الأربعاء، 2 مايو 2007

دى نهايه اللى بيدور على خير للبلد دى




دى نهايه اى واحد فاكر انه ممكن يعدل البلد دى
اليوم شهدت مصر محاكمتين وحده لمرتضى منصور و التانيه لمذيعه قناة الجزيرة هويدا طه
مرتضى منصور اللى مسك نادى الزمالك و طبعا لما مسك رئسته وجد فيه بلاوى و لما حب يكشف الفساد اللى فى البلد دى
الكل نهش لحمه لحد اما ودوه ورا الشمس
و اتحكم عليه بثلاث سنوات
طبعا محدش يوافق على اللى عمله مرتضى منصور
لما اتهجم على محمد نوفل
بس برضه دى نهايه كل واحد فاكر انه يقدر يعدل مصر
و المحاكمه التانيه بتاع هويدا طه مذيعه قناة الجزيره و اللى عملت برنامج و تسجيل وثائقى خطير عن التعذيب فى مصر و استعانه ببعض اللقطات المصورة داخل اقسام الشرطه من تعذيب للمواطنين
و اللى مش اتصور هى مثلته باشخاص و قالت هذه مشاهد تمثيليه و ليست حقيقه
المحكمه حكمت عليها ب 6 شهور و غرامه 10000 جنيه
و ده فى تقديرهم لانها اذاعات مشاهد تسىء لمصر
طيب ما احنا بايدينا نمنع المشاهد دى
لما نمنع التعذيب
و لا احنا نعذب و مش عوزين الناس تقول اه والله و انا بتفرج على حالة الشاب اللى كسروا له ايهد و خلوه عاجز كنت بغلى و لا لما اتفرجت على عماد الكبير
هما فعلا عوزين يعذبوا الناس و الناس تصفق لهم و يقولوا لهم كمان
انا غير متفق مع هذا الحكم

هناك 17 تعليقًا:

hapasa يقول...

الله ينور عليك يا اخويا وصديقى وحبيب قلبى يا مارو
انت قلت كلمة وهي حكمة
طيب ما احنا بايدينا نمنع المشاهد دى
لما نمنع التعذيب
أول حاجة الى تناول الموضوع ده قناة الجزيرة، مش قناة النيل للأخبار، والصحفية الى قامت بالموضوع ده هويدا طه مصرية مش اسماة سرايا ، ثالثا هي جابت المشاهد ده من بيت أبوها، ما هي جابتها من الناس ولا هيى الى عملت كده ما البشوات حسبى الله ونعم الوكيل فيهم هما الى عملوا كده، احنا ملنا ، يبقى العيب على الى ظهر الحقيقة ولا العيب على الى عملها، ده حتة البتاع الى عذب عماد ماخدش حكم لغاية دلوقتى تيجى هويدا وتاخد حكم زي ده، منتهى قلة الأدب
وكمان المشاهد التمثيلية ماتعملتش على طريقة برنامج حياتى لو حد فكره، ده الجزيرة يعنى لما بيكون مشهد قديم بيتكتب أرشيف ولما بيكون منقول بيتكتب نقلا عن القناة الفلانية، ولما بيكون مشهد تثميل بيتقال طول عرضه مشهد تمثيلى وبيتكتب أسماء الممثلينن وكلنا شفنا بورنامج الجريمة السياسية، السادات وحسن البنا، وبورنامج أدب السجون، منتهى الحرفية والمصداقية
وعلى رأيك يا أخويا مارو ، وكمان هي ماجبتش طرف واحد ، ده جابت الضحية وجاب ظبطا قدام بره الخدمة وجابت ناس عاديين وجابت ناس من المجتمع المدنى، وجاب صور حقيقية متصورة فى أقسام وعلى يد ظبطا وامناء شرطة منهم لله، مش الكاميرا الخفية ولا حاجة، وجابت لوا متقاعد عميل للنظام، قال ان الشعب بيتكيف من التعذيب وهو الى عاوز كده وهو الى متعود على كده والشعب بيحب كده
وفى النهاية كلمة أبرك من عشرة انت تفضلت وقلتها
طب مايمنعوا التعذيب لو مش عاوزين فضايح
الله يفضحهم دنيا وآخرة يارب
يارب كل من ظلم واحد ولا كل من تجبر على واحد انت أقوى واكبر منه
اللهم انى اعوز بك من غلبة الدين وقهر الرجال
أنت القوي والعزيز

عمر الشرقاوى يقول...

الاستاذ محمد مارو والله مرتضى صعبان عليه بس هوحمقى شويه يلا عشان البلدى ما ينفعش فيها حاجه اصلا
اما عن هويدا طه دى بطله والله بطله وكل شخص يحاول يكشف فساد الفاسدين يجيلو وقولو سمعه مصر ما هى فى الحضيض ماانتو اللى خلتوها زى الزفت دا الواحد مش عايز يسافر فى بلد عشان ماي قولش انه مصرى اوف انا قرفت انا هاغير نشاطى هابيع سودانى وترمس

maro يقول...

الله عليك يا اخى منذر و الله انت قلت اللى انا مش قلته بس كان نفسى اقوله
و تعليقك احسن بكتير من مقالى شكرا لك

maro يقول...

الله عليك يا اخى منذر و الله انت قلت اللى انا مش قلته بس كان نفسى اقوله
و تعليقك احسن بكتير من مقالى شكرا لك

maro يقول...

اخى عمر
قال مصطفى كامل قديما لو لم اكن مصريا لتمنيت ان اكون مصريا اما الان انا بقول
لو لم اكن مصريا لتمنيت ان لا اكون مصريا

مصطفى محمود يقول...

مع احترامى لييك بس مش مرتضى منصور اللى متخصص رشاوى قضاة اللى بيدافع عن مصر ...حرام علييك يعنى .

maro يقول...

اخى العزيز مصطفى محمود انا لم اقل ان مرتضى متخصص رشاوى انا قلت دى نهايه اللى عاوز بعدل حال البلد دى
بس انا عاتبت مرتضى انه تهجم ع المستشار محمد نوفل ده كل ما فى الامر

أبو مروان يقول...

عندك حق أخي دي نهاية أي واحد يفكر يصلح في البلد ديت أي حاجة ومش بس كدة وبيفكر يقف أدام النظام دوت فاحنا فاكرين اللي حصل مع إيمن نور أنا مش متفق معاه لكن هو حصله إيه وكمان نعمان جمعة طلعوه مجنون انا برده مش متفق معاه بس هيا امثلة وخلاص

intissar abdulmonaem يقول...

أستاذ محمد
أعتقد أن مرتضى منصور هو الملوم الأول فهو قد أعطى الفرصة لأعدائه ليتصيدوا الأخطاء له
فلو كان ذكي ما جعلهم
يوقعون به بأخطاء لسانه
تحياتي لك

maro يقول...

شكرا لكى معلمتى الفضلة الاخت انتصار
و فرحت لما شفتك منورانى تانى فى مدونتى المتواضعه

maro يقول...

اخى ابو مروان شكرا لك و كمان انا فرحان ع شان ابنك اسمه مروان
لان انا كمان مروان
و ربنا يخليه لك و يديم المعروف

A.SAMIR يقول...

بيتهيأ لي ان بعد اللي حصل في ايمن نور وبعده طلعت السادات واخيرا مرتضى منصور
كله استوعب الدرس
والرسالة وصلت من الحزب الوطني لعموم المصريين:
انتهى الدرس يا.....
تحياتي ليك ولمدونتك الجميلة

maro يقول...

شكرا لك اخى سمير
بس يعنى اللى يتكلم فى البلد دى يتعاقب و يكونوا كده استوعبوا الدرس
انا نفسى اللى يستوعب الدرس وزير الدخليه مثلا او البلطجيه اللى تحت ايدوه
نفسى دول اللى يستوعبوا الدرس فعلا

amoooos يقول...

مارو
انا ادافع عن حق اى انسان فى قضاء عادل وعدم اهانه وعدم سجن بسبب ابداء راى حتى ولو كنت اختلف معاه....مرتضى منصور انا باحترم رايه فى بعض الامور وامور تانية لا ولكن هذا لا يجعلنى لا اقف معه لو كان حقيقيى مظلوم نفس الكلام عن هويدا طه لان لها راى فى الاسلام انه رجعى وان الحجاب وهابى اشياء من هذا القبيل ولا اتفق معها ولكن لها الحق فى الحرية وابداء الراى
ارجو ان تكون تفهمت موقفى

maro يقول...

اخى العزيز
انا اول مره اسمع الكلام ده عن هويدا طه
اول مره اسمع عن رئيها فى الحجاب
و حتى و لو
انا بتكلم عن انها مش عملت حاجه ع شان تتحاكم و تتحبس و كمان تدفع غرامه
على راى اخى منذر اللى يتحاكم السبب فى التعذيب مش هيه هى مش اكتر من انها كشفته بس

سارة يقول...

استاذ مارو
لا احب مرتضى منصور هذا ولا يعجبنى اسلوبه فى الحوار
ولكن الحق يقتضى ان نقول ان 3 سنوات لانه اعتدى على نوفل كتير
يعنى المجرمين بتوع المخدرات والسارقين لا يأخذون تلك الاحكام

اما هويدا طه
فلها الله ولنا
ولا ادرى ان كانت المشاهد التمثيلية تسئ لسمعة مصر
ام الكليبات الحقيقية التى اصبحت اكثر شهرة وانتشارا من كليبات المطربين انفسهم
ومنها كليب عماد وكليب القفا
حسبنا الله ونعم الوكيل
سعدت بالتعرف لمدونتك
تحيااااااااتى

maro يقول...

شكرا لكى اختى العزيزه ساره ع تواصلك معنا