اخيرا يا جماعه عشت و شوفت الجوامع مكيفه الهواء
فى مدينتى مدينه المحله الكبرى لفت انتباهى يافطه على باب جامع
اليافطه مكتوب عليها ادفع الجامع مكيف الهواء
و كنت فى القاهره فى المهندسين تحديدا و خاصه فى جامع مصطفى محمود
الجامع بسم الله ماشاء الله كبير جدا و الحمد لله مكيف الهواء
الله
طيب و انت زعلان ليه يا سى مارو
اقولكم بقى و ردوا عليه
جامع زى بتاع مصطفى محمود ده مش جامع صغير
ده جامع كبيييييييييير
يعنى عاوز على الاقل بتاع خمس ست مكيفات
بالرغم ان الجوامع الان مش بتتفتح الا ساعه الصلاه بس
و بالرغم ان المراوح كانت عامله شغل حلو اوى اوى اوى
و بالرغم من حاله الفقر اللى بنعشها
طيب اللى كييف الجامع ده مسمعش ان فى واحد انتحر على شان مش لاقى تمن ازازه زيت ؟
اللى كييف جامع المحله ده ميعرفش ان فى دخول مدارس و رمضان و الاهالى حامله الهم فوق همهم ؟
بالله عليكم
ايه افيد و احسن ؟
اكييف جامع المرواح عامله فيه شغل كويس جدا و لا اصرف تمن المكيفات و الكهربا بتاعهم على الاهالى ؟
ايه اولى ؟
احيى اسره و اساعد فى ادخال البهجه الى قلوبهم و لا اتمنظر
هناك ٢٢ تعليقًا:
اول تعليييييييييييييييق
هيييييييييييييييييييييييييييه
لولولولولولولولى
لولولولولولولولى
اية دة بقي انا كنت اول تعليق
عموما مش مهم
عندك حق يا مارو فعلا الناس بتفكر في المنظرة وبس
طب انت عارف جنب الشغل عندي في الدقي جامع ضغير في عمارة قافلو علشا يجددوة من كام يوم معدية قدامة وقت صلاة المغرب حسيت بهوا ساقع كدة بصيت لقيت الجامع مكيف ولا لوبي فندق 5 نجوم غير الرخام والدهانات اللي النوع سوبر فاخر
طب كل التكاليف دي في جامع صغير قدامة اكتر من 6 شحاتين
طب مش قلوس التجديدات دي كانت ساعدة الستة دول
تحياتي
تاني تعليق
أقول المسأله تنقسم لاتجاهين
الاول ان الرجل بات يتبرع بالمكيفات
ليقال فعل فلان وتبرع علان
الثاني ان معظم المساجد هي ملك لله تعالي
ولكن يشرف عليها السلفيين من جماعه انصار السنه او من جماعه الاخوان المسلمين
او رجال اعمال شباب تابعين لفكر عمرو خالد الموردن وبالتالي
سيكون الرد عليك يا مارو
بالاتي
يعني عاوزنا نهمل بيوت الله يا عم
يا اخ اتق الله هو مش حرام الفلوس بتتصرف علي الراقصات واللعيبه
فيه ايه يا اخ مارو دا الجو حر والمسلم محتاج خشوع وهدوء
اقوال في محلها ولكن في ظل احجام
رجال الاعمال بعدم نصرتهم لدعم الفقراء بالواقع المعيشي السيء
فقد يسيء هذا لصورة العابد المسلم
ويقولك بهتموا بالشعائر طب فين التطبيق
فين الاحسان والمساهمه
والله الموضوع بتاعك هام واتمني النقاش يتسع فيه
لانه عميق وحساس ومش هتسلم من العقول
التي تهاجم دون روية
احيك واتمني منك مزيد منكم ومني الزيارات
للمساجد لنصلي دوما
بالنسبه للمدارس والمصاريف اتمني نطلع اولادنا
من المدارس لانها مش جايبه همها وسط تسريب الامتحانات
بالنسبه لرمضان هو شهر العبادة مش شهر الاكل
بس انا عارف انك تقصد ناس مش لاقيه ادني مستويات المعيشه
اسف يا وومن
انا لما جيت اعلق مكنتش لاقي الا تعليق
خالد فودة واعتقد
انكي لما جيتي حسبتي ان محدش علق
انا بعتذرلك
انا كنت امبارح بالدقي هي مشاء الله نظيفه
طبعا انت معاك حق يا مارو
بس انا عترض علي ان الراجل بيتمنظر
هو ممكن يكون مش واخد باله او جاهل
مثلا مش شرط يكون بيتمنظر
بس هو طبعا كان الاولي انه يتبرع بالفلوس
عزيزي مارو/
لا أظن المسألة منظرة بالدرجة الأولى بقدر ما هي قلة فقه. أو ما يسميه فهمي هويدي التدين المنقوص. أو ما يسميه آخرون الجهل بفقه الأولويات.
بالتأكيد إن مساعدة الفقير والمحتاج أولى من تكييف جامع، أو حتى بناء جامع. ولكن ليس كل الناس تفهم ذلك.
المسألة الثانية، ماقاله رامز عباس، هذا الرد "أتريدنا أن نهمل بيوت الله" هو رد يقال، وله وجاهة في بلد تعاني ما تعاني ثم تجد لاعب كرة يتقاضى الملايين مقابل لا شيء، أو راقصة تركب سيارة ثمنها يعادل دخل 10 دكاترة جامعة في 50 سنة. أو تجد أن مصاريف تزيين شارع بمناسية مرور مسؤول تكفي لإطعام سكان الشارع 3 سنوات، وخاصة أن الشارع يعود إلى ماكان عليه بعد يومين على الأكثر. فلماذا التركيز على المساجد بالذات؟ وهي في النهاية منفعة عامة.
أليس الإنفاق على المساجد أولى من الإنفاق على الأفلام وعلى دعم ملف 2010 ومن الإنفاق على الحملات الدعائية لتزيين شكل النظام، أو من الإنفاق على تخصيص طائرة خاصة لنقل فريق كرة قدم، أو .. أو ..
ولا أدري لماذا قرر الأخ رامز التعريض بالسلفيين والإخوان وأتباع عمرو خالد في اهتمامهم بالمساجد. أغلب المساجد يشرف عليها رجال يتهمون بالعمل الإسلامي على اختلاف تياراتهم وأفكارهم. وما يفعلونه خير بالتأكيد، وإن كان هناك ما هو خير منه.
المسألة الأخيرة، لماذا لا تفتح المساجد إلا ساعة واحدة للصلاة، أليست بيوت الله التي يجب أن تكون مفتوحة على الدوام، لمن أراد الصلاة أو أراد الاعتكاف أو أراد قراءة القرآن؟
تحياتي
السلام عليكم ,
لافتة جيدة أخ مارو على فكرة انا عندى فى القرية مسجد أصغر من الشقة اللى ساكن فيها وفيه 2 مكيف
انت فعلا معاك حق لأن المسلمين غاب عنهم فقه الأولويات يعنى لو فى مسجد محتاج مكيف وفى فرد واحد من الدولة مش لاقى ياكل يبقى هو أحق بالفلوس
نقطة أخرى ان فى حديث بيقول فى حديث رواه أبو داوود وبن حبان وصححه عن ابن عباس "ما أمرت بتشييد المساجد " أى برفعها زيادة عن الحاجة .ولفظ بن خزيمة "يأتى على الناس زمان يتابهونبالمساجد ثم لا يعمرونهاإلا قليلا"
وقال بن عباس " لتزخرفنها كما زخرفت اليهود والنصارى "
عمار صبرى
اخى انا راى ان مفيش مانع من المكيفات والتطوير لكن بدون تبذير لان ده بيت ربنا وبانسبه للمدارس مش مكيفات المساجد هى اللى هتفرق لكن شوف مرتبات كبار رجال والمكافئات اللى تاكل شارع كباب وكفته
تحياتى
ناس كتير بتتمني تعمل الخير واول وجه من وجه الخير في نظر ناس كتير بناء مسجد اصلاح مسجد تكييف مسجد ما اعتقدش انها منظرة اكتر ما هي خطوة حقيقية للتقرب من ربنا ما هو برده في ناس بتساعد مساكين و نيتها المنظرة والرياء
هو سوء تقدير لاوجه الانفاق المطلوبة في المجتمع ليس الا
وربنا يتقبل من الجميع
مارو
ازيك عامل ايه
معلش فى الاول كده انا عايزه ازغرط اشمعنى انت
لولوولولولولىىىىىىىى
لولولولولولىىىىىىىى
اااااااااااااه
نفسى اتقطع خلاص
استنى بس كمان مره
زغروطه كمان
لولولولولىىىىىىىىىىىى
هييييييييييه
...........................
بس والله يا مارو انت برضه عندك حق
يعنى يكييفوا المسجد ولا يحلوا مشاكل الناس الغلابه
واحنا داخلين على رمضان اهو
ما دام المراوح عامله شغل كويس فى المسجد لازمته ايه المكيف ؟
انا مش احب المنظره
خالد مبروك على اول التعليق
ومن
انا مش اقصد منظره عى اد ما اقصد جهل
رامز
ايه الحلاوه دى ياض
ههههههههههههههههههه
حسن
معلش انت مش اول تعليق هههههههه
استاذ حسن
و الله كلامك زى العسل
حكومتى ملاك
اهلا بيك يا مان نورتنى
احمد اشرف
اسمحلى اختلف معاك
لو جنيه واحد يبقى الناس اولى بيه لكن مش ينفع نقول مش المكيفات اللى هتفرق
بطه
فعل الخير ماشى و مطلوب و محبوب بس فى اولويات
ريمان
هههههههههههههههه
ايه الزغاريد دى كلها بطه مش بتعرف تزغرد
حبيبي مارو
والله يا بيبي التكييف مش مشكلة كبيرة لأنه مش موجود في جوامع كتيرة يعني مش ظاهرة ... أما اللي ظاهرة وظاهرة كبيرة هى المتسولين والشحاتين اللي مليين البلد , ومع أنى مليش في موضوع مسلم ومسيحي إلا أنه العدد الأكبر من الشحاتيين مسلمين وده وكتير من الكنائس مكيفة في مصر ولكن متلقيش شحات واحد مسيحي بس المسلمين الشحاتين يالهوى مليين البلد
المشكلة مش في التكييف المشكلة في فلوس الزكاة والصدقة اللي مش بتوصل لمستحقيها_
مممممم
بتهيالى مفهاش حاجة لو حطينا تكييف فى الجامع
بس المشكلة انه بيتفتح ساعة الصلاة بس
ليه مفيش دروس ف المسجد؟؟؟
انا كمان المسجد اللى برحه فيه تكيييف
Dank den Themen .... Ich hoffe, mehr von den Themen
إرسال تعليق