لم يكد يمر على كارثه حريق مجلس الشورى اربعين يوما
و لم يكد يمر على كارثه الدويقه ايام
الا و بالحكومه المصريه و قبل عيد الفطر باشره تعطى العديه للمصريين
و تحرق لهم المسرح القومى
كده نقدر نقول
مازال مسلسل الكوارث الخاص بأسوا حكومه جات للشعب المصرى مستمر
فمن بدايه تولى المدعو نظيف شؤن الحكومه و كل يوم الشعب المصرى بيطلع من كارثه على كارثه
بدايه بكارثه غلاء المعيشه و ما صاحبها من اضرابات و تخريب و تكسير و ضياع حياه بعض المواطنين و اصابه البعض بالعجز الكلى بعد فقدهم اعينهم
ثم الانتقال لحريق مجلس الشورى
ثم كارثه الدويقه
ثم حريق المسرح القومى
و لسه و لسه و لسه
و مش غريب و لا عجيب بالرغم من كل الكوارث و المصايب دى
يطلع علينا صاحب الجلاله و السمو و العظمه السيد مبارك و يقول ان حكومه نظيف من افضل الحكومات اللى اشتغلت معاه
زى بالظبط ما يكون مكفأته للحكومه على تفريطها فى حقوق الشعب و ضياع حياتهم و تعذبيهم
كلمه شكر لهم و استمرارهم فى مناصبهم بدل ما يتم اقالتهم
كده الرساله وضحت اوى
عاوز تتولى اعلى المناصب مفيش ادامك غير طريق واحد بس
خرب و عذب و اقتل على اد ما تقدر من المصريين
لو عاوز تصلح و تعمر يبقى انت شاطر و مع الشاطر
هناك ٢١ تعليقًا:
حكومتنا دى ياعمنا
حكومة الكوارث
ورئيسنا مش عايش وسطنا
ولا عمره حس بهمنا
ولا أكل اكلنا
وكأنة رئيس دولة جنبنا
ومفيش عندنا
الا احنا ندعى ربنا
انه يرضا عننا
يامارو انت مش فاهم ليه الرئيس ماسك في حكومة نظيف كده اصلها حكومة مؤمنة ايوة مؤمنة جدااا كل كارثة تحصل يطلع المسئول ويقولنا والايمان يفيض من وجهه قضاء وقدر هكذا هي ارادة الله فهل من معترض؟؟؟؟؟؟؟؟؟
نسوا ان ربنا اللي بيلصقوا بيه كل بلاويهم امرهم بالتوكل واتقان العمل كما قال الرسول الكريم ان الله يحب اذا عمل احدكم عمل ان يتقنه وكمان اعقلها وتوكل لو كانوا عملوا وسائل تدعيم مناسبة الية ضد الحرائق لا كان الشوري ولا المسرح ولعوا ولو كانوا نقلوه الاهالي الغلابة وهما عارفين الكارثة قبل ماتحصل ماكانت دموع اهاليهم لسة مانشفتش عليهم
خلونا نرضي بقي بحكومة نظيف المؤمنة
كل سنة وانت طيب
وكل عيد والعدية غالية كده
أنت بتتكلم في السياسة "صورة واحد مبرّق عينه"
الكرباج يا وهيبه
كل عام انت الى الله أقرب
حبيبي مارو
والله يا بوب الحكاية وما فيها أنه الاخ نظيف والاخ مبارك بيطفشونا من البلد حتة حتة , واللي مش عاجبه يغبط دماغه في أتخن حيطة أو يرمي نفسه في النيل
ياللا ربنا يسهل ويولعوا في باقي البلد قريباً بقة
الحكومه بتاعتنا دي مش تعتبر اصلا حكومه بس ( لو دامت لغيرت ما وصلتلك )
علشان كده اعتقد انهم هيضحوا بيها ككبش فداء علشان امتصاص غضب الشعب وبعدين يجيبوا اللي انيل منها
:d
تحياتي
انت زعلان ليه يا عم مارو؟
هم قصدهم ينورا البلد. ولأن البترول سعروا في الطالع، قالوا يولعوا في الحاجات القديمة، منها تنور، ومنها نخلص منها ونفضي الأرض لمشاريع أكسب.
هو ده التنوير يا معلم
تحياتي
ايه يعنى يااخى
حريقه تفوت ولا حد على كرسى يموت مئات يغرقو ومئات يندفنوا بالحيا ولا كرسى يتهز
اصلا احنا اللى نستاهل
بشرفك مين على صوته وقال حرام عليكم يا........
ربنا يسترها ومنصحاش على حريق القصر الجمهورى ... او وزاره من الوزارات السياديه.... انا شخصيا لااستبعد ذلك مدام هناك فساد ومدام هناك محاولات لمداراة الفساد او هناك افضل من الحريق
ربنا يحرقهم بجاز
تحياتى وقبلاتى
مارو
والله انا فرحان دى البشاير وبدايه التغيير ولو رجعت لقبل قيام الثوره هتلاقى حريق القاهره . يعنى احنا فى الاتجاه السليم وبكره هتقول ان كلامى صح
وان الحرائق والكوارث دى هى كانت مقدمه للتغيير فى مصر وفى المنطقه العربيه
امام سليم
ايه الزجل و الكلام الحلو ده
بطوط
عندك حق فعلا
هى حكومه مؤمنه
بس هى مؤمنه بالفساد
المتبهدلون فى الارض
مدونتك مالها يا مان
كل اما ادخلها الكمبيوتر يهنج
حماده
بتدعى علينا يا مفترى ؟
ابو على
يضحوا بمين يا عمونا انت بتهزر ؟
هما يضحوا بينا احنا
مدنى
هههههههههههه
فعلا هو ده التنوير
يوسف الشافعى
يا استاذنا قول يارب نصحى على حريق 00000 بالىى فيه
ابو النجوم
مش عارف مش حاسس بالتغير ده ليه
يا حسره عليكى يا مصر وياعينى عليكى يا بلد
فى ايه خراب اكتر من كده
ايوة يا مارو بلاش تستغرب هى دى عديه الشعب المصرى
حرايق وخراب ودمار وفساد
ربنا يرحمنا
وربنا يستر على الضربه الجايه قصدى المفاجاه الجايه
اه من حق
استايل المدونه شكله ظريف اوى
مارو ازيك وكل سنه وانت طيب
انت عارف اعلان الضرايب بتاع ولسه ولسه؟
اهو انت فكرتنى بيه وبعدك للمصايب بتاعتنا فى الفتره اللى فاتت
وربنا يستر علينا
يا ابني انت مش فاهم
ماهي دي انجازات برضه
بس بشكل اخر
ربما تكون احدي الطرق غير التقليدية لحل المشكلات
( طبعا بهرج )
ربنا يستر بقى من القادم
و لنا الله
شركة تنظيف فلل بالجبيل
شركة تنظيف شقق بالجبيل
شركة مكافحة حشرات بالجبيل
إرسال تعليق