الأربعاء، ١٠ أكتوبر ٢٠٠٧

الذكرى السنويه الاولى للتحرش الجنسى

كل عام و انتم طيببين و عن التحرش الجنس مبعودين
ايام قليله جدا و ينقضى شهر رمضان المبارك و تنتهى فرصه الاغتنام بالحسنات و النفحات العطره
و برضه ايام قليله و يحل علينا شوال بفرحته و بهجته و عيده و لبس الجديد و انطلاق و بهجه الاطفال
ومعاه و تحل علينا الذكرى السنويه الاولى لفضيحه التحرش الجنس فى وسط البلد بالقاهره
و الان انا ببعت دعوه
دعوه لكل فاسق
دعوه لكل منافق
دعوه لكل منحل
و برضه دعوه لكل فتاه مستفزه
مستهتره سواء فى لبسها او فى حركاتها او فى كلامها
يالله دعوه ليكم كلكم
الوقت بتاعكم اهو جه اهوه
و لا الافضل ان كل شاب و كل فتاه تتصرف بطريقه افضل مما نراها فى الشوارع
يا شباب
بدل ما نتحرش ببناتنا و نساعد ع انشار التحرش تعالوا نحافظ عليهم
البنت دى اختى و بنتى و بنت اخى وبنت اختى
عارف ان كتير هيقولوا ياعم مارو هى دى مناسبه تفكرنا بيها اقول لازم نفتكرها ع شان نتعلم من اللى حصل
مع انى واثق ان التحرش ده بيحصل كل يوم لاء كل ساعه لاء كل دقيقه لاء ده بيحصل كل لحظه فى كل مكان و فى كل وقت
و كمان بيحصل فى نهار و ليل رمضان الكريم
بس الضجه اللى حصلت كانت ع شان اللى حصل وسط البلد
ع العموم كل سنه و انتم طيبيبن و عن التحرش مبعودين

هناك ٣٠ تعليقًا:

ابن رشد يقول...

يعني يا مارو سبت الذكريات كلها و ما اتكلمتش الا عن التحرش بتقلبعلينا المواجع لية يا حمادة

ابن رشد يقول...

على فكرة انا اول تعليق

mohammed alsha3r يقول...

مارو
مشكور على التذكرة
وعجبنى اووى

ان كل واحد فينا يحس ان اللى ماشيه فى الشارع دى أمه .. أخته .. بنته

ياسيدى ربنا يكرمك
ويبعدنا واياك وكل اهلنا منا التحرش

محمد مارو يقول...

شمس الشموس لازم نفتكره يا قمر ع شان نتعلم من اللى حصل و مش يتكرر تانى

Monzer يقول...

هههههههههههههه
باه كده يا مرو
جايبنا هنا
وبعد كده
دعوة لكل فاسق وكل داعر ومش عارف ايه
احرجتى يا رجل

لكن صح
ذكر فغن الذكرى تنفع المؤمنون

Unknown يقول...

ايه يا عم جيت علي الجرح
بس بجد الموضوع ده مهم اوي اوي و ياريت الناس تحترم نفسها
انا معاك في كل كلمه

غير معرف يقول...

ربنا يستر

ومايحصل زي السنة الي فاتت

بس انا عاوزة ااقول يامارو

ان ده مش حدث اكتر ماهو نتيجة

لمعطيات سابقة

فساد في البيوت
في الاعلام
في الافلام

يعني من الاخر
فساد خلقي

لو كل بنت احترمت نفسها

وكل شاب اتقي ربنا

ما اعتقدش ابدا ان ممكن يمس اخت ليه باي سوء

بالعكس هيحميها وهيدافع عنها

الحل في العودة لاخلاق المسلمين ...المصريين... العرب


مش هنعيد السنة دي يعني ولا ايه.

محمد مارو يقول...

يا منذر اكتب الايه صح

محمد مارو يقول...

اهلا بيكى ايمى و نفسى فى ايميلك

محمد مارو يقول...

طبعا هيحميها يا بطه لو كان عنده غيره الاسلام

غير معرف يقول...

ربنا يستر السنادى حااكم فيه واحد بيدعو لمظاهره فى شارع صلاح سالمها ودى مشكله الزحمه هاتبقى للركب والتحرش هازيد والامن يقفش فى الناس واشتبهات ويلبسو اى واحد تهمه التحرش لانثى وتبقى ماليطه

غير معرف يقول...

بسم الله
أنا بجد بشكرك على البوست ده
عشان الحاجة دي أكتر حاجة مخوفاني
من العيد في القاهرة
ربنا يستر
كل سنة وإنت طيب
منى

غير معرف يقول...

كل تحرش وانت طيب
على فكرة موضوع التحرش ده كان ضغط على الشباب من المناظر الفظيعة اللى بيشوفها من البنات , س بردة احنا مش في غابة والشباب لازم يلتزموا لأنهم لو التزموا هايغضوا البصر , والبنات بردة المفروض يلبسوا حشمة شوية عن كدة
على العموم كل سنة وانت طيب بمناسبة العيد , وعيد سعيد عمنا ماروا
أخوك حمادة زيدان

مـحـمـد مـفـيـد يقول...

السلام عليكم
أخي العزيز
كل عام وانت بخير
وعيد سعيد عليك وعلي الاسره جميعا
وربنا يجعلك من المقبولين في رمضان ومن الذين أعتقوا في هذا الشهر العظيم
وان يديم عليك نعمه الصحه وراحه البال

محمد مارو يقول...

شرقاوى اهلا بيك فينك من زمان

محمد مارو يقول...

و انتى طيبه يا وحدانيه

محمد مارو يقول...

محمد مفيد
امين يا رب العالمين

غير معرف يقول...

السلام عليكم ورحمة الله وبركاتة

كويس أنك فكرتنى هقولك خبر هيبسطك

الحكومة المصونة قرر ان فى العيد

هينزلوا مخبرين سرين فى الحدائق

والمتنزهات وفى الشارع يعنى

هيبقى ليهم عين دا أذا كانوا معميوش لسة

أرسل تحية بقى للعادلى

وربنا يحافظ على الأمة الأسلامية أجمع

وكل سنة وأنت طيب ياطيب

nour el 3ozamaa يقول...

كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره

تحياتى لكل عظيم وعظيمه

انـتــصار عــبـد الــمـنـعـم يقول...

أستاذ محمد
كل عام وأنت بألف خير وصحة وسلام
وعيد سعيد

el_assel يقول...

كل سنـة وانت طيب
وعـــيد سعيـــد

احمد الجيزاوى يقول...

فكك من التحرش وخليك فى العيد اهو موسم التحرش نفسه
كل عام وانت بخير
وعيد سعيد عليك وعلي الاسره جميعا
وربنا يجعلك من المقبولين في رمضان ومن الذين أعتقوا في هذا الشهر العظيم
احمد الجيزاوى

صانعة الحرية يقول...

السلام عليكم ورحمة الله وبركاته
كل سنه وحضرتك بخير وكل سنه وحضرتك لربك طائع ولنبيك تابع ولراية الاسلام رافع
الموضوع جميل
بس اخى الاعلام له دور كبير جدا
وكمان احنا كاخوات
بالله عليك
انا لو نزلت بعبايتى وخمارى والجوانتى بتاعى وكمان شرابى يعنى مش باين منى غير وشى وكمان مش حطه فى وشى حاجه وبلتزم بالضوابط الشرعيه سواء فى لبسى او فى مشيتى او فى كلامى فى الشارع هل يتجرااحد انه بس يبص لى
اخى يقول الله تعالى
"يا ايها النبى قل لازواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين"
يعنى يعرف انهن مؤمنات ملتزمات فلا يؤذيهم احد
ان الله لا يغير ما بقوم حتى يغيروا ما بانفسهم
كل واحد يبدا بنفسه الاخوه يمشوا محترمين ولبصرهم غاضين وكذلك الاخوات يرتدين زيهم الاسلامى ولا يتبرجن ويغضضن ابصارهن
انا عايزه اقول حاجه








الاسلام هو الحل
والله الاسلام هو الحل

اسلام رفاعى يقول...

ليه قلبت علينا المواجع يلا مش مهم
..................
كل عام وانتم بخيربمناسبة عيد الفطر المبارك
تقبل الله منا ومنكم

اسامة يس يقول...

كل سنة وانت طيب.. وعيد سعيد عليك
ولان الذي حدث ناقوس خطر فيجب ان يتم حل الاسباب التي دعت اليه .. لان بالفعل مش مجرد الايام عدت يبقى خلاص مش هيتكرر ..
وربنا يستر
..
وللعلم الامر مش بس انحلال اخلاقي زي ما الكتير فاهمين الامر اكبر كبت الحريات والاستبداد المستمر ...
خالص التحية

محمد مارو يقول...

كل عام و انت بخير يا اسامه

محمد مارو يقول...

كل عام و انت بخير يا اسلام

محمد مارو يقول...

شكرا جدا يا ساره

محمد مارو يقول...

جيزاوى احلى تحيه و حمدا لله ع سلامتك

محمد مارو يقول...

استاذه انتصار كل سنه و انتى طيبه