الأحد، ٦ يناير ٢٠٠٨

وزير التعليم نسى عيد راس السنه الهجريه و افتكر عيد الكرسماس

شهد الشارع المصرى اليوم هرج و مرج بين الكبير و الصغير بسبب وزارة التربيه و التعليم
فكما يعلم الجميع
ان هذه الايام هى امتحانات النقل للصفوف الابتدائيه
و ايضا معلوم ان جدول الامتحانات تم وضعه مسبقا و تم اخذ فى الاعتبار اياد الاخوه المسيحين
لكنهم للاسف نسيوا اعياد الاخوه الملسمين
و تم وضع الجدول ليكون الاربعاء القادم
هو ميعاد امتحان ماده الحساب للصف الرابع و الخامس و لكنهم نسيوا ان هذا اليوم احتمال يكون اجازه بسبب راس السنه الهجريه
و بالفعل قد كان
و اصبح هو بدايه راس السنه الهجريه و بناء عليه لابد ان يكون هذا اليوم اجازه رسميه
مما ادى الى حدوث نوع من الهرج فى الشارع المصرى
هل يذهب الاطفال الى المدارس للامتحان يوم الاربعاء ام لا ؟
و اضطر الاهالى الى الذاهب للمدرسين الاقرب لهم و يسالونهم هل اجازه ام لا ؟
و ايضا تم اللجو الى الجوامع لاعلان ان الاربعاء ان شاء الله اجازه رسميه
ده اقوى دليل على ان سياستنا بتمشى بالبركه يعنى الوزير قال بركاوى كده نخلى الامتحانات الاربعاء ان كان اجازه نعلن و ان لم يكن نعتذر
بس هو مش اعتذر

هناك ١٧ تعليقًا:

الشريف / جمال طة يقول...
أزال أحد مشرفي المدونة هذا التعليق.
عصفور المدينة يقول...

ما اظنش يا محمد إن دي بركة احنا لما بنيجي نخطط أ يمشروع بنكون حاطين جدول الأجازات قدامنا يبدو إنها مقصودة جدا مش بالبركة
على فكرة نسيت أقولك إيميلي في البروفايل

يورو يقول...

احنا فى دوله علمانيه
والوزير مسئول فى الدوله

يبئا عيب اوى لو نصل نفسه من العلمانيه

أخـــ مسلمة ـــت يقول...

طبعا السيد الوزير فاكر الكريسماس علشان بيحتفل بيه

انما أول السنة الهجرية هيحتفل بيه ليه؟

أصل المسلمين بقوا أقلية في مصر

حسبنا الله و نعم الوكيل

Unknown يقول...

لاحول ولاقوه الابالله
الواحد مش عارف يقول ايه
عشوائيه/اهمال/ضياع /لامبالاه/عدم تخطيط/تخبط /بلاهه/تبلد
ناقص ايه تاني وحش مقولناهوش في البلد دي
الله المستعان
وجزاكم الله خير اخي الكريم

Bella يقول...

في سنة من السنين قامت ادارة احدى الكليات العبقرية في بلدنا بوضع جدول امتحان كان فيه امتحانات يومي الوقفة واول ايام العيد

طيب افهم انهم يتلخبطوا في الوقفة علشان لسه الرؤيا ماحددتش

طيب واول ايام العيد

ليه مايكونش الكام يوم اللى قريبين من اواخر رمضان اجازة اصلا

قعدوا طبعا في حيص بيص يدوروا يبلغوا الطلبة ازاي بلتعديل

الغريب ان العالم فضلت نايمة لغاية ماواحد من الوكلاء تنبه لهذا الخطأ الفادح وقعدوا يعقدوا لجان ويناقشوا ويبحثوا
واضطروا يبلغوا الطلبة عن طريق اقسام البوليس التابعين لها خاصة الطلبة اللى من اقاليم

ومافيش داعي اقول اسم الكلية دي احسن يحصل لكم صدمة تعليمية حادة

مهندس مصري بيحب مصر يقول...

طيب و ايه يعني اذا كنت أنا فاكر من 4 أو 5 سنين لغوا أجازة رأس السنة الهجرية في سنة مرة واحدة و رحنا يوميها الشغل عادي
و دي أنا فاكرها كويس و ساعتها كنا كلنا حنطق من الغيظ
بس ما إتكررتش بعد كده

عدى النهار يقول...

كان فيه مؤتمر كبير للأمم المتحدة خاص بالسكان عقد بالقاهرة منذ سنوات ، جلسات المؤتمر توقفت يومي السبت والأحد أما يوم الجمعة فلا أدرى إن كانوا حتى عطلوا الجلسات أثناء صلاة الجمعة

هو هوان على رغبة فى التخفف من وجود المظهر الإسلامى بأى شكل على بلاوى تانية كتير

غير معرف يقول...

كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا

only spot يقول...

والله يا مارو انا الى من المتضررين لتلك اللخبطه والذبذبه ونزلت وكل الناس فى بيوتهم نايمين عشان امتحن بس سيبك كل سنه وانت طيب
اهو ده التميز غيرنا متميز بتقدمه واحنا متميزين ولا بلاش خليها فى سرنا
تحياتى

DR.HAMAS يقول...

على فكرة فى احدى الكليات هنا

قالولهم ان حتى لو كان الاربعاء أجازة

ففيه امتحان برضه

و الطلبة راحوا الامتحان

لقوا مفيش امتحان

و قالولهم جه لنا فاكس بالليل انه مفيش امتحانات النهاردة

يلا روحوا


د.حمـــــــاس

nosha يقول...

يعني هو إنت يا مارو أول مرة تعرف إن بلدك ماشية شمال والناس اللي على الكراسي بها؟؟؟ وماشيين بالسلطة والهيصة صلي على النبي في قلبك يا مارو وإحمد ربك إن الوزير مخلاش الامتحانات يوم الجمعة
تحياتي ليك ياصاحبي

ابن رشد يقول...

رائع و الله مش عاملين حساب راس السنة الهجرية
ما هم اساسا الحكومة ما تعرفش يعني اية اسلام هتعمل حساب السنة الهجرية ازاي
ارحمنا بقى يا رب

Eman Eltaher يقول...

ههههههههههههه
فعلا شئ يدعو للدهشة !! مع اننا مجتمع اسلامى ف الأصل الا اننا بنحتفل بالكريسماس و بننسى العيد النبوى و ذكرى ميلاد و ذكرى هجرة الرسول

ياللا ربنا يهديه و يهدينا أجمعين

تحياتى ع البوست
أنتظر زيارتك لمدونتى

شباب روش طحن يقول...

بصراحة انا شايف إن من مش من المروض ان رأس السنة الهجرية يكون أجازة اساسا بس وبما انه أجازة اساسا اعتقد انه كان من المفروض يكون في تخطيط أفضل من كده

يمكن قالوا دول إبتدائي مش مهم يعني
loooooooooooooooooooooooool

مدحت محمد يقول...

اعتقد انت لو سالتو يامحمد يعنى ايه سنة هجرية دى
ياعمى هى جت على السنة الهجرية
دول ناقص يحطو صليب على العلم

walaa يقول...

دى ناس بتخاف من ماما امريكا وبتعمل

حساب ليها اما انا ان شا لله نولع بجاز
هو تلاقيه بيصلى اساسا علشان نعرف فى سنه هجريه ولا لا
ولاء