الأربعاء، ١ أغسطس ٢٠٠٧

اصله مينفعش

يا جماعه اصله مينفعش انتم كنتم متوقعين ايه ؟
ده السيناريو المتوقع اصلا
مينفعش ان رئيس اكبر دوله فى العالم (رئيس العالم اصلا ) يجى فى مؤتمر صحفى امام العالم و يطالب و يقول للحكومه المصريه افرجوا عن ايمن نور
فين بئه سياده الدوله ؟
ده كده اضر بنور مش خدمه حتى لو مبارك كان فى نيته الافراج عن نور مش هيفرج عنه الان
بسبب بوش
و طبعا نو اتحبس و رفض طلب الافراج الصحى عنه
بس على شان اكون منصف
لو اللى كان محبوس واحد امريكى كان من اول مكلمه تليفون كان تم الافراج عنه
بس اللى محبوس واحد مصرى و مش اى مصرى ده مصرى اتهم مبارك و علاء علنيا بالسرقه و قالى انا هحطكم مكانى
ع شان كده احنا من حقنا ندعك و نمرمط و نبهدل فى المواطنين لكن لو فراش امريكى او حتى بطلطجى امريكى او اى مصيبه امريكى مكنش فضل فى السجن يوم و لو كان دخل كان طبعا هيدخل سجن كبار السجناء
ههههههههههههه ع وزن كبار الزوار
و على فكره انا مش مع الافراج عنه
و شكرا
محمد مارو

هناك ١١ تعليقًا:

غير معرف يقول...

بصراحه حركه بوش دة فكرتنى بدبه التى قتلت صحبه
بس معروف انى الغد وايمن نور وللبرلين عموما حبيب امريكه
احمد الجيزاوى

محمد مارو يقول...

هو حبيب امريكا و انت حبيبى هههههههههه

غير معرف يقول...

هو مين اللي حبيب أمريكا
أمريكا أصلا ما بتحبش أي عربي
حتى لو كان بيسمع كلامهم فدا حب مؤقت
وأدينا شفنا صدام واللي حصل له
تحياتي

Monzer يقول...

الى متغطى بأمريكا عريان م الآخر
والى متغطى بالنظام ده عريان
وبرده المواطنين عريانين لما بمذاجهم أو غصب عنهم
وطبعا البنات عريانة حر وبتاع وقلة أدب
وغصب عنهم علشان مش لاقيين يلبسوا !!!
كلها دايرة وعاوزة الحرق والله يا مارو
الله يجازيهم كلهم

غير معرف يقول...

اخى الفاضل
كل الشكر لك وان كنت لا اريد ان اتكلم فى موضوع الدكتور ايمن لان فيه حاجات كثير لا نعرفها فاحسن حاجة نعملها نسكت
ده رايى
اخى الفاضل
لك كل التحية
فى انتظارك موضوع شيق بمدونتى برجاء الزيارة وان اعجبتك المدونة لا تترددى فى ترشيحها ضمن افضل 100 مدونة بالضغط على زر الرقم اعلى الصورة
كل الشكر وفى انتظار تشريفكم لنا

عصفور المدينة يقول...

أرى فعلا أن المواضيع فيها خفايا وتوازنات وواتفاقات لا نعلمها

محمد مارو يقول...

اخى اعصار الحق اخى منذر هو انا قلت انه متغطى بامريكا زى ما اعصار الحق بيقول امريكا مش عوزه اى عربى
و مش بتحبنا

محمد مارو يقول...

انا مش عارف ايه اللى ممكن يكون مستخبى فى الموضوع ده
ده موضوع معارضه يعنى لو فى اى امور كانوا فضحوا بعض

mohand يقول...

السلام عليكم

انا وبصراحه كده منتخبتش ايمن نور

ولو دخل تاني ميلون مره مش هنتخبه
ومش هنتخب اي حد علماني وتابع لامريكا

وعايز اقول معلومه كمان
ايمن نور قبل ما يرشح نفسه

غلطة حياة اي واحد سياسي في مصر انه يظهر انه بيجتمع مع الكونجرس الامريكي او الرئيس الامريكي

لانه بمنتهي البساطه الشعب بيشوفه خاين وعميل

واللي عمله فيه بوش لما راح قال كده
يوضح ان بوش يا اهبل يا بيستعبط

مش معقول مش عارف ان المصريين بيكرهوه
وانه كده بيضر ايمن نور

بس سؤال بسيط
الموضوع ده حصل من مدة طويله
افتكرته ليه دلوقتي؟

تحياتي

محمد مارو يقول...

طويله ايه ؟
انا كتبت عنه بمناسبه رفض القضاء الافراج عنه
يعنى لسه طازه
و حاجه تانيه انا مش بحب ان المواضيع تموت مش بحب اسلوب حياتنا ده ان الموضوع يكون سخن و حلو و له ناس بتتكلم فيه بس بعد شهر او اتنين او تلاته او سنه بيموت
زى موضوع العباره كده و قتها انا حسيت ان الموضصوع ده خلاص بئه موضوع المصريين طول عمرهم و انت شايف النتيجه اهوه و شكرا لك
محمد مارو

nosha يقول...

أنا يا جماعة بصراحة مع أنصار خروج أيمن نور من السجن لإن الإشاعة أنه بيتعامل مع أمريكا عملاها الحكومة أصلاً علشان تشوه صورته للمصريين والراجل ده عمل حاجات كتير أوي كلها خير ولو مش مصدقين روحوا باب الشعرية وأسألوا عن أيمن نور وأنتم تعرفوا كويس الراجل ده