الثلاثاء، ١٣ يناير ٢٠٠٩

مبارك لا و الف لا لقرارك الغير منصف

خبر مفاجا
مصر ترفض المشاركه فى القمه العربيه التى دعت اليها قطر

و تقبل فقط بعقد قمه تشاوريه على هامش قمه الكويت الاقتصاديه

سيدى الرئيس

انا متفهم موقفك جدا و عارف انك رفضت لانك عارف انهم هيرجعوا زى ما راحوا و لا هيعملوا حاجه و لا محتاجه كل اللى هيقدروا يعملوه نندب و نشجب و نستنكير و ندين

فانت قررت اخذ موقف اكثر فاعليه و حاولت التركيز على اقناع الجميع بمباردتك ( الفاشله )
و بدل ما تضيع وقت فى الفسحه فى قطر فانت قررت التركيز على تفعيل المبارده

و لكن سيدى الرئيس

بالرغم من كل هذه المبررات التى اسوقها لنفسى
الا اننى معترض جدا على قرارك الغير منصف للشعب المصرى
كان ممكن اوى تعلن قبولك للقمه و انا متاكد ان كل اللى وافقوا متاكدين من فشلها
فلماذا لم تفعل هذا حتى لا تعطى فرصه للمتطاولين على مصر بالتمادى

سيدى الرئيس هكذا تعطى لهم الفرصه و الفرصه السانحه
و قد بدات بشايرها الان
فكل القنوات الفضائيه و على رئسهم الجزيره ماسكين فى رفض مصر وبمجرد الاشاره لرفض السعوديه

الجزيره تخصص لهذا الخبر اكثر من 10 دقائق متواصله
و التاكيد على عرض قطر عقد القمه

سيدى الرئيس
حرب غزه الكل بيحاول الاستفاده منها على قدر المستطاع ع حساب الاخوه الفلسطنين

الجزيره فرصتها لتشويه سمعه مصر
قطر عاوزه تبين انها صاحبه المباردرات و الساعيه للحل
ايران بتخلى حماس تجرب لها صواريخها و الانشغال العالمى عن برنامجها النووى
سورريا و حزب الله محاوله لانهاك اسرائيل عسكريا

انا اعلم انك على علم بكل هذا و لكن معذره قرارك غير منصف



لا أحد في الكون يقترب مني أو يجبرني على قول ما لا أؤمن به أنا رجل أحترم نفسي وكلمتي وأتعامل بمسؤولية عالية


عندما أطرح موضوعا، فأنا لا اطلب أن يتفق معي أحد، لكن أتوقع أن يحدث فكرا وعلما ومنطقا

هناك ١٢ تعليقًا:

ريمان يقول...

هيهى

سيدى رئيس مين وبتاع ميييين

ده نايم ننه وبيشخر

ده سكان القمر سمعه شخيره يا مارو

دول الكلاب اليهود بيحلقوا بطيارتهم فوق الاجواء المصريه وضوبوا رفح يا مارو

وهو فين من ده؟

هو فييييييييين

مش بيتحرك ليه

يبقى حاجه عاديه جدا انه ياخد قرار زى ده شىء طبيعى جدا جدا

تته وكسه


والله لو مصر حصلها حاجه هياخد بعضه وعلى سويسرا على طووووووول

محمد مارو يقول...

يا ريمان

مش هو لوحده اللى نايم

هو حد يعنى عمل حاجه

تلميحاتى - يوسف الشافعى يقول...

مارو
بجد انا الاخر كنت اتمنى ان يحضر لذر الرماد وكلنا يعرف النتيجه مسبقا فهو يعلم كما اننا العقلاء فى مصرنا انهم يريدون لمصر حرب وهم المتفرجون نعم نحن علينا دور الاخ الاكبر لكن بعقل ورويه .... لكنى اعتقد انه لديه مايبرره لانه اكيد لديه من التقارير والاشياء التى لانعلمها نحن
انا معاك فى مقالك
واللى مش عاجبه يورينى هو اتبرع بدمه ولا لا فى الهلال الاحمر على سبيل التضحيه من جانبه وليس التبرع فى طرق ملتويه وغير معروف مصدرها لايصح الا الصحيح
كن كما انت لك رايك الذى يحمل مصر فى القلب مصر اولا ثم اولا ومن بعدنا من معى

محمد مارو يقول...

استاذ يوسف

انا اعتقد ان المبرر الوحيد لديه هو تاكده من فشل القمه العربيه

غير معرف يقول...

مارو

الرئيس بص حواليه لاقي الحال فل

وعشرة علي عشرة

وراس مصر مرفوعة

وفي السماااااااااا

وكل الدول والعالم بتذكر مصر بالخير

علي فتحها المعابر واستقبال الجرحي

وجهودها الجبارة من اجل حل القضية

فكان ده رايه رفض المبادرة

جايز غيران ازاي قطر تبادر بعد ما مبادرته فشلت؟؟؟؟؟؟

قراره غير حكيم

احنا في ظروف لا تسمح بالرفض

لاي مبادرة عربية كانت او غير عربية

الناس بتموت بشكل بشع مرعب مخيف

واحنا كل اللي بنعمله نصرخ نرفض

نخون

حتي مبادراتنا ياربي بقي في خلاف عليها

انا بقول للريس حرام بجد

صورة مصر بقت في النازل

ارجوك بلاش تعطي الفرصة لكلام يكتر والتشكيك يزيد

والغضب يتصاعد مننا ضدك اكتر ومن الشعوب ضدنا كلنا

ارجووووووووكم كثفوا جهودكم لايقاف شلال الدم بصورة تحفظ لنا كرامتنا التي ضاعت وراء تفاهتكم وعدم تقديركم للامور

تحياتي

ميرا ( وومن ) يقول...

غير منصف ايه بس هو من امتي بيهمة الكلام دة

ولا بيسمعه خلي اللي يقول يقول واللي يهاجم يهاجم

هو بيقول لنفسة الكبير كبير

GiGi world يقول...

انا معاك بس هو مش عايز يروح لانهم هيسيبوا كل حاجه ويمسكوا فى المعابر
بصراحه اسرائيل لعبتها صح قوي
بجد الناس كلها بتاخد قرار على حساب الباقيين يعنى امير قطر ده مدايقنى قوي
لان كل الناس عارفه اللى بيعمله
بس رغم كده عامل فيها بطل وقمه نعمل قمه اهو شعبى والناس هتصدقنى ومش هنطلع منها بحاجه
يعنى مجلس الامن ماسمعوش كلامه يسمعوا كلام العرب
سبحان الله

محمد مارو يقول...

ومن

هو مش بيهمه حاجه و عن نفسى مش بيهمنى بس اللى بيهمنى سمعه مصر

محمد مارو يقول...

جى جى

امير قطر عاوز يعمل نفسه البطل المغوار على حساب مصر و الحمد لله نجح

Empress appy يقول...

مارو يا حبيبى براحه بس
اولا في قمه مدعوين ليها يوم 18 يناير اى قبل دى وركز بقى معايا ودى فى الكويت امير قطر ايه اللى يخليه يعمل كده
ومن اسبوعين كان فيه اجتماعات
يا مارو يا قلبى كله بيزايد على كله وده العادى واحنا بقينا محتاسين على عنينا بجد فى كل حاجه وبعدين يا بابا من يوم ما سمعنا كلمه قمه دى وانا مبشوفش لها فايده بصراحه غير بيروحوا ياكلوا ويتفسحوا ويعملوا لنا اازمانت فى اماكن كتير هنا او بره
ما القذافى على طول بيرفضها ايه المشكله والنبى رايق وكميل طول عمرة

محمد مارو يقول...

و الله يا ابى ياختى ده اللى بقوله و صوتى اتنبح و قولت انهم هيروحوا و لا هيعملوا حاجه
و الكل عارف كده حتى هما

بس انا بقول لمبارك بجمله بقى يا مبارك بدل ما سمعه مصر فى النازل كده العب مره عليهم زى ما بيلعبوا عليك

تحياتى

Batoooot_soso يقول...

السلام عليكم
للذيارة الاولى لمدونتك
احيك على الخطاب
بس يعنى اللى انت ملته ده هيفيد بحاجه ول هوة يعنى هيسمع الكلام
هيهى
اكيد طبعا كلام على الفاضى
تحياتى بطوووط