ايه يا عم
ده حتى لسه القلم اللى انت اخدته لسه معلم ع قفاك
و لسه وزرارء الخارجيه العرب عمالين يعيطوا لبلغاريا ع شان يحبسوا الممرضات
و الله حاجه غريبه
مهما كانوا عندك و فى بلدك و كان ممكن تعدمهم ايه اللى خلاك تفرج عنهم و تطلعهم براءه و يروحوا بلغاريا و طبعا المنطقى انهم يتم الافراج عنهم لانك مش قدرت تعمل معاهم حاجه و هما لا من مواطنينك و لا حاجه اما بئه اللى هما بيمسلوهم و اللى هما حكومتهم يعملوا معاهم ايه انا من رأى يدوهم و ساهم الشجاعه لانهم قدروا يذلوا الليبين و قدروا يحقنوا 400 طفل بالايدز و كمان الحكومه الليبيه سابتهم
و بعد كل ده رايح يموت مصرى غلبان بيجرى على لقمه عيشه
و الخبر كما يلى
قامت خفر السواحل الليبيه باطلاق النار ع مركل صيد مصريه مما ادى لوفاة احد الصيادين
و طبعا حكومتنا المبجله مش عملت حاجه
و لا هتعمل و هيطلعوا الراجل هو اللى غلطان
و بالرغم ان المثل بتاع مقدرش ع الحمار قدر ع البردعه مش ينفع يطبق هنا
لان مصر ممكن تمحوهم بس للاسف حكومتنا شايفه ان عددنا كبير فيقولوا مش مشكطله اما واحد او اتنين او 1000 يموتوا
يا قذافى انا كامصرى و كلنا كامصريين عوزين حق الراجل اللى موتوه رجلتك
مدام حكومتنا ساكته
و شكرا
هناك ١٤ تعليقًا:
قريت مقالتك دي امبارح
بس ما عرفتش اعلق أصل انت عارف انا قلت كل اللي عندي في الموضوع
النهاردة بقة جي أضيف لك تحديث
سيف القذافي طلع امس في الجزيرة وقال انهم هم افتعلوا الأزمة دي وإن الممرضات انضغط يعني عشان يعترفوا بأي شيء وزي مانا قلت عندي في قطاع الأخبار اني مش متأكد إذا كان البلغاريات دول عملوا كدة أو لأشوف انت بقة لعب السياسة وهو بيقول كدة عشان يمهد للغفراج عن المقراحي
مثل كل الذين يكتبون على النت من أرض الكنانة
التهويل والتخوين والاستعلاء على شعوب الأرض
مسالة الممرضات جرت طبقا للقضاء الليبي والدية فى القانون اللبيبي ممكنة وأخذت من الشريعة واجراءات التقاضي كانت وفق القانون الليبي
يبقى ان تحترم القانون الليبي كى يحترم اللبييون قانونكم ايضا
اهلا بيك عصفور المدينه فى مدونتى و زى ما انا قلت لك انا مبسوط اوى انى عرفتك
عزيزى الفاضل
احنا بنحترم الشعب الليبى و بحترم كل الشعوب العربيه لكن بجد مش بنحترم الحكام
ثانيا انت بتقول موضوع الممرضات جه طبقا للقانون الليبى
ده حلو اوى و تمام اوى بس لو كان بارادة الليبين وده طبعا كان ظاهر اوى من المحاكمات و لما تكون اعلى سلطه قضائيه فى لبيا نتقول لازم نطبق الحكم و يجى سيف الاسلام و يقول مفاوضات ده معناه ان القانون عندكم فى الهوى
ثانيا الاسلام زى ما قال تعويض قال برده قصاص
بس لو كنتم تقدروا تعملوا القصاص ده
خلاصة القول
لو ده بأرادتكم كنا احترمنا الاراده دى لكن ده غصب عنكم
و مفروض عليكم
و شكرا
أولاً : المثل هكذا : مقدرش ع الحمار قدر على اللي راكبه
ـــــــــــــــــــــــــــــــــــ
ثانياً : دي الحكومة المصرية ,, حكومة بنت ...... و لا بلاش لنتاخد امن دولة
ــــــــــــــــــــــــــــــــــ
ثالثاً : احنا في ايام ما يعلم بيها إلا ربنا , انا زهقت من البلاوي اللي بتحصل دي والله و قربت كره نفسي و ابقى ارهابي و لا بلاش لاتاخد امن دولة
ــــــــــــــــــــــــــــــــــ
رابعاً : ياعم ملناش دعوة بالسياسة لنتاخد اللي متسموش
هههههههههه
عندي موضوع عن القذافي عاوز انشرو
كنت كاتبو لي جمهورية ايمان
تحياتي علي المقال الرائع
شكرا لك يا ابن ناصر شكرا يا هشام
هو المصري ثمنه كام
و لو ببلاش حد يقول يفهمنا و امتى سعره هيغلى
ربنا يدينى و يديلك طولت العمر
و لو عاوز السعر
للاسف
و لا بلاش
ياخوفى عليك م القذافى مش ناوى انت تجيبها لبر يا لووووز
بس سيبك ولا يهمك انت
عشقله عشقله
تحياتى يا جميل
تحياتى لك يا لوز
و الله انا توقعت هذا الفعل من الرز المعمر بتاع ليبيا منذ الافراج عن السته المصريين .
و قولت فى وقتها لكثير من الاخوة فى تحليلى لموضوع الافراج عن المصريين انها بدايه لصفقه الافراج عن الممرضات البلغاريات و ان النيه تتجه قريبا للافراج عنهم
اما الولوله و الصويت بتاع وزير خارجيه ليبيا فهو للاستهلام المحلى بتاع اسواق التعاون بس و ديتها شوالين رز على سكر على دقيق و الشعب الليببى ينسى الموضوع
شكرا ع تشريفك لى يا ابو مفراح ارجو ان نتواصل
من حقنا إننا نطالب بدم أي مصري يموت في أي مكان في العالم مش في ليبيا بس
لأن أي فرد من أي شعب في العالم وعلى وجه الخصوص أمريكا فهم بيطالبوا بدم أي مواطن عندهم مات في أي دولة حتى لو كان الراجل ده كده كده ميت لوحده
لكن تعمل إيه بقى سياسة الحكومة بتاعتنا
علشان نعلى نعلى نعلى
لازم نطاتي نطاتي نطاتي
لأي دولة في العالم بقة مش فارقة
تحياتي
إرسال تعليق