الأربعاء، 9 مايو، 2007

طلب لخصخصة الشعب

طلب لخصخصة الشعب

زى ما الحكومه كل يوم عماله تبيع فى شركه من شركاتنا و الله اعلم الفلوس دى بتروح فين انا عندى اقتراح ع الساده الافاضل اللى
عمالين يبيعوا ممتلكاتنا اقترح عليهم انهم ينزلوا مناقصه يعرضوا فيها بيع الشعب و طبعا زى ما بيحصل مع الشركات لما بيجوا
يبعوها انهم بيطلبوا شروط معينه احنا كمان هنطلب شروط للى هيشتريناسواء كانت دوله او شركه
اولا / لازم الدوله اللى هتشترينا
تكون بتهتم بالمواطن بتاعها و بتعرف ازاى تجيب له حقوقه سواء فى البلد او بره يعنى منكنش ملطشه لكل من هب و دب يعنى منروحش ليبيا ع شان نلعب كورة ننضرب هناك و حكومتنا تقف تتفرج و لا واحد سعودى اسمه الامير ترك يجى بلدنا و معاه كلابه و يسيبهم ع الشعب الغلبان و برضه الحكومه تسكت عوزين حكومه تجيب لنا حقنا
ثانيا / وزارة البلطجيه اللى عندها اسف اقصد الداخليه تكون محترمه مش بيغتصبوا الرجاله قبل الحريم فى اقسام الشرطه و يكونوا منصفين لما واحد يروح يشتكى بلطجى منهم يجيبوا له حقه مش يعملوا تسليه لانه اتجراء و راح يشتكى الشرطين دول هما بس المطلوبين او بالاصح هم اهم شرطين
مع العلم ليس من الضرورى انها تكون دوله غنيه او ذات موارد احنا شعب اخد ع الشغل و الشقى و بنتلذذ بالشغل و الشقى بس اللى عوزينه حقنا و كرامتنا مش اكتر دى الشروط المطلوبه مين قال هات ؟

هناك تعليقان (2):

A.SAMIR يقول...

مش هتلاقي حد يشتري ياعم
مين هياخد شعب انهكته البلهارسيا والسل وفيروس سي وماخفي كان اعظم
دول لو حبوا يبيعونا هيبيعونا وفوقينا فلوس
تحياتي ليك

طريق المسلم يقول...

السلام عليكم
مش هتلاقى حد يوافق على الشروط ديه

اللهم رد المسلمين الى دينهم ردا جميلا
اللهم امين

واخيرا
السلام عليكم ورحمة الله وبركاته