الثلاثاء، 1 يوليو، 2008

وزير التعليم لك منى كل احترام


بجد انا بحترم قراره جدا
الخاص باعلان رسوب كل الطلاب اللى غشوا فى الامتحانات و عددهم 21 طالب و طالبه
و كمان ملهومش دور تانى

ما هو مينفعش يريحوا طول السنه وواحد تانى عمال يحرق فى اعصابه و فى دمه و يجوا هما يدخلوا كليات القمه

بجد لاول مره بحترمه و برفع له القبعه

و بقوله انا معاك بكل قوتى

معاك فى قرارك هذا

مع انى عارف ان التسريب مسؤليتك
و لازم تتحاسب و الطلاب يتحاسبوا و اللى سربوا الامتحانات يتحسبوا
لان دى قضيه مجتمع باكمله

بس انت بتحاسب اللى عندك و هما الطلبه انت لا قاضى و لا محكمه على شان تحاسب الباقيين

و انت كده عملت موقف ممتاز
اولا
لانى اسمع ان كتير من الطلاب دى ولاد مراكز مرموقه
ثانيا على شان لو بعد كده اتعرض على اى حد منهم الامتحانات يبلغ فورا

عقبال بقى ما نلاقى حد يحاسبك انت كمان
و عقبال القضاء ما يحاسب اللى سربوا

لو بدانا بالطلبه بعد كده هيخافوا
لو حاسبنا المظفين اكيد بعد كده هيخافوا
لو حاسبناك شخصيا اكيد بعد كده هتخاف و تحافظ اكتر على القوانين

هناك 16 تعليقًا:

appy يقول...

مارو يا قمر طبعا قراره هايل جدا
بس انت شوفته امبارح فى لقاء البيت بيتك جبلى شلل
هو ليه كل المسئولين مبقوش مسئولين بقى عاوزة اعرف واقنعتهم وقعت واحد واحد

وومن يقول...

طبعا القرار بيرجع الحق لأصحابة بس ياتري لو مكنتش كل الضجة دي حصلت و الناس مسكتتش كان برضة هايبقي هو ده قراره ؟

مدحت محمد يقول...

يارب هو كمان يتحاسب

امين

مدحت محمد يقول...

على فكرة مدونتك بقت تحفة

حمادة زيدان يقول...

حبيبي

والله أنا فرحان أنه هياحسب ال 21 طالب ... بس على فكرة المشكلة مش في ال 21 تلميذ المصيبة في نظام التعليم في كله يعني محاسبة ال 21 تلميذ مش حل خالص ... المفروض نظام التعليم في مصر يتغير من فوقيه لتحتيه ملينا بقي

بنت الاسلام يقول...

قراره ده مش عاجبني طبعا

سقوطهم مش هو الحل

العيال دول هما اللي سربوا الامتحانات

لكن اللي اتسربت لهم فين

؟؟؟؟؟؟؟

الله اعلم

بصراحة وزير لا يفقه شيء في التعليم

ولا عن مسئولية التعليم

وخلاني اترحم علي ايام حسين كامل بهاء الدين

واحلامه

تحياتي

تلميحاتى - يوسف الشافعى يقول...

بجد كل حاجه فى البلد اصبحت كلها غش وربنا يستر
لو كل منا يراعى الله فيمابين يديه من امانه لتغير حالنا

بحبك يامصر يقول...

والله يا مارو دى حاجه تبشر بالخير
يعنى لما وزير التعليم ياخد قرار
زى ده طبعا شئ كويس بس كمان المسؤليين عن تسرب الامتحانات لازم تتحاسب واولهم هو الوزير نفسه
تحياتى

ammar يقول...

ازيك يامارو
وحشتنى يابنى
على العموم الاجتماع جاى اهو
وهاوريك نفسك كويس
بالنسبة للوزير الجميل والقرار اللى اخده
فبرده حسبنا الله ونعم الوكيل
فيه وفى اللى مشغله وفى اللى راضى عنه
وانتا طبعا مش راضى عنه ولا حاجه
ده واضح يعنى فى بقية كلامك
وربنا يخلصنا منهم بئه
وعلى فكرة
القرار ده شكله حلو بس
مش اكتر
تحياتى
موضوع جميل على فكرة
سلام

أحمد سعيد بسيوني يقول...

بصراحة
اتفق معاك
موقف مشرف من وزير التعليم

غير معرف يقول...

طب وهوا هيعرف الي غشوا منين يعني انا معاك ومعاه لو فعلا الي غشوا معملهم محضر رسمي بكده لكن تسريب الأمتحنات والهجص الي ميقدروش يحكموا
ده
كلو لعب عيال منهم

كريم عاطف يقول...

تفكتر الكلام ده حقيقي وهيحصل فعلا ولا كلام جرايد، أنا شايف أنه كلام في الهوا

مـحـمـد مـفـيـد يقول...

حبيبي مارو اسف للتأخير عليك
ولكن والله غصب عني
تحيه لمين يا عم ؟
والله المفروض لو عنده ذره دم يستقيل
وهل هم 12 بس ؟
قرارات لتدئه الرأي العام ليس الا

شوقى رجب يقول...

والله كلنا نتمنى ان القرار ده يتنفذ
وعلى القل يكون فيه عقوبه مناسبه للى سربوا الامتحانات

ريمان يقول...

مارو

تعليم ايه بس ووزير ايه

والله يا مارو المفروض يتعمل نظام جديد للتعليم

لان النظام ده غلط ولازم يتغير اصلا

وبعديت قرار الوزير ده مش عاجبنى
ومش حل كويس

بس برضه خطوة كويسه منه انه يحاسب ال21 طالب

GiGi يقول...

وانا كمان بحترم ده جدا
وبجد فى مصر دلوقتى شعاع نور من ساعه اسلام نبيه
يارب ارحمنا من الظلم وانصر الحق