الاثنين، 14 أبريل، 2008

سؤال للاخوان

سؤؤؤؤؤؤؤؤؤال بيلح عليه لاحبائى فى الله الاخوان المسلمون
سمعنا طبعا عن رفض الامن استخدام اى شعارات على اسس دينيه و ده فى اشاره واضحه و صريحه للاخوان المسلمين
و مش كده و بس ده تقريبا فى نص فى الدستور عن كده
طيب الاخوان المسلمين شعارهم الاسلام هو الحل
طيب و الحل ؟
هتعملوا ايه فى الوضع الجديد ده؟
هل ستضربون عرض الحائط عن نص القانون ؟
و يحصل صدام مع الامن ؟
ام ستتخلون عن شعاركم الاسلام هو الحل و هيكون التغير هو الحل او الاصلاح هو الحل او الائتلاف هو الحل ؟
او مااااااااذا ستفعلون ؟
طبعا مش عاوز واحد مخه صغير يفهم انى ضد الشعار ده
انا من المتمسكين بيه و عاوزه بس بما انى مسلم من حقى اعرف الجماعه ناويه على ايه
و ده مش سر عسكرى و لا حاجه من حقنا كلنا نعرف الاجابه و شكرا

هناك 18 تعليقًا:

Hosam Yahia حسام يحى يقول...

اول تعليق

صيحة حق يقول...

السلام عليكم
شوف ياعم ماروا
مع انك طبعا حبيبى جدا
وانا اتابع كتاباتك الحلوة والجميلة
وطبعا حضرتك عاوز جواب على سؤالك
انا اقولك
انت طبعا تعرف اننا شاركنا فى انتخابات الشورى والانتخابات طبعا كانت بعد التعديلات الدستورية ورفعنا فيها شعار الاسلام هو الحل
وصفوت الشريف ورجالة الحزب الوطنى رفعوا قضية ضد الشعار
وحكمة المحكمة بان شعار الاسلام هو الحل شعار سياسى وليس شعار دينى
وانه لا يتعارض مع الدستور

وكمان فى انتخابات المحليات للعام 2008 م رفعنا الشعار ولن نتخلى عنه ابدا

حتى بعد تعديل الدستور


شكرا لك على اهتمامك

Hosam Yahia حسام يحى يقول...

اولا الشعار ده دستورى 100% حسب الماده التانيه فى الدستور


المشكله فى النظام المصرى الفاشل انه خائف من الذى يسميه المد الاسلامى

والاخوان على ما اعتقد لن يتركوا شعار الاسلام هو الحل

ولكن سيستخدمون شعارات بجانبه مثل الاصلاح هو الحل
ومعا ضد الفساد

ومعذره على التطويل

بنت الاسلام يقول...

مارو الصراحة انا شايفة ان تغيير الشعار حاجة كويسة ومصلحة كبري للاخوان كمان

ماهو مش معني تخليهم عن الشعار يبقي اتخلوا عن مبادئهم وتعاليمهم بالعكس

عمر الاسلام ما انحصر في شعار هو اشمل واعم من كدة بكتيررررررر جدااااااا

كمان تغيير الشعار هيخرجهم من الهجوم المستمر عليهم وهو دمج الدين بالسياسة كما يتشدق الكثيرون بانه لاعلاقة وووووو

تغيير الشعار مش ضعف ليهم ولا خضوع ولا استسلام بالعكس هو خطوة جدية للتغيير

اللي الكل بيطالب فيه

تغيير طالبه الشعب المصري مسلم ومسيحي


مش نبقي بنطالب النظام بالتغيير واحنا كمان رافضين التغيير الحياة اخد وعطي

المهم الناس تحس بالاسلام في معاملاتهم وتصرفاتهم وانجازاتهم

مش في شعارهم وبس

هذا رايي وقناعتي الشخصية

تحياتي

احمد الجيزاوى يقول...

مارو اولا كيفك
وحمد الله على السلامه من المحله مع انى ليه عتاب على الامن انهم سبوك حى
بس يلا انت بردة صحبى
هههههههههههههه
المهم
واى عوز اقوله هو المشكله ليست فى الشعار ولكن المشكله فى تطبيقه وانا ارة والحمد الله شايف انى جماعه الاخوان احسن من طبقه حتى الان
وعموما الشعار اصبح شعار سياسى وليس دينى وكلام دة كلام محكمه وليس كلامى
تحياتى
احمد الجيزاوى

Human يقول...

الإسلام هو الحل
أعتقد انه شعار سياسي ..لأن الإسلام مش شرط يكون دين وبس لأنه سياسه ولادين بلا سياسه ولا العكس ...وفي ناس بتفصل الدين في جزير معزولة وده غلط كبير

حسن مدني يقول...

بصراحة يامارو الجماعة قالوا كل اللي كنت حاقوله،
هو شعار سياسي أولا.. وإنه دستوري تماما
وإن تغيير صيغة الشعار لن يغير مضمونه

تحياتي

شوقى رجب يقول...

بحب ديما افشل غليلى عندك
بس المره دى الكل سبقنى
بس حبيت اقول ان الشعار كان لتحالف الاخوان وحزب العمل والاحرار فى انتخابات 1987 وان من وضعه كان عادل حسين الامين العام السابق لحزب العمل

ammar يقول...

السلام عليكم يامارو
اوعى يابنى تكون عامل مصيده للاخوان فى البوست ده
اصل ماحدش هايرد عليك غير الاخوان او اللى بيحبهم
وبرده هارد بس اوعى تبلغ
هههههههههههههههه
بص يامارو
مش عاوز اقول شعارات
بس هى دى الحقيقة
دستور ربنا موجود
ودستور حسنى موجود
والموضوع واضح وصريح
وتخلى الاخوان عن شعار الاسلام هو الحل
مش هايحصل ان شاء الله
الاوضاع تتغير زى ماتتغير
الاخوان ماشيين فى طريق ثابت
خليهم بقه يغيروا القانون ويعدلوه ويرجعوا يغيروا الدستور
يعملوا اللى يعملوه
كلها محاولات باذن الله فاشلة
واهو سيادته بقاله 27 لاقضى على الاخوان ولا عدل البلد
ولا هايقدر على ده ولا ده
بالنسبه بقه للاخوان والدستور
فبرنامج الاخوان للاصلاح موجود على موقع اخوان اونلاين
وفيه كل حاجه
من اول اقتصاد البلد لحد الصرف الصحى
يلى سلامو عليكو

محمد مارو يقول...

صيحه حق

اجابت فانجزت فاقنعت شكرا

محمد مارو يقول...

حسام بينى و بينك انا مش متاكد من دستوريته

محمد مارو يقول...

فعلا يا بطه

عمر الاسلام ما انحصر فى شعار

محمد مارو يقول...

كده يا جيزاوى ؟

عاوزنى اتمسك ده انت حبيبى ربنا يسامحك يا عم

محمد مارو يقول...

هيومن

لو سياسى مكنش اترفض

محمد مارو يقول...

استاذ حسن

فعلا الاستاذ صلاح اجاب كويس اوى

محمد مارو يقول...

استاذ شوقى

اهلا بيك ديما

محمد مارو يقول...

انا هبلغ عنك انت بس يا عمار

حمادة زيدان يقول...

والله يا مارو انا نفسي الأخوان تدخل المعركة الأنتخابية وهما بعيد عن الشعار ده لأنهم بشعارهم ده زي ما يكون الدين الإسلامي عندهم حصرياً زي الشيخ صالح لما بيشفر الماتشات
سؤالك جميل يا زعيم