الخميس، ١٠ مايو ٢٠٠٧

اللى حصل لايمان لا يمكن يتسكت عليه


كان يا ماكان يا ساده يا اكرام فى قديم الزمان وحده مصريه غلبانه اسمها ايمان كانت بتدون و بكتب و بتتكلم عن حال العرب
و فى مره شافت موقف زعيم عربى مخيب للامال و اسمه المعمر القذافى
كل اللى عملته انتقدت موقفه من عدم حضور القمه العربيه
اللى كل العرب كانوا حضرين فيها ع شان يحاولوا يشوفوا حال للوضع العربى المهين
طلع عليها اتباع الزعيم فى مصر و هددوها بقفل مدونتها و منعها من دخول ليبيا
ههههههههههههههههه
من دخول الجنه يعنى
و كمان الحكومه بتاعنا و قفت معاها لان مفيش عندنا اللى اسمه حريه الراى و لا التعبير و لا الكلام الحلو ده
المهم اللى انا عاوز اقوله
هو خلاص سياده المعمر
معدش بشر خلاص و معدش حد ينفع ينتقده
لا هو معصوم من الخطا و لا هو ربنا
هو بشر عادى و عادى اما نقول اى كلام احنا عوزينه و خاصه لما يكون موقفه مخيب
انا يمكن اكون بعذره لانه فى مشاكل مع السعوديه و خاف لحسن السعدويه تمنعه من دخول اراضيها حتى لو كان جاى يشارك فى القمه فبادر هو و قال انا اصلا مش هحضر
رد دفاعى يعنى
ع العموم اسبكم مع الجمهموريه الفاضله جمهوريه ايمان و اللى حصل لها
و للامانه انا نقله من احد المدونات

جمهورية إيمان

موضوع أو خبررأيت من واجبي أن أنشره و قد إختلف ناشطون و مدونون على
نشرة بناءا على رغبة صاحبة القضية التي أتفهم موقفها و أقدره و لا ألومها لرفضها الحديث و لكنني أتحدث الأن دفاعا عن حرية التعبير و كشفا للحقائق و فضحا لممارسات النظام الإرهابية أكتب عن تلك الواقعة تاكيدا و تسجيلا لها لان القضية تمس كل أصحاب الكلمة من ناشطين و مدونين إنها واقعة إغلاق مدونة "جمهورية إيمان" و القصة كما عرفناها من مدونة "
أحمد المصري" بحب مصرو قد ذكر أن إيمان كانت قد تحدثت في مدونتها عن أن ليبيا أختارت الهوية الأفريقيةو تركت الهوية العربية و أستندت لذلك من تصريحات القذافي عنالقمة العربية و ترك مقعد بلاده فاضي و ذهابة موئتمرا أفريقيا و لاقت إيمان هجوما من بعض الليبيين و فؤجت بان امن الدولة يطرق بابها و يطلب منها الحضور لمديرية الأمن و أنها متهمة بسب ليبيا و ذهبت إيمان للمديرية و حضر ممثل السفارة و أخبرها انها ممنوعة من دخول ليبيا و ان عليها قضية هناك و ان ما حدث معها مجرد "شدة ودن" و بالفعل اغلقت مدونة إيمان.حاولت الإتصال بإيمان او الوصول إليها دون فائدة حتى وصلني رد منها أخيرا قالت إيمان فيه أن الموضوع بسيط و ميستاهلش و أنها لا تحتاج أي مساعدة و ان أمن الدولة كانوا كويسين جدا معاها و بالعكس وقفوا بجانبها حتى انها إندهشت من تلك المعاملة و انها لا تحتاج لأي مساعدة !!!!ثم طلبت إيمان صاحبة المدونة من أحمد المصري ان يلغي التدوينة الخاصة بما حدث لها من على مدونته و بالفعل قام احمد بإلغاءها و يبدو أن إيمان قد تم إرهابها و علمت ان الأمن يقوم بالإتصال بها للتاكيد على انها لا تتحدث لاحد و لم تتصل باي منظمات حقوقية لتحكي ما حدث لها و بذلك اخفى على الخبر مجور و نجا الامن و السفارة الليبية بفعلتهم و إيمان هي ثاني مدونة يتم إجبارها على غلق مدونتها بهذة الطريقة بعد هالة بطرس المعروفة ب هالة المصري المدونة القبطية المصرية التي اجبرت على غلق مدونتها في الصيف الماضيإيمان فتاة مصرية بتحب مصر أرادت فقط أن تعبر عن رايها فكان جزاءها الإرهاب و غلق المدونة ...ما وضعته إيمان في البروفيل الخاص بها :Imanalexandria, EGVery simple human believing in a very simple principals `always looking in the bright site of this life' interesting to do the oboist of life stand `Love to break the old habits and traditions `crazy about my friends' love my family `love Alex love Egypt
`hate mubarak
يا جماعة إيمان ده بجد حد محترم جدا وبيحب مصر جدا جدا جدا،
امبارح عبد المنعم والنهاردة ايمان بكره هايبقى مين فينا
هى نموذج للمدون المحترم الى بيعبر عن رأيه من غير شتمية ولا تطاول ولا حاجت من ده
مش عارف المطلوب مننا نعمل ايه ، بس لو كل واحد فينا كتب عن الموضوع ده فى مدونته هانفضح الى حصل ده ومايتكررش تانى

هناك ١٢ تعليقًا:

AHMED SAMIR يقول...

انا كنت حاطط المدونة بتاعتها في المفضلة عندي وبقالي اكتر من يوم بحاول ادخلها بيقولي لازم تصريح من صاحب المدونة
استغربت جدا
بس فعلا اذا عرف السبب بطل العجب
تحياتي واحتراماتي

Monzer يقول...

شكرا جزيلا على اهتمامك يا أخي العزيز
ولكن هذا عهدى بك داءما تفاعلك ونشاطك ومناصرتك للحق
ولكن الجديد انها والحمد لله بخير وستعود ان شاء الله عندما يتم تهدئة الموضوع
ولك مى جزيل الشكرا
ومشكور جدا جدا جدا على اهتمامك
يا ايمان اوعى تخافى م القذافى ده القذافى دماغه خفافى
يا مدون دون على راحتك القذافى مايقلش راحتك
يا مدون اوعى تخاف م القذاف ده م الدم عنده جفاف

غير معرف يقول...

سبحان الله

الناس ديت ضعيفة أوي بتخاف من شوية كلام بيتقال علي صفحات الويب لهذه الدرجة

ده حتي الكلام دوت الواحد شايفه قليل اوي

معلش يا إيمان لكن انا شايف أنك ترجعي ولا يهمك حد أحنا كلنا معاكي

ياجماعة كدة خطر كل واحد ما يعجبهمش كلامه يغلقوا مدونته

محمد مارو يقول...

شكرا لك اخى سمير و مع كل احترامى و تحياتى لك

محمد مارو يقول...

اخى لك اخى منذر

محمد مارو يقول...

اخوانى
ابو مروان و منذر و استذ سمير عوزين كلنا مش نخاف و نستمر مع الحق
انا مش فاهم هو شويه كلام هيقلق حاكم
ده معناه اننا صح

غير معرف يقول...

أستاذ محمد
أتمنى أن تكون هناك خطوة نتفق عليها لنشر موضوع غلق المدونة ويجب أن نتأكد من عدم التسبب في أي نوع من الضرر
لإيمان
فهل لديك تصور أو اقتراح
شكرا لك
معلمون أحرر

غير معرف يقول...

حبيبى مارو هى دى اخرتها لك الله يا ايمان وبعديين اظاهر الموضوع هى نفسها مش عايزه تتكلم فيه لكن انا فعلا زعلت جدا

محمد مارو يقول...

اختى الفاضله انتصار
اهلا بكى مره اخرى فى مدونتى المتواضعه بعد غيابك لها
و بجد بسعد بتعليقاتك
اما بخصوص موضوع ايمان
انا عندى تصور او اقتراح
ان كل واحد فينا يضع اللى حصل لايمان فى مدونته و و يعمل كوبى للموضوع و يحطه عنده
كده اكتر من واحد ممكن يعرف اد ايه هى اتظلمت و اد ايه هو ضعيف جدا
و شكرا لكى

مـحـمـد مـفـيـد يقول...

السلام عليكم
اعتقد انها رساله موجهه لكل من يهتم بالحق ويناصره
لكي نلقي بالفوطه ونستسلم للامرالواقع
فلا
فأيمان محقه ولها الحريه فيما تعبر عنه وفيما تقوله
فالتدوين مستمر والنقد مستمر ومن لا يرغب في النقد عليه ان يجلس في البرج العالي


احييك جدا علي المسانده الرائعه

محمد مارو يقول...

اخى محمد نفيد شكرا جدا على زيارتك لمدونتى
و اسعدنى جدا تشريفك ليه
و ارجو ان نتواصل ديما

الفرى =كيكو يقول...

http://halaelmasry2.blogspot.com/
لابد من دعم ايمان
ولكن نصيحة دعوها فترة تلتقط انفاسها ثم ستجدونها تفتح مدونة اخرى
هالة المصرى