الأربعاء، 2 يوليو 2008

الصداقه


هما شابين جمعهما القدر منذ الصغر فى حى واحد و منطقه واحده
هو ادم و صديقه ادهم
ادم كان انسان ملتزم دائما مش شيخ و لكنه بيخاف من ربه و مش بيحب يعمل حاجه غلط
ادهم كان انسان فلاتى شويه و كل يوم مع بنت و ماشى ورا شهوته
و عندما كبرا و دخلا المدرسه جمعهما ايضا فصل واحد لانهما مشتركين فى نفس حروف الاسم تقريبا
و انتقلوا معا من مرحله الى مرحله اخرى و دخلوا معا نفس الكليه و لكن لان ادم دائما شاطر و بيذاكر دخل جامعه القاهره
بينما ادهم دخل جامعه الزقازيق و لكن نفس الكليه

و فى يوم فى امتحان البكالوريوس و ادم رايح يمتحن جاله تليفون ان صديقه ادهم عمل حادثه و بالرغم من انها كانت حادثه بسيطه
الا ان ادهم رفض الذهاب للامتحان
و ذهب للاطمئنان على صديقه و لحسن الحظ انه جه لان ادهم كان بحاجه لنقل دم سريع
و ع الفور تبرع له ادم بدمه فقد اتضحا انهم ايضا مشتركين فى نفس الفصيله

و الاتنين عادوا السنه سويا لم يكن ادم ندمان ابدا انه عاد السنه بسبب صديقه
و تخرجا معا فى العام اللى بعده

و اشتغلوا فى نفس الشركه
و كان بينهم كل حب و تعاون و موده
و الكل بيحسدهم على حبهم لبعض و على صداقتهم لبعض
وظل ادم على التزامه و ادهم على بوظانه و كل يوم مع واحده

و لكن بدا ادم يشعر ان ادهم متغير من نحيته كل واحد منهم اصبح له ادواته الخاصه مع ان الاتنين كاونوا واحد فى كل شىء حتى الملابس كانوا بيلبسوا لبس بعض
و لكن بدا ادم يشعر ان ادهم عاوز حاجته لوحدها و حاجه ادم لوحده
حتى ادم كلم ادهم و قاله مالك انت متغير منى ليه انت زعلان منى ؟
قاله لاء بس انا مرتاح كده

و بالفعل كل واحد اصبح له متعلقاته الخاصه به
و مرت الايام
و فى يوم جه اتصال لادهم ان ادم بين الحياة و الموت و عمل حادث رهيييييييييييب
انتقل ادهم على الفور للمستشفى
الدكتور قاله محتاجين نقل دم فورا و الدم فى المستشفى لا يكفى و فصيلته نادره جدا
الكل عارف ان ادهم الوحيد اللى ممكن ينقذ ادم
واحد صاحبهم قاله يلا يا بطل ادى دمك لادم سدد اللى عليك
ادهم ساكت و رافض يتكلم او يتحرك
الكل بيبصوا له باستغراب اتحرك يا ادهم ادم بيموت و انت بتتفرج
ادهم ساكت و لا هو هنا
الكل بدا يشعر ان ادهم ندل و اللى يسمعه كلام او شتايم و اللى يتف عليه
ام ادم تقوله منك لله ابنى بيموت صديقك بيموت اخوك بيموت انقذه و هو و لا هو هنا

الكل بدا يتحرك و نزلوا الشارع يدوروا على دم لادم من اى حد
دخل ادهم على ادم العنايه المركزه و هو بيبكى و يقول له سامحنى يا صديقى
لا اقدر ان اعطيك دمى
انت كنت من فتره بتقولى انت متغير منى ليه و كنت عاوز تعرف انا فصلت حاجاتى عن حاجاتك ليه
جه الوقت اللى لازم تعرف ان صديقك مصاب بالايدز يارتنى كنت سمعت كلامك و بعدت عن الحرام انا كنت بفصل حاجات عن حاجاتك على شان خايف عليك
و النهارده بيطلبوا منى اديك دمى
تقولهم ايه؟
اقولهم انا دمى هيموته مش هيحيه ؟
اقولهم ان دمى فاسد و ان دمك طاهر
لو اديتك دمى هتعيش بس هتعيش مزلول زى كده خايف احسن حد يعرف ان دمك ملوث و هتعيش منبوذ و بعد كده هتموت و الكل بعيد عنك
و كارهك و خايف منك و يمكن محدش يمشى فى جنازتك او انك تموت رافع راسك الكل بيحبك قولى اعمل ايه و بدا يبكى و يبكى و يبكى هنا نظر له ادم بابتسامه بسيطه و اخذ يده على صدره و رااااااااااااااااااااااااااح للعالم الابدى الخلود

هناك 23 تعليقًا:

حاجات جوايا يقول...

لا إله إلا الله
الحقيقة توقعت السبب
فعلا قصة مؤثرة جدااااااااا
ربنا يهدى شباب المسلمين ويبعدهم عن الحرام
اللهم آمين

دمت بخير اخى

سالى

بنت الاسلام يقول...

اولا القصة بجد جميلة ومعبرة جدااا

شايفة انها رسالة جميلة


اولا المفروض الصديق الكويس كان يقف جنب صديقه الوحش ده ويحاول ينصحه ويوجهه ويبعده عن الطريق السيء اللي نهايته دمار وفيه غضب لربنا عليه الصداقة مش رايحين جايين مع بعض نتكلم وبس

الصداقة الحقيقية اننا نكون عون وسند لبعض لو شفته صح اهنيه واايده واكون زيه لو شفته غلط اوقفه واعاتبه والومه وانصحه

والا فقلتها احسن

ثانيا دي اخرة الحرام واتباع الشهوة وهوي النفس ياريتها جت علي مرضه بس واحتقاره لنفسه لاء ده الاصعب انه يعجز عن انقاذ اعز انسان عليه وفي نفس الوقت مش قادر يصرخ ويقول للناس انه مش صديق ندل وخائن ولكن هيقول ايه

القصة عبرة وعظة ياريتها توصل لانسان يحس ويشعر بيها فيرتدع

وربنا يحسن ختامنا جميعا ويرزقنا صحبة صالحة تنفعنا وتكون عون وسند لينا في الدنيا وي الاخرة

تحياتي

اسفة للاطالة


دايما قصصك حزينة كدة

sun_of_freedom يقول...

معقوله هالقد ...... قديش مؤثرة جدااااااا

كثير مؤثرة وتبكى
فعلا هيا دى الصداقه
بس للأسف مكملت شصح
بسبب غلطه
لكن هو معنى رفضه نقل الدم
قد ايه حبه ليه


ما اجمل تلك الصداقه الحق

بوست اكثر من رائع

كان بدى اكتب كلام كتير
ب سمضطرة اقوم

حمادة زيدان يقول...

مارو حبيبي

وجعتلي قلبي وجمبي ومراراتي وكل حتة في جسمي حرام عليك القصة حزينة اوى ... والله قلبي وجعني وعنيا دمعت

أقول فيك إيه وانت .... القصة عالية اوى يا مار وفيها معاني كتيرة اوى

ربنا يكرمك ويبعد عنك الشر يارب

هيثم أبوخليل يقول...

أخي الفاضل /مارو

بداية أشكرك علي التواصل وعدت لمدونتك فوجدت فش غل فيها كلام كبير وكثير من رساله للريس وإسلام مسيحي ومعاني جميله عن الصداقه ...
ده مش فيش غل يا عم مارو ...دي حقائق محتاجين نعرفها ونفهمها للناس ...

تحياتي

حسن مدني يقول...

جميلة قوي يا مارو

وكل واحد مهما كان شكله فلاتي وبايظ فيه جزء خير..
والحكم مش دايما بالمظاهر الخارجية

تحياتي

المنسى يقول...

قصة والله جميلة
عايز أسقفلك بس مش عارف

إنتت عارف أهو رغم إنه حلو جدا وجدع جدا وحافظ على صداقته يعنى هو من جواه بنى آدم كويس

ورفض يضيع صاحبه معاه

إلا أن علاقته مع ربنا
ليست على مايرام

فضاع كل شىء

تحياتى

ريمان يقول...

حراااااااااااااااااااام

حراااااااااااااااااااااام

ليه يا مارو النكد ده

بطه قالت لى بلاش اشوف القصه بس قلت لاء لازم اقرأها

ليه بس النكد ده

لييييييييييييييييييييييه

انا زعلت واتأثرت

انا كنت هعيط بس الحمد لله مسكت نفسى وكنت قويه

بس واله يا مارو قصه مؤثره جدا جدا

انت بتجيب القصص دى منين

Dr-Abd-Alrahman يقول...

احييك يا مارو بيك ع القصة الجميلة دي
بجد مؤثرة اوي

شكرا يا حبيبي علي المجهود الكبير دة


الصيدلي المطحون

عبدالهادى_سارة يقول...

اخي الكريم ماروو
القصة مش هقول انها مؤثرة ولا حلوة
هيه اكتر من اني اقول عليها كده
لانها اكتر بكتير من رااااااااااااائعه

الصداقه حاجه غااااليه جدا والعلاقه في الصداقه اقوى من اي علاقه
الاصدقاء اللي فعلا بيبحبوا بعض لازم يضحوا عشان بعض

ربنا يبارك فيك ..
ودايما نشووف مواضيع رائعه زيك ..

تقبل تحياتي

محمد مارو يقول...

الاخت سالى
مشكور لتشريفك مدونتى

محمد مارو يقول...

بطه
هو فعلا كان بيقف معاه و بينصحه
بس التانى مكنش بيسمع

محمد مارو يقول...

جويريه

مشكور لردك
بس هو انتى لبنانيه؟

محمد مارو يقول...

حماده
ما ده الهدف انى اوجعك هههههههههه

محمد مارو يقول...

استاذ هيثم المدونه منوره

محمد مارو يقول...

شكرا يا استاذ حسن

محمد مارو يقول...

منسى
اه كانت علاقه بربنا ضايعه
و احنا كده كا بنى ادمين

مش بنفوق الا بعد فوات الاوان

محمد مارو يقول...

ريمان
هههههههههههههههههههههه
ههههههههههههههههههههههههههه
ضحكتينى و الله

كفايه تشريفك يا ريمان

محمد مارو يقول...

عبد الرحمن
تكرم يا مان

محمد مارو يقول...

عبد الهادى
شكرا يا حبيبى

بس انت مجتش الاجتماع ليه؟

مواطن زهقان يقول...

بجد بجد
قصه جامده جدا ومؤثره

سلم احساسك يابنى والله

محبط افندى يقول...

ههههههههه
معلش ان بضحك
اصلى كنت ببص على التعليقات

ولقيت انى هعلق بعد مواطن زهقااان
وانا محبط

ربنا يستر على مدونتك

..................
بجد قصة جميلة اوى يا مارو

وؤثرة

بس هى ناقصة احبااط ..انا زعلت والله وانا بقراها


بس لذيذة يا ماااان


سلاموووز

ميرو انتكة يقول...

سبحان الله لسة فيه فى الزمن ده واحد صاحب صاحبه قوى كده

بجد انا اتاثرت قوى وبجد اسلوبك ومدونتك حلوة قوى ربنا يوفقك وربنا يهدينا كلنا