الجمعة، ١٤ نوفمبر ٢٠٠٨

عااااااااااوز حقى

من منطلق اهميه دور الاعلام و الفنون المختلفه

اخذت الحكومه المصريه من فيلم عايز حقى للفنان هانى رمزى المبادره

و اشاروا الى حق كل مواطن فى المال العام

المره دى تلعب الحكومه المصريه دور البطوله

تعالوا نعيد تقسيم الادوار

فى الفيلم كان البطل هانى رمزى
فى الواقع البطل و البطوله للحكومه المصريه

فى الفيلم كان الفنان العظيم عبد المنعم مدبولى هو الذى جعل هانى رمزى يفيق فى نهايه الفيلم
بعد مقوله بيع يا عواد بيع
فى الواقع ان شاء الله هتكون الدور للمجتمع المدنى و الصحافه و الاعلام

فى الفيلم كان اللى ميتسموش هما اللى بيسعوا لشراء البلد
فى الواقع هما برضو اللى عاوزين يشتروا البلد

فى الفيلم كان التمن مليون دولار قابله للزياده
فى الواقع كل مواطن 2000ج و يمكن تقل

فى نهايه الفيلم بعد كلام عبد المنعم مدبولى مع هانى رمزى فاق هانى رمزى و عرف قيمه البلد دى
يا ترى فى الواقع و بعد كلام الصحافه و الاعلام هتفيق الحكومه المصريه و تعرف قيمه البلد دى ؟

لا اعتقد ذلك
فما يديرها مجموعه من العملاء الذين لا يهمهم البلد فى شىء

و فى النهايه نقول
بيييييييييييييييييييييع يا عوااااااااااااااد

ملحوظه
فعلا شر البليه ما يضحك نقلا عن الصحف بيقولك مبارك بيتوسط ع شان الجندى الاسرائيلى جلعاد شاليط و ناسى الطبيين المجلودين فى السعوديه و بيقولك يا رتنى كنت فلبينى كنت هلاقى حكومه تحمينى و انا بقولك لو لم اكن مصريا لتمنيت ان اكون هنديا او فلبينيا حتى

هناك ١٠ تعليقات:

حمادة زيدان يقول...

مارووووووووووووووووووووووووووووووو

والله يا مار المشكله أنه الموضوع لغاية الآن غامض جدا جدا جدا والواحد مش عارف هل هو حلو ولا وحش ... واحد صاحبي بيفهم في البورصة قلي الموضوع فيه خير كتير ... بس انا لغاية الآن مش عارف والله ....

على العموم الحكومة قالت يبقي هتنفذ وعلى العموم مفيش في إيدينا الا الصبر على القدر ... لأن النظام المصري ده قدرنا الأسود

ميرا ( وومن ) يقول...

مااااارو

طب هناخد حقنا ازاي هما هايبيعوا البلد بجد

وعواد هابيع

يادي المصيب

ريمان يقول...

ماروووووو


ازيك يا مارو

وكل سنه وانت طيب يا عم

وعلى فكره شكل المدونه عثل اوى

واللون البمبى جميل

ربنا يروق مزاجك وتبقى حياتك بمبى بمبى

وبالنسبه للموضوع قولى كده بالله عليك احنا هناخد حقنا ازاى؟

ده احنا فى مصر

عارف يعنى ايه مصررر

اقصوصه يقول...

هم يبكي وهم يضحك!!

حسبي الله ونعم الوكيل فيهم!

ما ادري يا ترى

هل ممكن الاوضاع تتردى

لاكثر من هذا الحد؟

Unknown يقول...

اه أسهم مجانيه لكل مواطن مش بعيد تبقى في شركه وهميه :P
و طبعا المواطن المصري هايقولك سهم مين و بتاع ايه فهيبيعه طبعا طلبا لرغيف العيش و المستفاد من انه يبيعه أكيد الراجل اللي هيشتري الأسهم دي و يبقى له حق التملك ^^
و لو لم أكن مصريا يبقى اشطه قوي ^^

Empress appy يقول...

دى مش ملحوظه يا مارو دى مصيبه سوده على دماغتهم

moory-mero يقول...

السلام عليكم و رحمة الله و بركاته

لو لم أكن مصريا لوددت ان اكون فلبينيا ههههههههههههههههه وربنا زي العثل أول مرة اسمع المقولة دي
بس انا معاك في ان الحكومة والرئاسة نفسها صعب تفوق
ماهم مستفيدين من بيع البلد حاجه ورا حاجه ولو طالوا يبيعونا كمان هيبيعوا
ربنا يرحمنا برحمته
سعيده جدا بتواجدي في مدونتك الجميلة
دمت بخير

في رعاية الله

حسن مدني يقول...

ياعزيزي
شر البلية ما يضحك

تحياتي

حسن مدني يقول...

انت عايزة يتوسط للمحبوسين في السعودية

طيب يتوسط الأول للمحبوسين جوة مصر، برغم أحكام القضاء،

تحياتي

أنا - الريس يقول...

ميه مسه .. وان شاء الله الصبح يطلع .. الخلاصة .. الموضوع شبه كارثي .. لأن تخيل لو كل واحد خد نصيبه وباع .. واللي اشتري ناس معاها فلوس من مصر .. هيبقي في احتكار .. طب تخيل بقي لو اللي اشتري ناس معاهم فلوس .. بس مش من مصر .. من اسرائيل .. كارثثثثثثثثثثثثثثة .. ربنا يهدينا ويهديهم ..