الخميس، ٧ فبراير ٢٠٠٨

تعالوا نحب بعض فى عيد الحب


اصدقائى الاعزاء المدونين و المدونات

كل سنه و انتم طيبين و هابى فلانتينز داى

فى ناس كتير هتقولى هو ده عيد على شان نحتفل بيه ؟

و ناس تانيه هتقولى حرام الاحتفال بالعيد ده و كلام كده

لان احنا عندنا عيدين بس العيد الصغير و العيد الكبير

انا بقولهم و فيها ايه لما نخلى يوم فى السنه نحب بعض فيه ؟

و اللى مخاصم حد يصالحه

و اللى بعيد يقرب

و نحب بعض بجد بجد بجد

و نساعد بعض كمان ده هو الحب

و برضه مش هنلغى العيدين الاساسين بتوعنا

دول الاساس طبعا

انا كمان بطلب ابعد من كده انا عاوز نخلى عيد للصداقه

و عيد للاخوه

و عيد للاب و عيد للابن و تكون حياتنا كلها اعياد فى اعياد

ايه المشكله يعنى ؟

هو ده هيعارض مع اسلامنا ؟

اسلامنا باقى سوف يبقى للابد ده مش كلامى ده كلام العلى القدير

ع العموم انا واحد من اللى بيفرحوا باليوم ده

بس طبعا

ارفض اللى بيستغله استغلال وحش و طبعا فاهمين اقصد ايه

اقصد اللى بيعمل مقابلات خاجه عن الادب و اللياقه و عن الاسلام كمان

ده برفضه جدا

اخر كلمه

انا بهدى

فى اليوم ده تهنئه خاصه لكل من الاستاذ حسن مدنى

و الاخ علاء

بمناسبه عيد ميلادهم

و اهداء الى كل من

الدكتور محمد يوسف و الدكتور عبد الخالق زهران

الاستاذ عادل نجم و الباش مهندس عصفور المدينه

الاخ تامر المنصورى و الاخ محمد الشاعر و الاخ عمر

اخويه و حبيبى جمعه و الاخ خالد السلكاوى

طبعا نوشه و شموس و الجيزاوى و منذر

و حبيبى حماده زيدان

و محمد مفيد

و الاخت بطه و الاخت يارا و الاخت ساره

و عروستنا شيماء جمعه

و الاخت رحاب ( ابى ) و الاخت ولاء

و الاخت اونلى سبوت

و ايمى

و كل المدونين و المدونات

اسيبكم بئه مع شويه صور


































































هناك ٢٩ تعليقًا:

ابن رشد يقول...

حبيب قلبي مارو كل سنة و انت طيب في عيد الحب و الحمد لله في عيد الحب بقول لكل الناس انا بحبهم اوي
و بحبك جدا رغم اختلافنا في بعض الاراء لكن دة اللي بيخلي الحب دائما باقي

بنت الاسلام يقول...

كل سنة وانت طيب يامارو

وان شاء الله عيد حب سعيد علي الجميع

وفعلا محتاجين اعياد كتيرة

عيد اخوة

وعيد صداقة

محتاجين نحب بعض بصدق

بامانة

باخلاص

بعيد عن

المصالح

والاطماع


ياريت الحب يرجع يملا قلوبنا من تاني

ياريت

وشكرا علي ذكر اسمي يامارو

حقيقي ممنونة ليك كتير

كتيرررررر

حياة تستحق الانقاذ يقول...

ليس هناك فائدة للبحث في موسوعة علميّة عما إذا كان الحب إختياري أم إجباري ، أم أنه قرار قلبي أم عقلي ، فإن الموسوعة لا تدلنا على الطريقة التي يجب علينا الإعتراف بها بما خبأته قلوبنا ، ولن تقول للأم كيف تحب طفلها ولا على الشخص كيف يعامل زميله ، ولكن قراءة ما فكر فيه الآخرون يمكن أن تساعدنا على تشكيل حكمنا الخاص على الحياة

كل يوم سيكون عيدا لو اردنا له ان يكون كذلك
بلا القاب بلا تواريخ معينة وبلا بروتوكولات تحكمنا
دمت بخير وكل يوم وانت بخير واكييد كل يوم وانت بحب

أم المييس

Empress appy يقول...

هابى فلانتيم داى عليك ههههههه
بس انا يا مارو يا اخويا العوب عندى طول السنه ماشاء الله شايفه الحسد هينطق من عنيك
بقولك ايه ممكن اخد الصورة اللى مكتوب عليها لاف دى بعد اذن سياستك يعنى لو سمحت يعنى شوفت الادب هاتجيبها ولا تضرب خلص

غير معرف يقول...

مارو

كل سنة وانت طيب
وهابى فلانتين داى ياسيدى

ايه رايك بقى تعمل عيد حب بجد
وتقضيه مع حد هتحبه جدااااا
وهيحبك جدااااااااا
يمكن لانه محتاج حبك بجد
ده مجرد اقتراح
عيد الحب مع الاطفال فى دار ايتام

وعيد سعيد ياباشا

only spot يقول...

مارو كل سنه وانت طيب وبخير ويا رب ينعم عليك بحياه تكون كلها حب فى حب مع الله ومع كل المحيطين بيك لانك انسان جميل جدا من جواك ومرسيه جدا على تهنئتك وهابى فلانتينزداى
تحياتى

ahmed mefrh يقول...

انت تعرف عدم اعترافى بما يسمى بعيد الحب و لكنى دائما احب العزيز لقلبى و اتمنى له خير حال و فضل من الله
تحياتى ابو مفراح

محمد مارو يقول...

شموس

هو احنا اختلفنا فى ايه بالظبط ؟

محمد مارو يقول...

اه و الله يا بطوط محتاجين اوووووى
اووى اووى اووى
محتاجين نحب بعض بجد

محمد مارو يقول...

او الميس كل عام و انتى بخير

محمد مارو يقول...

ههههههه
اه و الله يا ابى ممكن احسدك
مع انى مش بحسد انا بنق بس

محمد مارو يقول...

ساره فكره حلوه و ممكن اروح ان شاء الله

محمد مارو يقول...

شكرا يا اونلى انتى كان زى العسل

محمد مارو يقول...

ابو مفراح نفسى اعرف ليه

يورو يقول...

كل سنه وانت طيب يا مارو
ينعاد عليكوا بالحب والخير

عمرو سلامة يقول...

كده يعنى يا مارو ... تنسانى ولا تبعتلى رسالة حب .. ده انا باحبك يا راجل .. والله باحبك .. وربنا يديم محبتنا اللى من طرف واحد دى على خير ...
وهابى فلانتين داى يا مارو يا اخويا

احمد الجيزاوى يقول...

كل سنه وانت طيب يا فاضى ورايق على الاخر
طيب هديتى فين وله لزم اكون انا شعرى اصفر وعينى خضرة
علشان تجبلى هديه
هههههههههههههههههه
بس احنا بصراحه مش محتجين اعيد كتير تكون شكليه ويسودة النقاف
لا احنا عوزين حب بجد يكون صمام امان لو عيد واحد فى السنه بس بيحبه بعض احسان من لبنا عندهم 223 عيد فى لسنه وبيحربه بعض
تحياتى

محمد مارو يقول...

عموووووووور
ااااااااسف ياااااااا مااااان
و هابى هلانتينز داى

محمد مارو يقول...

جيزاوى يا مان

انت عارف انك اغلى عندى من ميت عيون خضر و ميت شعر اصفر

و انت عارف انى ماشى يتع مبدا

وقفه الراجل بميت بنت بس ان جات البنت 0000000
كمل انت بئه

غير معرف يقول...

سلاااام
طولت الغياب يا محمد
مع اني ارى ان كل يوم من حياتنا عنوان للحب
اتمنى ان يبقى الجميع أقرب الى من يحبهم

روري

Unknown يقول...

كل سنه و انت طيب و فعلا ياريت كل حياتنا تبقي اعياد ده مش عيب ولا حرام

تحياتي

عروسة ننوسة يقول...

كل سنة وانت طيب صفحتك عجبتنى والصور اكتر

السكندرى يقول...

الأخ المحترم

دينى وإسلامى يحتم على عدم الخروج فى القول وقذف الأخر بكلمات نابية مثلما فعلت أنت فى مدونتى فلن أقول لك إلا السلام عليكم ورحمة الله

أولا دعنى أرد على ما قلته لى فى تعليقك الأخير فى مدونتى

1- أنا مش قذر ولا حقير ولا منافق ولا إمعة أنا عبد من عباد الله الله
ودعنى اقول لك
ســـــــــــلامــا
ويا ريت تقرا بداية سورة المؤمنون وافهمها وحينها ستعلم لماذا أقول لك سلاما

ثانيا لا أعلم عن اى موضوع تتحدث
وإن كنت تقصد موضوع رأيى فى كلام الشباب مع الفتيات فى غرف الشات الذى أثاره معى أحد المدونين وذكر اسمك بأنه وجد اخته مشتركه معكم فى إحدى الغرف ووجدك تستظرف دمك وبتتكلم كلام هايف على حد قوله وقالى أنك من الأخوان ( عليك يعنى) فما كان منى إلا أن نفيت ذلك وقلت أنك لست من الإخوان
واننى ممن يعارضون فكرة كلام الشباب مع الفتيات
فى غرف الشات فى كلام ما أنزل الله به من سلطان
وإن كان هناك من يدعى أنه من الإخوان ويفعل ذلك فدعوة الإسلام منه براء
فضلا عن فهم ونهج الإخوان

وذكرت له موقف شبيه دعت فيه إحدى المدونات الفتيات زوجتى لإحدى هذه الغرف فلم يعجب زوجتى ما حدث فى الغرفة وأعترضت عليه

ثانيا حتة أنك بتصلحلى فى معلوماتى
والله ده شىء كويس
فالحكمة ضالة المؤمن أنى وجدها اخذ بها

وانا لم اعترض على رأيك ولكنى خالفتك فى وجهة النظر وكلامك لم أحذفه لأن ذلك ليس اسلوبى وانا أدعوك لدخول مدونتى مرة اخرى فستجد كلامك كما هو دون تغيير

ثالثا إذا كنت سمحت لنفسك بتعديل معلوماتى

فأرجو ان يتسع صدرك حينما اسمح لنفسى كما سمحت لنفسك فى تعديل بعض معلوماتك

السكندرى يقول...

أنت تعرف من هو الفالنتاين اللى عملت فى مدونتك حفله وعيد على أسمه وبتحتفل بيه انت وأصدقاءك وصديقاتك

اظنك لا تعرفه
لأنك لو تعرفه ما احتفلت به إذا كنت مسلما حقا
اتعلم أنه راهب نصرانى مغضوب عليه من النصارى أنفسهم
والذى اعدم على يد الإمبراطور الرومانى كلوديوس عام 270 ميلادية يوم 14 فبراير

وهو الذى اشتهر بإنشاء علاقات غير شرعية بين الشباب والفتيات
مما اثار الكنيسة عليه

وعلم عنه أيضا أنه وقع فى حب بنت السجان فى السجن الذى سجن به
وهو الشىء المحرم على الرهبان فى عقيدة النصرانية

أى أنه فى عرف وأحكام ديانته ذو خطيئة
فكيف نأتى نحن المسلمون ونحن عندنا عقيدة تسمى عقيدة الولاء والبراء لنحتفل بيوم إعدام ذلك الداعر المسمى بفالنتين

ولا نكتفى بذلك فحسب بل نضع على صفحات مدوناتنا صور تشير إلى جواز العلاقة بين الشاب والفتاة

وارجو ان تراجع مدونتك لترى فيها الكثير من الخروج عن الأداب الشرعية

ودعنى اذكرك بحديث رسول الله من احدث فى ديننا ماليس منه فهو رد

واذكرك بحديث رسول الله أيضا
ليس منا من استن بسنة غيرنا

وأذكرك بموقف عمربن الخطاب حينما بدأ التقويم الهجرى
والذى ما بدأه إلا لكى يكون للمسلمين تقويما يميزهم ويميز هويتهم الإسلامية
عن غيرهم من الضالين

وأحب ان اذكرك بموقف الهندوس والبوذيين فى الهند منذ اعوام ليست ببعيدة حينما وجدوا محال الزهور تبيع الزهور فى الهند فى ذلك اليوم فأحرقوها غضبا لعقيدتهم البوذية والهندوسية لأن ذلك ليس من أعيادهم وهم رأوا فيه تعديا على هويتهم البوذية والهندوسية

أرأيت ماذا فعل عباد البقر غضبا لبقرهم

فما لنا نحن المسلمون لا نغضب لديننا
ولا لرسولنا الذى شتمه عباد الصليب فى الدانمرك الأسبوع الماضى على صفحات جرائدهم

ونحن نحتفل معهم بعيدهم

ولكن دعنى أقول لك

ليس غريبا على من يرى أنه لا حرج فى علاقته بالفتيات عن طريق الإنترنت من أمثالك

ان يدافع عن ما يسمى بعيد الفالنتين
القسيس
المغضوب عليه من الكنيسة
لأن ذلك الراهب الداعر يزكى فعلك ويبيحه فأخذت انت بفتواه لذلك تدافع عنه

أما نقطة انى لا أعلم عن الإسلام شىء فأرجو أن تعلمنى أنت إن كنت تعرف ما لا اعرفه وسأكون وقتها كالتليميذ بين يديك إن صدقت

وانت تقول لى أنه ليس من الإسلام أن تتكلم على أحد فى غيابه وهذا صحيح

فدعنى اسألك
هل من الإسلام أن تسب وتلعن فى من تخالفه الرأى

والنبى صلى الله عليه وسلم هو القائل
ليس المسلم بسباب ولا لعان

وقال
المسلم من سلم المسلمون من لسانه ويده


أخى المحترم جدا

إذا كنت تقول أنك مستعد للمواجهة وإذا كنت تشكك فى جرأتى على مواجهتك

فها أنا أدعوك لعمل كونفرنس وادعو كل مدونى مصر بل العالم وبكل اللغات
فساكون بعون الله جديرا بالرد عليك
وبكل اللغات التى تحبها

فقد من الله على بأن جعلنى فى تعداد المتعلمين لا العلماء
فهذا شرف لا أدعيه

واجعل الناس يحكمون بيننا

وانا عندى من الشجاعة والأدب ما يجعلنى اقبل على راسك لو اثبت اننى اخطات فى حقك


فلتحدد موعد ذلك الكونفرانس وتواجهنى كما عرضت
وانا على اتم الإستعداد


ولن اقول لك
إلا كما قال الشافعى

دع الس....يقول ملء فيه
ما ضر نهر الفرات
أن خاض بعض ....فيه

واختم ردى ب

ســـــــلاما

السكندرى

Hosam Yahia حسام يحيى يقول...

اخى السكندرى


وعليكم السلام ورحمه الله وبركاته
الاخوان ضد عيد الحب اصلا
وبينوا رايهم فيه كتير
و الاخوان لايستظرفون دمهم يتكلمون كلام هايف والاخ مارو مش من الاخوان اصلا

احنا مش بنتنصل منه وانا اصلا مش عارف هو قال ايه
وانا مع حضرتك فى ان الاختلاط محرم
مادام فيه استظراف وخفه دم
وبعدين الشباب والفتيات اما يكلموا فى الكلام الفاضى يبقى ده عيب

لكن اما يكلموا فى الجد وفى حاجات تخدم التدوين يبقى ده ايه اللى حرمه

Soooo يقول...

خبر ايه يا مارو
انا ياعم عشمت نفسي بعد ما شفتك اني هشوف عشرتاشر موضوع في الحياه

بس تصدق .. بيني وبينك كده
كلامك مظبوط والله
وفعلا مافيهاش حاجه لما مابيننا وبين بعض ننسى كل مشاكلنا في الحياه .. ولو ليوم واحد
ونعرف ازاي نحب بجد




سلامووووووووووز

غير معرف يقول...

ندعوك ان تشاركونا مناقشة هذه الموضوعات في مدونتنا الجديدة

الكتلة الإسلامية


http://alukah.maktoobblog.com/?post=842258
-------

مسرحيّة (البحث عن معتصم)


http://alukah.maktoobblog.com/?post=842218

ولكم منا أطيب التحية

حمادة زيدان يقول...

مارو حبيبي
انا أسف طبعاً على التأخير ده كله بس انا طبعاً السنة كلها عندى حب يعني مش هاتفرق في أي يوم أقولك كل حب وانت طيب
أخوك
حمادة زيدان

حمادة زيدان يقول...

مارو نسيت أؤلك أنه لازم كلنا نؤل لبعض كل حب وانتم طيبين خاصة لو كانت كل الناس زيك يا جميل
كل حب
وانت
مارو مورتي