مش كفايه معيشنا فى دوله بوليسيه
مش كفايه بيعذبوا فى المواطنين
مش كفايه بيموتوا فينا
لاء دول من بجاحتهم و من جبروتهم بيعملوا كده و يزعلوا لو واحد مننا قال اه او اتالم من التعذيب
اخر المهازل
فى صحفيه شابه اسمها شيماء جمعه و الاخ علاء القهموجى بيشتغلوا فى جريده الدستور و كمان كل من الاخ كمال حافظ و محمد الحنفى من جريده الكرامه كان وصلهم خبر ان فى ظابط اسمه محمود ابو المكارم
فى المنصوره عذب مواطن و رماه من الدور التانى
الصحفيه دى ومعاها الاخوه راحوا و عملوا حوار مع اهل المواطن و سجلوه على الام بى ثرى
و بعدين نشروا
الظابط لما عرف كده طبعا خاف احسن يحصله زى ما حصل مع الظابط اللى عذب عماد الكبير
راح لاهل المواطن
و قالهم و اكيد هددهم انهم يسحبوا كلامهم
و بالفعل الاهل قالوا احنا مش قولنا كده بالرغم ان التسجيلات موجوده
المهم الاخت شيماء الظابط رافع عليها قضيه قذف و سب و لها جلسه يوم 25 /5
بالزمه ده اسمه كلام ؟
مش كفايه بيعذبوا فى المواطنين
مش كفايه بيموتوا فينا
لاء دول من بجاحتهم و من جبروتهم بيعملوا كده و يزعلوا لو واحد مننا قال اه او اتالم من التعذيب
اخر المهازل
فى صحفيه شابه اسمها شيماء جمعه و الاخ علاء القهموجى بيشتغلوا فى جريده الدستور و كمان كل من الاخ كمال حافظ و محمد الحنفى من جريده الكرامه كان وصلهم خبر ان فى ظابط اسمه محمود ابو المكارم
فى المنصوره عذب مواطن و رماه من الدور التانى
الصحفيه دى ومعاها الاخوه راحوا و عملوا حوار مع اهل المواطن و سجلوه على الام بى ثرى
و بعدين نشروا
الظابط لما عرف كده طبعا خاف احسن يحصله زى ما حصل مع الظابط اللى عذب عماد الكبير
راح لاهل المواطن
و قالهم و اكيد هددهم انهم يسحبوا كلامهم
و بالفعل الاهل قالوا احنا مش قولنا كده بالرغم ان التسجيلات موجوده
المهم الاخت شيماء الظابط رافع عليها قضيه قذف و سب و لها جلسه يوم 25 /5
بالزمه ده اسمه كلام ؟
يا مواطنين يا مدونين يا بشر
هنسكت لحد امتى ؟
شوفتم الحكومه الديمقراطيه بتعمل ايه ؟
شعار الداخليه
من حقى اعذبك و لو اتكلمت هحبسك
تحياتى لكم
و عيشوا فى مصر الموكوسه
هناك ٣٥ تعليقًا:
بصراحه يا مارو احنا اللي عاملين كده في نفسينا
وطبعا المحكمه هيكون الحكم بتهعا اما الحبس او دفع تعويض
وطبعا هتلاقي عائله الشاب مغلوبه علي امرها مش هتقدر تعمل حاجه مش كفايه اللي هما شافوه
ورنا معانا ومع الصحفيه الشجاعه دي
ويارب الحكومه تعرف ان احنا بشر برده مش رعاه عندهم
تحياتي
السلام عليكم
حبيبى مارو
صدقت والله
وفعلا حينما قرأت موضوع تذكرت قول الشهيد عبد الله عزام
حين تحدث عن هؤلاء فقال
هم يذبحوك .. فإذا أصابتهم قطرات ٌ من دمك .. قالوا لك انت إرهابى لأن دمائك أصابتنا .. أوليست هذى دماء ذبحكم لى ؟ !
حقا ً هذا مايحدث
وحسبنا الله ونعم الوكيل
فاللهم انتقم
.....
وإذا ظن الظالم أنه هو َ ولا شئ سواه
فقل له ياظالم
بينى وبينك الله
.....
جزاكم الله خيرا حبيبى
وتقبل مرورى
الموضوع دا موجود بالفعل كتيير .
كل ظابط ولو حتي امين شرطه ... بيستخدم سلطته حتي وهو بيشتري كيلو طماطم ...
هي دي مصر .. وياااااارب نتغير
مارو الناس دى عن تجربة شخصية اللى يبهدلهم ويحسسهم انهم ملهومش لازمة فى كتير منهم بيخاف ويكش لكن المهم احنا دلوقتى بقينا فى دولة بوليسية بمعنى الكلمة والشعب مش ليه اى وجود ولا كأنهم حشرات بتتعامل معاهم الداخلية
مارو الشعار فيه غلطة لو اتكلمت مش لو اتكلمك
تقبل تحياتى
اسلام
ربنا معانا يا رب و مع الكل
وفعلا الاهالى مغلوبين على امرهم
معاذ
اهلا بيك و بمرورك
وإذا ظن الظالم أنه هو َ ولا شئ سواه
فقل له ياظالم
بينى وبينك الله
احمد
امين يا رب
بس يا احمد مش هتتغير الا بينا
لا يغير الله ما بقوم حتى يغيروا ما بانفسهم
هيثم
متشكر ليك
لانك خلتنى اخد بالى انا فعلا صلحتها متشكر يا مان
مارو .. انا كنت بقول يارب نتغير احنا اللي نتغير الاول...
اكيد لما نتغير ونبتدي بنفسنا .. البلد كلها هتتغير
اللى يعيش فى مصر ياما يشوف
فى مصر تعلم وتعلم
فى مصر تكلم وتكلم
تتكلم سوف تتالم
فى المعتقلات
مارووووو
سبقتني
بس اعمل ايه النت فصل
طبعا لازم كلنا نقف معاها
طالما دليل البراءة موجود
وده ااقل واجب نعمله
وخصوصا مدوني رابطة الدلتا
مش عارفة نهاية الظلم هتيجي امتي بقي
الواحد تعب بجد
تحياتي
ملهوش حق يرميه من الدور التاني كده الموضوع ميبقاش درامي
الدور الرابع او الخامس احلي
هو يعني ايه مهازل؟
صحيح انت تعرف ماور
انت اسمك كده فعلا ولا ده اسم الكاتب المغربي
مش فاكر
كان في كاتب رائع من المغرب او الجزائر اسمه محمد مارو
انت قصدك عليه ولا ده اسمك
مارو
اللي بيحصل دة مهزلة الديمقراطية والعدل وكرامة المواطن
اما شيماء وباقي الأخوة الصحفيين بالأدلة والإثبتات موجودة
والمسلسل ده بقي بايخ جدا ودمة تقيل القضاء العدالة العمياء دايما بتشوف الأدلة والبراهين ويارب نشوف حكم لصالح الشعب ولو مكنش
كفاية الناس عارفة الحقيقة ودي مش نهاية الطريق ده اولة
يبقي انت أكيد في مصر
مارو
للأسف الشديد انتم لسه جايين تكتشفوا الحقيقه متأخر .. احنا تحت الاحتلال العسكرى من سنين كتيره ومصر بتحكمها عصابه مسلحه وبتفرض قوانينها بقوه السلاح يعنى الظاهر اننا لازم نطالب بالعمل السرى والمقاومه الشعبيه علشان نرفع الاحتلال عن مصر .ولازم نترك حكايه الاضرابات والاعتصمات اللى مش جايبه همها ونلجأ الى المقاومه الفعاله لان الظاهر ان قانون القوه هو اللى بيحكم العالم دلوقتى .
مارو
احنا مدونين
خلينا نكون ايجابين زىم انت قولت وكفايه سكوت
نجتمع ونفكر ممكن نعمل اى ونقدمه
اذا فى ادله
ياريت كلنا نتكلم ونفكر سوا
اكيد كلنا مع بعض هنقدر نعمل حاجه
أخويا محمد لا تيأس ولما القنوط
اخى تلك بشريات المرحلة بالحساب الرباني لا الدنيوي الواقعى
اخى ما يحدث هذا الا بسبب قرب
انهيار الهيكلة الظالمة بكل ما فيها
وان ما يتم بايديهم مسامير تدق فى نعوشهم وتجهيز لنهايتهم الاليمة
الا تعتقد ان الظلم يستمر لالالا
وقال الله عز وجل : " وتلك الايام نداولها بين الناس " /
" وكل يوم هو فى شأن " . اخى والله بشريات ما خاف هذا الرعديد الا لانه لا يثق فى ظلمه ويعلم قوة الاعلام وقوة المخلصين الذين اصطفاهم الله نحن نعلم ان اصحاب الحق قليل لكنهم بداية العز والاكرام
ابشر اخى محمد والله لننال منهم شر نيل وسيكونوا عبرة لمن اعتبر بايدينا او بايدى انفسهم
وعجبا ممن يذبح نفسه بافعاله
والله غالب على امره ولكن اكثر الناس لا يعلمون
لا حول ولا قوة إلا بالله
ربنا علي الظالم والمفتري
إللي يعيش في مصر يااااما ينقهر
حبيبي مارو
ربنا يكون مع شيماء لأن الموضوع فعلاً خطير ... سوري عالتأخير في الكومينت يا جميل
حسبنا الله ونعم الوكيل
ربنا يستر وميحولها ل محكمة عسكرية
ولا تحسبن الله غافلا عنهم
ولاكن سيستدرجهم من حيث لا يعلمون
والظلم لو طال ليله لابد يجى نهار
ويقولون متى
قل عسى ان يكون قريب
وتحياتى لك اخى الحبيب
حسبى الله ونعم الوكيييل
الضحيه حين يكون القاتل
تحياتى لك
نسيييييت
ربنا مع الاستاذه شيماء
بص يا مارو طالما معاها التسجيل يبقى محدش هيجى جنبها خالص وربنا معاها شوف لو عاوز تبقى واقف معاها اعمل بانر وهاته واحنا نكتب عنها
هى مع الحق وادام هى مع الحق ربنا هيكون معها وكمان احنا ممكن نقف جمبها
ربنا معها وينصرها
السلام عليكم
اولا حسبنا الله و نعم الوكيل
ثانيا " و لا تهنوا و لا تحزنوا و انت الاعلون ان كنتم مؤمنين"
ثالثا : لحد امتى هنفضل ساكتين ؟؟؟؟؟؟
اهو ده بأه السؤال اللي نفسي الاقي له اجابة
نفسي يحصل تكثيف جهود مثمرة مننا كشباب تجاه انفسنا و تجاه اللي حولنا
و نبدأ نضيف قيم جديدة
و نتعلم مهارات مختلفة
و نتميز كل في مجال
و بص يا فندم
كله بيأخد وقت
الغضب و خلاص بيأخد وقت
و اننا نبدأ نركز طاقتنا و حماستنا في عمل نهضة بيأخد وقت
كده كده مسئولين عن الوقت ده يا مثمر
يا ان شاء الله مثمر برده
و هي في النهاية قضية شعوب
الشعوب هي اللي بتغير الحكام و بتبني الافكار و بتصنع التاريخ
معلش بأه التعليق تقيل
بس انا مبقوقة بصراحة
اه صحيح
ربنا يحفظ شيماء و كلهم
و يعزهم و يثبتهم
طيب وبعدين ربنا يكرمك انك بتقول وانت بتعرفنا
بجد من زمان وانا بحترم مدونتك ديجدا ربنا يجعلها فى ميزان حساناتك ويجزيك عنها احسن ماعملت
ويظهر براءه شيماء وكل مظلوم يارب ويرفع عننا الظلم
معندكش عقد عمل
تحياتى
ابوالعربى
وانتى متوقعه هيعمل ايه غير كده
بس العيب مش عليه
العيب على الناس اللى اديتةه الفرصه
العيب على الناس اللى حسسوه انه من الفراعنه
العيب علينا ان احنا سكتنا
فى ايها لو وقفنا قصدهم حتى اخر نفس واخر روح
هو كده
حانعذبك، ولو اتكلمت حانعذبك ونرفع عليك قضية، ونحسبك، ونعذبك، عشامن ما تتكلمش تاني وانت بتتعذب
تحياتي - وتعذيبي
من يعش منكم سيرى اختلافا كثيرا
بس اللي نعمله مهواش تهييج الرأي العام
يبقى البحث عن حل موضوعي عقلي علمي
تحياتي
آدم
بصراحة حكاية تزعل بس مش من المفروض أن في إثبات أن الولد فعلا أتعذب يبقي ما ينفعش الضابط يرفع قضية
حكاية زى كل حكاية بتحصل كتير اليومين دول
ربنا معانا
تحياتى
تعال نرفع شعار
اللى يسكت على الظلم يبقى حمار ساعتها نلاقى الشعب المصرى رفض الظلم واتكلم لانى لايحب وصف الحمار
انت عارف الساكت عن الحق ايه
طبعا شيطان اخرس
بس للاسف نحن المصريين لم نصل درجة الحمير ولا الشياطين
احنا للاسف عاملين ودن من طين والتانيه من عجين وكمان مش عاجبين وللى زود البله طين ان احنا بالرغم من كل اللى بيحصل راضيين ساكتين واللى بيضربنا على الخد بنديله القفه واحنا مبسوطين
انا بعد اذنك هضيف المدونه بتاعتك عندى
اخى الفاضل
اختى الفاضلة
********************** دعوة ***********************
ندعوكم للمشاركة فى حملتنا من اجل فلسطين ومن اجل اسرى المسلمين فى سجون
الاحتلال وجوانتاناموا ومن اجل التذكير بحقوق الشعب الفلسطينى وبخاصة حق العودة الذى
تجرى محاولات لشطبة وطمسه من قرارات الامم المتحدة .....
فى انتظاركم لدعم اخوتنا ومواجهة المحاولات الصهيونية الامبريالية الاسرائيلية الامريكية
إرسال تعليق