قريت خبر بيقول
عناصر حماس تقتل رائد على حدود غزه وتصيب جنديين
قولت الله اكبر
اكيد ده اسرائيلى
قالوا لاء ده مصرى
قولت يبقى اكيد ده يهودى ( مع انى متاكد ان مفيش يهود فى جيشنا )
قالوا لاء ده مسلم
قولت يبقى اكيد كان بيمنع فتح المعابر و بيمنع وصول المساعدات لغزه
قالوا لى لاء ده كان بيودى مساعدات هناك
قولت
احييييييييييييييييييييه
احييييييييييييييييه
احييييييييييييييه
احيه عليكى يا حماس
بدل ما تقتلوا المصريين
خلوا مدافعكم و ناركم ضداليهود
كملت الخبر و عرفت ان الباشوات بتوع حماس رافضين نقل المصابيين الى مصر
مع ان فى 35 عربيه اسعاف منتظره تحمل اى مصاب
مع انى اتمنى انها تمتلى بجثث عناصر حماس الجبناء
اللى ولا واحد منهم ظاهر لحد الان
اللى يشوف هنيه الاسدالمغوار وهو بيعلن انتهاء الهدنه
مش يشوفه حاليا وهو مستخبى بين الجحور زى الفران
اين انت يا اسد
يامغوار
يا صاحب الصواريخ البلاستيك
اللى مش بتجيب من وراها غير الويل للمسلمين ؟
ملحوظه
مش عاوز واحد غبى يفهم انى زعلان على الرائد المصرى
ومش زعلان على مئات الجثث و الجرحى
انا كلى اسى و اتعصر حزنا من مناظر الموتى
انا كلى اسف وحزن على ما يحدث للابرياء فى حين ان اللى يستحق مستخبى زى الفران
كل قطره دم من واحد غزاوى برىء بحياة اى عنصر من عناصر حماس
الله يرحمك يااحمد يا ياسين
الله يرحمك يا رنتيسى
ياللى كنتم بتقاوموا وانتم تحت النيران عمركم ما استخبيتم
الله يرحمكم ياللى كنتم جمعين شمل القضيه الفلسطينيه مش بتحاربوا فى بعض
للاسف ضاعت القضيه الفلسطينيه و اصبحت القضيه
الغزويه
بسبب حب السلطله لكل من ابو فصاد اللى اسمه ابومازن
و سى هنيه باشا اللى من يوم ما جه و القضيه ماتت
انا اعترض و بشده على كل من يقول ان حماس منظمه ارهابيه
بل هى منظمه غبيه
غبيه
غبيه
غبيه
هناك ٦٠ تعليقًا:
ليس وقته نهائيا هذا الكلام يامحمد خالص دورنا اظهار الاخوه والحب والتضامن وليس الفرقه والتشاحن والضغينه
معاك يا مارو بكلامك ده
فعلا حماس مش ظاهرة خالص
وانا شفت حمساوى بيضرب ويزق مراسل
التلفزيون المصري ويقوله وسع للجرحي
وهو مش بيعمل حاجه غير انه ماسك بندقيه
للاسف ممكن تتهاجم من عملاء حماس
والمتشددين ليهم
بس بحيك وواصل تحليللك
لمواقف حماس المتخذله للقضيه الفلسطينة
ومتنساش انه مصيرنا علي ايد الاخوان هيبقي كدة
انا طلبت دعم رابطه مدوني المحله بمسيرة لكل الاحزاب نفضولنا
اى حب ياشرقاوى ؟
و هما نازلين بهدله فينا و فى شعبنا زى ما نكون احنا اللى بنحاربهم
اى حب يا شرقاوى
و سى نصر الله بيدعوا لمظاهره المليون فى مصر و هو فى لبنان
فاكرنا زيه هيحرنا زى ما ايران بتحركه؟
أنت عارف يا مارو أنا عاذرك وعاذر اللى زيك فى الكلام اللى بتقولوه رغم أنى مختلف جدا معاك فى اللى بتقوله لأن الحقيقة غير كدة خالص
عارف ليه عاذركم لأنكم من الناس اللى بتستقى الأخبار من وسائل الإعلام الحكومية الموجهة واللى بطبيعة تعارض مصالحها الشخصية اللى إحنا كلنا عارفينها مع وجود كيان مقاوم مبارك مثل حماس ذهبت تشوه فيها وتصطاد فى الماء العكر وللأسف أنا مش زعلان منهم أنا زعلان إن فى مازال فى أمتنا سذج ممكن يصدقوهم مقصدكش طبعا لأنى عارفك رجاع للحق حينما تعرفه
حبيبى خبر منعهم نقل المصابين خبر مكذوب ما جاش إلا من حكومتنا رغم أن الناس اللى كانوا على المعبر بيراقبوا الأمر وأنا أعرف ناس كتير منهم شخصيا وابقى روح مدونة لسه عايش وأنت تعرف أكدوا أن ده ما حصلش
ثانيا حكاية مقتل الرائد المصرى اقسم أنها إما أن تكون ملفقة أو أن الرائد قد فعل فعلا مخزى وتعامل بعنف مع أحد منهم مما ادى لإشتباك وقتل لأن هناك خبر أن طفل فلسطينى قد قتل بنيران مصرية أو أن الموساد وراء الحدث حتى يثير الفرقة بين الشعب المصرى وبين حماس لما رأوا تأييد الشعب لمصرى لحماس
يا عمر
مش تشاحن الكل بيزايد علينا
وانضرب لينا مواطن مصري
احنا بنكرة حماس وفتح
وبنحب المدنيين زيينا
احنا نتحدث من منطق رجل الشارع
مش حزبي او سياسي
ممكن يكون كلامك يا عمر هو عين العقل
بس دا حماس بتتهمهنا يا عمر
انا شايف ان مارو بيعبر عن رايه صح
وانت بتنصحه صح
ولكن اعتقد ان موقف مارو الغالب
خاصه مع عمليه غياب رد فعل حمساوى
رامز
انا عارف انا بتوع حماس هيهوهوا كتير بس انا ليهم بالمرصاد
مارو
معلش متزعلش عمر الشرقاوى بيتكلم من منطق الاتحاد العربي
لكن بالفعل لا يمكن الجزم بحدوث توافق
شعبي مصري من اجل حركه
فلنوحد الجهود من اجل فلسطين وفقط فلسطين
ام رأيتم الاخوان اليوم امام النقابه بالقاهرة
يهتفون من اجل حماس
اين فلسطين هنا فلنشعلها
حربا اليكترونيه ومظاهرات من اجل فلسطين كامله
الاستاذ السكندرى
اولا احييك على الاختلاف بهدؤء
ثانيا
انا مش بجيبكلامى من اعلاممصرى خالص
لانى تقريبا مش بقتحاى قناه قوميه
انا ديما على الجزيره و العالم و احيانا العربيه و الساعه
دى مصادرى
اما عن الجرحى اللى فى المستشفيات المصريه فده حقيقى
لانهم تسربوامنورا بتوع حماس
انما فى اوامر من حماس و الله اعلم بعدم التعامل مع المصريين
رامز
انا لا ازعل من اى واحد بيتناقش بهدؤء
تحياتى لك
ثانيا حكاية انهم مش ظاهرين
ده شىء نسبى ولا تستطيع الجزم به الأن إلا عندما ينتهى الأمر لأنهم الأن منتظرين لتوغل برى لإسرائيل حتى يتصدوا لهم ويقفوا لهم بالمرصاد وهذا شىء طبيعى لأن العدو حتى الأن يهاجم بالطائرات وهو الشىء الذى لا يمكن لحماس التصدى له لعدم وجود دفاعات جوية لديها لذلك هم الأن يرتبون صفوفهم لمواجهة التوغل البرى إن حدث لذلك هم مشغولون وليس لديهم وقت للرد على أمثالى وأمثالك الذين ننام ونتدفأ فى بيوتنا وهم مرابطون نصرهم الله
ولا تقارنهم بحزب الله وحسن نصر الله لأن حزب الله كان وراءه دوله تمده بالسلاح وهى إيران أما حماس فقد تخاذلت الدول السنية فى نصرتها بل تآمرت عليها
وحسن نصر الله كان يظهر أثناء الحرب فى خطابات رغم انه كان مختبىء فلماذا لم يظهر هنية
أقول لك لأن جغرافية غزة وأنا أعرفها جيدا تختلف عن جنوب لبنان فغزة أرض مسطحة بعكس لبنان بها جبال وكهوف لذلك من الصعب على قادة حماس بالداخل الظهور إعلاميا حتى لا يتحدد من قبل العدو موقعهم فيغتالوا
ثالثاً إن كنت سائلاً أحدا عن حماس ومواقفها فلا تسألن إعلامنا العميل
ولكن إسأل أهل غزة أنفسهم اللذين إن كانت حماس كما تقول أنت لكانوا أول المحاربين والمتصدين لها لكنهم وأنا على إتصال بكثير منهم الأن أكثر تأييداً لحماس من ذى قبل
ولعل إحتفالية حماس بنشأتها والحشد الرهيب الذى قارب المليون من أهل غزة وتناقلته وسائل الإعلام أبلغ رد على ما تقول
وأخيراً أقول لك
بدلاً من أن تنتقد حماس وهى كيان لا يملك من العتاد إلا القيليل ورغم ذلك مازال يقاوم
فلتنتقد هؤلاء الخونة من حكامنا وعلى رأسهم الكلب الأعظم والخائن الكبير مبارك
الذى يملك جيشاً ولم يوجه عسكرى واحد ليدافع عن أخوة لنا
فلتسأل مبارك وتنتقده الذى لم يفتح المعبر طوال سنتين من الحصار إلا للقتلى
فلتسأل مبارك وحزنه الوطنى الذين باعوا غازنا بسعر بخث للعدو حتى يقتل به إخواننا
فلتنتقد مبارك وأعضاء حزبه اللذين باعوا الحديد للعدو بل منحوه إياه
فلتنقد مبارك الذى حرض إسرائيل على إغتيال قادة حماس ولتقرأ صحف العدو قبل أن تتكلم حتى تعلم الحقائق
هل قرأت يديعوت أحرنوت منذ أسبوع وهى تنقل هذا الخبر
أما نقطة أن حماس مثل فتح تطلب سلطة أو حكم
فأقسم لك أنها أبعد ما تكون عن ذلك والديل هو
أنها لو أرادت ذلك لفعلت شىء هين ووقتها ستصل للسلطة بسهولة ألا تعلم ما هو هو ان تعترف بإسرائيل
وبالطبع هذا هو ما ترفضه وهو ما يغضب العالم أجمع كيف يكون هناك من لا يعترف بحق الصهاينة فى أراضى المسلمين لذلك يحاربون ولذلك يتآمر عليهم من فتح العميلة الخائنة
ومن الحكام العرب الخائنين الجبناء
فلا تظلمن حماس فوالله لولا وجودها ووجود كل قوى المقاومة فى فلسطين لقامت فلسطين الكبرى منذ عام ألفين
ولتعلم اننا وفلسطين شىء واحد لا تقول قتلوا من مصر واحد ونحن المصريون هم الفلسطينيون
لا ... إياك أن تقولها وإلا ستكون ممن غرر بهم من وسائل إعلامنا العميلة
إنما أمتكم أمة واحدة وأنا ربكم فاعبدون صدق الله العظيم
وهناك شىء آخر يثبت لك صحة موقف حماس
وهو تأييد الحركات المقاومة الأخرى ( التى لا تتنزع مع فتح ولا أحد على السلطة كحركة الجهاد) هل سمعت قائدها القائد شلح بالأمس على الجزيرة وهو يؤيد موقف حماس
إذن فلتعلم أن قراءتك للموقف ما زالت قاصرة ومتسرعة شيئاً ما فلتتمهل قليلاً ولتمعن النفكير بروية ولتطلع أكثر على الموقف من مصادره الصحيحة ثم تصدر أحكامك
مارو السلام عليكم
على فكره يبدو ان فيه توارد افكار بينا لان نفس الكلام كنت عاوز اققوله بس انته سبقتنى
وبعدين معلش الخلاف فى وجهات النظر لايفسد للود قضيه
اما اذا وصل لانك تعتدى عليا واحنا اخوات فكل واحد من سكه
حماس ونصر الله والعرب الى بينادوا بالتظاهر ضد مصر لم يعانو معاناة مصر فى السابق نحن من كان يحمل اوزارهم وكانت النتيجه ان ابنائنا يعاملون فى الدول العربيه كالبهائم والخدم
انا معاك يامالرو فى كل الكلام اللى قولته
علما انى لم اشاهد ولم اقرا اى اعلام مصر بل كل مااستقيته من اخبار من الجزيره المعروفه بهجمتها على مصر واهلها
اليست قطر من اكثر الدول العربيه انتماء لامريكا واسرائيل ومع ذلك هى التى دعت الى مؤتمر قمه عربيه وستكون النتيجه اظهار العجز العربى واثبات ان العرب غير قادرين على اتخاذ قرار حقيقى؟
اذا كان هذا أو ذاك
فالكل يجري وراء سٌلطة ليحكم بها
ولا يسعي لتحقيق شئ لفلسطين
،،،،
هناك مظاهرات كثيرة ضد مصر ودورها الذي مات تقريبا
مش معقول تبقي وزيرة الخارجية هنا من يومين وتخرج وتاني يوم تضرب عزة -الا اذا كانت تحدثت عن ذلك أو استهانت بمبارك
،،،،
لابد من اتحاد المسلمين -ومن ثم نعُد لهم كل ما نسطيع لنحاربهم به
،،،
ندعوا للجميع بالهداية
تحياتي لك
وكل سنة وانت بكل خير
يا خسارة ماكنتش متوقع انك انت بالذات تقول كده
الضابط المصري الله يرحمه، وعلى فكرة فيه اتنين شبان فليطينيين ماتوا بالرصاص المصري وماحدش قال انهم من حماس
انا مش بدافع عن حد بس تفتكر ناس متحاصرة وعمالة تضرب بالصواريخ وفجأة جت قذيفة على السور اللي على الحدود وفتح فيه فتحة قامت الناس دخلت وده تصرف طبيعي للهروب من القصف ساعتها حصل اطلاق نار مصري عشان يبعد الناس ويمنعهم من الدخول وحصل اشتباك
تفتكر انت لو كنت في مكانهم وحصلك نفس اللي حصل ده كنت هاتعمل ايه؟ مش هاقوك تضرب نار على الحرس المصريين بس حاول تحط نفسك في الصورة
حتى لو فرضنا ان حماس عملت كد متعمدة دلوقتي هما في مرحلة اشتباك مع العدو ولازم كلنا نقف وراهم وبعدين نتحاسب بعد كده
موشوع نقل المصابين ده هاقولك فيه حاجة واحدة
بطل تتفرج على التلفزيون المصري عشان تعرف الحقيقة
ماتزعلش من كلامي لأني بتكلم كصديق
كيفك يا استاذ محمد مارو
يؤسفني ما اخ محمد اني اقلك انك انت انسان غبي وتافه مع كل الخير الي جواتك بتهاجم في المقاومه الاسلاميه البطله وانت واحد تحت جزمه مبارك وجمال مبارك عنجد انت واحد غبي جدا
التوقيع : جبهاوي - بيت لحم
انت غبي بشدة
مش هقول غير حاجة واحده بس
لما حماس واثقه من قدراتها اوي كده
فين صواريخم
قتلوا كام اسرائيلي لحد دلوقتي
انا متفق معاهم في حاجات كتير
لكن اوضاعهم دلوقتي تخلي اقرب المتفقين معاهم يشد في شعره
كل اللي يملكوه كلمة لا لا لا لا
ومفيش اي حلول عمله بيقدموها
لا في حرب ولافي سلام
ربنا يهديهم
ويرفع الظلم عن الجميع
العزيز مارو
انا أتفق بشدة مع موقف عمر الشرقاوي
ليس هذا وقت الفرقة
وليس هذا وقت الاتهامات
وان فعلوا هم
واتهموا
فعلينا نحن ان نكون اهدي
واكثر عقلا وحكمة
وليكن هدفنا التجميع لا التفريق
ربما تكون حماس قد أخطأت
ولكن هذا لا يعفي مصر ايضا من الخطأ
ولكن المحزن حقا
والمؤسف
هو اتهامنا الذي اثار المي وحزني
بالخيانة لمصر
و لكن الامر كما ذكر السكندري تم تفعيله اعلاميا بشكل سبب الكثير من الاذي للمصريين
الحكومة المصرية لها اخطاءها والتي لا استطيع ا افهم مبرر لها ان لم تفتح المعبر فتحا كاملا فعلي الاقل تسمح بدخول كافة المعونات الانسانية وبلا حساب
انما اتهامها بمشاركة اسرائيل المؤامرة علي غزة فهذا ما لا اقبله ولا اظن انه مهما بلغ حجم اختلافنا مع حكومة مصر قد تصل لهذه الدرجة من الخسة
فلننسي لحظات الغضب التي صدرت من البعض ضددنا
ولنوحد كلمتنا
لا للعدوان الصهيوني علي غزة
ولنكن عربا حقا يوما واحدا يذكره لنا التاريخ بقلب واحد وعقل واحد وكلمة واحدة
مارو
اختلف معك ايضا في لهجة الحوار
اري انها قاسية
في مثل هذا الموقف الذي لا تحسد عليه غزة وحماس
كان يكفي عتابا رقيقا
لا ذبحا وتجريحا
وفي النهاية كلنا عرب
تحياتي
ولا للاسرائيل
لن نسمح لها بفرقتنا
ستتوحد صفوفنا
ولن نتفرق
ان شاء الله
تحياتي
مارووووووووووووووووو
لالالالالالالالالالالالالا
مش معاك خالص المره دى
مين قالك يا مارو ان الرائد او الظابط
كان بيودى المساعدات لغزه
محصلش طبعااااااااا
ده هما اللى منعوا وصول المساعدات
معلش يعنى بقه الظباط بتوعنا اللى على الحدود عما اللى هيوصلوا المساعدات
لاااااااااا والف لااااااااا
الاستاذ السكندرى
بتقول انا حزب الله كان ورائه دوله قويه و كان مستند عليها
ألم يعلن هنيه ان ايران تموله و تساعده و هى نفس الدوله اللى وراء حزب الله ؟
ألم يعلن نهيه عن افتتاح بنك ب 20 مليون دولار فى غزه باموال ايرانيه ؟
لماذا لا تتدخل طالما هى الحليف الاستراتيجى له هكذا ؟
اما عن موضوع الاختباء و ان غزه مسطحه و ان لبنان جبال
عاوز اقولك ان مع الصواريخو القنابل لا تفرق بين جباك و كهوف
و اذا كانوا قادرين على استهدافه لفعلوا
لكن ورائه سلاحه و مقاومته الصح و صواريخه مش صواريخ بلاستيك
اما عن تخاذل الدول السنيه كما تقول
انا اسالك ماذا فعلوا الشيعه اذن ؟
و هم اقوى
اما عن انتقادى لحماس
كما تقول انت
فانا لم انتقد حماس مطلقا بل انا معها بكل قوه و لكنى ضد هنيه
اما عن ابلغ رد
فانا اقول لك و اضرب لك مثلا بسيط
مبارك و صدام و اى رئيس عربى لو عاوز يعمل حشد اكبر من كده فى ثوانى هيعمله
السكندرى
كلنا امه واحده فعلا كلنا اخوه كلنا مسلمون
قل هذا لكل الدول العربيه و قل هذا لعناصر حماس الذين يقتلوننا على الحدود
استاذ يوسف
معاككل الحق فيما تقوله من
حماس ونصر الله والعرب الى بينادوا بالتظاهر ضد مصر لم يعانو معاناة مصر فى السابق نحن من كان يحمل اوزارهم وكانت النتيجه ان ابنائنا يعاملون فى الدول العربيه كالبهائم والخدم
مصر من اول الدول التى دافعت ومازلت تدافععن فلسطين منذو 48 و الى الان
حسونه
دعوتنا لكل اخواننا فى غزه الذين يتضرعونكاس المراره من تصرفات صبيانيه
كريم
مين قال ان فى اطلاق نار من الجانب المصرى على اى فلسطينى؟
ده حتى لمادخلوا مصر و رفعوا العلم على ارضنا
مفيش طلقه انضربت
قلم رصاص
اتمنى الهدايه للجميع تحياتى لك
بطه
طبعاكلنا اخوه و ملونمره بقول انا مش ضد حماس انا ضد قاده حماس الذين لا يعرفونكيفيه التصرف الصح
ريمان
اقرائى الاخبار و انتى تعرفى جيدا
حاضر يا فندم
معاك في كل حرف انت قلتله
جماس داقت طعم السلطه و حبت الكراسي فباعت القضيه
تحياتي
مارو أنت أكتر واحد عارف أنا اقدر ارد على كل اللى بتقوله إزاى وإنى ممكن أفند افكارك كلمة كلمة وأطلع كل اللى بتقوله غلط لأنك عارف قد ايه أنا على الحق وانت على الباطل
لذلك لن اطيل فى الرد عليك هذه المرة حقوبك كلمتين يمكن يزعلوك بس هى دى الحقيقة المرة للأسف
إما أن تكون جاهل وإما ان تكون خااائن أو عميل لأمن الدولة
لأن موقفك وعدم رجوعك للحق الذى تعلم أن حماس ومن يؤيدها رغم ما يعرضوه من أدلة على صحة كلامهم يدل على ذلك
قولى بالله عليك ليه ما شتمتش فى إسرائيل النهاردة هل لم تسمع أن طائراتها هدمت بعض المنازل فى رفح المصرية
هل لم تسمع بمقتل الشرطى المصرى بنيران الطائرات على المعبر
والذى قدم به إستجواب فى مجلس الشعب نائب الإخوان السكندرى حمدى حسن
ده كله معناه إيه انك عميل لأمنالدولة أو جبان خواف أو منافق أو أبسط الأمور جاهل جهل مظلم دميم
الله يفصل بيننا يوم القيامة فيما كنا فيه مختلفين
اللهم بلغت أللهم فاشهد
غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com
اخي السكندري
اسمح لي هذه المرة ان أرد عليك انا لان اتهامك للاخ مارو أساءني وألمني كثيرا
ألأخي العزيز
مع احترامي الكامل لك
وخالص احترامي لحركة حماس
التي لا أنكر أنني مثلك
تشربت حبها منذ صغري
ونشأت وأنا أردد بفخر وعزة أناشيدها
حماس يانور العين يادرة الجهاد
نشأت وأنا أحلم ذات يوم بوقوفي معها واستشهادي وأنا رافعة عالم فلسطين عاليا
هكذا نشأت وأعتقد أنك كذلك وغيرنا كثيرون
ولم تكن صورة حركة حماس لتهتز بداخلنا يوما ما مهما كان وكان
هل تدري لماذا يا أخي العزيز؟؟
لانها لم يكن لها هدفا ولا هما سوي سلاح ينطلق لينغمد في صدر صهيوني اسرائيلي غدار مغتصب محتل
لاننا كنا نسمع مايشفي صدورنا الغليلة ويبرد نيراننا بانجازاتهم في ضرب العدو عدونا جميعا المحتل لاغلي بقعة من أرضنا أرض المقدس
ولكن الذي أنت تبغي وبحق تغيبه عنا هو اصرارك علي رسم نفس الصورة القديمة لنا
صورة الملاك الذي لا يخطيء
صورة الاسطورة التي تنمحي من القلوب
ولكن كم تمني القلب ان تزداد الصورة تألقا وبهاءا
ولكن كيف للعقل أن يهدأ وهو يري سلاحا يوجه لصدر الشقيق ولا أدعي هنا مصرا فقبل مصر كانت فتح
ستقول لي فتح كذا وكذا خائنة وعميلة ووووو ولكن أيكون الحل أن نفتح سلاحنا في وجه من يختلف معنا؟ اتعلمنا حماس درسا في مصر لان يفتح الاخوان المسلمين النيران ان تمكنوا علي الحزب الوطني والامن المصري لمجرد اختلافهم السياسي معهم؟؟
لا يا أخي
علي حماس أن تسترد وأن تعود لسابق عهدها
رمز عزة وشرف وفخر ورفعة الي سلاح لا ولم يلوث نفسه بدماء ليست صهيونية
بل ربما يزيدها فخرا وعزة في أنفسنا
أن تعترف بخطأها أن أخطأت
لا أن تتهم كل من يعارضها ويقف لها موقفا سياسيا مختلفا بالعمالة والخيانة لا وبل بالتكفير
أري أنها حجة الضعفاء ان تتهم من يجادلك بالعمالة والخيانة
فان لم يقتنع بما تقول ويأمن ويسلم بما تؤمن وتقتنع تتهمه بأبشع التهم؟؟
اسمح لي أخي الفاضل
ان اعبر لك عن مدي فجيعتي في كلماتك التي تعبر عن انحياز بلا عقل واتباع بلا تفكير ورأي
فاختلاف الاراء لا يعني ابدا أن نخرج مبدأ التكفير والخيانة علي الساحة لنمزق بها أعراض بعضنا البعض ونتبادل اتهامات لا يقبلها ابدا كل من يخالفك الراي ان تنسبها له
اختلافنا مع حماس ليس اختلاف منهجي ولا عقائدي فمن منا لا يرجو ولا يتمني ان تتحقق عدالة الله في الارض باناس يرفعون راية الاسلام
ولكن لانهم بشر يخطئون ويصيبون
يجب علينا تقويمهم اذا اخطأوا
وتشجيعهم ان اصابوا
انما استمرار نفس الوتيرة علي طول الخط فأعتقد انها سمة من سمات اما المنافقين او الجاهلين
اتمني قبول نقدي بصدر رحب
وبلا اتهمام بلا جريرة
تحياتي
العزيو محمد
كلنا اسى لما نراه من تضارب واضح عند من يفترض بم ان يتماسكوا ويقوموا بحل القضية
بينما هم يتنازعون وتضيع فيما بينهم
تحياتى دوما
http://www.aljazeera.net/NR/exeres/FBFBFF88-4C02-4A40-8720-A134BD26A089.htm
http://news.bbc.co.uk/hi/arabic/middle_east_news/newsid_7802000/7802115.stm
مش عارف اقول ايه!!!
حاسس اني اخدت دوش بارد اوى وانا في عز البرد!!!
مارو مش وقت الكلام ده خالص
وبعدين لو اصلاً الكلام ده حقيقي ومكنش الرائد المصري هو اللى اطلق نار على الحمساوية ...
حرام عليك يا مارو دول ناس الضرب نازل عليهم ليل نهار وهما صابرين وساكتين ...
تروح انت كمان تجيب كلام وتكتب الكلام ده حرام عليك يا مارو انت كدة عامل زي اعلامهم بالظبط
اولا اكاد اجزم الان انهم اتهموك بالعماله
كل اللى بيدافع عن مصر دلوقتى هو عميل
والى يتكلم ربع كلمه عن حماس يبقى مليون عميل
بص اولاماشي كلامك بس فعلا بلاش نظهر ده بلاش نكون زعلانين من بعض كفايه كلهم بيشتموا فى بعض بلاش احنا كمان نبقى زي الحكومات احنا فى الاخر لازم نبقى واحد لازم نحبهم حتى اذا ماحبوناش وطبعا هما بيحبونا بس للاسف الفتنه اللى حصلت بين مصر وحماس منهم لله بقى
بس ياريت احنا ماننجرفش ورا الفتنه خلينا ندافع عن المسلمين والجرحى والشهداء احسن من كده
ربنا يهدى حماس يارب ويرجعوا زي الشيخ ياسين والرنتيسي ياااااااااااااارب
انت ولى ذلك والقادر عليه
ايمى
ربنا يهدينا و يهدى الجميع
السكندرى
اولا
انت عارف و متاكد انا ازاى ممكن ارد عليك رد و رد موجع كمان
بس لن افعله لانك لست من ارد عليه برد مش تمام مهما اختلفنا سويا
و لانك تعلم جيدا انى لست كما تقول
و انى الحمد لله غيور على دينى اكثر من اى مهلل و مصيحاتى بدون عقل
ثانيا
انا كل ما يحزننى انك و غيرك فهمتم انى ضد حماس كحركه
و انى اؤؤكد بانى ضد قاده و المقال كان واضح بس للى عاوز يفهم
انا طالبت بحماس ياسين و الرنتيسى
و ليس هنيه
ثالثا
لا تتخيل انى مبسوط بالمجازر التى تحدث الان فى غزه فانا كلى الم و حزن و لكن تصرفات افراد يؤدى الى خلافات كبيره و كثيره
و برضو مش هرد عليك باى كلمه خارجه
فانت ليس كما من ارد عليهم
بطه
شكرا لكى
الازهرى
تحياتى
حماده
اجيب لك الفوطه ؟
بدل ما تاخد برد
جى جى
ما اكتبه بهذا الغرض
بهدف التوحد لو على الاقل مش حاليا يبقى فى المرات القادمه
و ان تاخد حماس بالها فى المرات القادمه
يا أخي أنا ما عنديش شك انك مع المقاومة، وحتى لو كنا مختلفين بخصوص قادة حماس فأنا من رأيي أنه ده مش وقته لأنهم في حالة اشتباك مع العدو، حاجة أخيرة بس هاقولهاهو خبر عايزاك تقراه وبرده ما تفتكرش اني باشتم الضابط المصري، لأنه ضحية وربنا يرحمه وربنا هو اللي هيحاسبه لأنه هيبعث على ما مات عليه، الخبر:
أكد الدكتور عبد القادر حجازي أمين لجنة الإغاثة بنقابة أطباء مصر أحد شهود العيان لحادث مقتل الضابط المصري عند معبر رفح براءة حركة المقاومة الإسلامية حماس من دم الشهيد المصري، نافيًا ما تردَّد مؤخرًا عن مسئولية الحركة عن مقتله، والذي استغلته وسائل الإعلام المصرية ذريعةً للهجوم على حماس.
وقال د. حجازي- والذي كان موجودًا في معبر رفح أثناء حدوث ذلك- لـ(إخوان أون لاين): "القصف الصهيوني على الشريط الحدودي بين مصر وغزة تسبَّب في انهيار جزء من السور الإسمنتي على الجانب الفلسطيني؛ مما أدى إلى اندفاع بعض الفلسطينيين إلى داخل الحدود المصرية".
وأضاف أنه نتيجة اندفاع الفلسطينيين تصدَّت قوات الأمن المصرية لهم وأطلقت عليهم الرصاص الحي؛ مما أدى إلى مقتل أحد الشباب الفلسطينيين، والذي كان والده بجواره، وعندما رأى الأب ابنه يغرق في دمائه لم يشعر بنفسه إلا وهو يصوِّب سلاحَه إلى الجنود، واستقرَّت الرصاصة في الضابط المصري.
الاخ كريم
متشكر لك
و بناء على هذا الخبر
اللى هتحرر من صحته
نقدم الاعتذار فانا لست من المصريين على الخطا
مع انى اتحفظ على نقطه بسيطه و هى منين جاب الراجل سلاحه الا لو كان من حماس المسلحين و القاده ؟
عموما شكرا لك
انا مش مع الاخ السكندرى ده خالص
ومش من حق مخلوق انه يشكك فى ايمان حد او ولاؤه حتى ايام الصحابه كان الرسول صلى الله عليه وسلم اسر باسماء المنفقين للسيدنا خذيفه وفقط وليس لاى احد غير ا الرسول له لحق ان يقول وكلامه مسموع لكنه لم يفعل
ثانيا للاسف ومعلش هما الاحوان كده لما حد يختبف معاهم يقولوا انك ماتفهمش ومش عارف اللى بيحصل وانك بتشوف القنوات المحليه والقوميه كان كلنا اغبيا وهما بس اللى بيفهموا
ثانيا يااما يقولوا عميل زده لاتعليق عليه مين اللى عميل حرام علينا بقه اللى بنقوله على بعض ده
حراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام
كده مش معقول مين يعرف المنافق من غير المنافق ارحمونا يقه كفايه مش انتوا بس اللى بتحبوا البلد ماحدش يزايد على وطنيه وعلى ايما ن حد
جى جى
شكرا لكى
السلام عليكم
ليه يامارو تقول اللفظ اللى فوق وتقول كده
انا باتشدد لحماس يامارو
,,,
بس سبب انك تشتمها مش هيا اللى قتلت الرائد اصلا بس بعض القنوات اللى محتاجه اللفظ بتاعك ده والجرايد اللى محتاجاه قالت كده عشان تلزق اى حاجه فى حماس وهما ولاد ....
انا مقدر انك بتشتم عارف والله انا ساعه ماقريت ان حماس قتلته بالاسلوب اللى مكتوب فى الجرنان قلت الفاظ اسوأ من الفاظك فى ولاد .... اللى كاتبين الخبر كاذب وبالطريقه دى
مارو هاقولك حاجه نفسى اقولها بجد
مبااارك ا يييييييييييييه عليك وعلى اللى يتشددلك
بس اكتب حاء قبل الياء
انا مش باكلم بصفه اخوانجى انا باكلم بصفتى واحد مخنوق من اللى بيحصل
,,,,,,,,
مش فاهم وجهه نظر رامز ان الحمساوى بيزق المصور ايه يعنى اما يزقه عشان يعدى الجرحى ,,,
انت مش عارف تناكه اللى بيصوروا
انا عارفهم ياسيد رامز وحتى لو مش تنكين
حقه ,,, جريح ليه ومصور واقف عايز يصوره وبيعطله ياسيدى وبعدين انت ايه اللى دخلك انت مش يحصلك من الامن فى المستشفى الحكومى المصرى اوسخ من كده
علينا السلام بجد
عزيزي مارو
تقول
"مع انى اتحفظ على نقطه بسيطه و هى منين جاب الراجل سلاحه الا لو كان من حماس المسلحين و القاده؟"
تقريبا كل أهل فلسطين مسلحين، وهناك على الأرض بجوار حماس، كتائب الأقصى، التابعة لفتح، وهي تقاتل الآن، وهناك الجهاد، والشعبية وغيرها من التنظيمات المقاتلة المسلحة. هذه واحدة.
والكل معه سلاح ليس فقط القادة، بل القادة والأفراد بل والشباب صغير السن.
أخيرا، في ضوء رسالة الاخ كريم، ما فعله الرجل كان موقف إنساني طبيعي، لا يلام عليه. وإنما اللوم على من وضعه في هذا الموضع.
لعل الأمر يتضح عندك
بالمناسبة، كل الانتقادات التي وجهت كانت للموقف الرسمي المصري، وهي الانتقادات نفسها التي قالها، وأكثر منها، أهل مصر، ولم أسمع أحدا يهاجم شعب مصر ولا ينكر سابقتها في دعم أهل فلسطين.
تحياتي
لازم نتاكد من كل خبر
http://www.abna2masr.com/ar/index.php?option=com_content&task=view&id=2836&Itemid=1
لنستطيع الوقوف علي أرض صلبة
ايوه يا حسام نعم ؟
يعنى ايه انت بتتشدد لها ؟
عاوزنى ارد عليك و اقولك مالا تحب ان تسمعه و لا ايه؟
تحدى ده و لا ايه؟
فوق و فوق لكلامك
ماشى يا حسونه تكرم
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .
*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز
لنوقف شراء البضائع الأمريكية والبريطانية لشهر واحد فقط
سوف تكون تكلفة هذا الشهر عليهم خسائر مقدارها
37 بليون دولار
اه يامارو اكيد باتشدد لحماس بكل جوارحى
وادعوا لها ولفلسطين بالنصر اكيد
ربنا ينصرهم ويثبتهم ويذل الخونه
من مبارك لاصغر مخبر عميل
حسام
يبقى عليك و على حماس و على اللى يتشدد لكم
رغم انتهاء الحرب وانتصار المقاومة وحماس على العدو الصهيوني ... كان يجب ان ارد على الاتهامات الغير صحيحة التي ذكرت هنا
---
نعم جميعها اتهامات خاطئة ...
اولا : قضية الجندي الذي قتل .. وقد حكاها شاهد عيان .. وليس الاعلام المصري المضلل بان القوات الاسرائيلية كانت تضرب النيران على بعض الفلسطينين فجوا ناحية المعبر ليقوموا بالاختباء فقام الجنود المصريين بدورهم في حفظ امن اسرائيل بالقاء النار على الفلسطينين اللذين استشهد منهم اثنين " واؤكد على تلك النقطة التي نسي او تناسى الاعلام المصري ذكرها " فكان رد فعل طبيعي لما يحدوا احد يطلق الناؤ عليهم بان قاموا بضرب نار فاصيب الجندي المصري ومات " وليس استشهد " ... ومن قال ان هؤلاء الفلسطينيين من حماس رغم ان ما فعلوه كان رد فعل طبيعي على ضرب المصررين للنار بدلا من حماية اخوانهم .. اعود للنقطة من قال انهم من حماس .. هل الجرح الذي اصيب به المصري قبل موته كتب عليه حماس ام ان لون الدم يحدد .. ام ان الرصاصة نقش عليها اسم حماس
كلام غير منطقي بالمرة ...
---
النقطة الثانية كون ان حماس تختبيء تحت الارض وتترك المدنين ليقتلوا ...
اي كلام هذا
لن ارد بكلام كثير نظري ولكن الواقع رسم صورة مشرفة للعزة والتضحية باستشهاد اثنان من اكبر القادة .. الم يمت د. نزار في بيته ومع اسرته ام كان تحت الارض ؟؟
الم يقصف الوزير الشهيد ايضا وهو على سطح الارض وليس تحتها وفي منزل خاص باخوه واستشهد ايضا مع زوجته وابنه ؟؟
واقسم بالله ان جميع قادة حماس يتمنون الشهادة فدا تحرير كل ذرة من ارض فلسطين
--
بالنسبة لقوة حماس التي تحدث عنها البعض في بعض الردود وان الصواريخ قتلت كم اسرائيل ...
الصواريخ التي تتحدثون عنها هي التي اقلقت منام اسرائيل .. هي التي جعلتم لا يستطيعون الشعور بالامن وقاموا بكل هذا الهجوم لايقافها ورغم كل ذلك خرجوا مهزومين ايضا بتأثير نفس تلك الصوراريخ
تذكرت كلمات الانشودة القائلة :
قالوا صواريخ لنا عبثية .. اليوم سوف نبوح بالاسرار
عبث يكض مضاجعا لعدونا .. خير لنا من الف الف حوار
--
جمتي حماس عزيزة ابية
ودامت انتصارك في العالم مدوية
ودمتي قوية بشهداءك وتضحياتك
نسيت ان اقول في نقطة ان حماس لم ترسل االجرحى رغم وجود سيارات الاسعاف
الم تسمعوا رد حماس على تلك النقطة عندما قالت بان اغلب حالة الجرحى خطرة
ولا يمكنهم النقل برا مسافة 40 كيلو وهم بهذه الحالة
وطلبت طائرات مجهزة " ومصر تستطيع " ولكنها لم ترسل
واين مصر من القصف الاسرائيلي على حدودها والذي اجبرها على نقل الامتحانات والسكان لاماكن بعيدة
لما لم تشجب وتدين
ولو كان صاروخ واحد قصف على مسافة كيلوات من الحدود المصرية وسمع صوته عندنا
لخرجت مصر تتشدق باعلى صوتها متحدثة عن الامن المهدد من قبل حماس
حسبنا الله ونعم الوكسب في تلك الحكومة العميلة
اللهم انا نتبرا اليك من افعالها
اعتذر للاخطاء الاملائية الكثيرة لاستعجالي الشديد في الكتابة
واطى يا مارو
وطوووووووووووووووول عمرك هتفضل وااااااااااطى
ما انا عارفك غبي من يوم ما عرفتك او من يوم ما نزلت من بطن امك
بس اصبر يا مارو الغبي لما الحقيقة تظهرلك يوم القيامة هتعرف انك غبي كبيييييييييييييييررر
اللهم نقنا من الغباء والاغبياء ومن والاهم
واقض على الاعلام الحكومى الذي يصطاد في الماء العكر الوسخ
إرسال تعليق