الخميس، 17 يوليو 2008

لطيفه تبدع فى الكام يوم اللى فاتوا


اصدرت الفنانه لطيفه فى الكام يوم اللى فاتوا البومها الاخير

بعنوان

فى الكام يوم اللى فاتوا

و طبعا كاعادتها تنوعت الاغانى ما بين الرمانسى اوى و الرومانسى اللايت و الحزين و اغنيه بالعود رائعه و ده غير الاغانى السريعه

انا ملاحظ فرق واضح بين البوم لطيفه اللى فيه فن بجد
و بين البوم تامر حسنى اللى فيه اسفاف بجد
مع انى من معجبى تامر جدا
الا ان البومه الاخير سىء جدا
من حبه الافش و لا حبه لاحلى حاجه فيها و تلميحاته البايخه
او الاغنيه الكئيبه المتشائمه

مع لطيفه تسمع و تستمع بجد فى الالبوم الاخير
فى الكام يوم اللى فاتوا


و اخترت اروع

الاغانى بالنسبه لى

و هكتب كلمتها

اولا اغنيه سبنى شويه

توزيع : تميم
ألحان : وليد سعد كلمات : نادر عبد الله

الكلمات بتقول
سبنى شويه لوحدى على شان متضايقه شويه
متقلبش عليه مواجعى و تتعب فيه
ده و انا اد و نفسى اتكلم و اشتكى منك خايفه لا تيجى على جرحى و تزودها عليه
ليه هو انت فاضيلى على شان اجى و احكى معاك ؟
ده انت بتبقى معايه و جمبى و مش لاقياك
و اللى مأثر فيه بجد اننا شيفاك ابعد واحد عنى و اقرب واحد ليه
شايله فى قلبى انا منك بس انا مخبيه
راضيه معاك بقليلى و بستهتر بيه
ليه و ازاى تبقى انت اهم الناس فى حياتى و محسسنى انى مليش اى اهميه ؟

اما عن الابداع الاخر
فهو فى اغنيه كنا زمان اقوى

كلمات : بهاء الدين محمد ألحان : حمدى صديق
توزيع : مدحت خميس

الكلمات بتقول
كنا زمان اقوى كنا فى جراحنا اقوى و عذبنا كان بيمر
ايوه زمنا اتغير دلوقتى جرح صغير يجرحنا طول العمر
كان دمعنا جوانا غالى مكنش صوته حزين و عالى
بقى دمعنا طول الليالى دمع كله اهات و مر

احساسنا زمان كان يتحمل مهما الحياه تقسى علينا
بنعشها برضو و بنكمل و لا دمعه بتبان فى عنينا

اغنيه انا عمرى ما هنساك
الكلمات بتقول
انا عمرى ما هنساك انا ديما فكراك
انا اسمى اللى معاهم و انت كل الباقى معاك

طيب انا هنسى ايه ؟ طيب انا هنسى ليه ؟
من الاول و من الاخر عمرى من قلبى مسمحاك
اطمن و ارتاح مش باقيه على جراح
انا باقيه على حب و عمره ما اتغير و لا راح
مبقولش انى ملاك انا فعلا حباك
و برغم البعد اللى تعبنى انا عايشه مصلحاك

اما بقى اغنيه العود و اللى تريح الاعصاب بجد
اسمها لو سهران حبيبى بتقول
لو سهران حبيبى و على بالك هوايه
يبقى انت الليله دى كده سهران معايه
انا زيك سهرانه حبيبى و بفكر فى هواك
و القمر اللى شايفه انا شيفاه معاك
و حياة اللى بينا و القمر اللى بينا
انا حاسه الليله ده حبيبى ان احنا اتقابلنا

بتفكر فى حالى و بفكر فى حالك الشوق اللى جانى انا عارفه انه جالك
لو حتى قمرنا ليله لو ليله هجرنا
على ضيه و فى خيلنا هنكمل نهارنا

ده غير اغنيه فى الكام يوم اللى فاتوا و غير اغنيه مارينا و غيرها و غيرها
البوست ده اهداء لاخويه و صاحبى و حبيبى
حماده زيدان صاحب مدونه كلام و خلاص اصله عاش لطيفه
لينك مدونته اهوه كلام و خلاص

هناك 11 تعليقًا:

حمادة زيدان يقول...

مارو حبيبي

ميرسي ليك يا أغلى مارو في الدنيا على الاهداء الجميل ده ... والله فرحان أوى بالبوست عاوز اقوم أرقص من السعادة

ربنا يخليك ليا ويكون الالبوم فتحة خير عليك وتسمع دايماً لطيفة ههههههههههههه

ميرسي ليك وربنا يخليك يارب

حسن حنفى يقول...

مارو
الصراحه انا بختلف معاك مش في ان البوم حسني احلي ولكن في ان الاتنين وحشين وهايفين وعموما الاغاني كلها الايام دي ملهاش هدف ومش ليها لازمه
انا جات لي فتره وحاولت اسمع اغاني بس
الحمد لله لقيتها هايفه ومش عجبتني واتمني لك الهدايه
وانا اول تعليق علي ما اعتقد
علشان مش انافق

حسن حنفى يقول...

يوووووووووه طلعت التاني معلش المره الجايه بقي

عبدالهادى_سارة يقول...

السلام عليكم...
الموضوع ده برده يعتبر من فش الغليل ..؟؟؟؟!!!!!!

انا بختلف معااااك جداا في البوست ده
لانه
1/بتدعوا الى المعصيه ..يعني كل ماحد يدخل مدونتك ويسمع الاغنية ويشوف كلامك ..تاخد اثمه +اثمك

2/ازاى مثلا -ده كلامك - ان مثلا البوم البشمهدس اللي اسمه ..تامر اوحش من البوم الانسه ..لطيفه ..(كلهم مله وحده وكلهم فسقه وكلهم بيدعوا الى الفجور وكلهم...قول بقه لحد الصبح

ويااارب ينور لك طريق الهدايه

فائز هاشم يقول...

مارو حبيبي

ميرسي ليك يا أغلى مارو في الدنيا على الاهداء الجميل ده ... والله فرحان أوى بالبوست عاوز اقوم أرقص من السعادة

ربنا يخليك ليا ويكون الالبوم فتحة خير عليك وتسمع دايماً لطيفة ههههههههههههه

ميرسي ليك وربنا يخليك يارب

ايمان العرفاوي يقول...

البوست بتاعك اسعدنى جدا يامارو وفعلا انت ذواق الالبوم روعه بكل ماتحمله الكلمة من معنى مختلف عن الهيافة واللافن اللى منتشرين بقوة من سنين بس لان لطيفه تلميذة محمد عبد الوهاب وسيد مكاورى وبليغ حمدى وعبد الوهاب محمد وعمار الشريعى
لطيفه اتعلمت الفن من ام كلثوم وعبد العحليم وليلى مراد
مافيش مجال للمقاونة بينها وبين واحد كل رصيده سنة سجن

وينكى يقول...

انا ماسمعتش الالبوم لحد دلوقتى
ب فتحت نفسي انى ادور عليه واجيبه
ماتعرفش سميره سعيد هاتيجى امتى؟

otmanou يقول...

شكرا على الكلام الحلو
فعلا ألبوم لطيفة أقوى وأهم البوم نزل لحد الان حقيقي ألبوم متميز وفي قمة الروعة وانا كل يوم أسمع ومش قادر أوقف السيدي بجد أبدعت لطيفة في هذا الالبوم
وشكرا لك

تلميحاتى - يوسف الشافعى يقول...

الغناء دليل على البعد الثقافى لكل امه ومانراه الان على الفضائيات من سفه دليل على انحدار البعد الثقافى لدينا اما لطيف وتامر بيعومو فى بحر كله طين وكويس انهم بيقدموا الفن الموجود لانهم يعتبروا مقاومين للسفه الموجود بالساحه الغنائيه
اما الكلام اللى قاله
عبدالهادى-ساره
دليل على ان هناك من يريد ان يغلق اسماعنا وابصارنا والله اعلم ماذا يريدون ان نغلق بعدهما
الفن مدام لايجرح مشاعر اعتقد انه ليس عيبا ان نكون سامعيه ومشاهديه بما لايحيدنا عن ديننا فساعه وساعه
فكل منا يقيم شعائر دينه رغم متابعته لكل مايشاهد ويسمع
الضعيف فقط من يخاف من الاطلاع والتجربه
اهم شئ هو عدم الانخراط فى السفه

حسام يحى يقول...

how

يعنى

تامر بيب بيب تامر بيب

بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب بيب

مدحت محمد يقول...

يافرحة حمادة بيك

انا برضه بحب تامر بس موضوع حب اللى يتاخد قفش ده

لو واحد قاللها لحبيبته ممكن تديله بال...

بقلك ليك تاج عندى تعالى خده