الأربعاء، ٣٠ يوليو ٢٠٠٨

غزاله المصريه حامل فى سبع توائم

الاسكندريه : مستشفى الشاطبى
بقلم محمد مارو

اكدت مصادرنا الخاصه فى الاسكندريه ان السيده غزاله فتحى حامل فى سبع توائم مره واحده

فى حاله اكد الاطباء و الخبراء العالميين انها من اشد حالات الحمل ندره

و قد استعدت مستشفى الشاطبى للحاله بكل ما اوتيت من قوه

و المستشفى على كافه الاستعدادات لاستقبال الاطفال

السيده غزاله لديها ثلاث بنات و ها هى الان حامل فى سبع توائم

يبقى المجموع عشره اطفال ربنا يبارك لها فيهم

اعتقد ان لسان حال السيده غزاله بيقول
بالعند فيك يا مبارك و بالعند فى كل اعلانات تحطيم الاسره ادينى جبت سبعه مره واحده

و بالعند فى اعلاناتك اللى انت ارفنا بيها فى الشوارع

قبل ما نزيد مولود نفكر هل اكله موجود ؟
هههههههههههههههه
يلا يا عمو اشرب
.................
تحديث
انا على فكره مع تنظيم الاسره جدا جدا
ع شان لاحظت ان البعض فهمنى غلط
هى بس الاستظراف حبك منى مش اكتر
و زى ما بيقولوا القافيه حكمت

هناك ٢٠ تعليقًا:

Unknown يقول...

مش موافقاك علي رأيك لان ده بسميه جهل لو بحثت ظروف الست دي هاتلاقي انها و جوزها مش حمل عدد الاطفال ده كلو يبقي عاندوا مبارك ولا أذوا اولادهم انا مع حملة وقفه مصريه لاننا فعلا محتاجينها ولازم الناس تفكر بقي

تحياتي

رامز عباس يقول...

انا شارب في كلامك ريحه السخرية

من حسني مبارك


بس هو مش خسران المواطنه غزاله اللي خسرانه



وبعدين


الخوف الاكبر اننا معدناش بنتهتم بالانسانيه


فالست دى لو خدت رعايه مش هنحس بالذنب



اتجاهها


كلامك مميز فانها خالفت الاعلانات


وتنظيم الاسرة


محنا طول عمرنا بنخالفه علشان هو بيخالف القوانين والدستور


بس هو مرتاح واحنا اللي بنتعب


عموما

ربنا يقويها وتربيهم كويس

خالد فوده يقول...

هأهأهأهأ
دي غزاله ؟؟
دي ارنبه يا بابا
غزاله مين
اهي جابت اللي كانت هاتجبهم علي سبع مرات علي مره واحده
هههههههههههههههه
يا سلام علي اخبارك يا مارو

خالد فوده يقول...

هأهأهأهأ
دي غزاله ؟؟
دي ارنبه يا بابا
غزاله مين
اهي جابت اللي كانت هاتجبهم علي سبع مرات علي مره واحده
هههههههههههههههه
يا سلام علي اخبارك يا مارو

محمد مارو يقول...

ايمى
انتى فين من زمااااااااااااااان
على فكره انا مع تنظيم الاسره جدا

بس الاستظراف هو اللى حبك منى بس

محمد مارو يقول...

رامز
منور يا قمر

محمد مارو يقول...

خاااااااالد
عيب تقول كده يا ولد هههههه

حسن حنفى يقول...

ايه المصادر دي

هو انت مشغل ممرضين جواسيس

ههههههههههه

:d

sun_of_freedom يقول...

هههههههههههه
7 توام ماشاء الله


والله هى الفكرة نفسها مش فى تنظيم الاسرة او عند مع الريس


لكن دى إرادة ربننا وغرادة ربنا فوق كل شئ


ودى حاجه مفيهاش تنظيم اسرة ولا نسل


اما بقا يفكر فى الاكل الاول قبل ما يجى والله بجد صح لسانك


بس متظلمهوش متنساش انه بيحوشلنا فى بنوك سويسرا

نبطل بقا سياسه ونقول لاخت غزاله

بارك الله فى مولدها وبوركت

وجعلهم ذريه صالحه

ريمان يقول...

هههههههههههههههه

مارو

فكرتنى بأمى

على ايامها كانت حامل فى تلاته توأم اللى هما اخواتى يعنى

المهم

كانت برضه الحاله حرجه جدا وخطيرة اوى اوى

ولما ولدت التلاته جت الصحافه تصور

وطلعت صور اخواتى التلاته التوأم فى الصحف والمجلات

وكانت فضيحه بجلاجل

امى كانت بتقولى انها اخدت كلام وتريقه

كتيييييييييييير

جدى الله يرحمه اول لما الدكتور قاله مبروك بنتك جابت تلاته مرة واحده

جدى صوت وقال :

اعوووووذ بالله

اعوووذ بالله

اعوذ بالله من غضب الله

اعوذ بالله من غضب الله

ههههههههههههههههههههههههههه

وكان كل الناس بيخافوا يبصول لاخواتى لان كان شكلهم مرعب زى الفران بالظبط

او عرايس اللعبه

وكان كل الناس بيقولوا انهم هيموتوا

بس الوقتى زى القرود ربنا ما يوريك ابدا يا مارو

مطفحينى الدم مع انى اختهم الكبيره

بياكلوا اكلى زى ما انت عارف

اهى ء اهى ء

مدحت محمد يقول...

يارب يباركلها فيهم

على فكرة يامامورتى فى حاجة

تنظيم النسل كلمة شرعية

اللى حرام كلمة تحديد النسل

لان موضوع الخلفة ده بيبقى بايد ربنا

ميرا ( وومن ) يقول...

مارو

هي صحيح القافية حكمت بس ربنا يعينها عليهم وياريت الناس تهتم بانها تعرف هي في مقدرة انها تربيهم ولا محتاجة مساعده

يعني انا فاكرة ان اننا وانا في 3 إعدادي كان في واحدة امريكية ولدت 14 ولا 17 توءام وساعتها مصانع لبن الأطفال اتبرعتلهم بلبن لمدة سنتين ومصانع الحافاضات وملابس الأطفال

الكلام ده في امريكا هنا بقي بنعمل للحالات النادرة دي ايه ولا حاجة

بنت الاسلام يقول...

ربنا يكون في عونها وعون الاسرة كلها بس هي ارادة ربنا حط يامبارك انت ونظامك قوانين الدنيا كلها الا انك للاسف عمرك مهاتقدر تمنع روح ربنا اراد لها الوجود مهما كانت الخطة محكمة

تحياتي

WhItE HeArT يقول...

يانهار ابيض

انته بتتكلم بجد ؟؟

ده مش ممكن


ده انا لو اتجوزت ومراتي عملتها انا ممكن اموت فيها

ربنا يكون في عون جوزها


وانا معاك من اشد مؤيدين تنظيم الاسرة


تحياتي

غير معرف يقول...

مارو

أزيك يا واااااااااد

أنا شايف يعني أن الست مش خسرانه ولا حاجة لأن الحمل ده مكانش بأديها يعني هي كان ممكن تعمل منع حمل لكن لا تقدر على تحديد عدد المواليد في المره الواحده وهذا من طلاقة قدرة الله .


أتمنى لك دوام التوفيق


نعقل كلنا ..

نشرب من البحر كلنا .


أخوك نيجــر .

احمد اشرف يقول...

بصراحه الست صعبت عليا ربنا يكون فى عونها تحسن تربيتهم

Nada يقول...

ياخبر ابيض سبعة مررررة وحدة
هياكلوهم منين ولا هيصرفو عليهم منين
ربنا يتولاهم

Hosam Yahia حسام يحيى يقول...

هههههههههههه

عصفوره

مش غزاله

:d

غير معرف يقول...

شكراًعلى المدونة الزبالة دى التى هى مثل صاحبها الوسخ الحمار الذى هو تبع مصلحتة فقط

Entrümpelung wien يقول...

Dank den Themen .... Ich hoffe, mehr von den Themen