السبت، 28 يونيو، 2008

عايشين فى مجتمع باااااااااااايظ

اه و ربنا مجتمعنا اقل كلمه نقولها عليه مجتمع بايظ

لا فيه احترام للكبير و لا للصغير و لا لاب و لا لام

امبارح استوقفنى مشهد مهيب بجد

كنت ماشى فى احد شوارع المنصورة

و عند اشاره مرور

عربيه كسرت الاشاره و كانت هتعمل حادثه المهم

العسكرى راجل حوالى 50 سنه او 55 سنه

قام واخد نمره العربيه و بيعمل ليها مخالفه

ببص لاقيت العربيه نزل منها اربع شباب حوالى 20 سنه

و اللى كان سايق قاله انت بتعمل ايه با ابن ال000000

الراجل قاله بعملك مخالفه قام الشاب ده رايح عليه و عاوز يضربه تدخلنا و بعدناه عنه
و قاله انا هعرفك ازاى تاخد نمره عربيه اسيادتك

و زعقنا للواد ده اوى و ركبناه العربيه طبعا بعد اما العسكرى قطع المخالفه و ربنا يستر على العسكرى بقى

.................
مشهد اخر

المستشفى
لى واحد زميلى طبيب امتياز لسه روحت مره النبشطيه اليليه فى مستشفى حكومى فى المحله
و فجاه المستشفى اتملت ناس
واخد صايع جه مخبوط سكينه نافذ
فى ثوانى ببص لاقيت كل الاطباء خلعوا البلاطى البيضه بتاعهم
ووقفوا يتفرجوا
بقوله فى ايه ؟
قالى عندنا تعليمات فى حادثه زى دى نخلع البلاطى على طول لحد ما الدكتور الكبير يجى

بقوله و ليه كده ؟
قالى بننضرب
من الاهالى و من الصيع
و قالى مره الدكتور الكبير بتاعهم بيدى لواحد حقنه بس الواحد ده كان حد مهم الظاهر و القنه تقريبا وجعته قالى نزل عليه بالالم علو وشه
احنا كل يوم بننضرب يابنى

........................
المدرسه
طبعا ده كوم و اللى بيحصل فى المدارس و الجامعات كوم تانى

مشهد اخر
عيال تتهجم على المدرسين و يضربوهم طبعا فاكرين صدام و اللى عمله فى المدرسه بتاعته مش صدام حسبن انا اقصد صدام المصرى اللى ضرب مدرسته

و فى الجامعات الدكاترة بتنضرب

من الطلبه
و ده ليه يا ترى؟

اعتقد ان سواء ضرب عسكرى المرور او الدكتور فى المستشفى او المدرس او دكتور الجامعه ده كله راجع لسبب واحد بس

هو فشل النظام التعليمى فى مصر

لان قالولنا زمان ان الوزاره اسمها التربيه و التعليم
يعنى التربيه قبل التعليم
حاليا شالوا التربيه دى خاااااااااااالص و بقت التعليم بس

و برضو مفيش تعليم

حاليا بيعلوا من شان الطالب اوى لحد اما يفجر
بحجه حريه الابداع
و الكلام ده من سنه 1989
من ساعة المعتوه حسين كامل بهاء الدين ما مسك

و اهتم بالطالب و فضله على المدرس
و من وقتها
لافى تعليم و لا تربيه و لا شوفنا طالب واحد مبدع

بعكس التعليم زمان اللى خرج لنا الشعراوى و زويل و محمود مختار و غيرهم و غيرهم

انا بقول
انا الحريه المطلقه للطالب مش تنفع
الثواب و العقاب فى كل الامور
ده اصلا شرع ربنا اللى هما ميعرفهوش اصلا
ربنا اللى خلق الجنه و النار

يبقى لازم يكون فى ثواب و عقاب
للطالب اللى يغلط يتعاقب ليس بالضرب و انما باى شكل و اللى يقدم شىء كويس نمدحه و نقف معاه

لو كل طالب عرف كده اعتقد ان المجتمع هيتغير لان التعليم فى كل بيت
و لان الاهالى مش فاضيه اصلا لتربيه ابنائهم

هناك 25 تعليقًا:

حمادة زيدان يقول...

اول تعليق

بنت الاسلام يقول...

انت لخصت الموضوع في كلمة

الاهالي مش فاضية تربي ولادها

انشغلو بكلمة نشتغل عشان نأمن لهم مستقبلهم

اعتقدوا ان التامين المادي افضل يركبوه عربية لكن مش علموه ازاي يحترم غيره بالعكس بيدوس عليه بكل بساطة بدون وازع ولا رادع

ومن جانب اخر اهالي انشغلت بالعمل ام واب عشان توفر اقل متطلبات المعيشة وتناست التربية نهائي والتوجيه نهائي

ده غير بقي الانفتاح الاعلامي ومساوئه واضراره

ربنا يحفظنا والبركة في اللي جاي بكرة وفينااااااااا

تحياتي

حمادة زيدان يقول...

حبيبي مارو

المجتمع عندنا السوسة كلته ... خلاص أصبح مجتمع يحي فيه مجموعة من البلطجية ومجموعة تانية من المعاتيه ومجموعة تالتة مالهاش فى الطور ولا في الطحين ... البلطجة في مصر من اى حد على اى حد يعني لو عسكري المرور شايف العيال اللي نزلوا من العربية عيال ما لهمش لزمة كان هو بلطج عليهم وقال هاتوا المعلوم "كل بيبلطج على كله" والله المجتمع مش بايظ بس
ده خلاص خرب وتلف ويجب تغيره من تحت لفوق ....
موضوعك جميل يا حبي
تسلم

مدحت محمد يقول...

عارف يامارو كنت فى سنة اولى ثانوى


ورحت اول يوم المدرسة

فالمدرس واقف فى وسط الطابور

مدرسة صفا
كل المدرسة شغالةوانا اول يوم كنت مرعوب الصراحة

وتالتة مش شغالين

راح لواحد فى سنة تالتةطويل

قاله تعلالى
قام المدرس جاى عايز يضربه

راح الواد مشنكله ونزل بالبونيات فيه

فالموضوع ده اقصد يامارو موجود منزمان

بس دلوقتى الموضوع ده استشرى

Dr.Hammood يقول...

موضوع مهم جدا جدا

بلادي لم تعد كبلادي

(IBN_ELAZHAR) يقول...

الله ينور عليك يامارو انتا ناقشت قضيه خطيره اوي وهيا ان الدكتور بيقلع البلطو ويوقف مع اهل المريض ويقول في الدكتور النبطشي ابن ال..... ودا طبعا من خوفه من ان يمد ايده علي الحاله وبعدين تموت لان بيكون حالته خطر وحقيقي الدكتور بيضرب من اهل المريض وبيتبهدل حاجه غريبه فعلا !!!!!!
ربنا يهدينا جميعا

وومن يقول...

بصراحة محدش بقي عارف يعمل ايه في الناس دي ويتعامل معاها ازاي

معدش خلا في ولاد ناس ولا بقي في أدب وتربية

طب احنا هانربي عيالنا ازاي زنقنعهم ان هو ده الصح والهمجية في كل مكان

تحياتي علي رصدك للمجتمع المخرب

عصفور المدينة يقول...

لقد ضغطت على جرح نازف يا محمد

حسن مدني يقول...

أخي الحبيب/

زمان كنا بنقول "اللي مالوش كبير بشتري له كبير"
كان كل واحد له كبير.. وعارف قيمة الكبير، فكان الكبير بيعلم ويربي..
دلوقتي لا الكبير فاضي يربي، ولا الصغير قابل إنه يتربى..
طبعا ده غير اللي متربي غلط.. اللي فاهم قلة الأدب شطارة. وطول اللسان فصاحة.
ومادام القانون لا يطبق على الجميع. أو الحقيقة إنه تقريبا لم يعد يطبق، وإنما اللي بيمشي مزاج المسؤول.. وسلطة اللي قدامه..
لازم المجتمع يبوظ..

ولسه...
ربنا يستر

تحياتي

عاشقه الفردوس يقول...

اتحرق دمي والله


وده اللي يضايق

اخويا برده مره قالي ان شاب معاه في الجامعه زعق للمراقبه وقالها امشي من هنا وبيبجح معاها

دي بقت طبيعه

سبحان الله اخويا يحكيلي وانا مش مصدقه ماآالت اليه مجتمعاتنا

فعلا لابقي فيه تربيه ولا فيه تعليم



ماشاء الله يامارو موضوع مهم وممتاز

بحبك يامصر يقول...

صح لسانك او لوحة مفاتيحك انت لخصت مشاكلنا كلها فى التربيه الاهالى مش فاضيين يربو اولادهم مشغوليين باكل العيش واللى الحكومات المتعاقبه نجحت فى انها تلهى الناس باكل العيش عن باقى نواحى حياتها من تربية اولادها وده اهم شئ وبعد كده الاهتمام بامور السياسه وغيره
تحياتى لحضرتك

دعوة الفردوس يقول...

حضرتك كاتب فوق فش غلك معايا
طيب ايه اللي يطلع غل الواحد دلوقت



ربنا يعيننا على أنفسنا ويصلح من حالنا و يقدرنا على تربية أبناءنا صح

enjy يقول...

الاهالى مش فاضية تربى ولادها والمدرسين شعارهم روح المدرسة انتخ وادى دروس واقبض وبس والعيال مش ضحايا بردو الواحد فيهم عارف الصح من الغلط بس بيستهبل من الاخر المجتمع كله عايز عمرة

محمد مارو يقول...

بطه
لا تربيه و لا اهالى و لا اى حاجه نفعه
التعليم هو اللى بيخرج الاجيال

محمد مارو يقول...

عندك حق يا حماده

محمد مارو يقول...

مدحت
سلملى على وزير التعليم

محمد مارو يقول...

دكتور حموده مدونتك مالها مش عارف اعلق عندك

محمد مارو يقول...

ابن الازهر
ده حصل ادامى فعلا و خلعوا كلهم البلاطى

محمد مارو يقول...

يا ميرا

الصح صح

احنا نربيهم ان فى صح و فى غلط

محمد مارو يقول...

عصفور المدينه
نورت مدونتى مجددا

محمد مارو يقول...

استاذ حسن
انت قولت ان اللى ملوش كبير بيشترى كبير و احنا اصلا مش عندنا كبير خلاص
الكل مات فى 73

محمد مارو يقول...

عاشقه الفردوس
اضم المى لاالمك

محمد مارو يقول...

جيزاوى
اهلا بيك يا مان

محمد مارو يقول...

طالبه الفردوس
انا كمان مش عارف افش غلى ازاى

محمد مارو يقول...

انجى
اهلا بكى فى مدونتى