الثلاثاء، 17 يوليو، 2007

يا ترى يا قذافى هتنصفنا المره دى

سؤال نفسى انه يتحقق و ان القذافى يقدر يعمل حاجه و ينصف شعبه
و ده طبعا بخصوص موضوع الممرضات البلغاريات
ده موضوع لو حصل فى امريكا او اى دوله من دول الاتحاد الاروبى كان حكم الاعدام تم من زمااااااااااااااااااااااان
اما فى ليبيا و الدول العربيه مش نقدر ناخد حكم زى ده
هما اتحكم عليهم بالاعدام وده اقل ما يمكن انه يتحكم عليهم بيهو بالرغم من كده انا واثق و متاكد ان القذافى هيرجع فى الحكم ده
مش لحاجه غير لانه عملها قبل كده 100 مره و مره ( نسيتوا موضوع لوكربى و الشد و الجذب اللى كان مع امريكا لفترة طويله ) و فى الاخر ركع و باس الايادى اصل فى تقديرى القذافى خليفة صدام فى الملاعب لما فضل يقول و يهدد انه هينسف امريكا بس للاسف امريكا لسه باقيه لكن هو يرحمه الله بئه
هو كمان القذافى كده يفضل يقول و يهدد و فى الاخر يتراجع
و ادينى معاكم مستنى الحكم اللى هيصدر
قولوا معايه يا رب القضاء ياخد مجراه و مش يضحك على الناس بشوية فلوس
اصلنا عرب كل اللى يهمنا الفلوس و بس
نعمل ايه عرب بئه ؟
و بكره ربنا يشفينا من دى كمان و يشفينا من الحكام اللى مسببين لنا الامراض

هناك تعليقان (2):

Monzer يقول...

المعلم الكبير مارو
هو ده الشغل
بس انت داخل سخن كده ليه
مالقتش غير القذافى
انت نسيت الى حصل فى ايمان ولا ايه
الى بيتكلم عن القذافى بيتشيع
كنتاتكلمت عن أي حد
المهم ربنغ يستر
ومايحصلش معاك زي الى حصل مع ايمان
بس والله لو عملوها الليبيين تانى
لهتبقى ليلة باه

أما عن القذافى فهو ريس لووووووز
أنا قريت مذكرات كيسينجر الى كتبها موسى صبرى
وكان بيحكى عن القمة عربية أيم عبد الناصر ةوكان حاضر فيها القذافى وكان بيقول للعرب لازم تحاربو أمريكا والعربلو حاربوا أمريكا الشعب الأمريكى هايقف جنب العرب وهايحراب مع العرب ضد أمريكا

راح عبد انلاصر الله يرحمه مزعق فيع وقالهم شيلو المجنون ده من هنا، ولا خلوه الولد ده يلعب بعيد

تخيل

طبعا متفق تمام مع تحليلك ومش فاهم ازاي الغرب بيدافع عن الممرضات دول، منتهى قلة الأدب والاستهانى بارواح الأطفال العرب والمسملين
400 طفل
وعلشان كام واحد فى طيارة ومشكوك فى منفذيها ولا علشان جنسية منفذيها ليبيين اتعاقب شعب بكامله

طبعا تعليق طويل كالعادة
بس علشان انت واحشنى جدا
وماتتاخرش عاوز كل يومين بوست
وحمد الله على السلامة

maro يقول...

اهلا بيك اخ عزيز و حبيب
و تعليقك كالعاده جميل اوى
و بالمناسبه انا كمان عاوز افكر بحاجه تانيه القذافى برذه هو صاحب فكرة اسراطين
و هو اللى قال فى قناة الجزيره المفروض محدش يدافع عن فلسطين عير الفلسطينين و احنا بندافع عنها تطوع بس و مش مفروض علينا كده