الثلاثاء، 1 مايو 2007

فالتسقط نقابه المعلمين و ليسقط نقيب المعلمين

فالتسقط هذه النقابه الكاذبه و اللى بيدعوا فيها انهم بيجيبوا للمعلمين حقوقهم المنهوبه
بس ازاى هيجيبوا حقوهمه المنهوبه اذا كانوا هما اللى نهبنها
بس قبل اى كلام عاوز اوضح لكم ان بقول ليه تسقط نقابة المعلمين
اولا و على غير العاده هذه هى النقابه الوحيده اللى نقييها من قياديين الحزب الوطنى
( و احنا عرفين طبعا الحزب الوطنى لما بيحط
منخيره فى حاجه بيجبها الارض طبعا ) فنقابة المعلمين مره كان نقيبها رئيس مجلس
الشورى و مرة قيادى من قياديين الحزب الوطنى
الحاكم
و اللى يقرأ الكلام ده يفرح و يقول مدام نقبها قيادى من الحزب الوطنى او رئيس مجلس
الشورى كده تكون خير للمعلمين انا اقول له
انسى ده احنا فى مصر و مدام فيها الحزب الوطنى يبئه ضد المعلمين و مع الحكومه
ثانيا النقابه المزعومه هذه المفروض انها تجيب للمعلم حقه
بس للاسف دى بتقف ضده طبعا احنا مش نسيين حادثة المعتوه وزير التعليم السابق
حسين كامل بهاء الدين و هو طبعا لا بهاء و لا
حاجه ده كان هباب
و الحادثه لما راح مدرسه فقيره الوزير نفسه مش بينفق عليها و وجدها مش كويس و
فقيره و شتم المدير امام الطلبه و المدرسيين
و طبعا المدير رد
نزلوا عليه البلطجيه اللى معاه اللى اسمهم بودى جارد بضربه لحد اما سببوا له
ارتجاج فى المخ
و كان المفروض ان النقابه تقف معاه بس طبعا لانها حزب وطنى و لان الوزير حزب
وطنى جابوا الحق على المدير
و طلع هو اللى غلطان و عليه الحق كمان
لكن لو ده حصل مع نقابه الصحففين او المحاميين كانوا ودوا الوزير ده ورا الشمس
و برضه مش عارفه تجيب حقوقهم من اللى بيقولوا عليه كادر خاص للمعلمين
و لا هتعرف تعمل حاجه طاما النقيب حزب وطنى
ثالثا على غير العاده خالص
المفروض ان كل خريجى الكليات التابعه للنقابه يكونوا اعضاء فيها
الا هذه النقابه الفاشله
فخريجى كليات التربيه لا يكونوا اعضاء الا لو تم تعينهم حتى المتعاقدين ليس لهم الحق
فى الانتساب لهذه النقابه بجد انا مش فاهم ليه
يا سياده النقيب مفيش تعينات و طبعا مفيش انضمام للنقابه
ليه انتم مش زى نقابه المحاميين او التجاريين او العلميين لو الصحفيين او نقابه
يحق لخريج الكليه انه ينضم ليكم
بس فى الاخر الغلط مش على النقابه الغلط على المدرسين الجبناء اللى بيخافوا يقولوا عوزين حقوقنا لحسن تنقلوهم او ترفدوهم
يعنينى غلابه
بس لا حول و لا قوه الا بالله
و حسبى الله و نعم الوكيل فيكم و فى كل اللى مش عاوز خير للبلد دى و اللى عاوز يكوش على كل حاجه لوحده

هناك 8 تعليقات:

عمر الشرقاوى يقول...

عزيزى محمد مارو والله انت طرقت باب خطير اوسخ نقابه هى نقابه المعلمين مش عارف ليه مع انها المفروض تكون لها الاولويه والتدريس والمعلمين ومنظومه التعليم باكملها المفروض تكون افضل شىء لانها هى الاساس هى التى تخرج كل سنه الالافات مولفه من الشباب لهذه الامه فاقدين الهويه لدينهم ولاوطنهم ومفكرين ان ده تعليم خلاصه القول ان دى مش نقابه دى نفايه

حسام مراد يقول...

اصبت ولكن لا للسباب فى اى وزير حتى لو كان ايه

maro يقول...

شكرا اخى عمر الشرقاوى على مشاركتك و فعلا فى هى مش نقابه دى نفايه

maro يقول...

اخى حسام لو جابوا و زير عدل بيهتم بالمنظومه النعليميه من الثلاث زوايا و هم المعام و الطالب و المنهج
ده ممكن يصلح الحال
لكن كل الاهتمام الان منصب على الطالب بس

intissar abdulmonaem يقول...

أستاذ محمد مارو
أزورك اليوم زيارة عتاب
هل هذا أسلوب معلم قبلناه ليكون عضوا في (معلمون أحرار)
ألم نتعاهد على تغيير المنكر
فلماذا نفعله نحن
هل السباب هو وسيلة ناجحة لعلاج المشكلات
لماذا تسمح لعمر وغيره أن يعلقوا على نقابة المعلمين بهذه التعليقات الخارجة
عفوا أستاذ محمد
فقد جانبك الصواب
معلمون أحرار

hapasa يقول...

أنا أول مرة أعرف عن حادثة الوزير بهاء الدين
ده جديدة بالنسبة ليا
يشتم مدير مدرسة ويجيب البودى جارداد يضربوه
الحق استخبى بأه
ههههههههه
تحياتى وأصدق تمنياتى

maro يقول...

اختى انتصار لكى تحياتى
بس اخونا عمر لم يقل اى الفاظ خارجه كل ما قاله فعلا اقل وصف لهذه النقابه
ثم ان اى سباب حضرتك بتتكلمى عته ؟
لا انا ذكرت سباب و لا اخونا عمر كل ما قلناه وصف لهذه النقابه

maro يقول...

اخى العزيز منذر
ما اكبر مشكله فينا ان بيتعمل فينا مهما بيتعمل و محدش بيعرف حاجه