الثلاثاء، 1 أبريل، 2008

حكومه جبانه مبتجيش الا بالعين الحمرا

























بعد ما اثبتت الحكومه المصريه فشلها على كل المستويات



السياسيه


و الامنيه


و التعليميه


و الصحيه


كله كله فاشل


النهارده قدموا اثبات جديد انهم مبيخفوش الا من العين الحمرا


و ده كان ظاهر مع انتفاضه عمال غزل المحله او موظفى الضرائب العقاريه


لكن النهارده قدموا الدليل و البرهان


كلنا طبعا سمعنا عن انتفاضه الشعب بتاع يوم 6/4



و اللى الكل هدد فيها بالعصيان و الاعتصام نتيجه ارتفاع الاسعار


الحكومه الجبانه


الفاشله عملت ايه؟



نزلوا النهارده ناس من بتوع التسعيره اللى مكناش بنسمع عنهم من زمان نزلوهم فى الشوارع


لاجبار التجار على تخفيض الاسعار


و الجديد


النهارده ازازه الزيت ب 9 جنيه بدل 11 ونصف


كيلو الرز ب 2 بدل من 3ونص


كيلو الطماطم ب 2 بدل من 5 جنيه


بالرغم من التطور ده الا انه مش كافى


عاوزين كمان و كمان و كمان


يعنى لازم لازم لازم نعمل اللى متفقين عليه ان شاء الله


و دى دعوه للاضراب و التمسك بيه و ليس العكس
بلا خوف و بلا تردد
لان


الحكومه اثبتت ان ده افضل اسلوب للتعامل مع امثالهم


و الله انا بقول الكلام ده بناء على اسعار مدينتى مش عارف عندكم ايه الاخبار


هناك 19 تعليقًا:

مدحت محمد يقول...

اول تعليق
بحجز بس

مدحت محمد يقول...

والله يامارو انت فرحتنى بالخبر ده اوى
وكنت لسة بقول
لعمى
راح بيقلى
هو بيازمها عشان يجى جمال
يفكها ههههههههه
عمى راح فى داهية والحمد لله
هههههههه
تحياتى ياحبيبى
وكل مصر معتصمة اليوم ده ان شاء الله
تحياتى

مدحت محمد يقول...

ياخوفى يابدران تكون كدبة ابريل

Hosam Yahia حسام يحى يقول...

عقبالنا الاسعار عندنا زى ماهيا

monaliza يقول...

يا سلام لو جاب بجد نتيجة

حمادة زيدان يقول...

حبيبي
بصى بقي أتمني يكون كلامك صح ... وتكون الحكومة طلع ليها دم بعد ما انفض كل الدم واصبحت حكومة منزوعة الدم ... ولو صح هايكون مخدر علشان الناس تسكت وحدش يعمل حاجة
يارب الناس تتحرك لأنها مسألة حياة أو موت

بنت الاسلام يقول...

هما قالو نرخص عشان مايبقاش في اضراب ولا ايه

ياسيدي بشرة خير

ويارب


الناس كلها تشتري طماطم

يورو يقول...

افرح وانبسط يا عم
الطماطم بقت ب 2 جنيه !!0
ولسسسسسه

يارب يارب يارب
تجيب نتيجه
وتبقى دى بدايه نطلب حقنا بعقل
ومن غير خوف

تحياتى يا مارو

محمد مارو يقول...

افرح يا دوحه الخبر بجد مش كدبه ابريل

محمد مارو يقول...

يا رب يا سمسم يا رب

اسال عن الاخبار و قولى

محمد مارو يقول...

موناليزا

ان شاء الله هيجيب

انتى من المنصورة امال مش بتيجى معانا ليه ؟

محمد مارو يقول...

منزوعه الدم دى زى منزوعه الدسم؟

محمد مارو يقول...

بطوط انا بحب ال
طماطم و عاوزها ترخص بئه

محمد مارو يقول...

يارا

بجد؟

طيب كويس

خديجة عبدالله يقول...

دى أصلا مو حكومة دى مشروع وفشل

ونظام مستبد فاشل وسوبر غبي

لكن بايدينا هنغير إن شاء الله

بس عندنا مافيش أى أسعار انخفضت خالص
ربنا يوفقك مدونتك حلوة وربنا يتقبل منك ويجعلها فى ميزان حسناتك

رحاله يقول...

مارو عندنا زى ماهيه
حرام والله
كل الى انا خايفه منو ان يوم 6 دة عندى كليه ومحاضرة هامه اوى خايفه ملقيش مواصلات والاقيهم هما كمان عاملين اضراب
يلا حسبى الله ونعم الوكيل

محمد مارو يقول...

رحاله
يوم 6 مفيش كليات اصلا و لا اى حاجه

يعنى مش تخرجى من بيتك اصلا

تحياتى

mthlykaweyy يقول...
أزال أحد مشرفي المدونة هذا التعليق.
شوقى رجب يقول...

انا شايف ان اليوم نجح من قبل ما يبدأ اصلا
شوفوا الداعيين لليوم اد ايه لوحدهم