الجمعة، ١٦ يناير ٢٠٠٩

قطر ! اللى بيته من ازاز ميحدفش الناس بالطوب

غريب اوى موقف اللى تدعى دوله قطر دى

غريب جدا جدا جدا


انها عامله نفسها حاميه حمى العرب و تدعوا لرمه عربيه بشان غزه

بالرغم انها

1/ فى اراضيها قاعدتين امريكيتين بهما اكبر مخزن للاسلحه

2/ تقوم بتصدير البترول لتل ابيب سنويا بحوالى 5 مليون طن سنويا

3 / قطر لديها مكتب للتمثيل التجارى و الدبلوماسى الاسرائيلى بالرغم انها لا تتفاوض مع اسرائيل مباشره مثل مصر

السؤال

ليه بقى قطر بدل ما هى بتدعوا لقمه عربيه و عمله نفسهم حاميه الحمى ليه مش بيوقفوا كل هذا
؟

ليه لا يطردوا القواعد الامريكيه
ليه مش بيمنعوا البترول
ليه مش بيقفلوا مكاتب التمثيل التجارى ؟

لييييييييييييييه مش بيخلوا قناه الجزيره تلم نفسها شويه

بدل ما الجزيره و لاد الكلاب بيعمولوا اللى بيعملوه ضد ستهم مصر

ملحوظه

خدوا الفضيحه دى ضد قناه الجزيره

فضيحة "الجزيرة"
فبركت تصريحات لأمين الاتحاد المغاربي
لم تحترم المشاهدين ولم تعتذر عن الخطأ
التتبع الفضائي .. سوف يكشف "اللعبة

هناك ١٦ تعليقًا:

Batoooot_soso يقول...

السلا م عليكم
اول تعليق
وتانى زياره كويس
المهم
يامارو فى اختلاف اراء ونحن شعبا ديموقراطيون بنسمح بى الاراء والايعتراضات طبعا هتقول مين انتى يعنى اللى تسمحى او متشمحيش بس مش مهم المهم ان انا معاك فى وجهت النظر بس يبقى احسن لو ان احنا التكلمنا من غير ما نقول كلام كده ول حتى كده بس علشان متنزلش من نظر ناس بيحترموك بس مش اكتر لاكن حريه الرئ ديه واجبه ولا زم تكون موجوده علشان النقاش يحلوا تحياتى بطوووط

بنت الاسلام يقول...

في ايه يامارو مالك شادد علي القمة كده ليه

انا شفت اغلب القمة وسمعت كلام الرئيس بشار الاسد وبصراحة كلامه زين قوي وبيدعم المقاومة تمام

ومش عارفة انت ليه بتهاجم القمة كده قوي ياسيدي حتي لو وحشين في حاجة قطر يعني اهم بيحاولوا يعملوا حاجة كويسة ليه لا

هو لا عاجبنا الوحش فيهم ولا حتي الحلو

انا شايفة القمة كانت كويسة وللاسف مش عارفة ليه مصر ماحضرتش علي الاقل كانت سدت الافواه اللي بتتكلم علي ستك بالشكل ده

قد يكون لقناة الجزيرة سياسة خاصة لكن الواحد برده مايقدرش ينكر دورها الواضح في التغطية وكشف المجازر الحقيقية اللي بيرتكبها الصهاينة

انا عن نفسي مع اي قمة يمكن ان تكون منارة لتجمع العرب من جديد مهما كانت مساوئهم

وان كانت قطر زي مابتتهمما فتعالي قولي اطنان الاسلحة الامريكية اللي بتدخل لاسرائيل عشان يقتلوا بيها ولادنا بتدخلهم منين مش عن طريق قناة السويس المصرية

لما تقدر مصر الاول تقفل قناة السويس في وش الاسلحة الامريكية اللي راحة للعراق واسرائيل ابقي لوم غيرها

كل العرب ذو اخطاء لكن بلاش نلومهم لما تكون في مبادرة تتعمل ربما لايجاد حل لوقف شلالات الدماء المنهمرة في غزة واحنا عمالين ننفخ في قرب الفرقة والتخوين بينا

واضح انك وانت بتكتب كنت منفعل لدرجة خرجتك عن شعورك فاستخدمت الفاظ لم يكن من اللائق ان تستخدم

تحياتي

ريمان يقول...

يادى النيييييييييييله

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

رابطة هويتي اسلامية يقول...

اغلقوا المكاتب

بنت القسام يقول...

بسم الله
السلام عليكم ورحمه الله
بص لن اعلق عل كلام حضرتك بس انا هقول جمله واحدة
لماذا ننظر الى الاشياء من منظور واحد فقط
او باسلوب اخر لماذا ننظر الى نصف الكوب الفارغ
؟؟؟؟؟؟
السلام عليك

محمد مارو يقول...

بطوط
نظر ايه و بتاع ايه ؟

يعنى على شان احافظ على نظره الناس ليه ابقى مصيحاتى ؟

سورى لست انا هذا الرجل

محمد مارو يقول...

بنت الاسلام

اولا انا مش قولت قه انا قولت رمه و مازلت متمسك بيها
ثانيا موضوع ان قطر بتحاول تعمل حاجه فهى بتحاول تعمل فعلا بتحاول تشتت العرب و الجهود العربيه

اما عن الجزيره فهى فعلا بتنقل و ده شغل و بيسنز على حساب القضيه


و مين قال اننا مش بنلوم مصر بس اما نلوم نلوم بعقل مش زى ما الجزيره ما بتعمل

و قبل ما تتكلمى عن الوحده علميهم الاول معنى الوحده

محمد مارو يقول...

ريمان

مش فاهمك

محمد مارو يقول...

بنت القسام

اولا اهلا بكى فى مدونتى

ثانيا

كوب فارغ ايه اللى بتتكلمى عنه ؟

هما قدموا حاجه مليانه و انا مش واخد بالى ؟

ميرا ( وومن ) يقول...

فية يا مارو هوكله هجوم هجوم مفيش دفاع خالص

ههههههههه بهزر طبعا علشان حاسة انك متعصب

بهدوء والنبي يعني احنا
1- طردنا السفير
2- وقفنا تصدير الغاز لإسرائيل
3- وقفنا التطبيع

طبعا لاء بالثلث كمان احنا كمان مش احسن من قطر بالعكس احنا اللي اجناهم فرصة يطنططوا علينا

جتنا 60 نيلة

محمد مارو يقول...

ومن

لاء طبعا تتهم هما اللى 60 نيله

انا هجومى عليه لانهم ديما بيهجموا مصر و قناه الجزيره مش وراها شغله الا تخوين مصر

فبقول اللى بيته من ازاز ميحدفش الناس بالطوب

يعنى يبطلوا هجوم علينا شويه و يحترموا القضيه و يحاولوا يجمعوا العرب

قلم رصاص يقول...

أصبت الى حد كبير أخي محمد

hasona يقول...

ما ده زمن المتناقضات

وليست قطر وحدها

معظم الدولة تفعل نفس الشئ
اما علنا أو بطريقة غير مباشرة

ابوعدي للتسوق يقول...

شركة المثالية للتنظيف بالخبر
شركة المثالية للتنظيف بالدمام