الخميس، ١ نوفمبر ٢٠٠٧

حراااااااااااااااااااميه

مش عارف ايه بلد الحراميه دى ؟

البلد اللى لا بيحكمها قانون و لا دستور و لا اى حاجه

المفروض فى اى بلد محترمه بيكون فى قانون بينظم تعامل الافراد مع الحكومه و
مع الموسسات الحكوميه

عشان لا المواطن يسرق الحكومه و ده طبعا صعب و لا ع شان الحكومه تسرق المواطن بس للاسف ده اللى بيحصل
عندنا فى مصر مثلا

انا اتخرجت و الحمد لله و روحت اشوف موقفى من التجنيد
اخت تاجيل لمده ثلاث سنوات

بس طبعا مختوش ببلاش

انا كان لازم ادفع ما علينا دفعنا و كعينا

و بعد التلت سنوات ما خلصوا روحت اخد بئه المعافاه

قالوا ادفع كام يا عم قالى 15 جنيه

قلت له اوكى خد الفلوس اهه احسن من وشكم و
مش عاوز اروح الجيش ده

مش تهرب منه بس ع شان التحكم اللى فيه ده و الذل و المهانه

دفعت قالى تعالى بعدها ب 15 يوم خد الشهاده روحت اخدها قالوا

ادفع تانى قلت اوكى كام يا عم قالى 5 جنيه قلت ماشى
خد اهوه و خت الشهاده و مشيت

اخويه بئه اصغر منى شويه

هو معاده ياخد شهاده المعافاه بعدى راح ياخد الشهاده
بعد ما اختها بشهر بس

انا واخدها فى رمضان

هو واخدا اليوم

بس طبعا ده شهر و لازم الفلوس تغلى

انا كنت دافع 15 جنيه فى الاول

هو دفع 25 جنيه

انا فى المره التانيه دفعت 5 هو دفع 15 جنيه

انا بئه عندى سؤالين

هو ليه الفلوس دى مش ثابته و اضمن منين ان الفلوس دى
مش اللى فى الادراه اللى بيخدوها مدام كل يوم بتغلى كده ؟
كمان
الفلوس دى بتروح فين ؟

انا يوم ما كنت رايح كان فيه حوالى 1000 شاب
او اكتر كنا كتير اوى فعلا
و ده من منطقه واحده

و كل يوم هنقول فى 1000 بيخدوا منهم 25 جنيه يعنى 25000
جنيه كل يوم من منطقه واحده
ده من تاجيل الجيش بس

تعالوا كده نشوف استخراج البطاقه

ع شان تستخرج بطاقه لازم تدفع 15 جنيه استماره لو قلنا
كل يوم فى مليون واحد بيستخرج بطاقات يبئه فى 15 مليون جنيه

و شهادات الميلاد بئه ب 27 جنيه

و زى ما بيقولوا كل دقيقه فى 4 مواليد شوفوا بئه فى
اليوم كام مليون ع شان شهاده الميلاد
عاوز اعرف كل الفلوس دى بتروح فين

و لما يجوا يبنوا مدرسه او مستشفى بيشحتوا عليها
زى مستشفى 57357
اللى شحتوا عليها من طوب الارض

لكن لما يبنوا مدينه انتاج اعلامى تلاقى الفلوس طلعت هوا
حسبى الله و نعم الوكيل

هناك ١٨ تعليقًا:

ابو النجوم يقول...

مارو
انت لسة فى اول الطريق وهتعيط اومال لما تدخل فى المراحل اللى بعد كدة يعنى مثلا عندنا فى مدينة بلقاس دقهلية عضوة مجلس شعب عملت تسعيرة للتعيين فى الحكومة يعنى تتعين فى الكهرباء تدفع 20 الف جنية وتتعين فى البترول ب 30 الف وتتعين فىوزارة العدل 30 الف وتتعين فى الضرايب 25 الف يعنى بقت تسعيرة جبرية تعرف ان دخول كلية الشرطة السنة دى بقى 75 الف جنية والحربية 50 الف .يعنى الحكاية بتخضع لقانون السوق من العرض والطلب واذا كانت الحكومة عارفة كدة وساكتة يعنى لازم انت تفهمها دة قانون شيلنى واشيلك يعنى كلة بيسرق كلة الحكومة بتسرق الشعب والشعب بيسرق فى بعضة احنا مجتمع الحرامية والسرقة للجميع
سلام ياصاحبى
عادل نجم

hekaytna يقول...

وايه اللي لسه بحاله علشان تقول حراميه؟؟ كونك تدفع علشان تاخد حاجه مش حقك ماشي بتكون رشوه انما المشكلة انك تدفع علشان تاخد حقك وانت عارف انه حقك دي بتكون اما سلبية المواطن او جبروت الموظف وعموما مبروك علي الشهادة واحمد ربنا انك ملبستش كان زمانك بتشد في شعرك من العدس والفول المسوس واللحمه الكاوتش واكتر من ده كله المعاملة الجميلة جدا

محمد مارو يقول...

اهلا بيك يا ابو النجوم
بس هو يعنى ده اللى المفروض نكون عليه
لازم نكون حراميه يعنى ؟
مفيش قانون ؟

محمد مارو يقول...

يا لول
اه طبعا الحمد لله انى مش لبست كان زمان دافع اضعاف بس انا بقول المفروض تكون ثابته

simple girl.. ..simple dream يقول...

طب انت ليه ماسألتوش عن الفلوس دى ليه ورايحة فين
انا اى فلوس مش باخد عليها وصل مش برضى ادفعها
ولو اتخانق معايا
بروح اشتكيه للاكبر منه
انا مش بحب حد يلبسنى العمة

بنت الاسلام يقول...

مرة راحة ادفع مصاريف الكلية ولاقيتلك ايه امم وناس في الخباثة تخلص وتمشي وانا بقي يعيني عبيطة مش فاهمة انهم بيدفعوا ويمشوا وروحت لان اليوم خلص تاني يوم اديت للفراش 5 ج والموضوع خلص في ثواني

لو بتسال عن الاسباب ليه فهي عديدة

اهمها الفقر الرهيب لموظفين الحكومة مرتباتهم مابتاكلهمش عيش حاف طبعا ده مش سبب لضياع الضمائر وموتها

وزي ما انت قلت

ربنا يرحمنا برحمته

Monzer يقول...

انت هاتحسب ايه ولا ايه يا عم مارو خليها ع الله
حد يحسب ورا الحكومة برده
وتصدق انت غلبان
بتعد عليهم الخمسة والعشرة جنيه
شعب ايحة صحيح :))

خليك فى الكبييييييييييير

Unknown يقول...

دي بلد كوسه يا باشا
و انا لقيت كوسه مكوسش ؟؟؟
اخويا قالي روح للعميد فلان روحت هناك خدونا لففونا الكشف و خلافه بسرعه هائله و سلمنا المدير بنفسه ال 10 جند
جيت اخد شهاده التأجيل
جه في يومها فرح اخويا كنت بتلكك مروحش لقيته قبل المعاد بأسبوع جالي قالي روح الهايكستب هناك لفلان الفلاني هيديك الشهاده
و في انتظار انتهاء ال 3 سنين

ملحوظه الفلوس دي مبتروحش للجيش دي بتتقسم جوه على العساكر و الظباط
لو جه تفتيش مبيخدوش حاجه من الناس

Unknown يقول...

يا راجل سيبك هي دي فلوس كلها راجعه للشعب الي بياكل و ينكر انت مش بتنظر حولك ولا ايه شوف المستشفيات و المصانع و الكباري و رغيف العيش و شعبنا الي يسصيف في سويسرا و يشتي ف اسوان

بلد عجيبه صحيح و شعب حقود بيعد علي الحكومه

احمد الجيزاوى يقول...

ابتسم ان فى مغارة و40 حرامى
بس من غير على بابا
احمد الجيزاوى

محمد مارو يقول...

ههههههههه شاهى هانم
انت بتهظرى احنا فى مصر يا ماما بلد صياع الحقوق
عجبنى اوى حكايه اخد وصل دى
فعلا احنا ادخنا مش وصل دول اربع وصلات
بس ليه كل يوم زياده كده
ده اللى بسال عنه

محمد مارو يقول...

بطه
للاسف ده حالا الان لازم نكون مرتشين و راشيين ع شان مصالحنا تمشى

محمد مارو يقول...

منذر
المشكله مش فى الخمسه او العشره جنيه
المشكله ليه كل يوم زياده
كمان لو حتى جنيه او شلن حتى لازم احافظ ع حقوقى

محمد مارو يقول...

الكلام ده لو صح يا صبحى و انهم بيقسموا ع نفسهم كده تبئه بلد حراميه بقرار جمهورى

محمد مارو يقول...

ايمى ع رئيك فعلا
انا لسه راجع من اسبانيا جميله اوى

محمد مارو يقول...

جيزاوى ايه ده انت متعرفش مين الحرامى ؟
انت مش بتفهم ؟
الحرامى طبعا كلنا عارفينه
هو هو هو هو
حضرتك طبعا

nosha يقول...

مارو حبيب قلبي
بص بقى يا عم الحج إنت لو قعدت تحسب الفلوس اللي داخلة البلد أد إيه هتقعد تحسب كتير أوي ... وبرده لو قعدت تحسب الفلوس اللي بتتسرق من البلد هتقعد برده تحسب كتير أوي
وعموماً بقى خليها على الله أدينا بناكل وبنشرب وبنلبس ولسه عايشين والحمد لله
وحسبنا الله ونعم الوكيل في الظالم والحرامي اللي ياخد قوتنا وقوت أهلنا وقوت الشعب ده كله

ابن رشد يقول...

يا مارو لا تقلق فلوسك كدة كدة مسروقة في بلد مفيهاش الا حرامية كدة كدة انت مسروق ما تحاولش بالزوق مخنوق بالعافية مسروق فش غليلك احسن