فى خبر تردد فى كل وكلات الانباء اليوم و لاحظت ان كتير من الاخوه المدونين تناقلوه بلهفه و اهتمام بس للاسف احنا فاهمين غلط
الاول اقول لكم ايه هو الخبر
اخبر بيقول
استدعت وزارة الخارجيه المصريه القائم بالاعمال الكويتيه فى مصر بشان تعذيب المواطنين المصريين فى الكويت
طبعا الكل فهم ان ابو الغيظ استدعاه ع شان يكلمه و يعاتبه ازاى انهم يعملوا كده فى المصريين
بس للاسف مش كده خالص
اه هو استدعاه فعلا بس ع شان يديله دورة تدريبيه مجانيه فى اساليب تعذيب المواطنين بمهاره و بدون ان يترك اى اثر ممكن المواطن يشتكى بسببه
اصل الكويت دوله و حكومه محترمه و متحضره مش بيعرفوا يعذبوا كويس كمان التعذيب بتاعهم دلع لينا فده غاظ طبعا ابو الغيظ
و قال بئه احنا بعاملوهم بطريقه و الكويته بطريقه ؟
لازم اعلمهم ازاى يعذبوا الاوغاد دول ( المصريين يعنى ) اصل احنا كده فى وجهة نظرهم
يا ابو الغيظ قبل ما تلوم الكويت او اى دوله اخرى لوم حكومتك و شفها بتعمل ايه فينا و اخر فضيحه هى بتاع مقتل شاب فى المنصورة و طفل من التعذيب
و رايح انت تتكلم مع الكويت
( اللى بيته من الازاز ما يحدفش الناس بالطوب )
احترم الاول شعبك و الكل و الدنيا كلها هتحرمهم
هناك ١٧ تعليقًا:
ممكن يكون طلب توظيف عمالة عندهم في هذا المجال الخدمي التخصصي
ما هو لما المصرى يبقى متهان فى داره يبقى محدش يلوم حد لما يتهان بره داره
أنا متهيألي ان أبو الغيط
كان عايز
يشوف هم وقفوا في التعذيب لغاية فين
عشان لما يرجعوا يكمل هو وحبايبه عليهم
أكتر حاجة بتحرق دمي فيهم الإستخفاف
بالعقول ..كله كويس كله حلو كله السطه..كله كله كله لحد مالحياة مالحياة بقت مملة من كتر المثالية يا أخي
انا شايفه ان مصر دايما بتساند الاخوه العرب لازم مصر تلعب دورها الريادي و نرسل فورآ خبراء تعذيب للكويت و كل الاشقاء العرب و نبعت معاهم شوية مواطنين مصريين يتمرنوا عليهم
و كل اهانه و انتوا طيبيين
يا سيدي إن بعض الظن إثم..وبعدين ياأخي مش كل حاجة الحكومة تعملها تبقى غلط!!
شكراً.
محمد المصري
لاء فعلا ًكلامك حقيقى
هى مفيش حاجه بتستخبى فى البلد دى
أصلى كنت حاضره الأجتماع
بس أنت نسيت تقول حاجه أتقالت برضه
أبو الغيط سيته
أضاف ليه مدتهمشى سم هارى ياخد أجلهم
ماهم ملين البلد
أدام الله العز و أكل الوز على أدين سيته
والله يا مارو يا معلم
باي وش
أبو الغيظ هايتطكلم مع بتاع الكويت
الى مأكله النظام ده ومشرباه
هايقدر يقولها تلت التلاتة كام
اقل كلمة هايوقلها المسئول الكويتى لو الموضوع ده طول
لم معازيك يا حنفى ويبقى عنده مليون حق
حاجة تانية ليهأبو الغيظ مايتدعيش عسكرى ولا ظابط ولا وزير الدخلية
فين أعضاء مجلس الشعب
مافيش ولا استجواب للسفاح العادلى
ايه يا جدعان
مازهقتوش من مارينا
تلاقيه بيعلمه طريقة العصاية
سلام
شيء محزن جدااا ان تعذيب البشر والامهم اخد مجال واسع قوي من السخرية والاستهزاء
من الدول ومن الشعوب
ومننا
مهو شعوبنا هى السبب
شعوب جبانه
عبييد
بيخافوا من اى حجه ومن اى حد
لو كلنا وقفنا وقفه وحده
هناخد حقنا تالت ومثلت
بس احنا شعوبنا عاشت ورضعت واتربت على الذل لحد ما بقا عاده فيها
عبييد
يا حبيب قلبي
دة المصري بيهين المصري
مش عايز غير المصري يهين المصري
يا عمي ..... لما الناس يشوفوا إللي بيحصل للمصريين من ضرب علي القفا وتسليك في أقسام الشرطه ... ماذا تكونالنتيجه .. إلا مزيد من الهوان علينا ... ومن يهن يسهل الهوان عليه
مارو باشا ربنا يسترها علينا الايام القادمه حسنى قالها الايام بتعتى سوده لكن اللى جاى اسود
هو والله أظن أنك بتتكلم عن واحد غلط هو والنبي فيه وزير أسمه أبو الغيط أصلاً
لأن اسم أبو الغيط ده آخره يروح الفلاحين يمارس شغله
وبعدين أنت بتتكلم عن واحد ملهوش رأي ولا ليه شخصية مجرد قطعة شطرنج بتتحرك لما يحركها اللاعب
أنسى يا عم مارو
ماشى يا باشا
عولم
أنا هبداء بتعزيب الخمسه الأوأل عشان أبدأ حياتى المهنيه بترقيه
والخمسه ألى تحت أيدى دلوقتى من أهل بيتى
عشان أنشف كده وأعجب
وأن شاء الله أنول الرضا
تمام يا با شا
احنا متعزبين و الي جوه السجن متعزبين و بعدين احنا مالناش تمن جوه مصر هايبقلنا خارجها مستحيل و بعدين التعزيب مش جوه السجون دا في كل مكان ارجو زيارتك لموقعي اسمع اخر اشعاري و علي فكره هو شعر وطني
احمد نجم
http://a7asessha3er.blogspot.com/
إرسال تعليق