دورات تدريبيه مجانيه و حصريا

حصريا و لأول مره فى مصر و فى الوطن العربى و بعد النجاح الكبير مع الكويت و مع امريكا نعلن عن بدء الدورات التدريبيه المجانيه للمصريين و لجميع الاخوه العرب

اذا كنت صاحب عمل وعاوز تتعلم فنون التعذيب و تعذب من يعملون عندك

اذا كنت مدير شركه او رئيس عمل

اذا كنت ولى أمر و عاوز تعذب اولادك

اذا كنت مواطن عادى و عاوز تتعلم فنون التعذيب و تعذب مواطنون اخرون

اذا كنت مواطن عادى و نفسك تطلع ارهابى

مفيش غير مكان واحد

مكان واحد بس

وزارة الداخليه المصريه

فتعلن وزارة الداخليه المصريه عن بدء اكبر حمله لتوعيه و تدريب المواطنين ع فنون التعذيب

و بعد النجاح الكبير الذى حققناه مع الكويت

و قبل ذلك ما تم تعليمه للامريكان فى كيفيه التعذيب فى جوانتانيمو و ابو غريب

و ذلك لتخفيف من ما تعانيه الوزارة من التعذيب وحدها

فبادر بحجز مكانك

للاستعلام و الاستفسار

فى مصر

الفرع الريئسى مكتب وزير الداخليه حبيب العادلى بالقاهره

قسم حى شرق بالاسكندريه

قسم المنصورة فى الدلتا

دى الفروع الرئيسيه

اما فروعنا المنتشره فى العالم

سجن ابو غريب فى العراق

سجن (معتقل ) جوانتانيو فى كوبا

سجن الكويت بالكويت

و قريبا فى جميع الدول العربيه

ملحوظه

كلما استطعت تعذيب 5 مواطنين سوف يتم ترقيتك و العمل بوزارة الداخليه

يمكن تكون نقيب او لواء

او وزير

بس يا ريت مش تفكر فى حكايه وزير دى ع شان منعذبكش انت شخصيا

سارع بالتسجيل او التوجه مباشره لاقرب قسم شرطه

يا جماعه احنا فاهمين الخبر غلط

فى خبر تردد فى كل وكلات الانباء اليوم و لاحظت ان كتير من الاخوه المدونين تناقلوه بلهفه و اهتمام بس للاسف احنا فاهمين غلط

الاول اقول لكم ايه هو الخبر

اخبر بيقول

استدعت وزارة الخارجيه المصريه القائم بالاعمال الكويتيه فى مصر بشان تعذيب المواطنين المصريين فى الكويت

طبعا الكل فهم ان ابو الغيظ استدعاه ع شان يكلمه و يعاتبه ازاى انهم يعملوا كده فى المصريين

بس للاسف مش كده خالص

اه هو استدعاه فعلا بس ع شان يديله دورة تدريبيه مجانيه فى اساليب تعذيب المواطنين بمهاره و بدون ان يترك اى اثر ممكن المواطن يشتكى بسببه

اصل الكويت دوله و حكومه محترمه و متحضره مش بيعرفوا يعذبوا كويس كمان التعذيب بتاعهم دلع لينا فده غاظ طبعا ابو الغيظ

و قال بئه احنا بعاملوهم بطريقه و الكويته بطريقه ؟

لازم اعلمهم ازاى يعذبوا الاوغاد دول ( المصريين يعنى ) اصل احنا كده فى وجهة نظرهم

يا ابو الغيظ قبل ما تلوم الكويت او اى دوله اخرى لوم حكومتك و شفها بتعمل ايه فينا و اخر فضيحه هى بتاع مقتل شاب فى المنصورة و طفل من التعذيب

و رايح انت تتكلم مع الكويت

( اللى بيته من الازاز ما يحدفش الناس بالطوب )

احترم الاول شعبك و الكل و الدنيا كلها هتحرمهم

حكومه جبانه و نظام ضعيف

مش عارف ابدا و اقول ايه او اكتب ايه بجد انا كل يوم اما بقرا الاخبار دى بأصاب بحاله من الاحباط

انا هعرض عليكم الخبر لانى بجد معنديش كلام

فى داعيه اسلامى فى لندن اسمه محمد السلامونى تعرض لحادثه ضرب بطريقه همجيه من احد البرطانين عمره 40 عام يدعى ( رايان دونجان ) حيث قام هذا الهمجى اللى فى بلاد التحضر و التمدن

بضرب الداعيه الاسلامى محمد السلامونى لمدة 20 دقيقه متواصله

حيث كان يحاول اصابته بالعمى و حاول ان يفقأ عينيه باصبعه لمده 20 دقيقه

و بعد كده حاول خنقه

نشوف رد الفعل

رد الفعل الرسمة بئه

تفضل سيادة وزير الدوله البريطانى للشؤن الخارجيه بالاتصال بسياده احمد ابو الغيط بيعتذر فيه عن اللى حصل اعتذار هاتفى

ع طريقه يضربنى فى زفه و يصلحنى فى عطفه

اللى يغيظ و يخلينى اقطع شعرى من الغيظ ان احمد نظيف امر بعلاجه ع نفقة الدوله

علاجه ع نفقة الدوله ؟

و احنا مالنا

هو احنا ننضرب و كمان ندفع بئه ده اسمه كلام ؟

بس بينى و بينكم انا حمدت ربنا انهم مش قالوا ان الداعيه الاسلامى هو اللى غلطان

و كمان حمدت ربنا انهم اتعطفوا عليه و قالوا هيعالجوه

ما ده اخرنا الان

بس انا عندى كلمتين

الاولى ده دليل ع ان الارهاب مش من المسلمين و الصفه دى ليكم انت يا غير المسلمين

الثانيه

لو ده اللى كان حصل لواحد بريطانى كانت مصر مش عالجته ع حسابها دى كانت بنت له مستشفى خصوصى ياخدها معاه و هو مروح كمان

حكومه جبانه و نظام ضعيف و لا حول و لا قوه الا بالله

حكايه البت بتاعتى

حكاية البت بتاعتى

جمله تشد كتير من الشباب و القراء كمان

بس انا هنا مش هحكى عن النت بتاعتى

بس انا هنا هسال عن الجمله دى

ايه حكايه جمله البت بتاعتى

الان اصبح وواجب و من الضرورى ان يكون لكل ولد صغير كان او مراهق او شاب بنت بيتسلى بيها و يفتخر انها البنت بتاعته

طيب ده ممكن يكون عادى فى مرحلة المراهقه او الشباب لكن ان الامر يوصل لاطفال فى رابعه ابتدائى ده الامر اللى خلانى استغرب

النهارده و انا ماشى فى احد شوارع المنصورة و بالتحديد امام فيلا غيث شوفت مشاكله كبيره جدا بين شويه عيال صغيره جدا

العيال دول كان منهم سن رابعه ابتدائى و خمسه كمان و شويه عيال من تانيه اعداى

فسلكتهم عن بعض

و بسال واحد من اللى فى تانيه اعدادى انتم بتتشاكلم ليه قالى اصل الواد ده اخوه رايح يعاكس البت بتاع اخويه

انا افتكرت اخوه ده كبير قلت له اخوك ده مش كلمه هو ليه ؟

قالى مين يكلم مين اخويه ادامك اهوه

ببص لائيت عيل فى رابعه ابتدائى بصراحه جالى كريزه ضحك

من كتر ضحكى العيال بعد اما كانوا بيتشاكلوا مع بعض هما كمان ضحكوا

قلت له انت بتتشاكل كل المشكله دى ع شان البنت بتاع اخوك ده اللى اخو الواد ده عاكسها قلت اما اسئل عن البت دى بالمره قالوا لى دى فى سنه تالته ابتدائى

شفتم مصيبتنا وصلت لحد فين ؟

ده طبعا بسبب الاعلام و المسخره اللى بتحصل فى الافلام

و ازاى كل واحد بيتباهى ان له بت بتاعه

شفتم حتى اللفظ ؟

البت بتاعى ؟

يعنى ايه البت بتاعى ؟

هو خلاص معدش فى احترام لبناتنا للدرجه دى

خلاص البنات اصبحوا ملك خاص لينا ؟

كل بيت فى القطر المصرى الان بيتباهى ان ابنه يعرف بنات كتير و انه بيعرف دى و بيسيب دى

طبعا الطفل بيشوف امه بتقول ايه عن اخوه فنفسه يكون زيه بسرعه

الطفل بيسمع ان امه بتقول دا البنت الفلانيه هتموت نفسها عن الواد مروان ابنى ههههه ( طبعا مش انا ) و كل يوم تتصل بيه و هرياه اتصالات و هو مش معبرها و لا البنت التانيه كل يوم تبعت له فى ناس و فى هدايه الاول كان الشاب لو اهله عرفوا انه بيعرف بنات كانت بتكون مصيبه لكن الان اصبح من دواعى سرور الاهل و كمان بيشجعوه ع كده

انا اعرف ان فى اسر بتخلى ابنهم يجيب البنات عندهم فى البيت ع شان يتكلموا مع بعض براحتهم

للاسف للاسف الحياة باظت

طيب انا عندى سؤال

انا هقول للاسر اللى بتسعد لما ابنها يكون له علاقه ببنات كتير

تعملوا ايه لو عرفتم ان ابنكم ليه علاقه بشباب كتير

طبعا مش اقصد اصحابه

و انتم فاهمين طبعا

اتمنى ان نرجع تانى نحافظ ع عاداتنا و تقاليدنا

و مش نكون زى لبنان

فى المسخره طبعا مش فى الديمقراطيه

و شكرا

امنيه

تمنيت دوما

ان اكون

ورقه شجر

او طائر فوق الشجر يحلق بجناحيه كما يشاء

او قطرة ماء فى اليم العميق

و لم اتمنى ابدا ان اكون

انـــســـــان

ذلك المخلوف العجيب

الذى يقتل اباه و اخاه ليسود

الذى يسرق الحلم من بين الجفون

و لكنى للاسف

انـــــســــان

اصله مينفعش

يا جماعه اصله مينفعش انتم كنتم متوقعين ايه ؟
ده السيناريو المتوقع اصلا
مينفعش ان رئيس اكبر دوله فى العالم (رئيس العالم اصلا ) يجى فى مؤتمر صحفى امام العالم و يطالب و يقول للحكومه المصريه افرجوا عن ايمن نور
فين بئه سياده الدوله ؟
ده كده اضر بنور مش خدمه حتى لو مبارك كان فى نيته الافراج عن نور مش هيفرج عنه الان
بسبب بوش
و طبعا نو اتحبس و رفض طلب الافراج الصحى عنه
بس على شان اكون منصف
لو اللى كان محبوس واحد امريكى كان من اول مكلمه تليفون كان تم الافراج عنه
بس اللى محبوس واحد مصرى و مش اى مصرى ده مصرى اتهم مبارك و علاء علنيا بالسرقه و قالى انا هحطكم مكانى
ع شان كده احنا من حقنا ندعك و نمرمط و نبهدل فى المواطنين لكن لو فراش امريكى او حتى بطلطجى امريكى او اى مصيبه امريكى مكنش فضل فى السجن يوم و لو كان دخل كان طبعا هيدخل سجن كبار السجناء

ههههههههههههه ع وزن كبار الزوار

و على فكره انا مش مع الافراج عنه
و شكرا
محمد مارو