الأربعاء، 18 يوليو 2007

و عملها القذافى و مخذلنيش ( للمره التانيه اهوه بيركع اهوه )

و عملها القذافى و تنازل عن الاعدام بحق الممرضات البلغاريات و الطبيب الفلسطينى و قبل شويه فلوس ما انا قلت من الاول الدم العربى رخيص جدا و من ناحيه اخرى تنزال عن شىء اخر الاو هو موضوع لوكربى و اعترف رسميا بمسوليته عن الحادث بعد سنوات من الشد و الجذب الطويله مع الغرب و مع امريكا
هو بيقول انه اعترف ع شان يلغى العقوبات المفروضه عليه من عام 1992
و انا بقول هو تنازل عن حكم الاعدام و كمان قبل دفع التعويضات و اللى قيمتها 2.7 مليار دولار و كمان قبل كده تخلى عن اسلحة الدمار الشامل اللى كان يملكها و كمان حاجات كتير معلنه او مستورة مش ع شان يرفع العقوبات المفروضه عليه لاء هو عمل كل ده لانه شاف اللى حصل لصدام حسين هو وعدى و قصى
فقال اما ألحق نفسى انا بئه و ظط فى الدنيا
اما ادفع فلوس الليبين و اتخلى عن اسلحة الدمار الشامل احسن من انى يحصلى زى اللى حصل لصدام اصل هما الاتنين كانوا بيحبوا يجعجعوا ع الفاضى هنعمل و هنسوى و فى الاخر حصل اللى حصل
يا قذافى باشا
مدام اخرتها انك هتدفع التعويضات و كمان هتتنازل عن حكم الاعدام ليه بئه من الاول المكابره و تعمل نفسك بطل و فى الاخر اديك بتركع اهوه
بعد كده قبل اما تاخد اى خطوه ابئه راجع نفسك و شوف انت هتركع بعدها بوقت اد ايه
لانك مهما طولت او قصرت المده بتركع فى الاخر و تخذل العرب
و اللى امريكا عوزاه هو اللى بيمشى

هناك 4 تعليقات:

ibnyosry يقول...

القزافى ده مثال لازكى حاكم عربى ما بالك باباقى
إحنا عندنا متاحف

maro يقول...

ايه ده انا بحسبك بتتكلم جد

Monzer يقول...

مارو
شكلك مش هاتجيبها لبر
قلتلك ابعد ن القذافى
ده بيحط دماغه فى دماغ المدونين ههههههه
وانت عارف الحكم الى اخدوه مدى الحياة كلها ست شعور ويضيع
تحياتى يا لووووووووووووووز

maro يقول...

يا عم قول يا باسط
لو حطنى فى دماغه هقول لبوش و اخليه هو كمان يحطه فى دماغه
و اخليه كمان يدينى تعويض
اصلك متعرفش انا علاقتى ببوش عامله ازاى
ده انا مش طيقه خالص
بس هو يتمنى يخدمنى