الجمعة، 3 أكتوبر، 2008

عديه السكه الحديد ! زياده اسعار التذاكر



فى اول ايام عيد الفطر المبارك الناس اتفأجأت بالعديه
لاقوا ورقه مكتوب عليها

تقرر توحيد الاجره لجميع المحطات 1ج حتى 29 كيلو متر

تعالوا بقى نشوف عواقب هذا القرار الجميل

زى ما احنا عارفين ان فى قرى كتيره مش فيها مواصلات او مواصلاتها صعبه زى قريه ميت الكرما اللى بتبعد عن المنصورة 2 كيلو متر

او قريه كفر العرب اللى بتبعد تقريبا 4.5 كيلو متر

و فى قريه ميت عساس بتبعد عن المنصورة حوالى 6 كيلو متر

التلت قرى دول فيهم كتير من الشباب اللى بيشتغلوا فى المنصورة

منهم الترزى و اللى واقف فى محل ملابس
او اللى بيشتغل ع عربيه تباع او او او

الشباب دول كل مرتبهم بيتراوح من 150 و 200 ج

ازاى بقى يا عم الوزير شاب بياخد 150 او 200ج و بين بيتهم و بين الشغل بالكتير 5 كيلو
و يدفع اتنين جنيه يوميا رايح و جاى ؟

فى حين ان من المحله الكبرى للمنصورة 27 كيلو متر و برضو التذكره ب جنيه
ازاى تساوى ده بده ؟

و فى حوار مع احد الشباب بعد رفع تمن التذكره اللى كانت ب 30 قرش ثم بقت ب 40 ثم 75 ثم جنيه

قالى انا بروح الشغل كل يوم من 11 الصبح ل 11 بالليل
يعنى بفطر و بتغدى و احيانا بتعشى فى الشغل

ازاى ادفع اتنين جنيه مواصلات و بيتى قريب من المنصوره ده غير الاكل و الشرب
قولت له طيب و الحل هتعمل ايه ؟
هتسيب الشغل ؟
قالى شغل ايه اللى اسيبه ؟
هو بالسهل انى الاقى شغل ؟
قولت له امال هتعمل ايه ؟
قالى طبعا مش هدفع

انا الاول كنت بدفع و بجيب التذكره لكن الان مش هدفع
قولت له يعنى هتعمل مشاكل مع الكمسرى كل يوم ؟
قالى لاء مش هعمل مشاكل بس انا لى طريقتى فى الزوغانى من الكمسرى انا و شباب كتييييير
قولت له ازاى ؟
قالى احنا بنشوف الكمسرى جاى بننزل و نركب عربيه تانيه هو فتشها او بندخل دوره الميه او بنقف على السوسته بتاع القطر
( السوسسته دى يعنى بيقف على العجلات او جمبها مش عارف اوصف بالظبط ) .
لحد ما الكمسرى يعدى


شوفوا بقى الوزير اللى كان عاوز يحل مشاكل التزويغ من الكمسرى
هو اهوه اللى بيساعد ع انتشارها
و ان شاء اله هبقى اصور لكم الشباب و هما بيزوغوا من الكمسرى
بسبب قرارات الوزير اللى بياخدها و هو فى مكتبه المكيف

كل سنه و احنا طيبين و هما محرومين

هناك 16 تعليقًا:

¨¨¨°~*§¦§ Appyplanet §¦§*~°¨¨¨ يقول...

يعنى بيخلص من الشباب ولا ايه يعنى ايه يقفوا على السوسته والله حرام يعنى بيعرض نفسه لخطر كل يوم ويموت علشان 150 جنيه
الله يخرب بيوتهم وزارء ولا مسئولين معندهمش دم يحتجوا يا مارو يعتصموا ان شاء الله يولعوا فى القطر يعملوا ايه يعنى ربنا يكون فى عونهم

وومن يقول...

ياخبر ابيض

والله حرام الناس هاتلاقيها منين ولا منين يقفوا علي السوستة ازاي بس

حسبي الله ونعم الوكيل مش كفاية

احنا اللي لازم نقول كفاية بقي

تلميحاتى - يوسف الشافعى يقول...

تقريبا يالورد
عاوزين يخلصوا على الشباب المكافح عشان البلد تفضى ليهم
ياريت عشان يخدموا نفسهم بنفسهم
او يجيبوا عماله من شرق اسيا
بجد بجد احنا بقينا كتييييير اوى ومن غير فايده ....كغثاء السيل يعنى
المفروض من وقفه احتجاجيه

محمد مارو يقول...

رحاب
با رحاب الناس دى بسيطه عايشه جمب الحيط لا يعرفوا لا اعتصامات و لا الكلام ده

محمد مارو يقول...

ومن

تعالى نقول و باعلى الصوت كفاااااااااااااااااااااااايه

محمد مارو يقول...

استاذ يوسف

عندك حق هما شايفين اننا كترنا اوى اوى اوى

حمادة زيدان يقول...

مارو حبيبي

الموضوع شكله حلو بس لو دققت هتلاقي بلاد كتير اتظلمت لسبب قربها لبعض يعني الموضوع ده مش هيفيد حد بالعكس هيضر ناس كتير وشباب كتير كانوا بيشتغلوا في بلاد تانية

بس عندنا في الصعيد مش هيأثر كتير لأن المسافات واسعة اوى عندنا هنا

ربنا يكون في العون

فى القلب يقول...

لا حول ولا قوه ألا بالله

لاء ولسه طول ماناس مطيعه وحلوه وساكته

أبو أسامة - مدونة كباية شاي يقول...

يا أخي الكريم :
وكم ذا بمصر من المضحكات
ولكنه ضحك كالبكاء

أعتقد أنه طالما بقي هذا الشعب ( كل الشعب ) صامتا فإنه يستحق كل ما يحدث وزيادة
ليس تشفيا ولا شماتة
ولكن لأن الحرية لا توهب ولكنها تنتزع انتزاعا

حسن مدني يقول...

يا مارو مش معقول سوء الظن اللي انت فيه ده
الراجل قصده يحوش لكم عشان يحسن القطارات، ولما يولع فيها يولعها بجاز نظيف أو بنزين.
مش أحسن ما تتحرق القطارات بجاز وسخ، وسبرتاية؟؟

مش عارف أقول ايه!!
كل نة وانت طيب

تحياتي

غير معرف يقول...

مارووو
مش عارفه بجد اكتب اقول اى
وانت بتوصف كانك بتصور فيلم كوميدى
للاسف حياتنا كلها بقت عباره عن فيلم بس ملوش نهايه

كل سنه وانت طيب يا مارو
يارا

احمد الجيزاوى يقول...

ربنا معاكم
بس الموصلت فى مصر بقه بقت اكتر منكم نار على الاخر
عموما البلد خلاص بتغلى
تحياتى
وكل سنه وانت طيب

شباب روش طحن يقول...

من أسوء الوزارات في مصر وزراة الموصلات بجد مالهاش مثيل في أي دولة تانية في العالم ساعات كتير بتكون عايزه توصل لأهداف معينة وبدل ما تنفذها تقوم تبوظ الدنيا أكتر ما هي بايظه

will يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

غير معرف يقول...

يارب سهل كل امر عسيروفرج كرب المؤمنين ومصر تكوناحسن بلد الدنيا

غير معرف يقول...

يارب سهل كل امر عسيروفرج كرب المؤمنين ومصر تكوناحسن بلد الدنيا