الأربعاء، ٥ مارس ٢٠٠٨

تهنئه و تعزيه من القلب

اولا احب ان اقدم التهنئه
تهنئه بمناسبه حلول عيدين من اشد الاعياد
حبا الى قلبى
انهما المولد النبوى الشريف
و عيد الام ست الحبايب
و فى المولد النبوى الشريف
احب ان اقدم خالص اعتذار و اسفى لحبيبى و حبيب الرحمن خير الانام
محمد بن عبد الله
اولا اعتذر عما صدر منى و من تقصيرى فى سنته
و اعتذر عما قام به بعض البنى ادمين
و مش هحول لا كلاب و لا خنازير كما يقول البعض
لانهم فى الاول و فى الاخر بنى ادمين
اعتذر عما صدر منهم فى حق رسول الله
و لو يعرفوا من هو الرسول صلى الله عليه و سلم ما كان صدر منهم شىء
لكن احنا المقصرييييييين و العيب منا مش منهم
لازم نهتم بسنته اكتر و نعمل بدينا صح
ثانيا العيد التانى
عيد ست الحبايب
عيد امى
و عيد كل ام
و بقولها
كل سنه و انتى بالف صحه و خير و يخليكى ليه يا امى
و يدوم لى رضاكى يا اعز الحبايب يا حبيبه
ربنا يخليكى ليه يا رب
و يخلى كل ام لاولادها و ميحرمش حد من حد
كل سنه و انتى طيبه يا امى
التـــــــعــــــــــزيه
بعزى من قلبى كل واحد خاطب او كاتب كتابه
و بقوله قلبى معاك
حد يقولى بتعزيه ليه؟
اقوله جرى العرف ان فى المناسبات الدينيه و معاهم عيد الام
ان اللى خاطب بيجيب لخطبته هديه
اللى بنسميه الموسم
اما عينيه او ماديه المهم لازم يدفع
كده المولد النبوى يوم 20 هيدفع طبعا
و عيد الام يوم 21 هيدفع برده
و ياسلام لو حظه منيل و كان عيد ميلاد المحروسه هو كمان فى شهر 3
كده تكون طبلت على دماغه يا ريس
يا ريت نرحم العرسان شويه

هناك ٢٥ تعليقًا:

بنت الاسلام يقول...

ماروووووو

جميل بوستك جدااا

وكل سنة وانت طيب وكل ام في مصر طيبة

وكل عروسة طيبة يارب بالعند فيك

ايه البخل ده

حتي الهدايا بقيتوا

مستخسرينها


ياباااااي

وردة ياسيدي

دبدوب مايضرش


ده عيد ميلادها


عيد ميلاد المحروسة


المحرووووووسة

هو يعني احنا عندنا كام محروسة


هي محروسة واحدة


ادفع يامعلم

محمد مارو يقول...

بطوووووووووووووووط

لو على ورده او دبدوب ميضرش

لكن دى بتتشرط عاوزه و عاوزه و عاوزه

بطوط

كمان لو عيدها لوحدها ماشى لكن دول تلاته مع بعض

و ضربيتن فى الراس توجع مابلك بتلاته بئه؟

Hosam Yahia حسام يحيى يقول...

ايوه كده ياباشا


ارفع راسنا فى المحافل الدوليه


عقبالك اما تدبس فى الهدايا

على الاقل هتكون خطبت

هوا حد لاقى

غير معرف يقول...

ههههههههه اية يا عم مارو الحاجات الحلوة ديت طيب يا وحش إما نشوفك ها تعمل إية لما تخطب هههههههه وبصراحة يا بطة هي لو جات في ودرة او دبدوب مش مشكلة أمرها سهل لكن هي بصراحة أنا أعرف ناس كانت بتيجي في نص مرتبهم وغالباً بتوصل لمرتبهم وخاصة اللي كاتبين كتب كتاب ههههههه

Empress appy يقول...

وانا معاك بقدم اعتذارات
وجامده بتاعت المخطوبين انا هخبى البوست ده مش هوريه لخطيب اختى ههههههههههههه بدل ما يطنش وميجبش للبنت حاجه
اما امى بقى ووالدتك وكل المدونين اقولهم كل سنه وكل ام بخير ويهدى لها ولدها يا رب

محمد مارو يقول...

حسام

ايه المحافل دى ؟

بيجيبوا فيها هدايا ؟

محمد مارو يقول...

خالد

ربنا يستر علينا اه فعلا كل المرتب بيضيع

و كمان بيستلفوا ع شان خاطر المحروسه

محمد مارو يقول...

ابى

طيب انا هروح له بنفسى و اقوله

NAMELESS يقول...

ماشى هفش غلى اهو
مدونتك جميلة اوى و فعلاً فرصة عظيمة انى اكتشفتها
و كل سنة و انت طيب يا مان
و عجبنى اوى انك اتكلمت فى موضوع التدبيسة دى ..هههههههه
انا الحمد لله مش خاطب ولا بفكر حتى
بس اصدقائى خاطبين و بشوف التدبيسة دى فى كل عيد لدرجة انهم بقوا بيكرهوا الاعياد .. آآه والله
لازم يجيب لامه و ام خطيبته و خطيبته

غير معرف يقول...

مارو
كل سنة و انت طيب
مدونتك جميلة جداً
وكل سنة وكل ام فى الدنيا طيبة
فعلاً كلنا كدة على بعضنا مهما عملنا مش هنقدر نوفى حق ام واحدة ولا ايه ؟
اما عن حكاية الهدايا دى
فلازم يرحموا الشباب شوية
والحمد لله انى مش خاطب ولا مرتبط من الاساس الحمد لله .. ده نعمة يا راجل

محمد مارو يقول...

الاخ alter

ده شرف لى تشريفك مدونتى و اهلا بيك ديما

محمد مارو يقول...

نضال

فعلا مفيش حد يقدر يوفى حق امه عليه و من كل قلبى بقولها كل سنه و انتى طيبه

مدحت محمد يقول...

ههههههههههههههههههه
والله عندك الخاطبين
الله يكون فى عونهم
كل موسم لازم يكوعو
بس انا بحسدهم برضو
اللى خطب خطب يامارو
لما يجى علينا الدور هتبقى الحاجات ولعت اكتر
لو جيت تديها مية جنيه هتبصلك وتقلك ايه ده
اجيب بيهم شيبسى ولا ايه
اما بالنسبة لعيد الام
فبرضه الخاطب لازم يجيب لوالدته هدية
ولوالدتها هدية
يالهووووووووووووى
انا مش خاطب ياعم

غير معرف يقول...

السلام عليكم ورحمة الله وبركاته


سيدي الفاصل ...


هذه أول مرة ازور فيها مدونتكم


بارك الله فيكم ....


نسألكم الدعاء ...

only spot يقول...

هههههههههههههه
شكلك دافع كتير يا مارو
عموما كل سنه وكل ام بخير وكل سنه والامه كلها بخير ويا رب العام القادم يكون كل واحد مقصر فى حق ربنا ورسوله قدر يتفادى التقصير وخالص تحياتى ليك

محمد مارو يقول...

مدحت

خطوبه ايه يابنى و النبى تصلى على النبى

دى كانت زمان


احنا هنعنس يا ريس

محمد مارو يقول...

الاخت بنت البنا

اهلا بيكى ديما

محمد مارو يقول...

اونلى

الحمد لله انا فى نعمه يجب ان اكره عليها

انا مش خاطب

CheToS يقول...

كل سنه وأنت طيب وكل سنه وكل ام طيبه وربنا يخليها لينا يا رب لأنها الشمعه اللى بتنور طريقنا
وطبعا كلنا مقصرين فى حق رسولنا الكريم صلى الهل عليه وسلم ولازم نرجع بقة لدينا لان دا الوقت الازم والوقت الضرورى الى نتبع سنه نبينا وقرآنا
وبالنسبه للى خاطب ولا كاتب كتابه ربنا يتولاه بقة ويبقى أمه بتحبه لو صحيح عيد ميلادها كمان فى الشهر دا يبقى 3 فى واحد جديده دى غير 2 فى واحد شامبو فى بلسم فى كريييم هههههههه

قلب أبيــض يقول...

حببى ماروووو


ازيك يا مان
اظن دى الكلمة اللى جمعتنا
وعرفتنا ببعض

سعيد جدا بمعرفتك

وسعيد بزيارتى لمدونتك الجميلة


ربنا يكرمك



واما بالنسبة للبوست
فاكيد لى تعليق تانى علية

ارق تحياتى

قلب ابيض

arabicya يقول...

كل سنة وانت طيب
و كل الناس بخير

مصطفى محمود يقول...

تعيش وتجيبلهم يا وحشششش


هههههههههههههههههه

حمادة زيدان يقول...

حبيبي مارو
كل سنــــــــة وانت طيب
تانى حاجة يا حبيبي أنت أعملها واخطب وانا علشان أنت حبيبي هاجبلك الهدايا في المواسم ههههههههههههه .... مارو حبيبي كل سنة ومامتك ومامتى ومامات المسلمين والعرب وكل العالم بخير.
أما عن موضوع سيدنا رسول الله ففعلاً أحنا اللي مقصريين ولو أحنا عارفنهام مين هو رسول الله مكنوش عملوا كدة .
ملحوظة صغيرة
بلاش ملاحيظ
أخوك وحبيبك
حمادة زيدان

أحمد سعيد بسيوني يقول...

كل سنة وانت طيب
وعلى فكرة انت واخد فكرة سوداوية شوية عن الجواز
الموضوع ابسط من كده
الدنيا لسه فيها شوية خير

elbalawy_pasha يقول...

good play
د.علي البعلاوي