الأربعاء، 28 مايو، 2008

سيدتى ! حذائكى يدل على جمالك ارجوكى اهتمى بيه

ملاحظ حاجه غريبه اوى بين الفتيات و الانسات
كل واحده منهم بيتكون اخر شياكه و عامله شعرها او حجابها على احدث موضه
بس للاسف يجوا للقدم و بيلبسوا اى حاجه فى رجليهم ساعات بتوصل لشبشب عادى و بيسموه سابو
السابو مش وحش طبعا بس بيكون له لبس معين يمشى معاه يعنى مش مع كل الملابس
اخر حاجه حصلتلى و خلتنى اكتب البوست ده
كنت ماشى فى ميدان التحرير من فتره و شوفت بنات كتير فى منتهى الشياكه والاناقه و للاسف تيجى توصل للقدمين تلاقى اسوا ما يكون
على اساس ان محدش بيهتم بالحذاء اصلا و محدش هيبص له
افتكرت ساعتها فيلم مطار الحب بتاع فؤاد المهندس
بصراحه الفيلم بيتناول قضيه مهمه بس الناس فاكره انه بيهرج
كان بيقول حذائكى يدل على انوثه طاغيه
اه و ربنا جمال البنت بيبدأ من حذائه
ا
لان اهتمامك بيه دليل على الاهتمام بكل تفاصيل الاناقه
فيا جميلتى يا سيدتى يا اجمل مخلوقات ربنا ارجوك اهتمى بحذائك فهو دليل الاناقه
ملحوظه
مش عاوز حد يفهمنى غلط بالموضوع ده
و حياتنا مش كلها سياسه لازم برضه نهتم ببعض التفاصيل الصغيره

هناك 36 تعليقًا:

appy يقول...

ههههههههههههه
صح يا مارو والله كلامك مظبوط وكمان نظافه الرجلين والكعب للبنت مهم
مش هزار ومن جممالها
بس تعالى هنا ايه بينزلك لتحت قوى كده هههههههههههههه
بس فى النهايه دى اذواق يا مارو وبعدين يا خويا البنت غير الولد تلاقى عندنا تريلون صندل اسود وترليون شبشب اسود تانى مش زى الاولاد هى شوز بنى وسوده وسمعنى سلام بودعك لا خالص
بيكون عندنا تقريبا كل الالوان وكل الاشكال بس بص يا مارو فيه اماكن لما بيكون فيه حفالات وهتقف كتير مينفعش تلبس حاجه كعب عالى فاهم يعنى لازم يبقى مناسب
غير انكك تكون رايح ريسبشن او استقبال وهتقعد بعد فترة فدى ممكن كعب عالى قوى
المهم مش هديلك دروس فى الشباشيب بدل ما تقلب ضرب موضوع حلو يا مارو بجد
ويا بنات هجوووووووووووووم

محمد مارو يقول...

رحاب
انتى بتقولى فى عندكم تريليون صندل مش زى الولاد

طيب طالما فى حاجات كتير كده ليه متمسكين بواحد بس

و يا رحاب انا مش بهاجم السابو انا بس بهاجم انه بيتلبس فى كل مكان

سواريه او رسبشن او كليه او او او

انا بقول لكل مكان له لبسه مش اكتر

و انا مش ببص لتحت يا رحاب انا بس بكون باصص فى الارض مش اكتر هههههههه

appy يقول...

مارو شكلى انا اللى هترأ سالهجوم ماشى
اه فعلا بس ساعات بيكون فيه واحد مريح او اتنين انا بتكلم عن العنصريه فى الموضوع
يعنى انا الحمد لله عندى كتير وبغير فيهم كلهم تقريبا انا بتكلم على اشمعنى الرجاله يكون عندها اتنين واحنا اكتر ههههههههههه
بس فعلا فيه بنات مش بتهتم زى ما قولت او لظروف اقتصاديه واستر عليهم بقى يا مؤدب ياللى بتحط وشك فى الارض بعد ما بتعرف هى لابسه شيك ولا لا ههههههههههههههههههههه

محمد مارو يقول...

رحاب
و الله مش موضع ادب او لاء

الموضوع بس الواحد لما بيشوف حاجه كويسه بيحب يشوفها كلها اجى اشوف بنت شيك و انيقه و اجى ابص لاخر الصورة البنت اقصد اتصدم ما انا مش هبص على مناطق مناطق يعنى

الصورة كلها متكامله من اولها لاخرها و الا تسيب رجليها فى البيت احسن بقى

و لا ايه رئيك؟

بنت الاسلام يقول...

مش عارفة ااقولك ايه

بس انا شايفة ان الاهتمام بالمظهر شيء مهم طبعا بالنسبة لاي انسان

ان الله جميل يحب الجمال

وخاصة البنت اهتمامها بمظهرها شيء

مهم بالتاكيد

في اطار محترم طبعا غير مخالف لتعاليم

الاسلام

اما بالنسبة للشوز اللي انت طرحت

موضوعه فهو بالتاكيد جزءمهم من

المظهر

وعندنا بيهتموا بيه جداااا

مش عارفة بنات التحرير ليه لاء ؟؟؟؟؟؟

ابقي قولهم علي دمياط مشهووووووووورة

بصناعة الاحذية الجلدية جدااااااا

جميلة بس اسعارها ناااااااار

اما بقي موضوع انوثة المراة في حذائها

ماشفتش الفيلم انا

ومش عاوزة اشوفه

وشايفة انه مبالغ شويتين

ولوسمحت بعد كدة ابقي ركز في شوز

حضرتك

مش في شوزات الشارع كله

ههههههههههههه

Tamer Nabil يقول...

كلامك سليم ياصاحبى

الاهتمام بالمظهر شىء جميل واساسى لااى انسان

البنات احيانا تحاول البحث عن كل جديد والظهور بشكل افضل لكن احيانا كتير يخيب الاختيار


خلينا نشوفك

تحياتى

محمد مارو يقول...

بطوط

انا بتكلم عن شوز البنات لانهن الجميلات
وزى ما رحاب قالت ان احنا عندنا هو اما اسود او بنى
مع ان عندنا احنا كان حاجات كتير و رائعه اوى

بس لان البنت هى دليل الجمال و عنوان الجمال يبقى لازم نهتم بيها كويس
و على العموم هنزل اشترى واحده جديده اهوه اشمعنى البنات صحيح

انا نازل اهوه

بس برضه اهتموا شويه بيه

د / احمد فارما يقول...

كلام مظبوط ... بس انت اساسا ايه اللي خلاك تبص علي البنات من فوق لحد موصلت علي نوع الحذاء هههههههههههههههههه

مدحت محمد يقول...

انت عديت ياواد
وصلت للحذاء والسابوه ده انت مش بتبص بس ده انت بتفصص كمان
اه منك انت


نتكلم بجد بقى

سواء فى البنات او الولاد لازم الاهتمام بالمظهر يكون كامل

عندك حق


ده الواحد ياخد باله منك بعد كدة يا/:)عم

محمد مارو يقول...

د / احمد

ايه يا عم

فيها ايه يعنى ؟

هو عيب و لا ايه ؟

البنت عباره عن صورة جميله و الواحد لما بيشوف صورة بيكون عاوز يشوفها من اولها لاخرها

محمد مارو يقول...

مدحت

انت كده فهمتنى غلط

وومن يقول...

صح يا مارو برافو عليك
انا كمان ساعات الحكاية دي بتضايقني وبسمع تعليقات ولاد كتير عليها
المشكلة يا مارو ان في بنات كتير مش بتبقي عارفة ان فثي اساس وقواعد للبس الشوز
ولو هايكون صيفي ومقتوح يبقي تعمل ايه
ولو اللبس كلاسيك يبقي تلبس علية او او كاجوال
عموما طالما اتصدرت للموضوع ده ممكن ابقي ابعتلك شوية اساسيات تنشرها عندك واهو كلة بثوابة

حمادة زيدان يقول...

ههههههههههههههههههههههههه
يخرب عقلك يا مارو ... بتفصص البنات من فوق لغاية كعب جذمتهم
ههههههههههههههههههههههههههه
فكرتني بفؤاد المهندس في الفيلم اللي كان مجنون فيه بجذم البنات وكان بيحب البنت من جذمتها
على العموم يا حبيبي
زى ما حضرتك بتحب تلبس حاجة خفيفة في رجلك ... من حق البنات بردوا يلبسوا السافوهات .. وسوري "الشباشب" طول ما هي استايل
هههههههههههههههههههههههههههههه

mohammed alsha3r يقول...

غض بصرك وانت هترتاح كتيرررررررر يامارو

علشان لو انت فضلت تاخد بالك من كل حاجه

هتتعب اووى

وبالذات مع البنات

وبنات كيرو بالذات

الله يحفظنا

A.SAMIR يقول...

كلامك مضبوووط
بس مين يقرا ومين يسمع
تحياتي

طارق الغنام يقول...

اخى محمد
قريت البوست بناعك والتعليقات بس صدقنى وانا مفهمش فى الامور دى ان دى الموضة عندهم
هى موضة تعبانة بس همة بيبصوا لبيعض
وعاوز اقولك شئ
عينك يامحمد وعلى رأى
appyاية اللى بيزلك لتحت اقوى كدة
تقبل تحياتى
واتمنى زيارتك مدونتى المتواضعة
ودمت بود

محمد مارو يقول...

وومن ميرا
طيب بما انتى بنوته يلا بقى نبدا الدروس و نعمل مدونه مشتركه للشوز و نسميها بالجزمه
هههههههههههههههههههه

محمد مارو يقول...

يا حماده يلبسوا اللى ما عوزينه

بس مش على الفاضى و المليان يعنى يكون السابوه ده

محمد مارو يقول...

شاعر

انت لم تفهمنى

انا مش ببصبص او بعاكس

محمد مارو يقول...

سمير

اه فعلا مين و مين ؟

محمد مارو يقول...

استاذ طارق

ما انا رديت عليها و قولت انا ببص فى الارض ههههههههه

ريمان يقول...

هههههههههههههههههه

ايه المواضيع الجامده دى يا مارووو


بس موضوع جميل والله وهادف كمان


الله عليك يا ماروو

بس انا بهتم بحذائى اطمن عليا


الف شكر

GiGi يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حاجه غريبه مخ الولاد ده عجيب يعني هما الولا د اللى بيلبسوا جزم من استراليا
بس صدقنى بكره تبقى اب فياريت ترحم الاباهات هيجيبوا منين مش كفايه باقي الطقم وبعدين انت ماشي تبص للشوزات ليه
بس بوست لذيذ

مدحت محمد يقول...

عارف يامارو انت فكرتنى باايه كمان عارف الفيلم بتاع عبد المنعم مدبولى

لما كان ماشى ورا ست

وعمال يقلها

جزمة سيادتك بتدل على انوثة طاغية لحد لما ترجع تبصله ويشوف وشها ويتصدم ههههههههههههههه
:D

محمد مارو يقول...

ريمان شكرا لمرورك

ومطمن مش تقلقى

محمد مارو يقول...

جى جى

و الله ممكن اوى بحاجه تمنها معقول تكون اشيك بنت

و ممكن تلبس من اغلى الاماكن و برضه تكون و لا حاجه

محمد مارو يقول...

ايوه يا مدحت يا حبيبى

ما ده اللى انا قولت عليه فى الفيلم

بتاع مطار الحب
الدكتور خشبه و فانتوماس

كاميليا يقول...

هههههههههه

فكرتنى بالفيلم
وبالست صاحبة الحذاء وعبد المنعم مدبولى

ههههههههههه

طبعا عندك حق


تحياتى

حسن مدني يقول...

بصراحة يا مارو
موضوع يبدأ من فين، يعتمد على نقطة ابتداء نظرتك. يعني في ناس بتبدأ من فوق وتنزل، وناس من تحت وتطلع.
كل واحد وسياسته.. على كل حال هو المظهر المتكامل مطلوب، من الرجل المرأة على السواء. وموضوعك لطيف للغاية

تحياتي

تامر و منى يقول...

العزيز محمد مارو
فلتسمح لى ان اعتذر اولا على دخولى متأخرا جدا لمدونتك الرائعه
اما التأخير فله اسباب وسأعترف لك بمنتى الصراحة اننى اجهل كيف ادخل على مدونات الاصدقاء واخيرا تعلمت كيف اشارك الاخرين
اما بالنسبة للبوست الخاص بحذاء السيدات فرأيى باختصار اللى هما يشوفوة يبقى صح علشان دول ايديهم طايله وخاصة ان المدام جمبى وكلة تمام وهاقولك على رأيى بينى وبينك
لك تحياتى
اخوك الجاهل
تامر المهدى

يورو يقول...

ههههههههههه
ههههههههههههه
ماشى يا مارو
انت بس متغاظ من البنات انا عارفه
ونفسك تنام وتقوم تلاقيهم فى العراق

انا كنت قريت زمان حاجه بتقول
انك لو عاوز تعرف شخصية الى قدامك
بص لحزائه
هتعرف كتير عنه

بس يعنى مش البنات بس
الولاد كمان
وبلاش بقى اتكلم
هاه

محمد مارو يقول...

تامر و منى
اولا اهلا بيكم مرحبا فى اى وقت و بجد نورت مدونتى المتواضعه

ثانيا محدش فينا عالم مهما اتعلمنا فكلنا جهله و ما اوتيتم من العلم الا قليل

فبلاش جاهل دى
و لا ايه رئيك؟

محمد مارو يقول...

يا يارا
حررررررررررررااااااااااام عليكى

يابنتى انا قولت افغانستان مش العراق

العراق قريبه

ayman badr يقول...

فكرتنى بفيلم فؤاد المهندس يا محمد
بجد بوست جميل
اول زيارة ومش الاخيرة
وعلى فكرة انا عرفت انك من المنصورة دلوقتى بنعمل جروب على الفيس بوك عشان نجمع مدونى الدقهلية فى لقاء واحد يجمعنا كلنا
يا ريت تشارك معانا
ضيف الايميل ده عندك واكتب لينك المدونة فى الرسالة
وده رابط الايميل:
dk_blogger@yahoo.com

Tamer Nabil يقول...

السلام عليكم

ازيك محمد

اخبارك اية

فى انتظار الجديد

تحياتى

Tamer Nabil يقول...

انت فين ياصاحبى

ابقى عدى علينا

وفى انتظار الجديد

تحياتى