

عيد امى

و عيد كل ام

و بقولها

كل سنه و انتى بالف صحه و خير و يخليكى ليه يا امى

و يدوم لى رضاكى يا اعز الحبايب يا حبيبه

ربنا يخليكى ليه يا رب

و يخلى كل ام لاولادها و ميحرمش حد من حد

كل سنه و انتى طيبه يا امى

التـــــــعــــــــــزيه

بعزى من قلبى كل واحد خاطب او كاتب كتابه

و بقوله قلبى معاك

حد يقولى بتعزيه ليه؟

اقوله جرى العرف ان فى المناسبات الدينيه و معاهم عيد الام

ان اللى خاطب بيجيب لخطبته هديه

اللى بنسميه الموسم

اما عينيه او ماديه المهم لازم يدفع

كده المولد النبوى يوم 20 هيدفع طبعا

و عيد الام يوم 21 هيدفع برده

و ياسلام لو حظه منيل و كان عيد ميلاد المحروسه هو كمان فى شهر 3

كده تكون طبلت على دماغه يا ريس

يا ريت نرحم العرسان شويه

مبارك هتتحرك امتى ؟ اطفالنا بيموتوا

مبارك سيادتكم هيتحرك امتى ؟

فلسطين متبهدله و غزه محاصره و اهلنا فى غزه بيموتوا

و برده معاليك ساكت

و بتقول ان امن مصر خط احمر لا يمكن لاحد ان يتجاوزه

و اهو الخط اصبح بمبى اهوه

مش احمر

العدوان الاسرائيلى المتواصل على غزه و صل لنا

و برده انت ساكت

واحد يقولى وصل لنا ازاى ؟

اقوله على فترات ليس متباعده اسرائيل

عماله تموت اما فى الجنود المصريين او فى اهل رفح

و برده بتقول ان امن مصر خط احمر

النهارده بئه طفله كانت بتلعب ادام بيتها على الحدود

بين مصر و غزه

القناصه الاسرائيليه موتتها

و برده بتقول امن مصر خط احمر

انا مش عارف هو انا عندى عمى الوان و لا انت اللى عندك عمى الوان

اعتقد انك مش بتشوف اصلا

يا مباااااااااااااااارك

انقذ اطفالنا اهلنا على الحدود

و ياريت تكون عربى و تتحرك من اجل فلسطين اكتر من كده

و افضل وصف للحاله دى ما قاله احمد مطر

قصيده عباس

بيقول فيها

عباس وراء المتراس ،
يقظ منتبه حساس ،
منذ سنين الفتح يلمع سيفه ،
ويلمع شاربه أيضا، منتظرا محتضنا دفه ،
بلع السارق ضفة ،
قلب عباس القرطاس ،
ضرب الأخماس بأسداس ،
(بقيت ضفة)
لملم عباس ذخيرته والمتراس ،
ومضى يصقل سيفه ،
عبر اللص إليه، وحل ببيته ،
(أصبح ضيفه)
قدم عباس له القهوة، ومضى يصقل سيفه ؛
صرخت زوجة عباس: " أبناؤك قتلى، عباس،
ضيفك راودني، عباس ،
قم أنقذني ياعباس" ،
عباس ــ اليقظ الحساس ــ منتبه لم يسمع شيئا ،
(زوجته تغتاب الناس)
صرخت زوجته : "عباس، الضيف سيسرق نعجتنا" ،
قلب عباس القرطاس ، ضرب الأخماس بأسداس ،
أرسل برقية تهديد ،
فلمن تصقل سيفك ياعباس" ؟"
(لوقت الشدة)
.إذا ، اصقل سيفك ياعباس

تعالوا نحب بعض فى عيد الحب

اصدقائى الاعزاء المدونين و المدونات

كل سنه و انتم طيبين و هابى فلانتينز داى

فى ناس كتير هتقولى هو ده عيد على شان نحتفل بيه ؟

و ناس تانيه هتقولى حرام الاحتفال بالعيد ده و كلام كده

لان احنا عندنا عيدين بس العيد الصغير و العيد الكبير

انا بقولهم و فيها ايه لما نخلى يوم فى السنه نحب بعض فيه ؟

و اللى مخاصم حد يصالحه

و اللى بعيد يقرب

و نحب بعض بجد بجد بجد

و نساعد بعض كمان ده هو الحب

و برضه مش هنلغى العيدين الاساسين بتوعنا

دول الاساس طبعا

انا كمان بطلب ابعد من كده انا عاوز نخلى عيد للصداقه

و عيد للاخوه

و عيد للاب و عيد للابن و تكون حياتنا كلها اعياد فى اعياد

ايه المشكله يعنى ؟

هو ده هيعارض مع اسلامنا ؟

اسلامنا باقى سوف يبقى للابد ده مش كلامى ده كلام العلى القدير

ع العموم انا واحد من اللى بيفرحوا باليوم ده

بس طبعا

ارفض اللى بيستغله استغلال وحش و طبعا فاهمين اقصد ايه

اقصد اللى بيعمل مقابلات خاجه عن الادب و اللياقه و عن الاسلام كمان

ده برفضه جدا

اخر كلمه

انا بهدى

فى اليوم ده تهنئه خاصه لكل من الاستاذ حسن مدنى

و الاخ علاء

بمناسبه عيد ميلادهم

و اهداء الى كل من

الدكتور محمد يوسف و الدكتور عبد الخالق زهران

الاستاذ عادل نجم و الباش مهندس عصفور المدينه

الاخ تامر المنصورى و الاخ محمد الشاعر و الاخ عمر

اخويه و حبيبى جمعه و الاخ خالد السلكاوى

طبعا نوشه و شموس و الجيزاوى و منذر

و حبيبى حماده زيدان

و محمد مفيد

و الاخت بطه و الاخت يارا و الاخت ساره

و عروستنا شيماء جمعه

و الاخت رحاب ( ابى ) و الاخت ولاء

و الاخت اونلى سبوت

و ايمى

و كل المدونين و المدونات

اسيبكم بئه مع شويه صور

المصري زي الكلب ينضرب على القفا محشوم يا كلب على الأقل فيك وفا

إزيك يا باشا مافيش حاجة حلوة كده يا باشا

يلعن أبوكم يا شحاتين يا ولاد الكلب

شحاتين شحاتين حرامية نصابين نشالين معروفين بلطجية معرصين

مهما طلعتوا فلاحين لو صعايدة معفنين يابو صرة على مين لا تجولي غلبانين

إستعدوا يا بهايم إستعدوا للشتايم يا زبالة العرب يابو صرة وعلي عوض

ده الموضوع لو كان بيدي راح امسحكم من الكون

لو أدعسكم واحد واحد لو كنتم ميتين مليون

إدعس على المصري وإدعس على الأهرامات

وإدعس عليك يابو الهول وإدعس على الرجاصات

وأشخ في النيل وأخليكم تشربوه واللي يجولي أي كلمة راح ألعن له أبوه

الحمير فرحانين باللي بشارع الهرم إسمه شارع الوساخة مافيه واحد محترم

طول ما إنت في مصر يعني الغرزة غرزتك نسرقك ننهبك بعد إذن حضرتك

المصري زي الكلب ينضرب على القفا محشوم يا كلب على الأقل فيك وفا

الكلب يا كلاب صار أحسن منكم حرامية وشحاتين وبنفسي أهينكم

يا مصري يا عبيط يا مدمن الفسيخ علشان الجنيه يفصخلك نفسيه

الحل الوحيد للتخلص من أي مصري تمنع عنه الفول والطعمية والكشري

حتى النيل ولاد الكلب نجسوه وطلعتله ريحة والمصيبة بتشربوا منه يا مصارية يا فضيحة

يا بيه يا بيه بتشتم مصر ليه

إخرس يا كلب إخرس إنت يا إبن الإيه

أسب اللي أبغاه وأعطيه بالجزمة القديمة

وخصوصا أبو صرة اللي ماله أي قيمة اللي ماله أي كرامة

واللي أوسخ من البهيمة اللي يستاهل ضرب الشبشب واللي يستاهل الشتيمة

وطموح أي مصري إنه يشتغل سمسار أو يشتغل بلطجي أو جرسون في البار

وحياتك يا بيه أنا عاوزة فلوس

إتلموا يا غجر يا شوية تيوس

المصري أبو صرة ما يساوي عندي ريال تعطيه

بالنعال أو يتجلد بالعقال أوتعطيه بالشلوت أو تتفل عليه

أو تعطيه بالمشعاب غصب عنه يقولك بيه

مصر منورة

بفلوسي يا وسخين

مصر منورةبفلوسي

يا شحاتين

المصري والبهيمة في الطبايع مشتركين تعطيهم بالكرباج وتلاقيهم ساكتين

هاروح الخليج وأشتغل سباك هابعت فلوس كتير من هناك

إتفو عليك يابو صرة يا بلطجي خليك يا شحات إنت مقامك عربجي

العين يا كلاب ما تعلا عن الحاجب

إحنا الأسود يا حلوين وإنتم أرانب

في النهاية يا وسخين يا أوسخ ما في الكون راح تبقوا شحاتين سلمولي على فرعون

مصرالبيت بيتك وإيدنا في جيبكو

حاسب على الكحل اللي في عينك ها نسرقك ها نسرقك

ده طبعا مش كلامى

و لا ممكن يكون كلام اى مصرى

ده كلام مجموعه من الرعاع السعوديين

اللى بشويه بترول بيتنططوا ع اصل الحضاره

انا بس عاوز افكرهم اننا اللى كنا بنصرف عليهم

و بناكلهم و كانوا بيبوسوا جزمنا

و الله يا سعوديين

لولا ان رسول الله منكم

لكنت سمعتكم من الاهانات مالا يحمد عقباه

بس سؤالى بئه للمصريين اللى عاملين وطنين

المصريين اللى راحو و رفعوا قضايا

ع رؤساء التحرير فى موضوع شائعه موت مبارك

اللى قالوا ان الشائعه خسرت مصر كتير

وراحوا رفعوا قضايا

انا بسالهم

اين وطنيتكم

ليه مش بترفعوا قضايا فى المحاكم الدوليه

و لا انتم عاملين وطنين علينا بس؟

لو كده يبئه فعلا كل كلمه فى الاغنيه دى من حقنا

و نستاهلها

و كلمه اخيره لابوصره اللى فى الاغنيه

و طبعا كلكم عارفين هو مين

بقوله منك لله

منك لله

منك لله

انت السبب فى اهانه المصريين

سواء بره او جوه

انت السبب فى ذلنا و عارنا

يا ترى يا ابوصره انت وحاشيتك هتسكت؟

انا بقول و مقتنع مليون فى الميه انك هتسكت

و مش المره دى و بس

انت هتفضل تسكت و تسكت و تسكت لحد اما يجى شويه عرب كلاب

يلبسونا طرح

كلمه اخيره

انا اسف ع الالفاظ اللى فى البوست ده سواء منى او من الرعاع

و كنت لازم اكتب البوست ده ع شان اوجه رسالتى للمحامين اللى عاملين وطنين

و اوجه رسالتى لابو صره

بعد رفعه لشعار (تعاطفا مع غزة) : الكاف يهدد المصري أبوتريكة بالإيقاف والعرب يعترضون

أبوتريكة يكشف عن رسالته إلى العالم بعد هدفه الثاني

لم يغفل نجم الكرة المصرية محمد أبوتريكة الذي سجل اليوم هدفين في مباراة منتخب بلاده أمام نظيره السوداني مايمر به أبناء الشعب الفلسطيني من حصار على غزة التي تحول نورها إلى ظلام دامس وعيشها إلى فقر وجوع .
فبعد تسجيله للهدف الثاني لمنتخب مصر خلع أبوتريكة قميصه ليظهر عبارة كتبها على قميصه الداخلي حملت : (تعاطفا مع غزة SYMPATHIZE WITH GAZA) في إشارة منه لتذكير العالم أجمع والذي تتجه أعين جزء كبير منه لبطولة الأمم الأفريقية بمعاناة الشعب الفلسطيني .

ورغم أن حكم اللقاء أشهر البطاقة الصفراء لأبوتريكة
بحجة منع الفيفا لاستخدام الشعارات السياسية في المباريات
إلا أن أبوتريكة لقى صدى شعبيا واسعا في الأوساط العربية بكافة جنسياتها خاصة وأنه سبق وأن حمل شعار (نحن فداك يارسول الله) في البطولة الأفريقية الماضية
اثر قضية الرسومات المسيئة للرسول محمد صلى الله عليه وسلم آنذاك .
هذا وأشارت بعض الأخبار الصحفية ووسائل الإعلام إلى أن اللجنة المنظمة والاتحاد الأفريقي لكرة القدم قد يصدر قرارا بإيقاف أبوتريكة على خلفية هذه الحادثة .

من جهته اعتبر مراقبون عرب أن عقوبة الاتحاد الأفريقي لأبوتريكة فيما لو حصلت ستعتبر مجحفة وظالمة بإعتبار أن لاعب غانا جون بينتسيل سبق وأن رفع علم الكيان الصهيوني في كأس العالم الأخيرة وتحديدا بعد فوز غانا على التشيك ولم يلقى أي عقوبة من الفيفا حينها .

و ديما و ابدا متهانين يا عرب

ديما و ابدا وخدين ع قفاكم

تحياتى

حماااااااااس ارجوكى سيبى غزه و سيبى اهلنا يعيشوا بئه

كتير من اللى هيقرا العنوان ده هيفتكر انى ضد حماس

و هذا طبعا غير صحيح انا مع حماس و لكنى مع حماس احمد يس مع حماس الرنتيسى

مع حماس اللى كانت بتزلزل اسرائيل فى عقر دراهم مش مع حماس هنيه

ايوه مش مع حماس هنيه

انا اصلا مش موافق على دخول حماس لعبه السياسه فى 2003

ليس خوفا من الفشل فى الانتخابات

فانا على ثقه بفوزها لان كل الشعب الحر معاها

و لكن خوفا من الدخول فى لعبه السياسه

لان السياسه معناها مفاوضات و المفاوضات معناها تنازلات

و التنازلات لا يمكن ان نقبلها من حركه لها ثوابتها و مبادئها مثل حركه حماس

فبكل اسف انا حزين على تولى حماس امور الحكومه

لان الحكومه من واجباتها توفير الامن و الاستقرار و الحياه الحره الكريمه و الرفاهيه

و لكن حماس لم تستطع توفير اى شىء من السابق

بالنسبه لموضوع الامن بدل من ان يتقاتل الفلسطنين و الاسرائيلين

تقاتل الفلسطنين فيما بينهم و هذا كان اكبر عار للامه

ممكن واحد يرد و يقول ان فتح السبب انا اقول سواء كان فتح او حماس او اسرائيل

فعلى الحكومه توفير الامن مهما كان و مدام ارتضت ان تكون حكومه

كمان لم تستطع توفير لقمه العيش للشعب اللى اختارها هتقولوا لى و هى حماس ذنبها ايه

ما العالم و العرب هما اللى قاطعوها

اقول برده مدام ارتضت ان تكون حكومه فعليها ان توفر لقمه العيش

و كنت اظن ان حماس من اول عام من المقاطعه سوف تقدم استقالتها

و الاستقاله هنا ليس دليل ع فشلها و لكن سوف تكون اكبر دليها ع نجاحها

لانها لم تقبل التنازلات

و عندما اقال عباس الحكومه كانت ع حماس ان ترضغ للقرار لان زى ما حماس

كانت منتخبه من الشعب عباس كمان منتخب من الشعب انه يكون الرئيس

و لكن للاسف حماس تمردت و ابت ان تكون حركه شاء لها ربها ان تكون حركه كبيره

بسبب قرار عباس

و استمرت فى الحكم

و هنا فشلت حماس و بكل اسف

لانها الان ليست حركه مقاومه و لا هى حكومه

و لكنها حركه فى سبب قتل و تجويع الشعب

يا حماس ارجوكى تخلى عن غزه و عودى مره ثانيه فى كل فلسطين

فلسطين رام الله فلسطين القدس فلسطين الضفه

فى كل فلسطين

و لكنه للاسف كان فخ من اسرائيل و نجحت اسرائيل فيه

فخ لتجميع حماس فى غزه فقط و لمهم من كل فلسطين

و بالتالى سهل القضاء عليهم

يا حماس ارجوكى سيبى اهلنا يعيشوا فى غزه

يا حماس ارجوكى عودى مره اخرى حركه مقاومه تذلذل اسرائيل

يا حماس ارجوكى سيبى المفاوضات لعباس

سيبى عباس يجرى وراء السراب فى انابولس و مدريد و شرم الشيخ

و عودى لنا حركه مقاومه حره تذلذل اسرائيل فى تل ابيب

و ليس حركه تقصف شويه صواريخ متهالكه على اسديروت

عودى لنا يا حماس حركه نفخر بها

عودى لنا دعودى لنا

عودى لنا

وزير التعليم نسى عيد راس السنه الهجريه و افتكر عيد الكرسماس

شهد الشارع المصرى اليوم هرج و مرج بين الكبير و الصغير بسبب وزارة التربيه و التعليم

فكما يعلم الجميع

ان هذه الايام هى امتحانات النقل للصفوف الابتدائيه

و ايضا معلوم ان جدول الامتحانات تم وضعه مسبقا و تم اخذ فى الاعتبار اياد الاخوه المسيحين

لكنهم للاسف نسيوا اعياد الاخوه الملسمين

و تم وضع الجدول ليكون الاربعاء القادم

هو ميعاد امتحان ماده الحساب للصف الرابع و الخامس و لكنهم نسيوا ان هذا اليوم احتمال يكون اجازه بسبب راس السنه الهجريه

و بالفعل قد كان

و اصبح هو بدايه راس السنه الهجريه و بناء عليه لابد ان يكون هذا اليوم اجازه رسميه

مما ادى الى حدوث نوع من الهرج فى الشارع المصرى

هل يذهب الاطفال الى المدارس للامتحان يوم الاربعاء ام لا ؟

و اضطر الاهالى الى الذاهب للمدرسين الاقرب لهم و يسالونهم هل اجازه ام لا ؟

و ايضا تم اللجو الى الجوامع لاعلان ان الاربعاء ان شاء الله اجازه رسميه

ده اقوى دليل على ان سياستنا بتمشى بالبركه يعنى الوزير قال بركاوى كده نخلى الامتحانات الاربعاء ان كان اجازه نعلن و ان لم يكن نعتذر

بس هو مش اعتذر

صوتى ياللى منتش غرمانه

فاكرين فيلم خلى الدماغ صاحى بتاع سامى العدل و مصطفى شعبان لما سامى العدل كان عامل فيها جن و ابن ملك الجان ؟

فاكرين لما كان بيحاول بينظف المنطقه بتاع مصطفى شعبان و كان عاوز برصف الشارع ؟ و كل اما يجى يرصف الشارع الحكومه تكسر الرصف بحجه دخول الكهربا او التليفون او الصرف ؟ يعنى هو بينظف و الحكومه متعمده تبوظ

ده يا جماعه بيحصل عندنا و اكيد عند كتير منكم

بس من غير ما يطلع لى لا جن و لا عفريت و لا اى حاجه

كل ما فى الامر احنا تعبنا من عدم النظافه و قلنا ننطف

و لمينا من كل شقه مبلغ و قدره و قلنا هنرصف الشارع نظافه يعنى

و بعد اما لمينا من كل شقه الفلوس و رصفنا الشارع

و قلنا هننطف و نطفنا الحمد لله لكن هيهات هيهات

مين اللى بنطف ؟ الحكومه رافضه نظافه الشعب

الان و بكل بجاحه يتم تكسر الرصف فى مدن كتير بحجه دخول الغاز الطبيعى

اهلا بيك يا عمو الغاز بس هو على شان حضرتك تدخل لازم تبوظ لنا الدنيا ؟ ربنا يسمحك

يا ريت يا حكومه تبئى تصلحى الشوارع تانى

مع انى متاكد ان ده عمره ما هيحصل و مش هيحصل ربنا يسامحكم بئه

الحياة منتهى اللذه

فعلا الحياة منتهى اللذه لما القاهرة و مصر كلها تغرق فى شبر ميه من شوية مطره فعلا الحياة منتهى اللذه لما تيجى تروح مشوار سواء بالعربيه او ع رجليك متعرفش بسسب شوية مطره

فعلا الحياة منتهى اللذه لما اقل امين شرطه او مخبر يديك ع افاك و متقدرش تقول ليه عمل كده

فعلا الحياة منتهى اللذه لما تتخرج بعد سنين طويله من المذاكرة ووجع الدماغ و اهلك يصرفوا عليك دم البهم و فى الاخر يقولوا لك

شكرا مش عوزينك
فعلا الحياة منتهى اللذه لما كل حاجه عماله تغلى و الحكومه عماله تخنق فينا و احنا مش قادرين نقول كفايه

فعلا الحياة منتهى اللذه لما كل حاجه يعوزها الحزب الوطنى هى اللى تمشى سواء كانت صح او غلط و الدليل ع كده نكسه 76 انا

اقصد 76 مش 67 لما مبارك حب يعدل الماده 76 و المعارضه طلعت و قالت لا و الشعب طلع و قال لا بس الحزب الوطنى قال نعم و

فعلا تمت زى ما سيادة الحزب عاوز و لما حسوا انها مش نفعه رجع مبارك تانى و قال نعدلها من جديد ده اعتراف صريح بفشل حزبه

فعلا الحياة منتهى اللذه لما كل يوم و التانى تظهر شكوة تعذيب زى بتاع عماد الكبير اوعوا تنسوه

فعلا الحياة منتهى اللذه لما يجى جمال مبارك رئيس لمصر شئنا ام ابينا

و لسه الحياة منتهى اللذه و لسه و لسه

البوست ده قديم من السنه الماضيه لكن بتذكره مع كل مطره

اسف ! ده اسمه لعب عيال

اااااااااااسف الللى حصل ده اقل ما يمكن ان يقال عنه انه لعب عيال

طبعا كلكم عارفين اقصد ايه

اقصد التصرفات الصبيانيه بتاع الحكومه السعوديه

دى تصرفات عيال بتلعب فى الحاره

مش تصرفات حكومه رشيده المفروض انها تكون زعيمه العالم الاسلامى

انا بقلولهم انتم كده اثبتم انكم

مش تقدروا على تحمل زمام اشرف امه على الارض

مش تقدروا تتحملوا زمام اكبر امه على الارض

الى الحكومه السعوديه

طظ فيكم كلكم

ياللى مش عارفين تحددوا هو الهلال ظهر و لا لاء

و ال ايه عاوزين نتقدم و نتفوق على امريكا و ننتصر على اسرائيل

هنتقدم ازاى و انتم مش عارفين تشوفو االهلال

طظ فيكم واحد واحد

و من غير اعتذار للالفاظ

و تالت مره طظ فيكم

انتم ضيعتوا علينا صيام يوم من الايام العشر اللى رب الكون اقسم بيهم

طظ فيكم ياللى كل همكم الخلافات بس و جمع الاموال اللى ان شاء الله

ربنا هياخدها منكم قريبا زى ما وهبها لكم

طظ فيكم و من كل قلبى

و بقولها بكل غل و من كل قلبى

طظ طظ طظ طظ فيكم الى الابد

معلش انا بكتب البوست ده و انا كلى مراره و اسى و حزن

لان دى مش اول مره الحكومه السعوديه تعملها معنا

ثم الان الامر مش مستاهل انه يحصل فيه اللخبطه دى

ده هلال و بشوفه يا عالم

مش بخترع الذره

او بعمل نووى

ما تم الاتفاق عليه فى رابطه مدونى الدلتا

بسم الله الرحمن الرحيم

الاخوه الافاضل الاعضاء فى رابطه مدونتى الدلتا

2007/ تم اليوم الخميس الموافق 4 / 12

الموافق 26 من ذى القعده سنه1428 هجريا

عقد الاجتماع السادس لرابطه مدونى الدلتا

برئاسه العضو

محمد مارو

و حضور مجموعه من الاعضاء و الاخوه الافاضل

و قد تم الاتفاق على ما يلى

اولا / الاستمرار فى حملة التضامن مع اهل غزه ماديا و معنويا

ثانيا / الاستمرار فى حمله مقاطعه بجيب ساويرس و قد تم اختيار يوم 9/12 لوقف استقبال او ارسال اى مكالمات من موبينيل اى الى موبينيل و نشر و تعميم هذه الحمله و تعريف باقى الناس بهذا اليوم

ثالثا / الاتفاق على اعاده وتنظيم و هيكله الرابطه

و قد قدم العضو محمد مارو الاقتراحات التاليه و تم التصويت و الموافقه عليها

اولا / الاعضاء السابق ذكرهم هم الاعضاء الاساسيين ان شاء الله

لاستمرار الرابطه على ان يتم الاتصال بكل من الاخوه الاستاذ عادل نجم و الاستاذ معتز و الاستاذ الششتاوى و الاستاذ اسلام و باقى الاخوه و الاخوات لمعرفه مدى استمرارهم معنا و طبعا نامل و نتمنى ان يكونوا معانا دايما

ثانيا / الاتفاق على عقد لقاء فى اول خميس من بدايه كل شهر الساعه الثالثه عصرا

ثالثا تم الاتفاق على ان يكون المنسق العام يتغير بصفه دوريه مع بدايه كل دوره و يتم اختياره ابجديا

رابعا الاتفاق على حقوق وواجبات المنسق العام

من حقوقه

له الحق المطلق فى اختيار موضوع النقاش و جدول اعمال دورته

تكون الجلسه برئاسته لتنظيم الكلام بين الاعضاء و لابداء الاراء

اذا كان هناك اى مؤتمر او اى ملتقى يكون هو المحدث الرسمى للمجموعه

اما واجباته

التنسيق بين الاعضاء لمعرفه وتاكيد من سيحضر من عدمه

الاتصال بجميع الاخوه الاعضاء لمعرفه اخبارهم و ابلاغ باقى الاعضاء فى حالات ( الفرح / النجاح / اعياد الميلاد / المرض / الاحزان ) لتقديم الواجب المطلوب

و ايضا ابلاغ الاعضاء لتقديم الواجب كل واحد باسمه

ملاحظات

اولا تم الاتفاق ع ان يكون رئيس الدورة القادمه الاستاذ تامر بدلا من الاستاذ البوسطجى نظرا لظروف امتحاناته

على ان راس هو الدورة اللى بعدها

ثانيا البنود السابقه تم الموافقه عليها و غير مطرروحه للنقاش او الحذف لكن يمكن الاضافه عليها

و يتم ابلاغ رئيس الدورة فى حاله الاضافه حتى يدرجها فى جدوله

ثالثا / فى حاله وجود اى طوارى تمنع من الحضور فى الميعاد المتفق عليه امطار مثلا او تقلبات جويه يكون اللقاء الخميس اللى بعده و يكون هذا بناء على راى رئيس الدورة وقتها و هو الذى يحدد هل يتم التاجيل ام لا

مع تحياتى لكم

محمد مارو

عمال غزل المحله .....منى ليكم الف تحيه

عمال غزل المحله منى ليكم الف مليون تحيه ياللى علمتوا المتعلمين ايه معنى الحريه و الاضراب و الاعتصام  
 
عمال غزل المحله الشرفاء ياللى عرفتوا ازاى  تركعوا الحكومه فى اقل من اسبوع

عمال غزل المحله  الف شكر  ليكم  كلكم

بسببكم الشعب فاق

بسببكم الشعب عرف ان له حقوق و له مطالب

بسببكم  الاضرابات و الاعتصامات ملت البلد

سواء اضراب و اعتصام  موظفى الضراب  او عمال غزل شبين او غيرها و غيرها

بس الاهم  و المهم انكم ياللى ممكن اوى كتير منكم يكون يادوب بيفك الخط

انتم علمتوا اساتذة الجامعات ازاى يعملوا اضراب

و ها هم الان بيطالبوا بحقوقهم و عملين اضراب
و بيهددوا بالاعتصام زى ما عملتم

هديه للحكام العرب قبل انابولس

يلا يا مبارك لم اصحابك و اشتروا بدله جديده ع شان هتروحوا ام الدنيا
و ست الكل
امريكا
كل واحد منكم بئه يروح يشترى له بدله حلوه كده و شيك
و اللى بيلبس الجلباب يروح السعوديه دى فيها شويه جلاليب حلوه اوى
او اقول لكم ابعتوا هاتوها من امريكا احسن ما هى امريكا اللى بتلبسنا و بتحمينا و بتصرف علينا و بتحللنا مشاكلنا
بس عاوز يا عرب افكركم بحجتين مهمين اوى
الاولى
ان كل مره لما سيد البيت الابيض يجى يخرج منه يعمل مؤتمر بدعوى البحث عن حل للقضيه الفلسطينيه
زى كلنتون كده
سيد البيت الابيت يفضل يدمر فينا طول 10 سنين و يجى فى اخر شهر له و عاوز يحلها
و انت فين طول العشر سنين ؟
عمال تدمر فى افغانستان و العراق و بمساعدتك كانت لبنان
و كنت عاوز تدمر سوريا بس العراق اداك درس
بالرغم ده كله مبارك بيقول انه متفائل من المؤتمر
انا مستغرب من الحكام دول
هما بيضحكوا عنفسهم و لا بيضحكوا علينا
و على رأى محمد صبحى
والله ما بتفرق معانا الاسماء
لا انابولس و لا ون ريفير و لا كامب ديفيد و لا اسلو

و لا اى مؤتمر من المؤتمرات
اصحوا بئه
الحاجه التانيه اللى عاوز افكر العرب بيها و افكر نفسى و افكركم معايه
صور الحرب ع لبنان
دى عباره عن شويه اطفال اسرائلين بيهدوا و بيكتبوا اهداء ع الصواريخ اللى راحه لاطفال لبنان











ايها العرب الافاضل
دى شويه صور بفكركم بيها مع انى عارف انها صعبه اوى
بس بفكركم انت راحين تحطوا اديكم فى ايد مين
و الناس دى عملت فينا و بتعمل فينا ايه
مع انى عارف ان المؤتمر ده ضحك ع الدقون و كلهم زى بمض
و تانى
و الله ما بتفرق معانا الاسماء

يلا بئه روحوا امريكا و شوف الموزز و عيشوا لكم يومين هناك

و تعالوا ائرفونا تانى

السبب فى تخلفنا

كثير منا بيحاول يفهم او عاوز يعرف ايه السبب فى تخلفنا كمصريين بصفه خاصه( حضارة 7000 سنه )
و كعرب بصفه عامه رغم كل امكانياتنا الماديه و ثرواتنا الطبيعيه

عشان كده هحاول انى اقول سبب تخلفنا من وجهة نظرى الشخصيه

ع شان نعرف سبب تخلفنا تعالوا نشوف من اول يوم الطفل بيتولد فيه

اول ما يتولد الطفل عندنا فى العرب ننزل فيه هاتك يا بوس
فرحانين بيه بئه و نفضل نقوله ايهالحلاوه دى ايه الجمال ده

يا كميله و نفضل ع الحال ده لحد ما يروح المدرسه
و يمكن كمان لحد اما يخلص الابتدائيه

واحد يقولى وايه الوحش فى كده

انا اقوله من هنا بنربى الطفل ع الجنس و بنغرس فيه حب الجنس

هيقولى ازاى برضه مش فاهم

هقوله لما نفضل نتكلم ادامه ع انه جميل اما يكبر لازم يسعى
ع شان يفضل جميل و اللى يشغل باله لا الشغل و لا اى حاجه
غير انه ازاى يكون جميل و امور ع شان الجنس المختلف يحس بيه

عالعموم نشوف نقطه تانيه

الطفل كبر وراح المدرسه
دخل سنه اولى و الحمد لله نحج فى الفلاحين
و الارياف من و هو طفل بيروح مع ابوه الغيط و بيساعه ابوه
لكن تعالى بئه فى المدينه الواد خلص هيعملوا ايه ؟
اما يودوه النادى لو مستواهم المادى كويس
او يسبوه يلعب فى الشارع لو مستواهم عادى
و يفضل كده كل سنه و سنه ورا سنه
يخلص الابتدائى و هو متعود
انه يذاكر شويه و بعدين يلعب و يهيص طول الصيف
لكن بتاع الارياف واخد انه طول السنه
بيذاكر و برضه بيروح الغيط يعنى واخد ع الشغل من صغره
شغل يتناسب مع سنه
الاتنين يخلصوا الابتدائى و يطلعوا ع الاعدادى
بتاع المدينه يذاكر و يتعلم شويه فى الشتا و يهيص و يلعب فى الصيف
لكن الارياف يبدا يهتم اكتر بالارض و يقل الاهتمام بالتعليم
و يخلصوا الاعدادى
بتاع المدينه شحت و زى التنيل بياكل و بيشرب و متعلم و بتاع
الريف للاسف امى لا بيعرف يقرا و لا يكتب بس عنده ارضه و شغله و زراعته
هنا بتاع الريف يبطل مدرسه او ع الاقل يدخل دبلوم
و بتاع المدينه يكمل ثانوى و يكمل دراسته
بس للاسف بيجى الصيف كل سنه يلعب و يهيص بحجه
ال ايه انه تعبان طول السنه فى المذاكره
و لازم يريح
المهم بتاع الريف يخلص دبلوم او حتى لو ربنا وفقه و راح كليه بس
تلاقيه بيقول كلمه واحده بس انا ممكن اشتغل اى شغلانه
بتاع المدينه بئه بيه و باشا خلص ثانوى و كمان كليه و هو مش بيعرف حاجه غير انه بيعرف يقرا و يكتب حتى كليته مش اتعلم منها حاجه اصلا
و يخلص كليه و يصبح عااااااااااااااااااااااااطل
لا وراه شغله و لا مشغله لانه عاوز مكتب يقعد عليه متعلم بئه
لكن بتاع الريف اللى اتعلم و يشتغل من صغره بيروح يشتغل و يكسب
بس للاسف المحصله فى الاخر صفر
لان لا اللمتعلم الدوله فى حاجه له لانها
عاوزه واحد حرفى صنيعى لاننا مجتمع متاخر و تالت
و لا عوزه الحرفى الصنيعى الجاهل الامى احنا عوزين
شباب متعلمين و حرفيين مع بعض فى كل المجالات
احنا عوزين نتقدم بالعلم و معاه الصنعه و الحرفه
مش عوزين شباب ع مكاتب

ع شان كده لازم من الصغر نعلم ابنائنا ازاى
يشتغل و ازاى يصنع و ينتج
مش نعلمه انه يطلع تنيل من تنابله السلطان

زياره اخ مريض محتاج لكم

اخوانى المدونين و المدونات
انطلاقا من كوننا اسره واحده وفى مجتمع واحد و يجب ان نكون كلنا ايد واحده ليس فقط فى مواجهة النظام بل فى الحياة العامه و الاجتماعيه ايضا
من هذا المنطلق و من هذا المبدا
يوجد اخ لنا مدون وحيد ليس له الا الله و احنا
احنا اخوته و اخواته هذا المدون هو عمر الشرقاوى تعرض منذو يومين لحادث سير اثناء ذهابه الى القاهره و انكسرت قدمه اليمنى و اصيب ببعض الجروح و الكدمات الى جانب تأثره النفسي من أثر الحادث
و هو الان وحيد ليس له اخوه و لا اخوات و محتجنا و محتاجكم جانبه من هنا فقد اتفقنا ان نذهب له يوم الخميس القادم ان شاء الله
وندعوكم لمشاركتنا في عمل زيارة جماعية له
انطلاقا من حديث رسول الله صلى الله عليه و سلم ما من مسلم يعود مسلماً مريضاً غدوة إلا صلى عليه سبعون ألف ملك حتى يمسي، وإن عاد عشية إلا صلى عليه سبعون ألف ملك حتى يصبح، وكان له خريف في الجنة) الترمذي (969).
ملحوظه
سواء اتفقنا معه فى الرأى او اختلافا المهم كلنا شعب واحد و ليس من الضرورى ان تكون متفق معاه فى اراءه
فهذة الزيارة من الجانب الإنساني انطلاقاً ان الإنسان يقف بجوار اخيه الإنسان في الظروف الصعبة
و انت هتزوره كا اخ مسلم محتاجلكم جميعا
اتمنى ان تلبوا الدعوة و اعتبروها وقفه احتجاجيه او لقاء تلفزيونى او مؤتمر من اللى بنجرى وراهم دول
و الله الزياره دى هى الباقيه ليك فى الاخره لان ثوابها كبير جدا و هترفع من معنوياته جدا
اخوكم
محمد مارو و محمود الششتاوى

للاستفسار عن كيفيه الوصول و التنسيق
نرجى الاتصال بالرقم ده 0182491025

اتطبخت يا معلم

كده بالهنا و الشفا عليكم يا مصريين

و اقول لكم كده قضيه الشاب المصرى اللى مات من التعذيب كده اتطبخت و ماتت خلاص

ايه الحكايه انتم هتعيشوا فى الدور و هتاخدوا عليها و لا ايه ؟

انتم هتخدوا على ان كل يوم و التانى الحكومه تحبس لكم ظابط شرطه و ترفده ع شان سواد عيونكم

هتجيب ظباط منين بعد كده بئه ؟

دى صرفت عليهم دم قلبها

كفايه اوى واحد و كان طالع من عيون الحكومه انها ترفده بس يالله زكى رمضان

فوقوا بئه و اصحوا بئه

و اللى مش مصدق انها اتطبخت لحد ما شاططت و رحتها طلعت كمان

اللى حصل يوم الخميس الماضى

لما مجموعه من الشباب نظمت نفسها ع شان تعمل وقفه احتجاجيه سلميه جدا و متحضره جدا و بالشموع

فى الاخر يجى الامن و يفركش الوقفه

و كمان يعتقل الناس امثال الجيزاوى

السؤال بئه ليه عملتم كده يا داخليه ؟

هو انتم مش هتحكموا الظابط ده و لا ايه ؟

و الله اللى انا حاسه ان مدام فركشوا الوقفه يبئه كل سنه و احنا طيبيبن و هما متهناين

مدام مش حبوا الناس تتكلم و تتظاهر مظاهره سلميه متحضره يبئه كده بيكتموا ع الخبر

و اتطبخت

و كلوها يا مصريين بالهنا زى ما اكلتم قبل كده العباره و قطار الصعيد و فلوس الريان و غيره و غيره

كلوا و اشربوا

ان كنتم لائين تاكلوا اصلا

ما دى الوكسه

يالله يا بخت مبارك بيكم

شعب مهما يتعمل فيه

ساكت مؤدب مش بيتكلم

يالله معانا الله ده كفايه اوى و كفيل بيهم ان شاء الله

صباح الخير يا نواره نجم صباح الخير يا شمس صباح الخير يا بطه

فى موضوع بجد هو فعلا خطييييييييييير جدا و اللى تبنته الاخت نواره نجم

و انضم ليها كل من شمس و بطه

لو مش تعرفوا الموضوع

الموضوع

بخصوص الاقصر لاس فيجاس

مدينه الاقصر الغاليه و العزيزه ع كل مصرى و ما فيها من حضاره و عراقه و ريحه و عرق المصريين

الاخت نواره و كل من الاخ شمس و الاخت بطه بيقولوا ان الاقصر اتسرقت منا و فين حقوق الملكيه الفكريه ؟

انا بقول لهم صباااااااااااااااااااااااااااااح الخير

صباااااااااااااااااااااااااااااااح الخير يا نواره صبااااااااااااااااااااااااااااح الخير يا شمس صبااااااااااح الخير يا بطه

انتم زعلانين ان الاسم اتسرق منا و مش زعلانين ان مصر كلها اتسرقت منا

مصر كلها امريكانى

فين مصر ؟

حد يجاوبنى

فين مصر يا جماعه

نظام الحكم امريكى

مش يعرف ياخد اى قرار الا بمواقفه الامريكان

الشعب متامرك

سواء فى نظام اللبس اللى تلاقى البنت تبين سرتها ووسطها و الشباب اللى بتلبس وسط ساقط

او فى اللغه حتى

كل واحد بيتباهى انه امريكى و بيعرف يتكلم زيهم و انه عارف له كلمتين انجليزى و امريكى حلاوه كده يعنى

اسماء المحلات و المصانع امريكى

اسماء العيال الصغيره امريكى

اقتصادنا نفسه و لقمه عيشنا فى ايد الامريكان

فين مصرنا بئه ؟

الامريكان فى كل حته و ايديهم فى كل حته فى مصر

لما تعرفوا ترجعوا لنا مصرنا ابئوا ازعلوا ع الاقصر

و الله انا مستغرب من الشعب المصرى ده اللى ينتفض و يثور عشان مدينه و سايب بلد بحالها

ده مش معناه انى موافق ع سرقت الامريكان لينا بس الله يكرمكم انتفضوا كمان من اجل مصر بالمره

و لا مصر مش تهمكم و اللى تهمكم الاقصر بس؟