السبت، ٨ مارس ٢٠٠٨

عاوز حمايه ليك و لاولادك و لاصحابك ؟ انضم لحمله حمايه



حمله حمايه


يقوم الاستاذ عمرو خالد حاليا بعمل حمله رائعه


تسمى بحمله حمايه


لحمايه كل فرد من من المخدارات و علاج المدمنين منهم

استنى استنى رايح فين ؟

هتقفل المدونه ليه؟

استنى بس

انا عارف انك هتقول انا مش مدمن و انا مالى


اولا لو انت مش مدمن كده نقول الحمد لله

بس ممكن اوى واحد مدمن يدخل مدونتك و يشوف اللوجو او البنانر و يروح يتعالج

او ممكن هو يكون عارف واحد مدمن

المهم ان الفايده هتعم

ثانيا

مينفعش تقول انا مالى

لانك مسلم

و المسلم بيهتم بامر اخوه المسلم

فخليك معايه و اقرا الموضوع بجد مش هتخسر حاجه


الحمله باختصار


اولا الحمله و اهدافها


تهدف الحملة إلي إشراك المجتمع في جهود التوعية لابعاد الاجيال الجديدة عن تعاطي وإدمان المخدارت وذلك بالتركيز علي أمرين اساسين :
1- اقناع وتوعية الاصحاء ليبقوا اصحاء.
2- توجيه المدمنين ليبدأو برنامج العلاج.
وسيتم ذلك من خلال حملة لمدة خمس اسابيع مطلوب فيها من المجتمع المشاركة في تحقيق الهدف.


وسائل تحقيق الهدف



سيتم قياس تحقيق الهدف من خلال ثلاثة وسائل محددة قابلة للقياس وهي كما يلي :
1- وضع مليون استكير بعنوان "لا للمخدرات".
2- إقامة خمسة الالاف Event في العالم العربي.
3- توجيه خمسة الالاف مدمن عربي لبدء برنامج العلاج.



شرح وسائل تحقيق الهدف


1- وضع مليون استكير بعنوان "لا للمخدرات" في أماكن تجمعات الشباب مثل النوادي والجامعات والمدراس الثانوي وغيرها من الاماكن العامة الشبابية. وقد تم تصميم استكير موحد سيوضع على مواقع الانترنت المختلفة ليسهل طباعته وتقليده مع وضع عداد على مواقع الانترنت للتاكد من تحقيق المستهدف.

2- إقامة خمسة الالاف Event في العالم العربي يقوم بها الشباب بتوعية بعضهم البعض مثل (حفل غنائي – خطبة جمعة – ندوة مدرسية – برنامج فضائي -ماراثون جري – فقرة في الإذاعة المدرسية – ندوة دينية – مقال صحفي- ندوة مع شخصية مشهورة ... إلي غير ذلك).
على أن يتم توفير أفكار ومواد دعائية للشباب على مواقع الانترنت المختلفة ليقوموا بطباعتها واستخدامها، وسيتم ايضا وضع عداد على مواقع الانترنت المختلفة كوسيلة قياس لتحقيق المستهدف.

· تعتبر الوسيلة الاولى والثانية السابقتين تمهيدا مهما واساسيا لتحقيق المستهدف الثالث والاخير.


توجيه 5 الالاف مدمن عربي لبدء برنامج العلاج : وهو مستهدف صعب وليس بالسهل لكنه قابل للتحقيق، خاصة وأنه سياتي بعد تهيئة الاجواء بين الشباب من خلال المليون استكير والـ 5000 Event . والمقصود هنا هو بدأ برنامج العلاج وليس العلاج نفسه فمن المعروف أن العلاج يستغرق فترة من اربع إلي ستة اشهر بينما المستهدف هنا هو بدء برنامج العلاج بمعنى أن تتحرك إرادة المدمن نفسه ويتصل بحملة حماية من خلال الـCall Center المخصص لذلك أو الايميل السري المخصص لذلك ليطلب توصيله بالمراكز المعالجة للادمان ليبدأ برنامج العلاج. وقد تم الاتفاق مع معظم مراكز علاج الادمان في العالم العربي لتوفير الاسرة بشكل خاص لحملة حماية وعمل خصومات مالية تصل إلي 50 % للمدمنين القادمين من طرف الحملة، كما تم الاتفاق ايضا مع هذه المراكز لتوفير جزء مجاني من الاسرة والعلاج للفقراء حتى لا تكون الحملة للاغنياء فقط. وسيتم الاعلان عن ارقام الـ Call Center والايميل السري والمراكز العلاجية من خلال الفضائيات والصحف والاذاعات ومواقع الانترنت


لمزيد من التفاصيل عن هذه الحمله



لا تتردد و تقول انا مش مدمن و انا مالى


ممكن لو حطيت البانر او اللوجو او الاستكير عندك واحد مدمن او يعرف واحد مدمن ممكن يساعده

و نساعد بعض كلنا


و كده نكون فعلا مسلمين

هناك ٢١ تعليقًا:

walaa يقول...

اول تعليق اقرا واجاى تانى

محمد مارو يقول...

تنورى

mohammed alsha3r يقول...

تسلم يامرو

ويسلم عرضك الجميل

عاوزين همه بقى من باقى المدمنين

قصدى المدونين


وانت ماشاء الله دايرتك وسط المجتمع التدوينى واسعه

ومتنسوش قايمه الشرف

walaa يقول...

والله عندك حق
الشباب بقوا ماسكيين الحشيش كده علنى وبيبعوه فى الشارغ
فييين الحكومه متعرفش
واكنها هى فرحانه بكده
فعلا لازم نعمل حاجه لننقذ بلدنا من الورطه دى والشباب العربى زى ما عامل عمر خالد
وربنا يستر على شبابنا من الادمان
وتدميير اسرائيل ليهم
تحياتى ولاء

Hosam Yahia حسام يحيى يقول...

حمله راائعه

وتستحق منا تفعيلها

ان شاء الله اشارك معاكم فى الحمله دى

محمد مارو يقول...

تسلم لى يا شاعر

و يا رب نطلع بنتيجه

محمد مارو يقول...

ولاء
اه و الله فعلا فى كل مكان الحشيش و البانجو

بس مش تنسى تحطى اللوجو بتاع الحمله عندك

محمد مارو يقول...

تنور يا حسام بس مش تنسى اللوجو حطه عندك ع شان الكل يعرف

ammar يقول...

والله عندك حق يامارو
مانت عارف قصة الحلاق جارنا
تصدق ماشربش امبارح
علشان كده انا قايم النهارده ضايع خالص
ههههههههههههههه
انا مع الحمله دى
ومنزلها على مدونتى انشاء الله

محمد مارو يقول...

يا بختك يا عمار كل يوم تعمل دماغ وصايه مين ادك يا مان ؟

ريهام يقول...

سلام عليكم
اشكرك يامارو على الكلام المهم ده وان جت لك الفكرة انك تنشروا فى مدونتك لان انا واحده من الناس اللى مكنتش اعرف او سمعت عن الحمله دى بتاعت الاستاذ عمرو خالد وعموما ربنا يجازيك كل خير لان فعلا الموضوع مهم ولازم كلنا نهتم بيه سواء مدمنين او اصحاء وان شاء الله ييجى بفايده

كان نفسى ابقى اول تعليق يامارو بس معلش تتعوض بس اعمل ايه للنت الخربان عندى ربنا يهديه بقى

محمد مارو يقول...

ريهام

مش مهم اول تعليق

المهم تنورينى ديما

حمادة زيدان يقول...

انا علقت كتير اوى
والبلوجرز قرفني بايظ عندي
والنت زهقني
بس هاعلق بردوا واشكرك واشكر استاذ عمرو خالد واشكر شاعر وكل متبني لتلك الحملة
يارب حبيبي التعليق ده يتنشر
أخوك
حمادة زيدان

مدحت محمد يقول...

برافو عليك يامارو
استنى اسقفلك
بس اما اخلص الساندوتش اللى فى ايدى
على العموم
عشان الساندوتش هقلك جزاك الله خير
وجعله فى ميزان حسناتك
تحياتى

محمد مارو يقول...

انتشر يا حماده

محمد مارو يقول...

كده يا مدحت بئه انا بقول عليك حبيبى

فى الاخر تاكل من غيرى ؟

و ايه ده ساندوتش كامل مكنش العشم

موناليزا يقول...

جزاكم الله خيرا
وياريت كلامك وكلام اى حد مهتم بشبابنا يوصل
وياريت كمان شبابنا يقبل النصيحة ويعرف ان اعدائنا كتير اوى

Hossam Nasr يقول...

سبحان الله جئت أدعوك لشيء مشابه فوجدتك سبقتني بخطوة
"وفي ذلك فليتنافس المتنافسون"

وندعوكم أن تؤازونا في حملة من حملات النصرة تحت عنوان "مسلمون...لربهم طائعون" والتي بدأناها بحملة ضد التدخين تجدين التفاصيل على الرابط التالي
http://kawlansadida.blogspot.com/2008/03/blog-post_09.html

وهذا مجهود المقل يا أخي فتقبله مني

أسال الله أن يرزقنا وإياكم الإخلاص

بنت الاسلام يقول...

يارب نقدر بجد نشارك بقوة

وان شاء الله نشارك في الحملة الرائعة ديه

وياريت كمان الي يقدر مننا يكتب طرق التعامل مع المدمنين يبقي كتر خيره

عندنا في العيلة مشكلة غريبة

ابن عمتي


طالب ثانوية عامة

17 سنة

شلة فاسدة

بدا بالسجاير والله اعلم في اكبر ولا لا

المشكلة مش فيه

في عقاب والده ليه

تخيل بدل مايساعده في حل الازمة ويفهمه بالعقل خطأه

تخيل عمل ايه

حرمه من التعليم

اه والله زي مابقولك كدة

قعده من التعليم

فانا بسال ليه دايما بنعالج مشكلة بمشكلة اكبر

انا شايفة بالاضافة لمكافحة الادمان علينا ايضا مكافحة ادمان الاهالي للعنف ضد مشكلات اولاده

اسفة للاطالة

وان شاء الله نشارك وبكل قوة

تحياتي

Hossam Nasr يقول...

السيدة بنت الإسلام
كما قلت في التعليق السابق أنني قد بدأت مشروعا مشابها في مدونتي الخاصة وفي طريقي للبحث عثرت على مجموعة صوتية للشيخ محمد إسماعيل المقدم حفظه الله حول طريق الإقلاع عن التدخين والتعامل مع المدخن. عساها أن تكون بفائدة. لرابط
http://www.islamway.com/?iw_s=Scholar&iw_a=series&series_id=1055
رزقنا الله وإياكم الإخلاص والقبول

السيد محمد مارو
أستأذنك في أخذ الشعار ووضعه في المدونة الخاصة بي مؤازرة لنا لشخصكم وللقضية
رقنا الله وإياكم الإخلاص والقبول

يورو يقول...

مارو
ياريت فعلا زى م قولت
يكون لكل واحد فينا دور
حتى لوهو مش مدمن
وان شاء الله كلنا مع بعض نعمل حاجه

انا هستاذنك احط البانر عندى فى المدونه

تحياتى