فين وعودك يا ريس
متهيأ لى انك ظهرت فى التلفزيون من سنتين او تلاته واصدرت تصريحات رنانه و حلوه اوى و قلت فيها و شددت ع ضرورة عدم حبس الصحفيين
و مش كده و بس ده انت أمرت بعمل قانون لحمايه الصحافه
انا متهيألى و الله اعلم ان التصريحات دى كان ليها وقتها
لما ست الكل ( ربنا يخليها لنا ) ماما امريكا امرت بنشر الديمقراطيه فى الشرق الاوسط
كان لازم انك تسمع الكلام و تنشر زى ما قالت
لكن بعد اما امريكا تراجعت عن طلبها لانها شافت ان الديمقراطيه جابت حماس للسلطه و الاخوان فى مجلس الشعب
و قالت الاستقرار اهم من الديمقراطيه
كان لازم و وواجب عليك انك تسحب الوعد بحريه الصحفيين و اهوه النتيجه ظهرت
بحبس خمس رؤساء للتحرير
و اهم خمس رؤساء فى مصر
اللى اخد سنه و اللى اتنين
و الله اعلم هيحصل ايه بعد كده
يا ريس لما تحبس دول اللى الدنيا كلها عارفاهم و شيفاهم امال هتعمل فينا احنا ايه المدونين الغلابه ؟
اعدام ؟
انا متهيالى ده اقل واجب فى حقنا
بس برضه مش هنخاف و مش هنسكت
و لو الصحافه المكتوبه و الورقيه صادرت حريتها
الصحافه الاكترونيه و المدونين مش ساكتين
واهوه الشباب عامله شغل كويس جدا عشان يفضحوا امركم و مش هنخليكم تبرطعوا فى الارض فساد ليل ونهار
الحمد لله فى شباب حر وواعى مش بيخاف
الشباب دول امثال منذر و الجيزاوى و نواره و معتز و الششتاوى اللى عاميلن اهم حامله للقضاء ع التعذيب
وفى شباب غيرهم حر وواعى مش هنخاف و مش هنسكت هتعمل ايه يعنى ؟
هتعتلقنا ؟ مااحنا معتقلين كده كده فى وطنا
هتموتنا ؟ يكون ارحم لنا
ايه اخرتك و ايه اللى ناوى عليه ؟
زمن الخوف ولى
لازم الفجر يطلع بئه
منتظرينه
باهم اعلان رسمى فى التلفزيون و طبعا الكل عارف ايه هو الاعلان ده
انا منتظره
منتظره
منتظره
هناك ٢٨ تعليقًا:
انا متهيالي اني لسة عايشة
متهيالي
المهم
انت بتكلم مين يابني
ريس مين
هو لسة في ريس بيسمع ولا ايه
ماعلينا
احنا طبعا
بنتكلم كالمعتاد
ماهو للاسف
مش بايدينا غير كدة
لعل وعسي
حد يسمعنا
حد يفهم ويقدر معني كلمة
حرية
ربنا يستر و مايعملش زي الأردن ونبقى خاضعين للمجلس الأعلى للصحافة، أو نقابة الصحافيين، ويبقى لازم تطلع رخصة عشان تبقى مدون..
وممكن طبعا يعدلوها في الدستور عشان يبقى دستور جديد تماما من نوعه
كل ليل وله آخر، والفجر جاي جاي
تحياتي
حبيب قلبي مارو
الكلام اللي كان بيقوله أيام الانتخابات ده كلام بن عم حديت يعني ملهوش أساس ولا ليه قاعدة مجرد ضحك على الدقون والسلام ... وبالنسبة بقى للباقي فالحمد لله طول ما إحنا عايشين وطول ما جوانا حلم وأمل في بكرة أحلى إن شاء الله كل اللي بنحلم بيه هيتحقق وهيغور كل ظالم وكل فاسد وكل جبان من غير رجعة
أحييك جداً جداً جداً من كل قلبي على البوست الجميل أوي ده يا مارو
وعود ريس مين يا زلابيه , الراجل سنه قارب على التمانين , وأكيد عنده زهايمر يبقي عاوزة يفتكر كلام قاله من 3 سنين أنت بتحلم على كدة .
وعلى العموم ربنا يفوت الكام سنة من عمره على خير , ويريحنا من خلقته , وانا عن نفسي مش خايف من حاجة , وإحنا مش أفضل من الأساتذة العظام اللي منورين خلف القطبان , ولو كلنا هاندخل سجون العادلي فهذا أشرف لنا
تحياتي
حمادة زيدان
اتفق مع كلام اختى بنت الاسلام
واضيف
ان على المدونين محاربة القوانين سيئة السمعه خاصا التى قوانين حبس الصحفيين لانه مع الوقت ستكون سيفا مسلط على رقاب المدونين ايضا
واقترح ايضا ان يتم عمل قائمة باسماء كل الصحفيين الذين حكم عليهم بالسحن فى قضايا نشر
الحريه ماتت يا بطه
يا خبر هى وصلت للدرجه دى ؟
للدرجه دى بجد يا فارس
نوشه شكرا جدا
خلاص يا حماده احجز لى الزنزانه اللى جنبك
اخى شوقى
اقتراح كويس و انا معاك
يا خبر أبيض
هو ألى قاله فارس ده صحيح بيحصل فى الأردن
ربنا يستر لازم نقاوم ده
أول مرة أعلق
بس بصراحة
مدونة جميلة
بس الربس عنده 80سنه وبينسى
حتى دلوقتى بقى بيخلف وعده
ويقول كلام .............
ومينفزوش
أهم حاجه مصر
أنا مش عارف هم بيكلموا عن
شعب تامى ولاايه
زورونا
على
مدونة ابن عمر
ربنا يخليك للصحافة والصحفين الغلابة اللى زينا
ياعم مارو
وتفضل عند وعدك ومتعملش زى ناس
و انا مستني الاعلان ده بقالي سنين
بس بصبر نفسي و اقول قرب
يا عم مفيش اسهل من الكلام
و بعدين انت بتصدق ؟!!؟
ايه يا عم فى القلب انت بتقرا المدونه و لا بتقرا التعليقات ؟
ههههههههههههههههههههههههههههههههههه
اهلا اهلا بن عمر شرفت مدونتى
و مدونتك انت اروع
شيماء
اى ناس ؟
مبارك و لا تقصدى حد شخصى ؟
انا اتوقع مبارك
محمد صبحى انا مستنى معاك
بس عوزك تجهز القله انا عندى زير
والله يا مارو
بجد مش عارف أقولك ايه
حاطط اسمى ده شعور جميل جدا منك، بس يارب ده نقطة فى بحر
وانا تسلل ليا احباط شديد جدا
بعد زيارة المنصورة
مافيش حاجة بعد إهدار الكرامة
وإبراهيم عيسى ترك جريدة قوية وتلامة فى صرح محترم زي الدستور
ومدونين جامدين زيك ومخلصين زيك
ربنا يبعزك يا مارو
مارو
لا حياه لمن تنادي
ده ايه الغل ده كله يا اخويا
ربنا يخف عنك ويديهم (الى بالى بالك طبعا)
وبعدين قبل ما نتحمق على حرية الصحافة ... نضمن بس حرية المواطن المقشف فى بلده وبعد كده ربنا يفرجها من عنده
تحياتى ومدونتك لذيذة
فشيت غلي خلاص :)
والله مش عارف اقولك ايه
للاسف احنا بنتكلم وخلاص
كده انت ضمنت اعدام يا مارو هاندعيلك مش هاننساك
انت كده دخلت فى عش الدبابير
ربنا يعينك يا عم
مارو أكيد بيحلم
والكل يسيبه ياخوانا
يحلم
دا اللى باقى
لنا
نحلم أننا عايشين
بس مش متهانين
مش جاعنين
مش خايفين
نحلم ياعم مارو
احلم
احلم
بس اوع يقلب كابوس
أخوك الشاعر
اية الجمال دة يا مارو على طول فاشش غليلك في الريس
الله ينور ايوة فكره بوعوده
حبيبى وأخى مارو
لى تعليق مختصر جدا بقول الله تعالى
( انك لاتسمع الموتى ولاتسمع الصم الدعاء اذا ولو مدبرين )
إرسال تعليق