الجمعة، 11 أبريل، 2008

المحله الكبرى من مدينه صناعيه لثكنه عسكريه

تحولت مدينه المحله الكبرى من مدينه صناعيه و اهر مدينه لصناعه الغزل و النسيج فى مصر كلها لثكنه عسكريه
فقبل اضراب 6 مايو كانت السمه الاساسيه لمدينتى مدينه المحله الكبرى هى التجاره و الصناعه و البيع و الشراء و طبعا الصناعه
و خاصه صناعه الغزل و النسيج و كل المنسوجات القطنيه
لو كنت تمشى فى الشوارع كنت تلاقى حركه البيع و الشراء و العمال بملابسهم المعتاده و منظرهم البأس و فى ايدهم كيس الاكل اللى فيه وجبه بسيطه
تساعدهم على تحمل التمانى ساعات داخل الشركه اللى بنسميها الورديه
اما الان و بعد اضراب 6 مايو لا تجد فى الشوارع لا بيع و لا شراء فقط تجد رجال الامن المركزى
بملابسهم السوداء و اعدادهم الكثيفه و معداداتهم و الشوم و العصيان
بالاضافه الى رجال الشرطه
مدينه المحله الكبرى بها يومين للبيع و الشراء هما يومى التلات و الجمعه
و اللى بنسميهم سوق الجمعه و سوق التلات
بينى و بينكم كنا الاول بنكره اليومين دول
بسبب الزحام الشديد
حيث يتى للمحله ناس من كل انحاء مصر للشراء من منتجاتنا لان لها جوده عاليه و اسعار رخيصه
اليوم هو الجمعه و المفروض يكون زحمه
سوق الجمعه اليوم فاااااااااااااااااااااااااااااااااااااااااااااااااضى
على غير العاده طبعا
اليوم تجمدت حركه البيع و الشراء
يا ترى مين المستفيد من كل هذا ؟

هناك 8 تعليقات:

اوعى تفكر يقول...

المهم دلوقتى يوم 4 مايو

dina يقول...

يعنى برضه نلف نلف
واللى يتظلم فى الاخر البياع الصغير اللى بيجرى على اهل بيته
لتا الله

مدحت محمد يقول...

انا عمال اتصل بالناس على الموبايل
اجى ارن عليك
يقلى الرصيد غير كافى
قلت ربنا يستر شكلهم نفو المحلة
برة مصر
هو مفيش مستفيد
هو الخاسر الاكبر ياصاحبى الناس الغلابة
اللى بتجرى على لقمة عيشها

غير معرف يقول...

لا لحسنى مبارك على كل عملة ورقية فيكى يامصر- هدية شعب مصر لمبارك فى اضراب 4 مايو القادم

تخيل كل عملة فى مصر مكتوب عليها لا لمبارك

الشعب خايف وديه وسيلة سلمية تماما عشان الناس تشجع بعض !!

عاوزين ديه تكون هدية شعب مصر لمبارك
عاوزين العملة ديه تكون فى ايد مبارك يوم 4 مايو

عاوزين اى حد يمسك عملة مكتوب عليها لا لمبارك يبتدى يفكر
الشخص ده معارض او يعرف حد معارض !!

لما البواب يخدها من واحد راكب عربية
لما المكانيكى ياخدها من بيه

واحده واحده الشعب هايتجرأ

اكتبها بخط واضح وكبير
لا مبارك

انشرها وسط صحابك

هدية شعب مصر لمبارك فى عيد ميلاده

حمادة زيدان يقول...

مارو
ربنا يكون مع المحلة وأهلها الطيبين ... ويكون مع كل مصر في الايام الجاية لأن المعركة لسه في اولها

بنت الاسلام يقول...

ربنا يستر عليها يوم 4 مايو ونقدر نطلع اضراب بشكل محترم

احسن ساعتها مش سوق الجمعة والتلات بس الي هيبقوا فاضيييييييييييين

وادينا مستنيين

تحياتي

بحبك يامصر يقول...

مفيش حد مستفيد لكن المضرورين كتير
ربنا يسترها علينا جميعا وربنا ينتقم من الظالم
تحياتى

Hosam Yahia حسام يحى يقول...

ربنا مع المحله

بلدا وشعبا


وعقبال المنصوره


:D