الثلاثاء، ٢٩ أبريل ٢٠٠٨

جماعه الاخوان الملسمون و الله مكسوف لكم سلف

وصلنى اليوم خبر يهلك من الضحك
الخبر بيقول ان جماعه الاخوان المسلمين هيشاركوا فى اضراب 4/5
خير االلهم اجعله خير
هو ظهر منسق للاضراب ده ولا ظهر له تنظيم ولا ظهر اجنده ولا حد اعلن مسؤليته عن الاضراب ده و لا على شان المحاكمات العسكريه انتهت ؟
اه هو كده
لحد الان لم يظهر لا تنظيم و لا اجنده واضحه و لا حد اعلن مسؤليته و لا اى حاجه خالص نفس الموقف اللى فات
اللى اتغير بس هو المحاكمات العسكريه
ايوه
المحاكمات اتحكم فيها خلاص و انا زعلت جدا على شان الظلم اللى وقع عليهم
كمان زعلت اوى من موقف الاخوان ده
بصراحه و بكل وضوح بدات احس انهم مش بيعملوا لمصلحه الشعب
بدات اشعر انهم كل همهم مصلحتهم الشخصيه
وااااااااااااااااااااااااااااااا اسلااااااااااااااااااااااااااااااااااااااماه
فين رجالك يا دين الاسلام اللى بيقولوا للاعور انت اعور فى عينه
فين اللى همهم دينهم ووطنهم مش السلطه
فين اللى بينفذوا كلام و حديث رسول الله صلى الله عليه و سلم و هو بيقول
كلمه حق فى وجه حاكم ظالم جهاد فى سبيل الله
صدق رسول الله صلى الله عليه و سلم
واااااااااااااااااحسرتاه
على صدمتى فى جماعه زى الجماعه دى
يا رب افضل احبهم زى ما انا بحبهم و صورتهم مش تهتز امامى
اللى يضحك بقى
اصحابنا و اخوانا اللى كانوا بيدافعوا اوى و بشده على قرار الجماعه بعدم المشاركه
بالرغم انهم كانوا بينقلوا رسايل الاوف لاين بينهم و بين بعضهم و بيقولوا و بيدعوا للاضراب لحد القرار ما طلع
و الله مكسوف لهم سلف
اللى يموت من الضحك هما هما هيدافعوا برده عن المشاركه
اللى هيقولك ان الاضراب هيكون فى البيوت
و اللى هيقولك مش اعتصام و اللى و اللى و اللى
هو حنا كنا عاوزين ايه اكتر من الجلوس فى البيوت ؟
هو احنا دعونا للتخريب و التكسير و لا اى حاجه ؟
الاضراب اللى فات كان بيقول خليك فى بيتك
اشمعنى الان يا اخوان
على العموم و الله انا مكسوف لكم سلف
انا بفش غلى معاكم و بس حد عاوز يفش غله ؟
الظاهر هرجع اسم المدونه كلام و فش غليل تانى

هناك ٢٢ تعليقًا:

حمادة زيدان يقول...

اول تعليق

حمادة زيدان يقول...

حبيبي
الاخوان زى ما انا اؤلت قبل كدة طول عمرهم بيدوروا ورا مصلحتهم ... وكان في مصلحة بينهم وبين النظام المرة اللي فاتت طلعوا وقالوا بلاش اضراب دلؤتي لما أخدوا على "............." من النظام رجعوا وقالوا معاكم في الاضراب طيب بقي ربنا دايماً يخليهم ياخدوا على "..........." علشان يشاركوا مع المصريين همومهم

بنت الاسلام يقول...

مارو معاك طبعا في حيرتك

هو ايه اللي حصل؟؟؟؟

ايه الجديد؟؟؟؟؟

وحقك تظن فيهم زي ما ظنيت؟؟؟

لكن عاوزة بس الفت نظرك لحاجة مهمة

الا وهي

عدم وعي الكثير والكثير من شبارب الاخوان

وااقصد بيهم الشباب الصغير في السن

الاضراب اللي فات اعلن الاخوان عدم مشاركتهم كجماعة كبيرة


لكن مارفضوش ابداا مشاركة الافراد كافراد

لكن كتير من الافراد فهم موقف الجماعة بعدم المشاركة كجماعة يفرض عليهم عدم المشاركة كافراد

وده سوء فهم كبير جدااا منهم


وطبعا انا بشاركك رايك بالنسبة لجماعة كاكل

ايه الجديد

الي غير رايهم فجاة

الفكرة مش بتاعتهم

دي ملك اصحاب فكرة 6 ابريل

ومع ذلك تعالي نتغاضي عن ليه وازاي

ونتحد كلنا

ويبقي اضراب اكبر واكبر

بغض النظر عن النوايا والظنون

ونلتفت للحدث الاكبر الا وهو الاضراب

واهدافه

وعاوزين منه ايه

ونترك القلوب والنوايا لاصحابها

فلسنا الهة للحساب

تحياتي

ابن رشد يقول...

انت لسة جاي تكتشف الاخوان المسلمين دلوقتي
واحسرتاه على من شبع من الخداع

غير معرف يقول...

أخى مارو
لاتزايد على موقف الاخوان و فهم أكثر قوى المعارضة تعرضا لبطش النظام
والاخوان لم ولن يعارضوا أى اضراب ل 6 مايو ولا 4 مايو ولاحتى نوفبر القادم انكان هناك اضراب فى نوفمبر
لكنهم لم يشاركوا بصورة جماعية فى ابريل لعدم وضوح الصورة والخوف من التخريب وقد ثبت ذلك بالدليل القاطع فى المحلة والآن الذى تغير هو الدرس الذى استوعبه الشعب من التخريب الذى حدث فى المحلة وكذلك النظام الذى يصر على المضى قدما فى بطشه واستبداده وحين يقوم الاخوان بعمل لابد أن يحسب له بدقه أما الآخرون فليس مطلوب منهم ذلك
أخى مارو لاأحب أن أرد على المهاترات ولكنى وجدت نفسى أمام أخى الحبيب لأوضح له الصورة
ثم هناك موقف يثير العجب والحيرة اذا لم نشارك انتقدونا واذا شاركنا انتقدونا
أليس فيكم رجل رشيد

د محمد يوسف يقول...

أخى الحبيب مارو

لاتزايد على موقف الاخوان فهم أكثر قوى المعارضة تعرضا لبطش النظام
والاخوان لم ولن يعارضوا أى اضراب ل 6 ابريل ولا 4 مايو ولاحتى نوفبر القادم ان كان هناك اضراب فى نوفمبر
لكنهم لم يشاركوا بصورة جماعية فى ابريل لعدم وضوح الصورة والخوف من التخريب وقد ثبت ذلك بالدليل القاطع فى المحلة والآن الذى تغير هو الدرس الذى استوعبه الشعب من التخريب الذى حدث فى المحلة وكذلك النظام الذى يصر على المضى قدما فى بطشه واستبداده وحين يقوم الاخوان بعمل لابد أن يحسب له بدقه أما الآخرون فليس مطلوب منهم ذلك
أخى مارو لاأحب أن أرد على المهاترات ولكنى وجدت نفسى أمام أخى الحبيب لأوضح له الصورة
ثم هناك موقف يثير العجب والحيرة اذا لم نشارك انتقدونا واذا شاركنا انتقدونا
أليس فيكم رجل رشيد

المنسى يقول...

ههههههههههههههه
ده الطبيعى ياقلبى
وده إللى مرجعنا ورا إن كل حد فى البلد دى بيقول يلا نفسى وبس
شكلها هتبوظ أكتر من كده كمان
ربنا يستر

Unknown يقول...

السلام عليكم

الاخ الكريم

انا لا ادري لماذا التهجم والافتراء على جماعه بحجم الاخوان المسلمين

الاخوان قدموا ومازالوا يقدموا الكثير للبلاد

وهذا واجب وليس تفضل منهم

الاخوان اقوى قوه سياسيه فى البلاد وهم اكثر من يدفع ثمن الوطنيه

الاخوان اكثرمن يدافع عن حقوق الشعب وأكثر من يتعرض للتهجم من النظام

بعد كل ذلك تجعل نفسك وصيا عليها وتشكك فى وطنيتهم

لا ادري سببا لذلك

فى اضراب 6 ابريل كان الخوف من المشاركه كتنظيم وليس افراد هو الخوف على عمال المحله من بطش النظام

لأنهم هم البدايه

أما الان فالامور مختلفه

اعتقد ان تضحيات الاخوان الكثيره فى صالح البلاد كثيره أكبر من ان احصيها

بالاضافه الى انهم كثيرا ما وقفوا وحدهم أمام النظام دون انتظار لمساعده احد

ولم يظلوا يوزعوا الاتهامات على الاخرين رغم ان البعض تعاون مع النظام ضدهم

هم لم يتهموا اضراب 6 ابريل بل شارك فيه الكثير من الاخوان كأفراد

اتمنى أن نتحد بدلا من ان يظل البعض يتهجم على الاخوان لمجرد التهجم

جزاكم الله خيرا

أخوكم

محمود فوزى

ميرا ( وومن ) يقول...

مارو مش لاقية تعليق

أحمد سعيد بسيوني يقول...

بسم الله
يبدو انك لم تقرا الخبر
الاخوان لن يضربوا بل سيعتصكوا في البيوت
هناك فرق
ركز يا بيه
تحياتي

ابو النجوم يقول...

مارو
انا حبيت احييك على التساؤل ده
ليه الاخوان غيروا رأيهم.
والرد بسيط بص لتاريخهم وانت تعرف ليه
----------
اما الاخ محمود فوزى فده يبدو عليه التعصب الشديد وانا كنت افضل ارد عليه بعقلانيه لكن ارى انه يجب ان ارد من نفس الوزن والقافيه فهو يقول ان الاخوان اقوى قوه سياسيه وهذه مغالطه فهم القوه الثالثه فى مصر ولكنهم القوه التى تخلط بين الدين والسياسه
ويقول انهم اكثر من يدفع ثمن الوطنيه
وهنا اعرضه فهم يدفعون تمن تعصبهم لصالح الجماعه لا للوطنيه والا فليذكرنى عن المواقف الوطنيه للجماعه . ويقول انهم يدافعون عن مصالح الشعب وهذا منافى للحقيقه فهم لايهمهم الامصالحهم والتى تسعى الى كرسى الحكم . يبدو اننا ننسى التاريخ وننسى ان كل الجماعات المتطرفه خرجت من عباءه الاخوان ودليلى ان ايمن الظواهرى من نتاج الاخوان ومصطفى شكرى من نتاجهم ايضا لماذا . لايكشفون وجههم ويقولون اننا نريد الحكم فهو حق للجميع لكن ان نفعل شيئا ونقصد شيئا هذا فى علوم الدين له اسم آخر اظن يسمونه النفاق اما عن هجمات النظام عليهم فهذه معركه للصراع على الكرسى بينهم وبين النظام وليس صراعا من اجل الشعب او من اجل مصر . سأظل اكررها دائما : الاخوان والنظام وجهان لعمله واحده
تحياتى وماقلته مجرد رأى قد يكون خطأ او صواب لكنه رأى فهل ياترى سيقبلون الرأى الآخر ام سأكون كافرا او ذنديقا فى نظرهم

غير معرف يقول...

مش فاهم يابنى روح لحد يفهم وبلاش تفتى فى
اللى ملكش فيه

هو فى حد شايل هم البلد ده زى الاخوان

Hosam Yahia حسام يحيى يقول...

محمد مارو باشا


انا كان نفسى الاخوان يشاركوا فى الاضراب اللى فات

واظن انى كنت شايف نفس الاسباب دى

لكن الاخوان مغيروش موقفهم اصلا من الاضراب


هما هيقعدوا فى البيت

مش هيشاركوا فى الفاعليات

onlllllllllllllllllllllllllyyyy

بحبك يامصر يقول...

محمد مارو
انا تقريبا نفس موقفك ومحب جدا للأخوان وان كنت ليشس منهم ولى بعض التحفظات مثلك تماما على سياستهم
اولا
كان من الضرورى مشاركة الاخوان فى اضراب 6ابريل حتى مع كل الاسباب التى ذكرت ومنعتهم من المشاركه لاننا مننكرش شعبيتهم وتقلهم فى الشارع اللى اشك انها اتأثرت بعد موقفهم من الاضراب اللى فات
ويلاش عشان خاطرى واحد من الاخوان يرد عليا ويقولى انت مين قالك ان شعبيتنا اتأثرت والكلام ده لانى اعرف الكلام اللى انا بقوله كويس
ثانيا
هى فعلا ملهاش تفسير غير اللى اتفسر ده ان بعد المحاكمات العسكريه ما خلصت هما اخدوا الموقف ده واللى كلنا رافضين المحاكمات دى واحكامها الظالمه بس فعلا ملهاش تفسير غير كده
ثالثا
بلاش يا جماعه كل شويه واحد يقول محدش شايل هموم البلد الا الاخوان والكلبام ده لانه لو حقيقه فانتوا بتضيعوا اللى بتعملوه وكمان انتوا كده بتخلوا الناس تعاند وتاخد موقف من الاخوان
وانا بضم صوتى ل بنت الاسلام لازم نبتعد عن الخلافات والمصالح الشخصيه المهم ان خصمنا واحد وهى الحكومه والنظام المستبد يبقى لازم نعمل على انجاح الاضراب

مدحت محمد يقول...

انا زيك يامارو مش قادر افهم سياساتهم
مش عارف ده غباء منى ولا ايه بالظبط
انا بحب شخصيات كتير جدا من الاخوان
بس فى بعض الافعال المتضاربة
بتخلينى مش فاهم حاجة
زيك بالظبط
خليها على الله
تحياتى ليك

Unknown يقول...

انا كان دايمآ رأي ان الاخوان بيسعوا ورا مصالحهم الشخصيه و اي حاجه توصلهم لكرسي الحكم و مش مهم اي حاجه تاني

تحياتي

كريم عاطف يقول...

يعني بيتهيألي الموقف مختلف المرة دي لأن الإضراب هو دعوة لالتزام المنزل وعدم الخروج في اليوم ده ومافيش مظاهرات أو وقفات احتجاجية وطبعا ماحدشش هيقدر يعتقلك عشان قعدت في البيت ولا هيقول ان الاخوان هما السبب ان الناس قعدت في البيت، عموما ده تحول كويس في موقف الاخوان فبالراحة شوية
تحياتي

أنا مسلمة يقول...

تابعت تفاصيل إضراب 6 إبريل من المواقع الخاصة بالإخوان والتصريحات التى أدلى بها قادتهم
وفهمت أنهم لن يشاركوا فى الإضراب كجماعة
ولكن لا مانع من مشاركة الأفراد
فلا أجد تعارض الأن بين إضراب 6 إبريل ودعوتهم لإضراب 4 مايو

ولا داعى لان نسىء الظن بعضنا البعض

اللهم أرنا الحق حقا وأرزقنا إتباعه
وأرنا الباطل باطلا وإرزقنا إجتنابه
ووحد شمل المسملين

ابراهيم يقول...

اخي العزيز مورو ومعلقية اشكركم علي التعليقات واتمني ان
1_ قبل محاسبة الاخوان عن حسابتها للمخاطر التي قد تنجم عن مخاطر قد تنجم عن مشاركتهاه في موقف او فاعلية معينة ان تسالو كل المعارضة في مصر عن مواقفها
2_ الجماعة الان اصبحت لاتتاثر بعض الشي بالتشوية لان النظام فعل تلك الفعلة وفشل وزاد الاقبال الي الجماعة والاستماع اليها
السادس من ابرايل شاركت الجماعة وان لم تشاك بشكل رسمي
لن تظل الجماعة تحارب وحدها الذين يريدون ان يصلحو معنا فليحملو مطالبهم معنا ولكني مازلت اري التشوية هو القائم بدلا من الاجتماع الي كلمة
وعندي الكثير لم اقولة حرصا علي عدم طول التعليق
اعتقد ان مصر بكل فئاتها تتعامل مع كل من يريد ان يفعل شي بنظام جحا

غير معرف يقول...

محمود شهاب الاخوا ن اعلنوا انهم مع الاضراب ولكن الخوان كجمماعه لا تجر باحد لانهم ليسووا اسير حادث ولا قضيه ولكنهم اصحاب مشروع اما بالنسبه للاضراب الاخير نفس موقفى من الاول وانى معه بس مش مع اللى بيحصل فيه من تخريب وموت

بنت الصالحين يقول...

اهو الاخوان دول هما اللي طول عمرهم واقفين ومعارضين
ليه دلوقتي حتي لو وقفوا شويه عايزينهم معانا


اقولك
خلينا في نفسنا وخلينا في الايجابيات
بلاش في الوقت ده بالذات ندور علي سلبيات


ربنا يهدي الجميع

ويصلح حالنا كلنا

سلام

مصطفى محمود يقول...

هم يبكى وهم يضحك ....دة تهريج ...والاخوان اتكشفواااااااااا