الأربعاء، ٣ أكتوبر ٢٠٠٧

مهزله فى الازهر

تماشيا مع مسلسل المهازل اليوميه و اللى تقريبا هنتعود عليها فى مصر
فى مهزله بتحصل و من راى دى مش ينفع السكات عليها
اخر مهازل الازهر الشريف
اللى عاوز يمحو الهويه الدينيه لمصرنا
الازهر اللى المفروض انه من اكبر المؤسسات الدينيه فى العالم العربى و الاسلامى كمان و اللى بيخرج سنويا مئات بل الاف من الدعاه ومن المسلمين
طلع النهارده بقرار غريب جدا
انا عن نفسى مستغربه
القرار بيقول
انه هيلغى مادة الفقه ( المذاهب الاربعه ) و هينزل فقه اسمه الفقه الميسر
بتاع محمد سيد طنطاوى
انا عن نفسى معرفش حد بالاسم ده
او مين الراجل ده اللى يشيلوا اهم علماء الاسلام و يحطوا الفقه بتاعه
بيقولوا ال ايه ده شيخ الازهر
هههههههههههههههه
شيخ الازهر اللى والله ما بقتنع باى كلمه بيقولها لا هو و لا مفتى الجمهوريه اللى اسمه على جمعه
و فى الاخر اقول احنا السبب
و حسابنا عسير
لاننا سكتنا ع حاجات كتيييييييييييييييييييييييييييير
ودى النتيجه
من اللى سكتنا عليه
اولا لما خلوا الدين خارج المجموع
( ثانيا لما تم ألغاء ماده الدين و نزل بدالها الاخلاق الحميده ( هههههه اخلاق حميده ومنع الختان مش فاهم ازاى الاتنين مع بعض )
والخاتمه اهوه بيمنعوا فقهاء الاسلام و بيجيبوا واحد من النظام
يالله انا حاسس انهم هيقولوا بعد كده الصلاة كفايه مرة واحده فى اليوم و هيجيبوا 100 دليل ع صحة كلامهم مدام احنا ساكتين

هناك ٣٦ تعليقًا:

ابن رشد يقول...

اقلك اية بس يا مارو
" ان الله لا يغير ما بقوم حتى يغيروا ما بانفسهم"

بس احنا كلنا شوية ابقاق فضية

حسام مراد يقول...

بعد السلام عليكم


على فكره الفقه الميسر لفضيله الشيخ محمد سيد طنطاوى ده من زماااااااااااااااااااان

وانا درسته فى اعدادى وفى بدايات ثانوى
ومش كده وبس لا ده فى تفسير قران كمان لفضيله الشيخ
يعنى الموضوع مش جديد اوى

فى حاجه لسه ماقولتهاش هما بيدرسوا ده فى سنين معينه وفقه الامه الاربعه فى سنين تانيه وغير كده الفقه الميسر ده فيه الائمه الاربعه

تحياتى ليك
شغال

د محمد يوسف يقول...

أخى ماروا
هذا من باب سياسة تجفيف المنابع التى تبنتها الادارة الأمريكية تمهيدا لالغاء التعليم الاسلامى برمته من مصر
جزاكم الله خيرا لهذا التنويه
وللعلم أرسل المهندس ابراهيم أبو عوف عضو مجلس الشعب عن دائرة منية النصر بسؤال برلمانى لرئيس الوزراء حول هذا الموضوع

Monzer يقول...

صحيح يا مارو
مين سيد طنطاوى ده
علشان يشيلوا المذاهب الأربعة
ويحطه كتاب ليه

كله عك فى عك
وآدى الناس ولا حاسة بحاجة

Monzer يقول...

آه صحيح يا مارو
ياريت تحط اللينك الىعرفت منه الخبر ده
أو الجريدة الى نشرته
نطلع على كل التفاصيل
مشكرين يا لوووووووز

غير معرف يقول...

براحة براحة
الموضوع فعلا قديم جدا
وبعدين أنتو بتدفعوا عن إيه
طبعا هتقولوا الدين الإسلامي
لأ
الصح أنكوا بتدفعوا عن مذهب أهل السنة في الفقه الإسلامي
وخلو بالكوا المذهب ليس هو الدين
أه
الحقيقة المشكلة كبيرة جدا
ولا يمكن شرحها في كلمتين
الي يحب يفهم وعند استعداد يبحث ممكن يدخل يقرأ في الموقع ده
www.feqhelquran.com
وحقا يا شمس " إن الله لا يغير ما بقوم حتي يغيروا ما بأنفسهم"
ولكن ما نوعية التغيير المطلوبة ومن من ..؟؟؟ هذا هو السؤال
تحياتي

Unknown يقول...

الساكت يستاهل اكتر من كده طول ما الشعب ماشي جني الحيطه يستاهل ياجد علي دماغه
حاجه زي دي ماينفعش تحصل
شيخ ازهر اه بس لايقارن بعلماء الفقه
ما يمكن الازهر بينكت مه الشعب و احنا فهمنا غلط

محمد مارو يقول...

شمس
كلنا فعلا ابقاق بس لازم نعمل حاجه

محمد مارو يقول...

حسام
و عليكم السلام و رحمه الله و بركاته
ديما بتنور مدونتى يا سمسم بكلام مهم
انا عن نفسى معرفش الموضوع غير من ساعات من واحد صاحبى اه هو بيقول ان الفقه متشال من اعدادى بس لسه شيلينه ن ثانوى يعنى الامر بالتدريج اهوه و مخطط له اهوه
و بما انك تعرف و مش اتكلمت ده فى حد ذاته خطا

محمد مارو يقول...

معاك و الله يا دكتور
ما امريكا كانت طالبت بالغاء الازهر بس مبارك رد و قال مش مرةواحده

محمد مارو يقول...

منذر اللوز
انا عرفت الموضوع من واحد صاحبى و من كلام الناس اللى بتشغل فى الازهر
يعنى ممكن تقول سبق تدوينى

محمد مارو يقول...

شكرا يا رغده للايفاده بالمعلومات و اللينك
ثم ان فى حاجه تانيه
لما يلغوا الثوابت الاسلاميه و فقه المذاهب الاربعه و يجيبوا فقه جديد اسمه الميسر
معنى كده انهم بيضحكوا علينا
و بيغيروا فى الاسلام

محمد مارو يقول...

يا رب يا ا emy يكون بينكت فعلا
بس ده امر مخطط له من زمااااااااااان

غير معرف يقول...

قال رسول الله صلي الله عليه وسلم

تركت فيكم ما ان تمسكتم به لن تضلوا بعدي ابدا كتاب الله وسنتي


صدق رسول الله

نتمني نبعد عن الخلاف والصدام

ونتخذ من كتاب الله حجة ومن سنته برهان


والائمة الاربعه فقههم اجتهاد واختلافهم ثراء

اما ان ياتي شخص

ليفرض علينا فقه ويلغي به فقه من سبقه

فليقدم لنا دلاءله وليشرح لنا لما اتخذ هذا القرار

ياناس

الدين مش لعبة

والله الي بيحصل ده حرام

انـتــصار عــبـد الــمـنـعـم يقول...

أستاذ محمد
طبعا كل هذا للحصول على رضا ست الكل ماما أمريكا
التي ترى في تدريس الدين تطرفا
وتسعى للتدخل في مناهج التعليم كما يحدث عندنا وفي المملكة العربية السعودية
كل عام وأنت بألف خير
وأجارنا الله في مصيبتنا في بعض علماء الأزهر

غير معرف يقول...

ماروا باشا
يبني انت نايم في العسل ......... الفقة الميسر ده نازل من زمن طويل , انت الظاهر بعيد أوى عن الأزهر الشريف ومعندكش حد بيدرس فيه , أصل أنا يبني البيت معظمه للأسف أزهري.ههههههههههههههههههههههههههه
بالتوفيق يبني في الأمتحانات
حمادة زيدان

سارة يقول...

والله نستاهل اكتر من كدة

لا حول ولا قوة الا بالله

ربنا يهدينا ويصلح احوالنا احنا الاول بعدين هما

مصرية يقول...

والله يا مارو هى زىما أنت قلت
دول مش بس ها يخففوا الصلاة دول لاغوها
الاعتكاف والتراويح بالطايق والا ها تروح تعتكف فىامن الدولة
وعلى رأى دكتور عبد الالقزهران ممكن السنة اللى جاية يلغوا رمضان
الله يسمحك يا مارو
هى كانت ناقصة سواد
مصرية

محمد مارو يقول...

شيماء
انا مش عارف ادخل مدونتك من فتره
كل ما ادخل يقولى غير مسرح

عمرو سلامة يقول...

مش ده طنطاوى لمنافق اللى طلع فتوى يحرم كل من لا يذهب للاسفتاء ... مش ده طنطاوى اللى راح فرنسا وقال الحجاب مش فرض ... مش ده طنطاوى اللى هو المفروض شيخ الازهر ومسؤل عن الىل بيحصل فى جامعه الازهر وما يحدث فيها من فصل وتأديب وكتم للحريات ... مش ده الشيخ اللى بيدعى لحسنى مبارك فى كل صلاه بالشفا ... عايز ايه منه بعد كده يا مااااارو ... لا مؤاخذه يعنى ... عايز ايه من واحد منافق زى ده اللى انا باعتبره صهيو امريكى ... ابن الــ
يلا احنا فى رمضان يا مارو .. ونرفزتنى الله يخرب بيت اليهود يا شيخ ...
سلاموز بالموز يا حبى

مـحـمـد مـفـيـد يقول...

والله هي مرحله لمحو الثقافه الدسينيه داخل الطلبه وحمله تبدأ رويدا ًرويدأً
اللهم لارحمنا

محمد مارو يقول...

عندك حق و الله يا عمرو كل كلمه معاك حق فيها

محمد مارو يقول...

اللهم امين يا محمد

hekaytna يقول...

هاهوأبو بكرالصديق-رضي الله عنه- خليفة رسول الله يقرر في أول خطبة له قال الخليفة أبو بكر الصديق : " إني وليت عليكم ولست بخيركم فإن رأيتموني على حق فأعينوني ، وإن رأيتموني على باطل فقوموني . أطيعوني ما أطعت الله فيكم فإن عصيته فلا طاعة لي عليكم .. ألخ", وهذا رجل قال لعمر بن الخطاب -رضي الله عنه- بعد توليه الخلافة " والله لو رأينا فيك اعوجاجاً لقومناك بسيوفنا " فقال عمر " الحمد لله الذي جعل في أمة محمد من يقوم عمر بسيفه " وقال " لا خير فيكم إن لم تقولوها ولا خير فينا إن لم نسمعها هل يقول شيخ الازهر لرئيسنا المحبوب مثل هذا الكلام ام انه سيصدر له فتوي باجازة عبادته في الارض كما فعل المصري القديم بوضع نظرية الاله الحاكم " .

mahmoud يقول...

علي فكرة انا داخل اصلان اعلق علي رايك ف موضوع المسلسل بتاع راي عام بس ف الاول هعلق علي الموضوع
بالنسبة للموضوع " انا مش عارف هيوصلونا لغاية فين بالي بيعملوه ده دول بيتدخلو الدين ف السياسة " ربنا يرحم
بالنسبة للمسلسل
متخليش الحبكة الدرامية تنسيك انك ف مصر وان ده صعب شوية انه يحصل الوزير كان ممكن يبططها من المباحث واصلان مش كل الظباط زي الظابط الي قابل يسرا
ومتنساش ان المخرج عايز كده
ف الاخر احب اقولك ربنا معاك ولتقدم كمان وكمان

اسامة يس يقول...

فرق كبير بين ان تدرس المذاهب الاربعة لتتعلم ولتكون تابعاً لها ... وهذا سيجعلنا نخوض في حديث اظنه خارج السياق ... لكن طبعا هتقولي ايه هوه عد فيه ازهر اساسا ولا في علم ... الموضوع بقى فراغ وسبوبه وتجارة وفقهاء الفضائيات والكمبيوتر والحزب الوطني ... وسبحان الله لما يكون واحد زي دا يتكلم في فقه هوه اساسا بيفقه شيء ...
لك التحية

حسن مدني يقول...

أيا كان شخص أو علم شيخ الأزهر الحالي
يظل فقه المذاهب الأربعة هو أصل الفقه الإسلامي
وإلغاء الفقه عل المذاهب الأربعة، خخطوة لتفريغ خريجي الأزهر من فهم الفقه، تمهيدا لإزالة الفقه الإسلامي كله، وإحلال الفقه الأمريكي، أو أي فقه من أي مكان.
طبعا هما لو قدروا يلغوا الصلاة مش حيتأخروا!!
ولكن يمكرون ويمكر الله
تحياتي

nour el 3ozamaa يقول...

ادعوك لزيارة مدونتي والاطلاع علي قصيدة مبارك يا من ذا الذي في مصر الجديده
شكرا

مصطفى محمود يقول...

يامارو هدى نفسك ...خليك واقعى الدين الرسمى والاعلامى بتاعهم وكدة وكدة طنطاوى محدش بيطقية وفاهمين اولة واخرة اية ...بصراحة انا مش شايف جديد فى الموضوع دة .


( واية يبنى السواد اللى انت عملتة دة هى ناقصة اكتئاب يا مارو فكها يعمنا )

mthlykaweyy يقول...

ازيك ياماور
معلش انا كنت نايم لما بعتلى الرساله وصحيت متاخر شويه بس لما دخلت على النت
ملاتكش
وسبتلك رساله

اما عن موضوعك

فهما معروفين بس عاوز اقولك ان الدين فعلا هو علاقه بين الانسان وربه

مش المفروض انه يتخطى ده

او يتحكم فى مصير الناس

ده راى حتى لو كنت مختلف معايه

وهتصل بيك اما اشحن
شكرا

مثلى قوى

غير معرف يقول...

إيه ؟؟
هو المحروس منزل كتاب ؟؟
وكمان هيشيلوا ال...؟؟؟
أيووووووه يا جدعان
منهم لله
منهم لله

ابن رشد يقول...

عمو مارو عمو مارو انت فكيت الحجب طب اكتب بوست جديد بسرعة

عصفور اسكندرية يقول...

تم تغيير الميعاد
لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين
وحضور ابراهيم عيسي
فرصه حقيقيه ليجتمع المدونين مع بعضهم البعض

ويعلنوا تضامنهم مع حرية الصحافه والكلمه في مصر

موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية

اعلن عنا في مدونتك

مدونه يلا نفضحهم

ibn nasser - ابن ناصر يقول...

لا حول الله
لعنة الله
..
تحياتي

غير معرف يقول...

خير الكلام ما قل ودل لنا الله واحنا نستاهل لاننا بنشارك فى الهاذل دى ولو بالسكوت على الغلط

احمد الجيزاوى يقول...

لو الموضوع دة بجد يبقه هذة علامه من علامات القيامه لمهة التافه يتكلم وياخز برايه ويترك راى العلماء دة اكيد علامه من علامات يوم القيامه
احمد الجيزاوى