السبت، ١٦ أغسطس ٢٠٠٨

الى كل مخدوع فى ايمن نور

رساله تنبيه الى كل مخدوع فى ايمن نور

ظهرت حقيقه المدعو ايمن نور و ظهرت نوياه الخبيثه

فقد ارسل المدعو ايمن نور رساله لمرشح الرئاسه الامريكيه باراك اوباما

يستعديه و يستقويه بها على مصر

هذا و قد اعلنت كل القوى الوطنيه و المعارضه استيائهم من هذا التصرف

ووصفوه بالفضيحه و المصيبه

و ايضا اعلن حزب الغد استيائه التام من تصرف نور

و قال ان نور تم فصله من الحزب من اول اكتوبر عام 2005 و كل تصرفاته هى مجرد تصرفات شخصيه

لا تنم عن اراء الحزب او سياساته


انا اعتقد ان المفروض يتم محاكمته بتهمتين

خيانته للوطن
و الثانيه غبائه السياسى

لانه فى حمله الانتخابات الرئاسيه كان من المطالبين بقطع العلاقات مع اسرائيل

و الان بيطالب بحمايه امريكيه من اوباما المحب لاسرائيل

و كمان هو ميعرفش اد ايه مبارك نايم فى حضن ست الكل و متربع

معلش اصله غبىىىىىىىىىىىىىى

هناك ٢٨ تعليقًا:

غير معرف يقول...

انت بامانه انا اول مره اعرف ان انت انسان غبي
يعني كل اللي حصل فيه ده وتيجي انت تقول نحاسبه عشان السياسه والخياناه
طيب لو انت بتفهم اوي كده هو اصلا كان في قضيه عشان يتحبس بيها
ده كله تلفيق في تلفيق اتشال من الحزب واتحبس واتبهدل وده كله عشان دخل انتخابات الرئاسه وكان هيخدها لولا الكوسه وغيره مثل نعمان جمعه ما هو برده اتشال من الحزب واتبهدل
انت بامانه طلعت انسان ؟؟؟؟؟؟
وياريت ترده عليا في السؤال ده ؟؟؟

هو ايه القضيه اصلا اللي محبوس بيها ؟؟

لو عندك جواب عدل قوله
لو معندكش يبقي اقعد ساكت احسن ومتكتبش اي حاجه كده وخلاص

تحياتي ليك يا مارو

محمد مارو يقول...

هههههههههه
ها يا عم الامور الغبى

اولا لو كان عندك الجراه كنت عرفتنى مين المتخلف اللى بيكلمنى ده

لكن انت زيك زيه كلكم اغبياء و جبناء و خونه

انا مش من عادتى انى ارد على المجهول لانه اصلا اجبن من انى ارد عليه لانه جبان

ادخل باسمك الحقيقى و نتناقش بموضوعيه يا غبى

و يا غبى لو على الغبى التانى دى سهله اوى انا على استعداد اثبتلك انه كل همه السلطه و بس

و بعد كده يا عم الامور لو عاوز تعلق عندى تعلق باسمك لو جبان يبقى ملكش مكان عندى
انا هسيب التعليق بتاعك ده

لانك اغبى من انى احذفه

غير معرف يقول...

تصدق انت اثبتلي ان انت
بيئه ومتعرفش اسلوب الكلاموازاي ترد علي سؤال
ولماحد يسالك سؤال انت معندكش رد ليه
تقعد تتكلم كلام الاغبياء ومتلقيش رد تقوله
لا ده يعني مبرر ده بيدل علي ان انت حمار ومتعرفش اي حاجه
وانت بس عايز تعمل للمدونه بتعتك دي لو تتسمي مدونه اصلا انا لما بقلك مدونه بتعتك بجملك عشان متخفش ويمكن مكنش انا اول واحد بقيلك كده
بس انت عايز تعمل صيت وبلبله بكلام الحمير اللي انت بتقوله ده وانت بامانه ليه متكنش دلدول للحكومه او مرشد زي ما هما بيقولو ان كلام المدونين بيروح للحكومه ليه ميكنش انت او واحد حمار زيك اللي بيعمل كده
وياريت متفضلش تتكلم وتقول غبي وخونه وكلام الوطنين ده متهربش من السؤال
لو عندك رد قول معندكش قلتلك يبق تسكت وتخرس خالص وبلاش كلام الحمير الكتير ده

وانا عايز اثبات للي انت بتقوله ده

دى سهله اوى انا على استعداد اثبتلك انه كل همه السلطه و بس ؟؟؟مش ده كلامك برده
انا بقي عايز الاثبات اللي عندك ده
وياريت لو انت عندك الجرئه متمسحش اي تعليق من اللي انا بكتبهم
وكمان ياريت تبعت لينك التعليقات ده لكل المدونين مش لينك المدونه نفسه
ده لو في جرئه منك
واحنا لسه مخلصناش الكلام
لما ترد عليا وتثبت وانا لسه عندي كلام كتير
يثبت انك بكلامك ده ؟؟؟؟؟ ان انت حمار ومش فاهم حاجه

تحياتي لكبير الحمير ومرشد الحكومه

بنت الاسلام يقول...

انا داخلة خناقة ولا ايه

الامور مابتتاخدش بالشكل ده

ولا بالاسلوب ده


ماعلينا

بغض النظر عن ان ايمن نور متلفقاله التهمة زي ما الاخ الغير معرف بيقول

وبغض النظر عن ان السياسة والنظام المصري والقضاء المصري ظلمه ولا لاء


ايمن نور كان له شعبية جامدة وكان موقفه ومؤيديه بيتزايدوا يوم بعد يوم

كونه يستنجد بامريكا وبمرشحها الرئاسي القادم اعتقد انها خطوة اخدها اما بدون وعي وادراك منه جايز بتاثير السجن مثلا؟ اصل بعقله خطوة زي ديه هتبعده 100 خطوة لورا عن مشوار بدأه وكان ممكن يعيده

هو متخيل مثلا ان الشعب هيصقف له لو حط ايده في ايد امريكا؟؟

ده كلمة عميل امريكي تهمة في نظر كل مصري

مابالك مصري بيدور علي رئيس له

غلط في حساباته

غلطة اعتقد تمنها هيكون غالي قوي

واتمني ان لغة الحوار تتحسن بينا اكتر

من كده

تحياتي

بنت الاسلام يقول...

ايه ده

انا بقي تعليقي المرة ديه لغير المعرف ده

في اي يابني مالك؟؟

ايه الاسلوب ده؟؟؟

انت لو عندك ذرة احترام وجرأة وشجاعة ادخل علق باسمك وبكيانك

انت حضرتك عملت نفسك حكم بقي وعمال تحكم وتشكك في وطنية الاخرين


هو ايمن نور ملاك والمفروض ان كل وطني شريف يمشي وراه؟؟؟

والله زي ماحقك تكون مع ايمن نور وتدافع عنه من حق غيرك انه يكون ضده ومش معني انه ضده يبقي مع الحكومة


اسلوب حوار متدني الواحد اصلا يترفع بنفسه انه يرد عليه

الاستاذ محمد مارو ومدونته من اشد المدونات المحترمه اللي بتعرض رايه وفكره الخاص جدااا واللي اظن انه من حقه

علي الاقل افضل ما يكون منقاد اعمي بيردد كلام محفوظ وبس

احنا لينا بالموقف اللي قدامنا كون استنجاده باوما او حتي التفكير فيه يعني الكثير والكثير ويفقده هيبته وسط حزبه نفسه اللي اعلن تبرءه من موقفه ده مش وسط ناس لاتمت للحزب بصلة

انا برجو الاستاذ محمد مارو انه يلغي تعليقاتك القذرة مش خوفا منك ولا هربا من اجابة اسئلتك اللي اظن ان اجاباتها مش صعبة لكن احتراما لذاته ومدونته وقراءه المحترمين اللي يفضلوا بدخولهم مدونة شخص محترم زيه انهم يتفاجئوا بزوار علي نفس المستوي مش بالمستوي المتدني اللي زي حضرتك

محمد مارو يقول...

يا ابن العبيطه لو انت راجل قول انت مين يا كلب يا ابن الكلاب
ده لو انت راجل يعنى و انا اشك فى كده يا غبى
و للمره الميه هقولك غبى انت و حبيبك
اغبياء مصر

يا غبى لو عندك جرأه قول انت مين و تناقش بموضوعيه مش تعمل زى الكلب بتاعكم اللى كل يوم يصوت و يعيط و يقول بيضربونى و بيعذبونى

بيولول زى الولايه

انت كمان يا كلب يا ابن الكلب زيه
و لو راجل اثبت لى انك راجل و كلمنى باسم معروف مش كلام و انت مستخبى يا ابن الحمير و الكلاب

و للمره الاخيره مدونتى برقبتك انت و سيدك و مش تدخلها تانى الا و انت معرف نفسك يا ابن الكلاب

انا واحد مش بخاف و بتكلم باسمى و عمرى ما عملت غير معروف الحمد لله

انما انت و سيدك و الكلب بتاعك انتم الجباء اللى رايحين تجروا لامريكا

يا ابن الكلب لو امريكا كانت نفعت غيركم كانت تنفعكم
لكن اعمل ايه ما انتم جباء و عاوزين
اللى يحميك زى النسوان

محمد مارو يقول...

بطه

ما احنا قولنا غبى يا بطه انه ياخد خطوه زى دى
لكن الكلاب بتوعه مش مصدقين انه غبى و هما اغبيه

محمد مارو يقول...

بطه

اكيد هلغى تعليقاته لو دخل تانى بغير معروف
لكن لو دخل باسم معروف و قال زى ما يحب و بكيان معروف لن الغى تعليقاته طبعا

و دى سياسه الكلاب بتوع نور

احمد اشرف يقول...

استاذ مارو مضيقش نفسك علشان واحد زى ده ان كان ايمن نور او الجبان اغير معروف ده ميستحقش حد يعبره ثم اننا ياما مهنشوف إذا كان جدو مبارك زى مانت بتقول نايم فى حضن امريكا يبقى لازم مشوف حجات زى دى.
وانت باغير محترم خلى عندك شوية احترام لو عندك حاجه تقولها قولها بشخصك الحقيقى مش تقول رايك من ورا الستاره زى الحريم وان كنت انا حاسس ان انت كده فعلا
......واخيرا استاذ مارو تحياتى

عالم حبيب يقول...

السلام عليكم ورحمة الله وبركاته

حياك الله أخي الحبيب محمد

لأول مرة أمر على مدونتك الكريمة فأردت أن أترك بصمة فيها

لكن سائني صراحة بعض الألفاظ التي استخدمت في التعليقات .. يارب يصلح الفاظنا واقوالنا .. فكل حرف مسطر في كتاب عند ربي

بالنسبة لموضوع نور .. استغربت صراحة من رسالته الى اوباما .. فمنذ اسبوعين فقط قرأت رسالته الى مبارك في الدستور

وبالجملة أخي الحبيب .. الكثير وبكل اسف ممن يلعبون على المسرح السياسي المصري ليس لهم هدف إلا المصالح الشخصية .. سواء مصر تبقى ست الكل ولا تبقى ست ابوها .. مصلحتهم فوق الكل .. حتى فوق مصر اللي بيتشدقوا بحبها

نور بالخطوة اللي عملها اكيد بيبعد .. مع انه .. والله اعلم بنيته .. مع انه كان له شعبية كبيرة

واخيرا .. الاصلاح لن يأتي أبدا من الخارج

إن كان في اصلاح فهيكون بايدينا احنا

تقبل تحياتي أخي الحبيب

حسن مدني يقول...

أخي العزيز مارو/

الحقيقة أني أتفق وأختلف معك جزئيا.
أتفق معك إن رسالة أيمن نور خطأ سياسي وأخلاقي ووظني. بل خطيئة.
لكن ليس لدرجة الجريمة. طبعا مافيش جريمة اسمها الغباء السياسي. الغباء السياسي خطأ يدفع المخطئ ثمنه في الانتخابات.
أما الاتهام بالخيانة فهو معادل للتكفير. وليس من السهل ولا من المستحب اتهام انسان به. ومع مراعاة ظروف د. أيمن نور في السجن وشعوره بأن الشعب تخلى عنه. من الممكن أن ألتمس له العذر. فلا أصفه بالخيانة، ولكن يظل الانتصار بمرشح رئاسة أمريكي خطيئة سياسية. وكل مرشحي الرئاسة في أمريكا محبين "لإسرائيل" لا فرق بينهم في ذلك.

اما المجهول،
صحيح أن د. أيمن نور كان مرشح رئاسة، وقد يكون بريئا، وقد تكون التهمة ملفقة. ولكن هذا لا يمنحه صك غفران أمام أي اتهام آخر. فهذه الرسالة دليل إدانة له، برغم أننا قد نلتمس له العذر نظرا لظروفه الصحية، لكنها خطأ بلا شك.
أما كونه كان سيفوز بالانتخابات فهذا وهم كبير. فلم يكن ليفوز بأكثر من 15-20% من الأصوات في أحسن الحالات.

ثم إذا كان الاخ مارو مخطئا في رأيه، كما ترى أنت، فأنت بلاشك مخطئ في أسلوبك. فليست هذه لغة حوار محترم. وخاصة أنك تتحدث في نقطة خارج الموضوع تماما. فليست المناقشة عن أسباب حبس أيمن نور، وإنما عن موقفه تجاه هذا الحبس. ومقفه من وطنه.
وليس أيمن نور هو الوحيد الحبوس لأسباب سياسية. فغيره كثيرين معتقلين برغم أحكام القضاء بالإفراج عنهم، وهنام المتعقلون بأحكام محاكم عسكرية غير قانونية. ولم يرسل أحدهم رسالة مثل هذه. وإذا استعان أحد منهم بأمريكا أو بروسيا أو بأوروبا، فسأكون أول من يدينه.

تحياتي

غير معرف يقول...
أزال أحد مشرفي المدونة هذا التعليق.
محمد مارو يقول...

احمد اشرف

الف شكر على تنويرك مدونتى

محمد مارو يقول...

عالم عجيب و استاذ حسن

انا اولا اسف على الالفاظ اللى اسشتخدمتها و انتم اكيد هتلاحظوا ان دى اول مره اقول فيها كده

اما عن المناقشه معه فانا على كامل الاستنعداد و مستعد ابين له اد ايه نور ده انسان جبان و مش يهمه الا مصلحته

بس هو مش ادانى فرصه

محمد جمعه يقول...

السلام عليكم
مع احترامى الشديد لوجة نظر كل منكما
لاكن اختلف اختلاف كلى مع حترضتك يا مجهول يا جبان
وعلى فكرة
لو مارو مشلش التعلقات دى تحسبله هو عارف ليه؟
لانك فعلا انسان نكرة
وكان من مصلحتك انه يشيل التعليقات عارف ليه عشان محدش يعرف انك غبى مش غبى فى السياسه بس
لالالالا
غبى فى الحوار كمان
وعلى فكرة مينفعش معاك غير اسلوب الغباء
وللاسف الاسلوب ده مش على المدونة دى
--

محمد جمعه يقول...

اما موقف ايمن نور واى موقف مشابه له
فطبعا نرفضه وانا بعتبرها زله من زلات نور
تحياتى يا مارو

حمادة زيدان يقول...

مارو حبيبي

أنا كنت ناوى أعمل بوست أهزق كرامة سي نور بس قولت بلاش يا واد الطيب أحسن ... بس فعلاً رسالة تجنن , ليه أوباما يعني بيستقوى بأمريكا طيب خليها تنفعه ... أما عن المجهول هو لو فعلاً ليه شخصية قوة كان ورانا نفسه لكن هو انسان ولا حاجة لأنه جباااااااااااااان

طلاب من أجل مصر يقول...

ا/مارو..فعلا واله دي اول مرة تقول الكلام ده ...بس كان يعني انت تبقى ارقى منه شوية ...هوه شتم انت عامله بادب هيحترم نفسه وهيسكت لكن كده هيزيد ..بس فعلا هوه جبااان جداا لانه داخل عير معرف ...على الاقل بس كتب اسمه ولا حاجه

...........
اما بقه في حكاية نور ..فلو قلنا انه متلفقله قضايا ..وتعذب وكده..مش هوه اول واحد ولا اخر واحد يتعمل فيه كده
في ناس اشرف منه واحسن منه اتبهدلوا اكتر منه كمان عندك ا/خيرت الشاطر وغيرة
دول شرفاء الوطن واتعمل فيهم العجايب ..وصبروا واحتسبوا ..مهوه مفيش غير كده ..واللي عمله نور ..ابدااااا غير مبررر ..مش عشان اتعذب واتبهدل يخون الوطن...ده كلام غير منطقي وعملته دية مش مبرر نهائي

تحياتي ليك ا/مارو
=======
فينك من زمان معدناش بنشوفك عندنا زي الاول ..ابقى نورنااا
:)

غير معرف يقول...
أزال أحد مشرفي المدونة هذا التعليق.
ريمان يقول...

يا سلام عليك يا مارو يا كاشف الحقائق الخبيثه

ربنا يحميك ويحفظك

ريمان يقول...

مارو ايه ده

كان فى شكل وخناق وانا مش واخده بالى

سيبك من اللى داخل يعلق بغير معروف ده

ده شكله بنى ءادم حقير وفاضى ومش وراه حاجه

عايز ايه يعنى يا مارو من واحد فاضى؟

بلاش قرف

سيبك منه

محمد مارو يقول...

جمعه
تسملى ياحبيبى

محمد مارو يقول...

حماده انت و عبد الهادى

شكرا لكم هو فعلا جبان لانه مش قادر يظهر نفسه

مدونة حكومتى ملاك يقول...

السلام عليكم ,
طبعا أكبر غلط اللى ايمن نور عمله ويدل على عدم الخبرة السياسية
أى نعم هو عانى فى السجون ولكن لازم يصبر من أجل هذا الوطن مش يترمى فى احضان أمريكا الى احنا كلنا عارفيينها كويس . عجيبة والله


عمار صبرى

غير معرف يقول...

لتاني مره اثبت انك جبان
بس يكون في علمك ده مش شطاره انك تمسح التعليقات
ده غباء ولم اخذه
وانا بحب اشكرالاخت ريمان علي التعليق الجميل اللي مكتوب ده
وعشان تكون عارف يعني
انا مش عشان انت بتمسح التعليقات يبقي انا مش هكتب تاني ده بلعكس خالص
وانا احب اشكر كل محترم كتب تعليق وقال وجه نظره
زي الاستاذ حسن مدني
ولاخت العزيزه بطه بكر
والاخ عالم حبيب
والاخ عبدالهادى_سارة
والاخ حكومتى ملاك
وعلي فكره متخفش انا مش هعلق تاني علي الموضوع ده
ان مستني الموضوع القادم
تحياتي لجميع المحترمين اللي انا ذكرتهم

كرهتك يا مصر يقول...

هو دا الى فالحين فيه

يعنى علشن الراجل بعت جواب لامريكا عامل كل دا ؟؟؟

ايه رئيك ان امريكا احسن بلد فى العالم وحتفضل ..

على الاقل احسن من بلدك الفاسدة ..

ابو النجوم يقول...

مارو
انا اسف جيت متأخر لكن ان تأتى متأخر افضل من ان لاتأتى...
الموضوع بالنسبه للاخ ايمن نور كان مترتب ومحسوب لكن هو صدق نفسه . كانوا متفقين معاه على خطوط حمرا يجب الا يتعداها لكنه صدق الكذبه وان ممكن يكون فيه انتخابات ولما صور له خياله اننا فى بلد فيها حريه وديمقراطيه حاول انه يعيش فى الدور وتعدى الخطوط الحمراء . ساعتها أخرجوا له كام توكيل مزور وفعلا التوكيلات مزوره ومزوره بمعرفه ايمن . وحبسوه بقضيه تزوير مش بقضيه سياسيه ودى حنكه الحكومه فى التلفيق . وانا مع الاستاذ اللى اتهم ايمن بالغباء السياسى لانه فعلا غبى ومتطلع للسلطه وردا على الاخ المجهول بدل ماتدافع عن ايمن نور ايه رأيك نرجع لتاريخه من ايام ماكان فى حزب الوفد وكان فى المنظمه المصريه لحقوق الانسان وايام اتفاقه مع رامى لكح لما راحوا يشتروا حزب بفلوس رامى
انظر لتاريخ ايمن نور وانت تعلم انه شخص وصولى يريد ان يظل تحت الاضواء. ورسالته لاوباما عباره عن محاوله لتسليط الضوء عليه او جعل الناس تتذكره لكنها طلعت اوت لانه عنده غباء سياسى . سورى على بعض الالفاظ .
وللعلم انا وايمن نور بلديات يعنى لسنا فى حاجه لان يعرفنا احد ببخلفيه الاخر . سلام ايها المجهول
وعذرا مارو على الاطاله

Entrümpelung wien يقول...

Dank den Themen .... Ich hoffe, mehr von den Themen