الأحد، 6 أبريل، 2008

مدينه المحله الكبرى ولعت فى يوم الاضراب و الحكومه تطلق الرصاص الحى

لبت مدينه المحله الكبرى الدعوه للاضراب و الاعتصام

فمنذ الصباح لا ترى احد من المواطنين فى الشوارع و اغلقت المحلات ابوابها بناء على الاضراب او ربما خوف

و لو كنت تمشى فى المدينه حتى الساعه الثانيه ظهرا لاترى اى مواطن سوى عربات الامن المركزى و فقط
و نحكى القصه بالتفصيل
انا مواطن من المحله الكبرى و كنت عايش لحظه بلحظه الاضراب و الاعتصام و اقدر افسر لكم ليه حصل كده
سياده الباشا عمرو اديب اللى بيقول ناس من بره المحله و ناس دخيله و مش عارف ايه
بصراحه كلام فارغ
و مفيش لا ناس من بره و لا حاجه
كله من اهل المدينه
بس ليه حصل كده؟
اولا شعب المحله شعب مسالم جدا
بس زى ما بيقولوا اتقى شر الحليم اذا غضب
فعلا دى ابسط مقوله ممكن تقال عليهم
و كمان الحكومه مستفزه جدا
و بسبب ده و بسبب استفزاز الحكومه تقدر نفس ايه اللى حصل
تعالوا معايه نتابع اليوم من الساعه 7 لحد الساعه 9 مساء و نشوف مراحله
من الساعه 7 لحد الساعه 5 عصرا تواجد مكثف مكثف لقوات الامن فى كل مكان
مش كده و بس ده بلطجيه الحكومه لو شافوك واقف ممكن يضربوك و يمشوك
و ده حصل معايه شخصيا
كنت واقف الساعه 10 الصبح امام مقر الحزب الوطنى و كنت بحاول اصور التواجد الامنى بس فى الخفاء
لاقيت بلطجى اقصد مخبر
لاء مش مخبر دول 4 مخبرين
جولى انت واقف هنا ليه
قولت الله هو مش ده شارع و من حقى اقف فيه ؟
قالى لاء ده مقر الحزب قولت له طيب ده برده موقف عربيات سرفيس و عاوز اركب اعمل ايه اجرى ورا الميكروباص ؟
و اتعور على شان خاطر سياده الحزب بتاعكم
قالى احنا نقلنا الموقف ادام امشى يلا طبعا بصوت عالى
قولت له طيب
قالى امشى يلا
بس اخوكم رخم
كان فى واحد بيبيع جرايد جمبنا قمت واقف ادمه و فضلت اعمل انى بشترى الجورنال
و مش مشيت الا بمزاجى
المهم
طول الفتره دى و الناس بجد مخنوقه و حاسه انهم فى سجن
لو مشيت عند الشون متعرفش تمشى من الامن
الناس مخنوووووووووووووووووووووووقه
و بيقولوا لبعض
هانت الشركه هتطلع اهه
طبعا انتم عارفين ان عمال الشركه 30000 مواطن
على شان كده الناس مستنياهم يعملوا المظاهره و يخلصونا من الامن ده
المهم
الشركه بتخرج 3 ونصف بالظبط
و خرجت الشركه و روحوا العمال فى بيوتهم
لحد الساعه 4 و نصف تقريبا
الامن لسه خانق على الناس
اسيبكم مع مجموعه صور للى حصل النهارده فى مدينه المحله الكبرى
اولا صور لقوات الامن
تشوفهم و هما واقفين تقول ايه اسود استنى لاخر الليل

الصور بتاعهم و هما اسود





شويه شباب قالوا لازم نعمل حاجه الشركه روحت و سابونا
قاموا مولعين فى البنزينه
و بكل جبروت الحكومه و بكل قوه و استعراض العضلات و الامكانيات
البلد كلها اتحولت لثكنه عكسريه بجد
متعرفش الامن جه منين
و عمال يضرب فى الكل
الشعب هاج و ثار
و كل واحد كان بيجرى فى كل مكان لحد ما اتجمعوا مع بعض
و هنا بدوا فى ضرب الطوب
و الحكومه بدل ما تحتوى الامر طلعت الامن كله
و من المعروف ان فك المظاهرات بيتم على مراحل يعنى الاول يخرج القوات و بعدين الميه و بعدين الغازات المسيله
و بعدين الدفاع المدنى يظهر و بعدين الجيش لو انقلاب
المهم
دول على طول ضربوا غازات على الناس
الناس هاجت اكتر
و من الخنقه طول النهار بجانب الاحساس بالظلم
اعتبروا نفسهم فى حرب مع الحكومه
حرب بمعنى الكلمه
و الله حرب الناس كانوا بيتصرفوا كانهم فى حرب مثلا
صلوا صلاه الحرب فى الشارع كان نفسى اصورها بس الموبايل كان فاصل شحن للاسف
و الحومه و هما بيصلوا ترب برده
و كمان الناس
كانوا بينظموا نفسهم
شويه يجوا من هنا و شويه يروحوا هنا
و شويه فوق الكوبرى على شان نحاصر الامن من كل مكان
كان تنظيم عفوى من الناس
مش حد كبير و لا حد من بره المحله
دى كانت افكار بتطلع فجاه
و الحكومه عماله تصعد
جابوا المدرعات و بدا ارصاص الحى
مش كده و بس من كتر الجبروت بتاع الحكومه
قسم اول مركز شرطه
طلع الناس المحبوسه تحرى بالسيوف اه سيوف و الله سيوف
اسلحه بيضاء
و هاتك يا ضرب فى الشعب بالسيوف و اخد اخد له سيف على دماغه و دماغه اتفتح و الحكومه تطلق الرصاص الحى

ودى صور الحرب

اولا صور الشعب الغاضب






قامت الحكومه رده باقنابل المسيله للدموع و الرصاص المطاط

و الصور اهه




و طبعا الناس مش سكت قاموا للاسف مولعين فى البلد يا معلم
و الصور اهه


مش كده و بس الناس من مدى حبها لمبارك و لحزبه حافظوا اوى على ممتلكات حزبه

طبعا تعرفوا ان انتخابات المحليات على الابواب و اليافطات القماش ماليه البلد

شوف يا مبارك الناس بتحب حزبك ازاى

اتفرج و اتمتع









بعد كل العنف ده الاسود اللى كانوا فى الاول خافوا و جريوا و انسحبو

الصور توضح و هما بيجروا زى القطط ههههههه



بعد كده بدات تعيد الانتشار من جديد

و بينسحبوا



اما عن الاصابات تعالوا شوفوا













يعنى يا عمرو يا اديب محدش جه من بره
دول كانوا شباب فى العشرينيات
و 18 و 15 سنه
و كلهم من سكان المحله
باين من لبسهم اللى طالع بالترنج و اللى لابس شبشب و اللى لابس جلابيه
حتى اللهجه
كل ده بيدل على انهم محلاويه
و محلاويه صرف
الناس كانت مخنوووووووووووووووووووووووووووووووووووقه اوى
و مصدقوا يتنفسوا
و يفشوا غليلهم
اما اللى بيقول فى سرقات
الناس اللى دخلت المدرسه كانوا بيكسروا فى الكمبيوترت مش بيخدوها و يمشوا يا عمرو باشا
يعنى الامن بتصرفاته الهمجيه هى السبب و الدليل كده
ان الناس فى البيوت كانت بتحدف طوف و ميه و زباله من البيوت على قوات الامن
بس للاسف
البلد باظت
و انا مش مع اللى حصل خاااااااااااااااااااااااااااااااالص
سواء من الشعب او من الحكومه
و كنت واقف اقول للشباب بلاش الممتاكات العامه بلا تكسروها
والله و الله و الله كانوا بيسكتوا
بس العدد كان كبيبر اوى و استفزاز الحكومه اكبر
كنت اسكت ناس ناس تعمل
للاسف قله وعى من الشعب
بس برده الناس كانت مخنوقه
من الامن و استفزاز اكبر من الامن
و انتهت الحرب بانسحاب قوات الامن زى ما انا مصور
و انتهت بزغاريط الحريم

للاسف ده كان حاجه تزعل

هناك 31 تعليقًا:

حمادة زيدان يقول...

الحمد لله على نجاح الأضراب
والحمد لله أنه لسه في مصريين عايشين
والحمد لله أنه مصر لسه فيها رجالة
والحمد لله أنه ظهر الأخوان على حقيقتهم , وهما مجرد أتباع لرجل واحد
والحمد لله على كل شيء
وكل ثورة ليها ضحاياها

monaliza يقول...

ده اللى ربنا قدرهم عليه رصاص حى!!!؟



الاسعار هتنزل امتى؟

أحمد سعيد بسيوني يقول...

احيييك على التغطية
ربنا على الظلمة
تحياتي

only spot يقول...

سلام عليكم
هو احنا منعرفش نقول لا بذوق وادب لازم ندمر بلدنا
واخرة المطحنه دى ايه
ربنا يستر

بنت الاسلام يقول...

حقيقي صور مفزعة

هي ديه صورة الاضراب الراقي

؟؟؟؟؟؟؟؟؟

لو هو ده الاضراب مش عاوزينه

مش عارفة هنتقدم امتي

ونبقي شعب متحضر

في اضراباتنا علي الاقل


حقيقي اللي حصل ده جريمة

ويارب تنتهي بسرعة


وانا كرهت الاضرابات

حمد لله علي سلامتك

ده المهم

مدحت محمد يقول...

طبعا اللى حصل غلط بكافة المقاييس
وتصرف الحكومة غبى بكافة المقاييس
والتعتيم الاعلامى كمان
برافو عليك يامارو

إيهاب الحمامصى يقول...

جدع يا مارو



ربنا يستر

الحرب اللى بحق وحقيق على الأبواب

dina يقول...

تغطيه ممتازه
بس بجد كلام ده مش كويس
العمليه المفروض مكنتش توصل لكده

مهندس مصري يقول...

بس السبب في اللي حصل ده الأمن
هو اللي استفز الناس و خرجهم عن شعورهم
و هو اللي محاصر المحلة دلوقتي و بيضرب في كل الشوارع قنابل غاز و رصاص مطاطي

Mohamed Yousef يقول...

هفش غلى معاك وأقول
من المحله
انا هناك
ياجماعه الناس خلااااااااااااااااص طهقت وانتو بتلوموهم
اه حبيت اقولك موقف مهم انا كنت عند مدرسه طه حسين الناس كانت بتاخد الكمبيوترات وترميها فى الاض مش بياخدوها بيوتهم زى ما الناس قالت وعمرو اديب قال

شبح الحقيقه يقول...

المشكله دلوقتي مش في اللي حصل في اللي هايحصل مش عارف ليه حاسس

شبح الحقيقه يقول...

أنا كتير بحي فيك الضغطيه الشامله ولا أكبر صحفي بس المشكله دلوقتي مش في اللي حصل المشكله في اللي هايحصل مش عارف ليه أن الغضب الأعمي قادم وممكن الأمر يزداد سوء ربنا يستر من الناس الي بتيس فوسط الهوجه واكيد أحنا عارفنهم كلنا وهو ده اللي ماكناش عايزينه

appy يقول...

مش عارفه بس كده فهمت منى الشاذلى اتكلمت عن الاضراب دقيقه واحده ليه واتكلمت عن اضراب الهند اللى كان سنه 1918 كتير ليه
عارف ليه لانهم ناس مخربوش بلدهم يا مارو بجد ده صعب هى دى مش جدعنه مع اننا قولنا عليهم من الاول انهم اجدع ناس ومازلت بس اللى بيحصل ده مش كويس ومش عاوزين اضراب لاهمجيه دى بجد

يورو يقول...

هو اما محدش يتحرك خالص زى م حصل عندنا
ويقولوا احنا مالنا
او اما يحصل التخريب بالشكل دا
ربنا معانا فى الايام الجايه
مشكور يا مارو على التغطيه
وحمدلله على السلامه

Hosam Yahia حسام يحى يقول...

جمييييييييييييييييييييييله

التغطيه


تحياتى

مدونة لحن الغروب يقول...

هقول زي ما قالو
جميلة التغطية
جميل الاضراب السلمي
موثرة الصور
وهقول
مش جميلة البلد اللي خربت
مش جميله التصرفات الصبيانية من الشباب الصغير
مش جميلة مال الناس ودكادنهم اللي اتنهبت واتكسرت وسط الزحمة
مش جميلة الحركة من غير هدف ولا قواعد ولا اصول
مش جميل دلوقتي انك تفهم اي حد قال لامش هشارك رغم انة شارك بالبيت وبقلبة غلط لانة كان الامن هلبسهالة كدة كدة وتبقا وصمة محدش هيطلعة منها لا اللي اضربو ولا اللي دعو للأضراب
وانتا عارف العواقب
لو كل اضراب سلمي كدة بالخراب دة كنت قول يارحمن يارحيم علي البلد
مكنش اضراب دي كانت ناس بتفش غلها في الحكومه والنظام
ابراهيم
مدونة لحن الغروب
وبالمرة ادعوك لزيارة مدونتي المتواضعه
anaabnalikwan.blogspot.com

بنت الاسلام يقول...

مارو

عمرو اديب بيقول سمعنا او في اقاويل بتقول ان في ناس سافرت من القاهرة قبلها بيوم استعداد للهجمات

وانت انفيت ذلك

بس كدة

واضح فعلا حجم الخساير اللي حصلت

ربنا يعوض علي كل واحد خسر حاجة او اصيب او جرح


وزي مابنتمني وبنحلم كل يوم ان الحكومة تتغير

اصبح في امنية اكبر

ان الشعب هو كمان يتغير

و يتعلم معني كلمة اضراب

تحياتي

روينا يقول...

وانا بتفرج على الصور حسيت انها فى فلسطين
اه مهو الفرق مش كبير كله بيدافع عن حقه
ليا ملاحظه بس للاستاذ حماده زيدان هو حضرتك قريت بيان الاخوان واسباب عدم مشركتهم ولالسه

مواطن مصرى نايم يقول...

تحياتى ليك يا مارو
تغطيه هايلة
انا غطيت برضوا
و عندى صور لاسكندرية
و حبة شغل كده على قدنا يعنى
تحياتى ليك

deja vu يقول...

عذراً على اقتحام المدونة هكذا لكن كما يقال "للضرورة أحكام"

في حملة فردية أقوم بالمساهمة على نشر وتوزيع فيلم "المُفتِنون" الذي يرد على الفيلم الهولندي "فتنة" ، بإرسال الرابط التالي لكل الداتا لدي من مواقع ومدونات وبريد

أرجو منكم – بعد المشاهدة - المساهمة معي في نشره من خلال قائمتكم أيضاً

شكرا لكم

Sorry for this sudden enterance in here but as said "necessity has its laws"

In a "singular" campaign I am making now to defend against the anti-islam dutch short movie "Fitna", siting to every possible link and address

I wish that you be part of it by watching and forwarding the link below to all yours as possible, too

Thank you every one

http://dejavupress.blogspot.com/2008/03/blog-post_31.html

غير معرف يقول...

الحمد لله انك طلعت منها سليم يا حمدان 0بما اني من االمحله اقول راي المتواضع انا بمشي ف الشارع حسه اني ف العراق اايام ما احتلوها الامريكان وبلطجية الشعب كسرو ف البلد وسرقواال فيها واستغلوا الموقف للنهب ومحدش فاهم حاجه.المهم انا منكرش ان الشعب مظلوم وليه حق للاضراب بس ايه معنى الاضراب ال ااتفقنا عليه اضراب عن العمل واحتجاج ع الاسعار المولعه وعن الحكومة البايظه بس من غير خراب احنا بنخرب ف بيتنا دا احنا ما بنصدق حاجه تنظف ف البلد نقوم نعمل كده. الاهم من كده انا راي ال عملوا كده مش اصحاب الاضراب نفسه دول ناس دخله وسطيهم عشان يستغلوا الموقف عشان التخريب والسرقه وعيال اسفه ف اللفظ صايعه وعيال صغيرين مش عارفين حاجه -وبيطلعوا الكبت ال جواهم بعنف وغباء بسبب جهلهم وعدم وعيهم -العيب على ال فكر ف الاضراب دا بدون تنظيم فين اصحاب الاضراب الحقيقين مين ال هيج الناس وسبهم وجري واي واحد ماشي ف الشارع يضرب عاطل مع باطل -انا لا مع الحكومه ولا مع الاهالي ال اتصرفوا بتخريب -الحكايه كلها مفيش تنظيم لا من اصحاب الاضراب ولا من الامن -وبكره الانتخابات المحليه اما نشوف هيحصل ايه0-ولو الاضراب فضل بالشكل دايومين كمان المحله هتتخرب بجد وناس كتير هتموت اكتر من كده وغير الفضايح ال ع الفضائيات عن اهالي المحله-بس يا رب ما يكونش التخريب ال حصل دا وراه ناس لها مصالح ومسلطه الناس البسطه ال معندهاش وعي عشان يخربوا البلد ويحققلهم مصالحهم والله اعلم .

بنوته مصرية يقول...

برافو يا مارو بجد تغطية ممتازة

اللي اقدر اقوله بجد رجاله والله

السبب في الخراب ده الحكومه خلي نظيف يقعد علي تلها

حسبي الله ونعم الوكيل

انا سمعت اني فيه قتلي من بينتهم طفل هل ده صح

لك كل التحية وفي انتظار المزيد

رودي

حمادة زيدان يقول...

مارو
والله الليحصل في المحلة من بعض البلطجية مش هو الأضراب ... الأضراب وزى ما أنت بلغتني ع الساعة 4 كده كان ماشي صح لغاية ما البلطجية أتدخلوا وعملوا المصايب السودة دي ... أعتقد أنه في حاجة غامضة حصلت وولعت الدنيا ... ولغاية ما نعرف هي ايه خلونا نفرح بنجاح الأضراب

سخن يقول...

من الشعب الليبي الي الاشقاء المصريين قلوبنا معكم بجد دمعت عيني لما شفت صور اعتقال عجوز وكهل علي ايدي عملاء النظام . مصيرنا واحد اذا انتم تحررتم نحنا نتحرر كلنا معكم انا ليبي واحب عشاق الحريه

مـحـمـود فـرج أحمد يقول...

السلام عليكم يا مارو

تغطيه بجد ممتازه

أتفق معاك جدا جدا إن التواجد الأمني هو اللي استفز الناس
ده طبعا إضافة الي سكوت عمال غزل المحله بالمكافأه اللي خدوها

أنا من المحله زيك ولكن للأسف اليوم ده انشغلت جدا
وعلي أخر اليوم الكهرباء قطعت عن سكة طنطا ونعمان الأعصر .. ويمكن دول كانوا أبرز المناطق الساخنه
وتاني يوم انا نزلت ورحت ميدان الششتاوي لقيته متلغم أمن
ورجعت ووقفت في البلكونه لقيت الناس بتجري من القنابل وكانت يوم صراحه

بس أنا ضد أعمال التخريب اللي حصلت من بعض الهمج دي برده عربيات ومحلات اخواتهم واعمامهم

بس وانا راجع من طنطا انهارده لقيت عربيتين امن مركزي واحده مدرعه والتانيه ناقلة جنود خارجين من المحله ... قلت الحمد لله الجلاء قريب ان شاء الله

تحياتي ليك يا مارو

غير معرف يقول...

السلام عليكم يا حبيبي مارو و كل زورا مدونته الرائعة، أنا صديقك ارسلان من الجزائر انا عارف انك زعلان مني على هي الغيبة الطويلة بس راح تعذرني ان عرفت السبب بعدين، و المشكلة اني فقدت ايميلك و كنت دائما في بالي ، و لما شفت الحداث الخيرة في مصر و الله حبيت اطمن عليك و طمني على الشلة الي عرفتني بهم احمد الجيزاوي و د.زهران و بنت
الاسلام و الاخت بطة بالمناسبة لقد غطيت الحداث باحترافية كبيرة و تسلم ايدك يا بطل

حسن توفيق يقول...

اخى العزيز
محمد
الحمد لله ان وقفت هذه الاحداث عند هذا الحد
وطبعا انا غير موافق على هذه التصرفات التى تضر بنا نحن..من المضار من حرق مدرسة او سيارة ..هناك الكثير من الاساليب التى نعبر بها عن راينا بدون ان نعمل مثل الدبه التى قلت صاحبها ..ويارب اهدنا الى الطريق القويم ..شكرا لك واتمنى تواصلك

محمد مارو يقول...

استاذ ارسلان

يا رب يكون اللى منعك عننا خير

و ده اميلى ووحشتنى اوى

maro_tatu@yahoo

مـحـمـود فـرج أحمد يقول...

السلام عليكم

ازيك يا مارو

طبعا يا باشا أتشرف بالتعرف عليك
وأنا شفت ايميلك واسمح لي أضيفك

غير معرف يقول...

topic78, [url=http://www.chop.edu/forum/user/profile/8207.page]order klonopin no prescription[/url], :-( bbv, http://www.chop.edu/forum/user/profile/8207.page buy klonopin no prescription *sorry*, [url=http://www.chop.edu/forum/user/profile/8208.page]purchase xanax 2mg[/url], :-) gah, http://www.chop.edu/forum/user/profile/8208.page order xanax 2mg *sorry*, [url=http://forum.cprs.ca/default.aspx?g=posts&m=6]order adipex online[/url], :-) uns, http://forum.cprs.ca/default.aspx?g=posts&m=6 order adipex :-), [url=http://forum.cprs.ca/default.aspx?g=posts&m=7]buy alprazolam no prescription[/url], :-( huv, http://forum.cprs.ca/default.aspx?g=posts&m=7 cheap alprazolam ;-(, [url=http://forum.cprs.ca/default.aspx?g=posts&m=8]ambien without prescription[/url], ;-( uqp, http://forum.cprs.ca/default.aspx?g=posts&m=8 buy ambien without prescription :-)

غير معرف يقول...

hi! [url=http://esnips.com/web/minnaregina/]Hello. And Bye.
[/url] http://esnips.com/web/minnaregina/ free nude video clips of milfs
thanks!
free nude video clips of milfs