الأحد، ١٣ يوليو ٢٠٠٨

ألحقونا هنقفل مدوناتنا و نقشر كوسه

قانون «ذبح» الفضائيات .. والـ «فيس بوك»!

بقلم مجدي الجلاد ٩/٧/٢٠٠٨
في أدبيات السياسة والحكم.. يذهب المفكرون إلي التفرقة الواضحة بين الأنظمة السياسية


القائمة علي حكم المؤسسات، وتلك التي تحكم وتدير بـ«عصا» الشمولية والسلطوية..

الأولي تقوم علي احترام المبادئ الديمقراطية وتقدس حرية الرأي والتعبير، وتدافع بقوة عن


تداول السلطة، والثانية تتحصن وراء «فرد حاكم»، وتكبت الحريات، وتستدعي من خزائنها كل

ما من شأنه إسكات الأصوات الإصلاحية، وضخ الدماء في عروق النظام الحاكم بأي ثمن.

وكنت حتي وقت قريب، أعتقد واهماً أن الرحم المصري يحمل جنيناً يريد أن يتشكل..

جنيناً إصلاحياً، حتي لو لم تكتمل قسماته وملامحه،


جنيناً يولد علي كف تيار ليبرالي جديد،

ويرضع شيئاً من الحرية، ويتنفس برئة التعددية،

ويشب يافعاً في أجواء «الديمقراطية»،


مهما كانت ناقصة.

ولكن بدا لي أن حلمي، وحلمك، يتبخر كل يوم،

وينكسر كل ساعة علي صخرة إصرار


النظام الحاكم علي سياسة إدارة البلاد بـ«وصاية الفرد»،


وإرادة حفنة قليلة من الأشخاص

يتحلقون من حوله، ويبتكرون الوسائل الكفيلة بضمان استمرار الوضع «كما هو عليه».

واليوم..

نحن أمام أحدث ابتكار واختراع توصلت إليه الحكومة لإتمام مهمتها في وضع

الشعب المصري داخل «حظيرة الصمت»..


مشروع قانون الجهاز القومي لتنظيم البث


المسموع والمرئي، وهو - لمن لا يعرفه -


البديل الأكثر تشدداً وصرامة لـ«وثيقة تنظيم البث


الفضائي في المنطقة العربية»، والتي حاربت مصر من أجل إقرارها،

وعارضتها دول عربية عديدة،

فآثرت حكومتنا الارتداد إلي الخلف، أو بمعني أدق إلي الداخل،


وصاغت قانوناً مصرياً خالصاً، وفقاً لنظرية «شعبي وأنا حرة فيه»،

وما رفضه العرب في وثيقة،


ستفرضه قسراً وقهراً علي المصريين في قانون.

القانون الذي وضعوا مشروعه المبدئي،

ويستعدون لإقراره في البرلمان مع بدء دورته الجديدة،

هو الأخطر بين ترسانة القوانين والإجراءات المقيدة للحريات العامة،

ويكفي أن نعرف من نصه


أنه ينص علي إنشاء جهاز للرقابة علي مضمون ومحتوي جميع

وسائل البث


«المحطات التليفزيونية والإذاعات ومواقع الإنترنت بما فيها الفيس بوك»،

يرأسه وزير الإعلام، وعضوية ممثلين عن وزارات الداخلية


والخارجية والاتصالات والثقافة والمالية،


وهيئة الأمن القومي،

كما ينص علي التحكم التام في منح التراخيص والتصاريح بالبث وإعادة

البث المسموع والمرئي في مصر لكل أنشطة البث


في النطاق الجغرافي المصري، بما في ذلك

«المناطق المنظمة بتشريعات خاصة»،


وهو ما يعني دخول الفضائيات المرخص لها ضمن

«المنطقة الحرة» في نطاق عمل الجهاز..

والأكثر قسوة

أن القانون ينص علي الرقابة علي المحتوي، ويعاقب بالحبس كل من يدلي

ببيانات أو معلومات تتعلق بنشاط الجهاز..

أي أنه سيمنع وسائل الإعلام من نشر أي أخبار

أو مقالات حول نشاطه، وكأنه «جهاز أمن قومي» لا يجوز الاقتراب منه.

وكأي قانون تريده الحكومة،

سيمر هذا القانون علي «مطبخ» البرلمان، وحتماً سيحصل

علي الموافقة بالإجماع خلال دقائق معدودات،


وسيكون علي المحطات الفضائية والإذاعات

ومواقع الإنترنت بث ٢٤ ساعة يومياً من المسلسلات وأغاني «الفيديو كليب»،


ومسابقات بجوائز لمن يحل هذه الفزورة «يعدي البحر ومايتبلش»


و«قد الكف ويلف العالم لف»،


وسوف نقضي أوقاتنا مع برامج «التوك شو»،

وهي تناقش قضية «الخرس الزوجي» و«كيف تحافظين علي نضارة بشرتك في الصيف»..

أما الإنترنت والفيس بوك، الذي أزعج النظام خلال الأشهر الأخيرة، فسوف يحوله هذا القانون

إلي منتدي لرسائل الحب والغرام، وتبادل أحدث الرنات وأغاني هيفاء وهبي ونانسي عجرم..

خالص تحياتي إلي «حكومتنا الرشيدة»!

--------------------------------

مش قلت لكم


هنقفلها ونقعد فى البيت علشان الحكومة تستريح

فى انتظار اراؤكم لكيفة التصدى لهذا القانون


لابد من العمل معا من اجل الدفاع عن حقوقنا فى حرية التعبير


من خلال مدوناتنا او مواقعنا الالكترونية

منقول عن اتحاد المدونين المصريين اضغط هنا

هناك ٢١ تعليقًا:

رامز عباس يقول...

والله استهبال وتخريف

اللي مشجع المخابيل اللي نهابين الدوله دول هو سكوتنا
اقترح اكبر
واضخم وقفه احتجاجيه ام مجلس الشعب

يشارك بها كل اعضاء كفايه والمدونون من كل المحافظات

والصحفيين الشرفاء واعضاء الحركات النضاليه من اجل التغيير


والمعاقين



اقترح تنظيم التوقيع المليوني


15 مليون موقع من اجل رفض الهيمنه علي


مستنفسنا الوحيد ووسيلتنا للتتعبير



وهناك افكار اخري


انا مصدوم



ومش هنسكت يا انس يا فقي

رامز عباس يقول...

اياما تعتقلونا


يا اما توجهونا بشرف جتكم القرف يا حكومه

رامز عباس يقول...

اه اه نسيت


مارو بيقول هنقعد بالبيات ونقشر الكوسه


علشان الرقابه علي البث



لكن فيه مثل انا اخترعته


وهو


يا حكومه امشي عدل يحتر المدونين فيكي



























مش هنقشر الكوسه لاننا محضرين اللبوسة

مواطن زهقان يقول...

واضخم وقفه احتجاجيه ام مجلس الشعب

يشارك بها كل اعضاء كفايه والمدونون من كل المحافظات

والصحفيين الشرفاء واعضاء الحركات النضاليه من اجل التغيير

انا مؤيد للاقتراح دا
يامارو
والله والواحد مش عارف يعمل ايه
شكلها هترسى على تقشير الكوسه
دى لو كانت رخيصه اساسا
اصل وقتها الكوسه هتطلع فى السما

حسن حنفى يقول...

والله ىمعاك حق الواحد شكله هيقعد ي البيت فعلا ويقشر كوسه
ممكن ننظر للنصف المليان الحكومه بالطريقه دي هتوفر علي المواطن وخاصه المدونين ومستخدمين الانترنت الوقت والنظر بدل ماالواحد يقعد يكتب لحد مقديه توجعه ونظره يروح ويلبس نظاره والاشعاعات والاباء والامهات اللي بينصحوا طول اليوم النظر والجهد ...الخ اهو الحكومه حلت كل ده في قانون واحد بس
بقي عندنا الحكومه الذكيه

مدحت محمد يقول...

انا الحمد لله هكتب فى مدونة magic of romance

وهقفل مدونة عش مصرى تموت مذلول

بس هسيب اسمها شاهد على اللى بيحصل فى مصر

محمد مارو يقول...

والله يا ريت يا رامز

و انا اول اللى مش هيشاركوا فى الوقفه دى
ههههههههههههههههههه
اه ياخويه عاوزنا نتحبس عيش ندل تموت مستور يابه

محمد مارو يقول...

اه يا زهقان
انا اسمع ان الكوسه مجنونه بس مش بحبها

محمد مارو يقول...

حسن باشا

انا محدش بيزعقلى انا اللى بزعقلهم ان محدش يهوب ناحيه الجهاز هههههههههه
يا عم دى السبيل الوحيد اننا نتنفس فيه

محمد مارو يقول...

دوووووووووووووووووحه

هيجبوك هيجبوك

رامز عباس يقول...

الحمد لله يا مارو

المواطن الزهقان ربنا يكرمه ويتفرفش


عاجبه اقتراح من بتوعي يارب نفعلهم

sun_of_freedom يقول...

واله الحل
هو ان احنا نستمر
ومهما قطعونا و منعونا من توصيل صوتنا وكبتوا حريتنا

مش هنسكت وهنستمر
ولو اعدتمونا مائه عام

سنصل لهم بالمرصاد

وهنكمل طريقنا

ومدام ربنا معانا . مش هنسلم ولا هنسيب ولا هنسافر ولا هنسكت
وهنتسمر المقاومة

هنطلع صوتنا
وهنتكلم

لو قفلاوا شبكات النت

صوتنا هيوصل للعالم فى الشارع
وهنكمل طريقنا


ما هزنا ريحهم ولا كلامهم
فكلامهم لنا كان بالوراء



الحل هو الاستكمال فى الطريق


اعانا الله وثبت اقدامنا على الاصلاح ومطالبة الحريات

جزاك الله عنا الخير كله

من كان عونه الله اكتمل طريقه الب بر الامان

ومع المل يزول الم وتهون الصعاب

عمرو عبد الباري يقول...

مهما يحدث
فالنضال مستمر والحريه في دمنا وسنجد بدلا من المنفذ اثنين وثلاثه
وانا واثق من ذلك

حمادة زيدان يقول...

حبيبي مارو

أنا موافق أقشر كوسة ....تعرف هما بعملتهم السودة دي بيسدوا منافس الشعب , وكدة الشعب هينكتم وبعدين لازم طبعا ينفجر في وشهم

والله بيحفروا قبورهم بأديهم

ياللا ربنا يسترها
وتقشرش كوسة ممكن تقشر بطاطس

بنت الصالحين يقول...

هههههههههههههههههههههههه


بجد ايه النكته الحلوه دي


انت مصدق يامارو

ده تبقي سنتهم مش لون الكوسه لا هتبقي لون البدنجان


بقولك ايه

سيبهم سيبهم

وصدقني خلاص جابو آخرهم

ميرا ( وومن ) يقول...

مارو

لا بجد كدة اوووووووووووووووووفر

كدة ممكن اضق شوف انا مه اقتراح الأخ رامز عباس

اهو يبقي عملنا حاجة مش قشرنا كوسه وبس

طب مدونة حاجات تغيظ هايبقي موقفها ايه

انا مصدقت افش غيظي

يالهههههههههههههوي

حسن مدني يقول...

هو قانون مصيبة،
محتاجين نقول كل اللي عندنا قبل إقرار القانون..
والمدونات كانت بتخلي الناس تفش غليلها وتنفس غضبها..
وهما مصرين يمنعوا أي محاولة تنفيس، لغاية ما الناس تنفجر في وشهم..
قريبا جدا إن شاء الله

تحياتي

ريمان يقول...

مارو

انا كنت بقول انى هقرأ البوست واجى اقشر معاك كوسه

ههههههههههه

لاء بجد

انا مش عارفه ايه العبط بتاعهم وده والتخلف بتاع الحكومه

سلامات يا حكومه هانم

بس واله يا مارو انا من رايى اننا نستمر

ومش نسكت

وصوتنا هيوصل هيوصل

وغصب عن اى حد

ومش هنبطل تدوين

اجل بقه تقشير الكوسه الوقتى لحد ما نشوف هنعمل ايه معاهم

وان كانت مسأله تحدى ماشى

احنا هنتحداهم وصوتنا هيوصل يعنى هيوصل

وهنكمل ومش هنوقف

......................

على فكره

المفروض انى علقت البارح

بس مش لاقيه تعليقى قلت اعلق تانى

تحياتى ليك يا مارو

ربنا يبارك فيك


وربنا يرجع بطوط بالسلامه

البوست ده ناقصه فعلا تعليق بطوط

المنسى يقول...

بص يامارو أنا كنت سمعت عن الموضوع من كام يوم
لكن لو هنقعد نتكلم ونتكلم ونتكلم ولما يخلص الكلام نقوله تانى وتاات اغاية أما الفاس تقع فى الراس
أنا مش مستعد لده
لو فعلا ناوين تعملوا حاجة سواء مننا إحنا او الإتحاد نا معاكوا إنشالله حتى مسيرة سلمية
أو وقفة إحتجاجية
مهاجمة الموضوع على مدوناتنا
بس نتحرك بتنظيم وبجد
لأن كل قانون بيطلعوه
بنطلع نرفض ونشجب وندين ونجعجع
وفى الخر بينفذو إللى فى دماغهم
فياريت بجد لو هتتحركوا بجد يكون أفضلوأسرع
وعايز مثل كانو بيقولوه عندنا زمان
إللى بيقول
مابيعملش
وإللى هيعمل
مبيقولش
فياريت نلتزم الصمت
ونبدأ نعمل وانا معاكم بكل ما أوتيت من قوة

تحياتى ليك ولمواضيعك الإيجابية دايما

المنسى يقول...

أه وكمان نا امع الأخ رامز عباس
أنا مكنتش قريت تعليقك
بس وقفة إحتجاجاية وقفة إحتجاجية
إعتقال إعتقال
ضربو الأعور على عينه
قال ؟؟؟؟؟؟؟؟؟؟؟؟؟؟؟

انا معاكم فى أى حاجة بس بشرط
تكون فعل مش كلام

طلاب من أجل مصر يقول...

يعني حتى الواحد بيقول ده احنا عمالين نتكلم على الفاضي ومحدش بيستفيد قد كده ..(اصدي في حكاية التدوين وفش الغليل )

طيب مظاهرات واخرتها ..اعتقال ..اضراب واخرتها برده اعتقال ..وقفة احتجاج برده اعتقال ..صحفين وبرده اعتقال

يعني كمان النت هيبقى فيه اعتقال ......رحمتك يارب

انا بعتقد ان سكان مصر عددهم زاد وهم بيعملوا تصفيه للناس ..بجد

الموضوع ده مش سهل وانا والله اتخضيت

لما قلت (هنقفل مدونتنا ...وزودتها نقشر كوسه )ههههه
انا قلت انك خلاص فشيت الغل اللي عندك وهتقعد بقه وتروق ..

طيب انت ادتنا المشكله عاوزين حل ..ممكن !!