منتهى العدل و الحق ظهر اليوم فى محاكمه الفنانه حبيبه اللى كانت متهمه بقتل زوجها القطرى و اتحكم عليها بالسجن لمدة 10 سنوات
لكنها طعنت فى الحكم و قالت ان الظابط قام بتعذيبها
و فعلا الاستئناف قال كلمه
المحكمه قالت انها بريئه و ادانت الظابط اللى قام بتعذيبها و اجبارها ع الاعتراف كذب بقتل زوجها
المحكمه حكمت ع البلطجى ده ( الظابط ) ب 6 شهور مع ايقاف التنفيذ لمدة 3 سنوات و فصله من عمله لمدة سنه
يعنى ياخد راحه شويه ع شان يقدر يرجع تانى و يكمل تعذيب فى الشعب الغلبان منتهى العدل
طبعا الحكم اللى الظابط اخده ده ظااااااااااااااااااااااااااااالم
المفروض انه يتحاكم لسببين
اولا تعذيب مواطنه
ثانيا كان هيكون السبب فى انه يخلى وحده مظلومه انها تدخل السجن 10 سنوات
و يدمر حياتها كلها
انا مش فاهم ليه الظابط ده مش دخل السجن و كمان ليه مش اتفصل نهائيا من عمله
انا متهيا لى ان المحكمه
قالت اما نديله فرصه ع شان يتعلم ازاى يعذب من غير ما يسيب وراه ادله و الحكم اللى خده ده ع شان مش كان حويط كفايه و يتعلم ازاى يعذب من غير ما حد يعرف
ما انت مش تقولى انه بسبب تعذيبه للمواطنه و اجبارها ع الاعتراف كذب
و شكرا
هناك ١٠ تعليقات:
هو في الاساس اخد حكم مش علشان التعذيب والتلفيق والكلام دة
هو اخد حكم علشان ساب وراه دليل يدينه ويفضحه وبالتال هو مايستحقش ينضم للجهاز العظيم دة
بيفكرني بفيلم اللي بالي بالك بتاع الليمبي لما عمل ضابط ولقي اتنين مسجونين متذنبين
فبيسأل هم متذنبين ليه؟قالوا له علشان حاولوا يهربوا وفشلوا
فبطريقة الليمبي الشهيرة وببراءه سأل:
وانتوا بقى مذنبينهم علشان حاولوا يهربوا ولا علشان فشلوا؟
هتلاقيها قريبة من الموقف دة
تحياتي ليك
ههههههههههه
ع رئيك اخى العزيز فعلا زى فلم اللى بالى بالك شكرا لتواصلك
اليوم عندنا بسنه الظابط ده كافئوة على اداء عمله باتقان وتعذيب باتقان واعطوه سنه راحه ويبرطع فيها
البلد بالدهم
تحياتى ليك يامارو وحشنى بجد وحشتنى
شكرا للإنك حرقت دمى
انت فورت دمى بشكل يفوق التحمل والقدرة على الاستيعاب النفسى
العدل كلمة اتلغت من القاموس خلاص
عدل ايه اللى انت جاي تقول عليه
على رأي كوكب الشرق
انا اول مرة اسمع المعلومات دي منك هنا فى البلوج
الظابط الظالم الجبان السادي ياخد حكم مع وقف التنفيذ !!! .. ليه؟؟
امنت ببيك يا رب
طب انا عاوز افش غلى دلوقتى
عندك حل؟؟
اهلا بيك اخى فى مدونتى و شرفتنى بتعليقك
و عاوز اقول حاجه
مش انت و الله لوحدك انا ككمان عاوز
افش غليلى بس مش اقدر اقول غير ان لنا الله
لنا الله لنا الله
و الله معانا
اخى عمر انت كمان وحشنى موت
شكرا لتشريفك بالتعليق
احمد ربنا يا مارو يا جميل
ده كان ممكن تتحبس علشان الباشا ماخدش ترقية من القضية ده
خد الكلمات ده اقراها قريبة من الموضوع ده
وعلى فكرة وحشنى جدا جدا جدا جدا جدا
طالب فى الثانوية
وجاب خمسين فى المية
مالقاش معهد ولا كلية
راح جاب واسطة من الى هية
ودخلوه الكلية الحربية
* * *
كان عنده سكر وضغط
وحواجبه بتوجعه
ولا يقدر ياكل بط
ولا حتى يبلعه
* * *
تقوله اجرى ..... مابيجريشى
وعوم فى الماية .... مايجيشى
اضرب بالنار ..... مايصحش
امه تعمل زار العفريت من فقره مايحضرشى
* * *
تلاقيه تخين وبكرش
نضارة كبيرة فى الوش
والصحة م الدخان والدش
ماتسألش
* * *
يقولك دايما هو انت تطلع مين
قوله أنا مواطن
أصل الناس عنده خدامين
أصل الناس عنده معادن
وتشوفوه تقول ولا يهادن
طول بعرض زي الحيطة
مخبى ورا البدلة مفاتن
وهو أصل عيلته عبيطة
وتشوفه تقول ولا باين
أما الذكاء ده عنده صفر
ممكن يجرى ورا طفل
قال ايه فيه اشتبه
أصل حدفه بكوره ولا انتبه
* * *
أما عن حمايته ليك
فيجرى ساعة الجد ولا يحميك
مع إن جسمه ممكن يخبيك
شاطر بس ... يقول للباشا
شبيلك لبيك
عبدك وملك ايديك
نظره عينه تفليك
وشخطته ربنا يعافيك
* * *
يسحل ويضرب ويلطش
بس على مين
والله بس ع الغلبان
اما الباشا والبيه
وصاحب الاطيان
صوته لا يظهر ولايبان
وايديه فى جنبه
واقف ددبان
لا يرمش ولا يحرك جفن
قبل الباشا مايدى الإذن
كل ده عشان الدبورة
ولا عشان حداية وشوية غربان
ايه خلاص بقينا غربا فى بلدنا
ولا ناخدها من قاصرها من غير كلام
وندور على وطن وسط الأوطان
وطن مايعرفش دبورة ولا غربان
وطن يبصلك على انك انسان وبس انسان
لا دبورة ولا سيف ولا غربان
حبيب قلبى منذر ديما تعليقاتك ممتازه و الله
و بحد انت كمان وحشنى موت بس نعمل ايه الامتحانات اللى منعانه من بعض
السلام عليكم
نقطتين احب أشير اليهم
أولا
:::
قال الشيخ محمد عبده سافرت الى الغرب فوجدت اسلام بلا مسلمين ووجدت فى الشرق مسلمين بلا اسلام
ثانيا
:::
مش عارف مين اللى قال أن الله ينصر الدولة العادلة وأن كانت كافرة وخذل الدولة الظالمة وأن كانت مؤمنة أو مسلمة
اللهم غير الحال الى احسن حال
اللهم وفقنا الى ما تحبه وترضاه
اللهم امين
واخيرا
السلام عليكم ورحمة الله وبركاته
اخى طريق المسلم لا يغير الله ما بقوم حتى يغيروا هم ما بأنفسهم
يعنى لازم نعمل حاجه
و مش اقصد ارهاب او انقلاب
اقصد يكون لينا راى سياسى
و نقدر نغير فعلا
إرسال تعليق