الاثنين، 24 سبتمبر 2007

يوم دموى جدا

فعلا يوم دموى جدا مر ع مدينه المحلة الكبرى من يومين بتاريخ 22 /9 / 2007
و الموافق العاشر من رمضان و قبل الفطار مباشرة الساعه الخامسه و النصف
بس قبل ما ادخل فى تفاصيل الحدث احب انصح كل من لا يحب قراءة الحوادث عدم قراءه الموضوع ده لانه بجد مؤلم و انا شخصيا تألمت منه
التفاصيل بالعاميه كده و بالبلدى
فى واحد و خطبته كاونوا معزومين عند امه وهو رايح يجيب خطبته كان راكب الموتسيكل بتاعه وهو سايق اذ بعربيه مقطوره كبيره تيجى عليه و طبعا حصل تصادم بس مش اى تصادم للاسف العربيه مش خلت فيهم حاجه و فصلت رقبه البنت عن جسمها والشاب تم سحق وجهه تماما وطبعا كان حادث مؤلم للجميع
من ناحيه اخرى و فى نفس التوقيت تقريبا
و فى مشاجره لقى شاب مصرعه بطعنه من واحد بلطجى بسبب فرن العيش
وطبعا كان حادث غم هو كمان
بعد الفطار بئه تعالوا نشوف الحكومه عملت ايه
طبعا لازم تثبت وجودها فى الشارع ونزلت تاخد عاطل مع باطل
يعنى اللى مش زعل ان ابنه مات زعل ان ابنه مش نام فى بيته و كانت حاله فظيعه فى احد شوارع المحله الكبرى
كده خلص الموضوع
ممكن واحد يقولى طيب واحنا مالنا ياعمونا و هوده موضوع للنشر
اقول انا بكتب اهم الاحداث اللى بمربيها سواء حلوه او وحشه
و بجد ده يوم المفروض مش يتنسى اناكان نفسى اصور ع شان تقدروا مدى المعاناه اللى كانت البلد عليها
شكرا

هناك 5 تعليقات:

عصفور اسكندرية ( المواطن المطحون ) يقول...

السلام علكيم
محمد مارو
كيف حالك

بجد رمضان دا حصلت احداث فظيعه جدا
يعني عندكو كده والبد اتأزمت

شوف اللي حصل عندي
صاحبي وقع من السادس وهو بيركب فرع النور الصغير بتاع رمضان

واحد اعرفه السكينه دخلت في قلبه وهوا بيقطع شئ بيها
والاتنين الشباب دول في يوم واحد والاتنين اعرفهم
والاتنين 20 سنه

بجد انا لله وانا اليه راجعون

بنت الاسلام يقول...

انا لله وانا اليه راجعون
حادثة بشعة فعلا يامحمد
ربنا يكفينا شر الطريق يارب

وربنا يصبر اهاليهم علي البلاء

قل لن يصيبنا الا ماكتب الله لنا

اللهم الهمهم الصبر والسلوان

وحسبي الله ونعمة الوكيل

الفكر السجين يقول...

الله يرحمهم ماتوا موتة فظيعة بس فى أيام مباركة ودى أمانات وبترجع ثانى لربنا وكدة هما شهداء عند ربنا وفعلا حزنت عليهم وأتألمت أوى الله يرحمهم
ايناس

محمد مارو يقول...

المواطن المطحون
بجد حادثه صعبه بتاعت اصحابك

فى القلب يقول...

لا حول و لا قوه الا بالله
كلها حوادث فظيعه

تعددت الأسباب و الموت واحد
هم السابفون و نحن اللاحقون
اللهم أغفر لهم ولنا