الأربعاء، 8 أغسطس 2007

حكايه البت بتاعتى

حكاية البت بتاعتى
جمله تشد كتير من الشباب و القراء كمان
بس انا هنا مش هحكى عن النت بتاعتى
بس انا هنا هسال عن الجمله دى
ايه حكايه جمله البت بتاعتى
الان اصبح وواجب و من الضرورى ان يكون لكل ولد صغير كان او مراهق او شاب بنت بيتسلى بيها و يفتخر انها البنت بتاعته
طيب ده ممكن يكون عادى فى مرحلة المراهقه او الشباب لكن ان الامر يوصل لاطفال فى رابعه ابتدائى ده الامر اللى خلانى استغرب
النهارده و انا ماشى فى احد شوارع المنصورة و بالتحديد امام فيلا غيث شوفت مشاكله كبيره جدا بين شويه عيال صغيره جدا
العيال دول كان منهم سن رابعه ابتدائى و خمسه كمان و شويه عيال من تانيه اعداى
فسلكتهم عن بعض
و بسال واحد من اللى فى تانيه اعدادى انتم بتتشاكلم ليه قالى اصل الواد ده اخوه رايح يعاكس البت بتاع اخويه
انا افتكرت اخوه ده كبير قلت له اخوك ده مش كلمه هو ليه ؟
قالى مين يكلم مين اخويه ادامك اهوه
ببص لائيت عيل فى رابعه ابتدائى بصراحه جالى كريزه ضحك
من كتر ضحكى العيال بعد اما كانوا بيتشاكلوا مع بعض هما كمان ضحكوا
قلت له انت بتتشاكل كل المشكله دى ع شان البنت بتاع اخوك ده اللى اخو الواد ده عاكسها قلت اما اسئل عن البت دى بالمره قالوا لى دى فى سنه تالته ابتدائى
شفتم مصيبتنا وصلت لحد فين ؟
ده طبعا بسبب الاعلام و المسخره اللى بتحصل فى الافلام
و ازاى كل واحد بيتباهى ان له بت بتاعه
شفتم حتى اللفظ ؟
البت بتاعى ؟
يعنى ايه البت بتاعى ؟
هو خلاص معدش فى احترام لبناتنا للدرجه دى
خلاص البنات اصبحوا ملك خاص لينا ؟
كل بيت فى القطر المصرى الان بيتباهى ان ابنه يعرف بنات كتير و انه بيعرف دى و بيسيب دى
طبعا الطفل بيشوف امه بتقول ايه عن اخوه فنفسه يكون زيه بسرعه
الطفل بيسمع ان امه بتقول دا البنت الفلانيه هتموت نفسها عن الواد مروان ابنى ههههه ( طبعا مش انا ) و كل يوم تتصل بيه و هرياه اتصالات و هو مش معبرها و لا البنت التانيه كل يوم تبعت له فى ناس و فى هدايه الاول كان الشاب لو اهله عرفوا انه بيعرف بنات كانت بتكون مصيبه لكن الان اصبح من دواعى سرور الاهل و كمان بيشجعوه ع كده
انا اعرف ان فى اسر بتخلى ابنهم يجيب البنات عندهم فى البيت ع شان يتكلموا مع بعض براحتهم
للاسف للاسف الحياة باظت
طيب انا عندى سؤال
انا هقول للاسر اللى بتسعد لما ابنها يكون له علاقه ببنات كتير
تعملوا ايه لو عرفتم ان ابنكم ليه علاقه بشباب كتير
طبعا مش اقصد اصحابه
و انتم فاهمين طبعا
اتمنى ان نرجع تانى نحافظ ع عاداتنا و تقاليدنا
و مش نكون زى لبنان
فى المسخره طبعا مش فى الديمقراطيه
و شكرا

هناك 30 تعليقًا:

عصفور المدينة يقول...

جزاك الله خيرا موضوع هام جدا يجب الاهتمام به في التربية وغرس معاني العفة من الصغر
وأيضا الاهتمام أن يعيش الطف كفولته الحقيقية بعيدا عن إفساد وسائل الإعلام لتلك الفطرة

shams يقول...

احنا بنمر بمنحدر اخلاقي

maro يقول...

عصفور المدينه
فعلا وسائل الاعلام هى السبب فى كل فيلم او كليب او اى حاجه كل واحد بيتباهى ان له بنت بتاعته و انه مغلبها
شكرا لك

maro يقول...

احنا معدش عندنا اخلاق خلاص

Monzer يقول...

ما تصاحبنى ع الواد ده
هههههههههههههههههههههههههههههه

واحشنى والله يا مارو
تعليق صغير كده مش الشغل
بس بوست جامد

maro يقول...

اسكت يا منذر ده احنا طلعنا خيابه اوى

مدونه انا بحبك يا مصر يقول...

انا كنت داخل عندك المدونه امسى بس
بس الموضوع دة !!!!!!!!!!!!!!!!!!!!!!!!
احمد الجيزاوى

maro يقول...

حبيب قلبى الغالى الجيزاوى باشا
انت تنور المدونه يا جميل
بس بجد انا مش فهمت رئيك فى البوست ده
ارجو ان توضح لى اكتر

صانعة الحرية يقول...

السلام عليكم
جزاكم الله خيرا
اسمح لى ان اقتبس نص الاخ عصفور المدينه
جزاك الله خيرا موضوع هام جدا يجب الاهتمام به في التربية وغرس معاني العفة من الصغر
وأيضا الاهتمام أن يعيش الطف كفولته الحقيقيةبعيدا عن إفساد وسائل الإعلام لتلك الفطرة

maro يقول...

اهلا بكى صانعه الحريه و انا بجد مبسوط انك شرفتينى و نورتينى و ارجو ان نتواصل ديما

خالد منصور يقول...

حتى الاطفال الدنيا بتجري من بين ادينا

مدونه انا بحبك يا مصر يقول...

خير
عموما انا جيت تانى علشان اوضح ما معنى كلامى لانك شكلك مفهمتوش
كل الموضوع انى قرفت من الانهيار الاخلاقى الذى نعيش فيه ولهذا اصبح عندى لا مبله فى رد الفعل
وصلت
احمد الجيزاوى

maro يقول...

وصلت يا كوتش

A.SAMIR يقول...

المسخرة عامة يا سيدي الفاضل
شباب وشابات صبيان و بنات ستات ورجال
مسخرة عامة
لو شفت البنات بتلبس ايه في الشارع
هتعرف احنا ليه وصلنا لكدة

maro يقول...

طبعا لبس البنات الان اكبر مسخره بس ده يعنى نسكت ؟
و لا نصلح ؟
شكرا لك

nosha يقول...

بصراحة يا مارو مش عارف أقولك إيه الموضوع ده عدوى ظهرت عن طريق كل حاجة في حياتنا الأفلام والكليبات والأغاني كمان وتدهورت الحالة جداً بسبب سوء التربية وبعد كده انتقلت إلى البنات قبل الشباب وبقت في دمهم وللأسف العدوى في تزايد مستمر
تحياتي ليك

maro يقول...

شمس الشموس كنت عوزك بس تقولى اخبار البت تاعك ايه
هههههههههههه
شكرا لك يا شمس

المواطن المطحون يقول...

علي فكره
شكلك راجل تربوي

ربنا يجازيك خير

علي فكره ليك سمكه عندي في مدونتي
حتي تأكل السمكه افتح هذا الرابط
صاحي وبيلعب


والسمكه دي لكل الناس اللي علقت هنا

سارة يقول...

هههههههههههه

والله يااخ مارو
الكبار مش كويسين ازاى الصغيرين هيبقوا كويسين
والاصل والقدوة ......

تحية طيبة

maro يقول...

حلوه اوى فكرتك يا مواطن بجد رائع
ايوه كده
هو ده الشغل و لا بلاش
ايوه يا رجاله صح كده الله عليكم كده بنضرب اكتر من عصفوربحجر منها تدوين و بنفش غليلنا فيه و منها استفاده و منها اكل كمان و ما الذ و احلى السمك الظازج و المشوى كمان الله
بس عندى لوم صغير
ازاى تنسى ذذر حبيب القلب ده عامل شغل رهيب و ممتع اسمه منذر و مدونته حين الباس
شكرا لك

maro يقول...

شكرا لكى يا ساره و من زمان بسمع عنك و عن نشاطاتك و كنت اتمنى ان اتعرف عليكى
شكرا لكى

هاني جابر يقول...

فعلا موقف جميل جدا
هم يبكي وهم يضحك

مدونة مصرنا يقول...

بمناسبة التسجيل فى أجلوكو
انت بتشترك من على الرابط ده www.agloco.com/r/BBGP8902
و اللى بيحصل انك بتعمل اشتراك زى الياهو أو أى موقع بس البيانات تكون حقيقية علشان الحسابات بعد كده
و موافق و أوكى
هيحولك على الميل اللى انت كتبته
تلاقى رسالة التنشيط تدخل منها على الموقع تانى و تكتب الميل فى الآى دى بتاعك و الباس وورد اللى عطاهالك فى رسالة التنشيط و تدخل هايديك رسالة لتغيير الباسوورد غيرها و ادخل
و اخل على ماى أكاونت هتلاقى تحت شمال ألترنيت داونلود للفيوبار نزله و سطبه على الجهاز و ادخل عليه زى الماسنجر بالباسوورد بتاعك الجديد و الميل هايفتح البرنامج تحت فوق التاسكبار سيبه مفتوح لأنك كده بتعد الوقت بتاعك اللى بتتحاسب عليه لحد خمس ساعات شهريا و انت بتشوف الساعات بتاعتك من الموقع اللى انت دخلت عليه مكتوبة
بس المهم انك بتخلى ناس تانية تشترك من الرابط بتاعك اللى انت بتاخده من الموقع مكتوب فى صفى ماى أكاونت أسود تقيل كل ما واحد يسجل منه ينضاف لرصيد الوقت اللى هو بيدخله زى ما بيتحسب له و هو لو دخل حد بينضاف لك و له و هكذا
و ممكن تخلى كل أصدقائك يسجلوا من الرابط بتاعك بميلات مختلفة بشرط قفل الجهاز بعد كل تسجيل علشان لو دخل اكثر من واحد على جهاز هايتلغو و هكذا ممكن تدخل أى عدد بشرط تفتح الجهاز على كل مشترك لما تدخل على الكمبيوتر تشغل البرنامج اللى زى الماسنجر ده
بس المهم المشتركين مايكونوش وهميين علشان الحسابات بعدين و إلا هاتضيعو
ما تنساش تسجل من الرابط بتاعى علشان تفيدن و بعدين انت هاتستفيد أكتر
على فكرة
أى مشترك جديد البرنامج بيعطيك رقمه
ما تنسانيش يا بطل
و أى خدمة

مدونة مصرنا يقول...

على فكرة الرابط بتاعى أهوه
http://www.agloco.com/r/BBFG6993
و ممكن اللى فات
بس ده بتاعى أنا شخصيا

هيثم ابوخليل يقول...

بصراحه .... طرحك هذا الموضوع بهذه الصوره .. أعجبني ... بس عايز أقول إن ما فيش بنت بتاعة حد ... كلها سهوكه وإشستغاله وقلة أدب ...!!!

shams يقول...

اية مكسل عن كتابه بوستات تاني

mthlykaweyy يقول...

هاى ازيك
انا مثلى قوى
انا صديق عبده ووليد اللى من المنصوره افتكرتنى
المهم دى اول مره ازورك مدونتك جميله واسلوبك جميل وحلو
وتعليقى عن موضوعك فان دى غلطه مجتمع المجتمع العربى مجتمع متخلف بيبص للمرءاه على انها ملكيه خاصه وسلعه
وانها مخلوقه للسرير

العرب هم الجريمه فى تفوقها
هكذا قال الاستاذ نزار قبانى
تحياتى موضوع حلو وهستنى زيارتك
مثلى قوى

أنا مسلمه يقول...

إنا لله وإنا إليه لراجعون اللهم أجرنا فى مصيبتنا وأخلفنا خيرا منها

مصطفى محمود يقول...

والله الموضوع فعلا بقى اوفر اوى . الشباب كلها بتلعب بالبنات دلوقتى مبقاش فى اى دم خالص.

battabakr يقول...

هو احنا ايه
مش كيان
بيفهم
وبيحس
وبيشعر
وبيفكر
ليه اختذلنا
انكمشنا
واتحطينا في بوست بشع
بوست مش بتاعنا
واحنا
مش بتوع حد